الرئيسية / أنظمة غذائية / الرد على بعض الأسئلة الهامة بخصوص الصيام المتقطع

الرد على بعض الأسئلة الهامة بخصوص الصيام المتقطع

السلام عليكم ورحمة الله وبركاته، معاكم دكتور أحمد منصور، دلوقتي هتكلم معاكم في بعض الأمور الخاصة بالصيام المتقطع وهجاوب على شوية أسئلة إتبعتت لي إمبارح، بعد موضوع الرجيم المتقطع.



محدش يقدر ينكر عظمة الرجيم ده، ودوره الفعال جداً في التخلص من الوزن الزائد، واللي مخليني مصر على أننا كلنا نبدأ فيه مش بس دوره الفعال، في حرق الدهون، لكن كمان فوائده الرائعة على الصحة بصفة عامة، وأنا في دايت كلينيك يهمني إني أشوف كل المتابعين في صحة وعافية.

وحقيقي بدون مبالغة 100 موضوع مش هيكفوا كلام عن فوائد الصيام المتقطع، لكن خليكم معايا ومن وقت للتاني هتلاقوا إشعار على الموبايل فيه معلومة جديدة هتفيدكم، لحد ما تعرفوا كل شئ عنه، وساعتها يكون نظام حياتكم اللي تكملوا فيه سواء وقت التخسيس أو التثبيت.

ممكن أنزل كم كيلو جرام بالصيام المتقطع؟

هتنزلي بنفس معدل أي رجيم تاني، لكن بأي رجيم بييجي وقت ومعدل النزول بيقل جداً، لكن إن شاء الله مع الصيام المتقطع، هتحافظي دايماً على معدل مرتفع من حرق الدهون مهما طالت مدة إتباعك للنظام الغذائي.

إن شاء الله هيكون معدل النزول شهرياً من 8 كيلو إلى 12 كيلو .. لو إلتزمتي.

هل يمكن للمرضعة أو لمريض السكر والضغط إتباع نظام الصيام المتقطع ؟

بالنسبة للمرضعة حاولي تقسمي يومك 12 ساعة صيام ومشروبات خالية السعرات الحرارية ( أي بدون سكر ) و 12 ساعة مسموح فيهم بالأكل والمشروبات الأخرى والعصائر والألبان وهكذا.

بحيث إنك متحرميش طفلك من كمية اللبن اللي بيحتاجها، متصوميش أكتر من 12 ساعة ..
يعني 8 ساعات حضرتك كده كده نايمة فيهم ..
و على مدار اليوم 4 ساعات هتكوني صاحية وهتصومي وليكن ساعة في الصباح وتلاته بعد الثامنة مساءً على سبيل المثال.

بكده هيكون الموضوع سهل جداً .. ومناسب لظروفك كمرضعة، ومش هتتحرمي من الصيام المتقطع كنظام فعال.

 

هل يمكن الإشتراك في تحديات دايت كلينيك الأسبوعية وأنا مرضعة ؟

ممكن ولكن هتحتاجي على مدار اليوم تضيفي

حصة مكسرات ( من 3 : 5 )  حبات ويفضل اللوز

كوب حليب إضافي
كوب زبادي إضافي
وباقي منتجات الألبان .. يمكنك إضافة 50 جرام جبنة قريش أو من أي نوع جبنة خالية الدسم.

بيضة مسلوقة إضافية عن المكتوبة في النظام.

كوب عصير إضافي
ثمرة فاكهة

 

ممكن كمان بحذر شديد تزودي حصة النشويات والبروتنيات يعني معلقة أرز إضافية أو إثنين.

50 جرام إضافي من اللحوم المكتوبة في نظام التحدي الأسبوعي العادي.

 

لو عملتي كده تقدري بكل بساطة تكملي معانا في التحديات.

 

مريض السكر والضغط ؟

على الرغم من أن الأبحاث العالمية حالياً .. تشجع على أن يتبع مريض السكر والضغط رجيم الصيام المتقطع إلا أنني وحرصاً على سلامتكم .. أوصيكم بإستشارة طبيبك المعالج قبل الشروع في أي نظام غذائي سواء بصيام متقطع أو أي حمية من نوع آخر.

 

ياريت لو عندكم أي سؤال إكتبيه فوراً في كومنت ..
ولو مش عندك أسئلة .. عرفيني في كومنت الموضوع فادك ولا لأ ؟

 

علشان توصلي لـ رجيم الصيام المتقطع اللي هيبدأ من السبت القادم إضغطي (هنا).

عن د/ أحمد منصور

94 تعليق

  1. غير معروف

    شكرا دكتور انا متابعه من اسبوعين والحمد لله الوزن نزل وهابدا معاكم من السبت الصيام المتقطع شكرا لمجهودك معنا

    • د/ أحمد منصور

      الحمد لله رب العالمين

      طمنينا
      نزلتي كام كيلو ؟؟

      • غير معروف

        مساء الخير دكتور وشكراًإلك على هذا المجهود هل يجوز الفطور بعد شرب الماء مع العسل بساعه وأفضل وقت لرياضه خلال نظام الصيام المتقطع

        • غير معروف

          هل نظام الصيام المتقطع ينزل دهون البطن لني عامله ٤ عملية قيصريه ودهون متراكمه في البطن

      • باذن الله معاكم فى الصيام المتقطع 😊

      • تحية من لبنان دكتور. الأنظمة الغذائية التي تقدمها جدا مفيدة. أنا ملتزمة بالصيام المتقطع . إنه سهل . شكرا لك

  2. اسراء ناصر

    كلامك مفيد جدا
    ونشكرك على جهودك ونقدر تعبك معنا
    لكن عندي سؤال
    انا ولدت برمضان اللي فات
    فطرت كل الشهر
    وانا حاليا عم اقضيه بالشتاء لقرب اذان المغرب
    كيف انظم اكلي بحيث اقدر انزل كمية كبيرة من الدهون

    • د/ أحمد منصور

      ربنا يعزك يا أستاذة إسراء

      تقدري تاخدي المكتوب في وجبة الغداء تفطري بيه

      وبالنسبة للسحور ممكن تأكلي فيه اللي أنا كاتبه في الفطار أو في العشاء

  3. هو ال 14 ساعه صيام منهم النوم طبعا صح ؟ يعني مثلا لو الواحد بينام 10 ساعات كده يعتبر هيصوم ٤ بس ينفع ولا لا
    تاني حاجه اخر وجبه قبل النوم تبقي قبله بكام ساعه ولا مش هيفرق هنا ؟

    • جاوبك الدكتور؟!!
      لاني متلك حابة اعرف الجواب

    • د/ أحمد منصور

      صح 10 ساعات نوم وأربعة صيام وأنتي صاحية

      • لو سمحت ي دكتور انا وزنى 68 ك و طولى 169
        و انا الجزء الاسفل مليان عن جسمى الا فوق
        عايزة دايت ينزل الدهون العنيده مش العضلات و اكون شاكره حضرتك

  4. يعنى بالنسبه ليا فى الرضاعه ممكن اشرب حليب فى ساعات الصيام ولا لا ولو ينفع هل ينفع اضيفله معلقه صغيره عسل ابيض ولا لا ؟؟؟

  5. غير معروف

    حضرتك انا بنسبالى بفطر الساعه ١٢ هايبقا أى النظام ؟

  6. عندي سكر من النوع التاني وزني ١١٥ وطول ١٧٠ سكري دايما عالي وباخد انسولين مكس ترد وكان ظابط معايا دلوفتي سكري واطي وقفت الأنسولين ويأكل شوكولاته وبردو واطي بيكون ١٠٠ او ٨٠ او ٧٠

  7. دكتور من فضلك انا متعوده اشرب نسكافيه كتير بسكر يعني السكريات بتخليني كويسه ومش مصدعه لو بدلت بكر دايت في اي مشروب عادي ولا غلط مع العلم لومخدتش سكريات بيجيلي صداع جامد

    • د/ أحمد منصور

      كفاية معلقة سكر واحدة في المشروب الواحد

      ولو كوباية أعشاب ممكن تحليها بربع معلقة عسل أبيض

      بالنسبة لصداع نقص السكريات
      فضروري تهتمي بتناول الفواكه ومعلقة العسل الأبيض أو الأسود على الريق

  8. غير معروف

    انا مرضعه وكلامك فادني كثير وان شاءالله معاكم من السبت نبدأ

  9. السلام عليكم
    ينفع اوخد حليب وزبادي 1 في الميه دسم
    وهل يجوز اضافة مكعب مرقة ماجي الى الشوربة والخضار المطبوخ؟

    • د/ أحمد منصور

      ممكن مفيش مشكلة
      يا أم أمين

      • غير معروف

        دكتور الماء مسموح باي وقت
        وبنسبة للزهورات او القهوة الي خالية من السكر ممكن اشربها

  10. بجد حضرتك تستاهل كل خير وان شاء الله ابدا معاك ويارب النهايه تكون سعيده

  11. هو انا معاكم في حافز والحمدلله انا نزلت تحت ال91 ودايما بدي نفسي اكتر ﻹن الميزان مؤشر لكن اللي مفرحني السنة اللي فاتت كنت بقول اني كسرت ال 100 بطريقة عكسية يعني عديتها والحمدلله السنة دي بقل انا ملتزمة معاكم بس مشكلتي بحب الحلويات وبعملها للولاد وباكل منها بس برضو احسن بكتير من السنة اللي فاتت يا رب استمر صعب اني افضل فترة طويلة ما باكل بس هحاول بإذن الله
    وزني 91
    سني 40
    طولي 158

    • د/ أحمد منصور

      إن شاء الله معانا توصلي للوزن اللي بتتمنيه

      طمنينا عليكي دايماً يا أســــــــتاذة هنا

  12. غير معروف

    من فضلك يا دكتور ممكن اول ثلاث ايام أصوم بس ١٢ ساعة لان عندي علاج لازم اخده كل ١٢

  13. مع حضرتك إن شاء الله

  14. الاسم حنان

    شكرا دكتور انا اعاني من الم المفاصل ونقص فتامين د بسبب الوزن الزائد كان 92 من شهر ونص صار 81.6 ومن حسن حظي شوفت التطبيق ورح كمل معاك انشاء الله جزاك الله خيرا وعندي طلب دكتور ياريت تتكلم على هاذ الفتامين اخاف الرجيم يأثر على صحتي وطلب ثاني ما دكرت زيت زيتون في النظام هل ممنوع بتمنة متهملشي. رسالتي وشكرا مرة تانية

    • د/ أحمد منصور

      حاضر

      موضوع مستقل بخصوص فيتامين دال

      سيكون متاح على التطبيق بعد قليل

  15. بالنسبه للاسبوع اللي احنا فيه
    لو في وجبه قولت بيضتين او جبنه قريش
    ممكن اضيفهم على بعض
    يعني اعمل بيض بالجبنه في طاسه تيفال؟
    بس كمية الجبنه اقل من المكتوبه عشان اخدت البيضتين؟؟

  16. Elhaddad fatima

    معلومات قيمة ومفيدة شكرا دكتور

  17. ربنا يكرمك و الله يا دكتور احمد اكيد استفدنا و جزاك الله كل خير ..

  18. يعني يا دكتور اذا انا فهمت صح بدل ربع رغيف يبقى نص وبدل 3 ملاعق رز يبقوا 4 أو زيهم مكرونة والأكل مطبوخ بطريقة دايت والصيام ممكن ازود 13 ساعة ولا اخليهم في الحالة 12 زي ما قلت وممكن استعمل ملعقة زيت ولا ألغيها في الطبخ برضه واكتفي بدهون البيضة الموجودة في النظام ؟

    • د/ أحمد منصور

      ممكن إضافة معلقة زيت واحدة على مدار اليوم

      الصيام للمرضعة 12 ساعة ومتاح تناول الطعام 12 ساعة

      باقي كلام حضرتك
      مظبوط

      بالتوفيق

      طمنينيا عليكي على طول

  19. غير معروف

    النظام ده ينفع للاطفال سن ٩ سنوات ولا لا ؟
    عندى استفسار الاسبوع اللى فات كانت اول مرة اتابع مع حضرتك نزلت ٢ ك رغم انى لغبطت شوية بس مش قوى وعلى طول حاسة انى عايزة حاجة مسكرة جه يوم الفرى واكلت حلويات وكان المفروض اكمل من السبت النظام الجديد مش عارفه اظبط ولا يوم دايما محتاجة سكريات ايه حل الموضوع ده ؟خصوصا انى بحس بتعب جامد وبفقد التوازن والتركيز مع العلم ان السكر والضغط بينخفضوا عندى احيانا
    ينفع نظام الصيام المتقطع ده يدخل فيه حاجه مسكرة ولا لا؟

  20. شيماء محمد

    الموضوع فادنى طبعا وشكرا يادكتور بس انا بصوم دلوقتى الصيام العادى متواصل ازاى اعمل نظام الصيام المتقطع

  21. ممكن نأكل خس يالليل لو جوعت بعد الساعة ٦؟
    و هل الكابوتشي يعامل معاملة الخس بعيدآ عن نظام الصيام المتقطع من حيث اني ممكن اكل منه اي كمية؟

  22. غير معروف

    لو سمحت اوقف اكل قبل النوم بكام ساعه ولا مش هتفرق في النظام ده ؟

  23. انا بشكرك كتير دكتور احمد وجزاك الله خيرا انا صرلي متابعة شهر ونزلت ٥ كيلو وانا فرحانة كتير وان شاء الله متابعة معاك لحتى اصل للشكل يلي بدي ياه

  24. ان شاء الله احاول ابدأ معاكم الصيام المتقطع ودي بداية الدايت ليا .ومشكلتي اني بسهر وبجوع الله المستعان
    بس لو حضرتك تقدر افيدني باي مشروب يسد النفس الله يكرمك

  25. غير معروف

    هل النظام ينتهي بعد ٧ أيام ام ستكمل لاخر الشهر لم أفهم هذه النقطة بالذات
    ثانيا هل ينفع مع ابنتي طالبة مع مجهود الدروس و المدرسة هي ١٦ سنة
    اشكرك علي الاهتمام

  26. Adris dls سومية

    سلام دكتور
    انا بشتغل اتناء النهار و بالتالي مابكلش و معنديش وقت اكل هل استطيع ان ابدأ الصيام الساعة عشرة مساء يعني وقتالعشا و اصوم لغاية الساعة ١٤٠٠ الظهر
    ارجو الرد

  27. هل دايت الصيام المتقطع ينفع اللي فوق ال ١٠٠ كيلو ؟؟؟

  28. مرضي الغدة الدرقية . ايه الاكل الممنوع عليهم . و نظامهم ايه في فترة الفطار .
    و كمان بالنسبة للصيام العادى من الفجر للمغرب .. هل. يحسب صيام متقطع و لا بيكسر الفكرة ؟
    و شكرا يا دكتور

  29. ناوية ابدأ معاكم بكرة ان شاء الله
    انا كنت بدأت فيه لكن حصل لخبطة في الوقت عندي
    مشكلتي أني عندي نقص شديد في فيتامين د لكن انا باخد جرعة اوسفورتين 10000 وحدة يوميا
    نفسي اخس 10 كيلو بس

  30. لو سمحت يا دكتور انا وزني فوق ال ١١٠ ك وطولي ١٦٥ سم هل النشويات اللي موجودة في النظام كافية ولا ازود؟ وقد ايه؟
    هل لازم رياضة مع النظام دا ولا النظام كافي؟
    اخر سؤال انا لا اتعامل مطلقا مع اي من منتجات الالبان ممكن اعوض عنهم بايه؟ زي الزبادي مثلا اعوض عنها بايه

  31. دكتور بعد اذنك انا مش بعرف اتحكم بكميه اكلي
    اعمل ايه
    مع العلم انا لسه مشتركه جديده
    ارجو الرد

  32. دكتور يسعد مساك انا والله صرت مو عارفه كيف اتخربش كياني يعني كيف هاد البرنامج ما عم اعرف كيف ممكن توضحلي اكتر لانه بصراحه مابعرف
    لسى اول مره

  33. غير معروف

    الله يسعدك ع قد ما بتحاول تساعد الناس
    عندي سؤال هل ينفع الريجيم دا ونوعيه الاكب الي فيه مع شخص يتمرن فالجيم لانقاص الوزن
    و اذا مابقدر اشرب حليب هل ممكن استبدله ب زبادي مثلا؟ او حتى اني استغني عنه ؟

  34. هبدا الصيام المتقطع باذن الله مع العلم ده او بدايه ليا في الريجيم وكان عندي برد وباخد مضاد ومسكن هل اعمله ولا انتظر شويا

  35. مرضي الانيميا نظامهم ايه لو سمحت يا دكتور ؟ ينفع لهم الصيام المتقطع ؟

  36. انا مشكلتى ان اكل قليل وباخد وجبتين بس وبرضع وبتخن مش عارفة ازاى ولما بمشى معاكو بحس انى باكل كتير ومش بقدر اكمل ياريت يادكتور تفيدنى
    انا طول 165
    وزنى 73

  37. يادكتور بعد اذنك هل ينفع الاستغناء عن الحليب قليل الدسم او نشرب نص الكميه وكامل الدسم ولا مينفعش

  38. ملك سليمان

    من فضلك يادكتور انا بعتلك اكتر من مره ومفيش رد مشروب الحلبة بتزود الوزن أو برشام هربانة هل فى ضرر على الرضيع من القرفه والجنزبيل ارجو الرد

  39. ملك سليمان

    سؤال كمان مهم جدا انا بحكم أن. عندى بيبى ٣شهور بنام نوم مقطع يعنى ممكن اربع ساعات يعنى حصوم١٠ساعات اعمل فيهم ايه ومواعيد الصحيان والنوم متاخر جدا ارجوك فدنى يادكتور اعمل ايه

  40. ملك سليمان

    لو انا حبيت اكل سمك او التونه وطبعا سلطه ايه بقى طبقة الخضار الحيتاكل معها

  41. انا وزني ٦٣ او ٦٤ تقريبا وطولي ١٥٧ قصيره وعندي ٢٥ سنه
    طبعا وزني زايد ومدايقني انا هتبع النظام دا بإذن الله لمده اسبوع ويارب يجيب نتيجه
    بس سؤال لو التزمت عليه نزل كام ف اسبوع

  42. شكرا يدكتور انا متابعه خضرتك واتمني ان الوزن يكسر ا100

    شكرا يدك واتمني وزني ينزلرمع حضرتك ومتفأله جدا بحضرتك 💜

  43. شكرا دكتور ممكن لو سمحت اعرف علبة الزبادي منزوع الدسم جزئيا ومحلى يجوز تناولها في العشاء ؟

  44. غير معروف

    دكتور اتا برضع وعندى الانسوليت ٢٠ وزنى تقريبا مش بينزل هل ليه علاقة بمقامومة الانسولين والرضاعة

  45. دكتور ان اول مرة بدخل وبصراحة مش عرفة ابتدي زاي

  46. غير معروف

    هو وجبه الغدا دا اختار نوع واحد بس من الفراخ او اللحمه او التونه او السمك ولا كل دا بس بكميات محدوده لان حضرتك قولت لو مقدرتش اكل كل الكميه ممكن نصها ؟

  47. السلام عليكم وزني 90والمشكله فالارداف والموخره ممكن نظام رجيم

  48. ملك طارق

    انا الحرق واقف واحيانا انا مش بعرف التزم قوي بالرجيم ممكن حضرتك تنصحني اعمل ايه وممكن مش بحس بالجوع طول اليوم والجماعة تبدأ في الوقت الغلط وباخد اوية للخشونة والتهابات المفاصل ارجو من حضرتك الرد لاني أشعر بالحباط

  49. انا وزني 116.7 و طولي 159
    بديت الصيام المتقطع …بس مشكلتي الامساك 😥😥😥😭😭😭😭😭😭…

  50. اولادي نور عيني

    مكملين في التحدي

  51. شكرا لك يا دكتور انا تاني يوم صيام و ان شاء الله مكملة وبحاول التزم

  52. غير معروف

    ملتزمه ان شاء الله

  53. غير معروف

    لو سمحت ينفع اكل السناك بتاعتى كيكه موز لايت هيا عبارة عن موز وبيض وفانيليا وبودر مفيش سكر ولا سمن ولا دقيق ينفع ولا لا

  54. نسيم الحياه

    السلام عليكم ممكن يا دكتور استعمل العسل الأسود مكان الأبيض في الصباح
    ..

  55. نسيم الحياه

    انا بابدا صبام الساعه ٤ العصر وبفتر الساعه ٨ الصبح اليومين الي فاتو بس عايزه أصوم يوم الاتنين والخميس والنظام هيتقلب معايه اعمل ايه وابدأ ازاي

  56. نسيم الحياه

    في حاله الإمساك الشديد اعمل ايه

  57. مكملة مع حضرتك إن شاء الله

  58. اهلا اهلا بالدكتور المزز
    متابعه الصيام
    يعني ما يتعرف مثلا لو من باب الصدقة
    ادخل النا قطعة تشوكليت دارك اهفها مع الكوفي

  59. ساعدني بليز

    دكتور انا هلق خلصت بكاء مشان الله كيف انزل وزني وك ماعم انحف ووزني ثابت وماعبغرف اش اعمل ساعدني مشان الله

  60. ان شاء الله مكملين معك بالصيام المتقطع

  61. مكملين انشاء الاه

  62. السلام عليكم دكتور انا فرح من الجزائر و انا منزلا التطبيق عندي ثلاث أشهر ومش عارفة استخدمو انا وزني 140 وطولي 165 وحابة انقص ومش عارفة ازاي انا لمى اتنرفز أفرغ قلقي في الأكل ارجوك يا دكتور أعلمني كيف استخدمو

  63. غير معروف

    لو سمحت انا بصوم صايم قضاء رمضان كيف ممكن يكون النظام من بعد المغرب

  64. شكرا جدا يادكتور جزالك الله خيرا كنت عايزه اعرف ممكن الغي الالبان والجبن نهائي و ايه البديل انا ممنوعه منهم

  65. غير معروف

    رأي حضرتك في القهوه البولت بروف اثناء الصيام

  66. غير معروف

    يا دكتور احمد انا مهما عملت رجيم ما ينفعش ارقوك تعمل لي رجيم قاسي انا تعبت وانا اعمل رجيم قلت راح اشرب حبوب وريح حالي

  67. فاطمة عمر

    السلام عليكم
    بس حابه اسأل عن الصيام المتقطع لو راح يبدأ الصيام من الساعه 4 متى بيكون ترتيب الوجبات الغدا والعشا

  68. لوسمحت يا دكتور ميعاد الغدا كان الساعه 5 اخر وقت للفطار يبقي كدي مش حاقدر اتعشي ايه الحل ممكن احذف وجبه العشاء لان ظروف شغلي كدي



اترك تعليقاً

لن يتم نشر عنوان بريدك الإلكتروني.