رجيم دكتور أحمد منصور الإسبوعي يبدأ السبت 10 أغسطس وينتهي الجمعة 16 أغسطس

كل عام وأنتم بخير بمناسبة عيد الأضحى، ربنا يجعل أيامكم كلها فرح وسعادة ..

إن شاء الله مكملين مع بعض رجيمات دايت كلينيك، وبناء على طلبكم، هنرجع من جديد للنظام الأسبوعي مش اليومي، وكمان الرجيم هيكون في صفحة واحدة زي زمان ..

مش باقي بقى غير إنكم تلتزموا وتفرحوا وتفرحوني معاكم بالنزول في الوزن.

بكره إن شاء الله

السبت وقفة عرفات

فهيكون نظامنا في الصيام كالآتي:- نفطر على كوب حليب معاه 3 تمرات ..

وبعدين تاخد طبق شوربة ومعاه طبق الخضار من الآتي :- ( بامية أو كوسة أو سبانخ ) وطبق السلطة ( سبانخ – جزر – طماطم – خيار ).

وبعدين تاخد في الفطار المكتوب في وجبة الغداء وطبعاً تاني يوم الأحد العيد ” كل عيد وأنتم طيببين “.

 

قواعد رجيم الأسبوع الحالي

  • مسموح يومياً بمعلقة سكر واحدة ومعلقتين على الأكثر.
  • شرب المياه أمر ضروري ولابد منه أثناء إتباعك للنظام الغذائي .. من 8 أكواب إلى 12 كوب يومياً.
  • ليكي يومياً معلقة زيت ” زيت زيتون أو زيت ذرة ” تقدري تحضري بيها طبق الخضار أو على السلطة أو حتى تقلي بيها البيض.
  • وجبة الغداء بيكون معاها طبق خضار، والخضار المسموح بيه الأسبوع ده واللي طبعاً بيتعمل دايت هو ( القلقاس أو الكوسة أو الفاصولياء الخضراء أو البامية أو السبانخ ).
  • وممكن بدل طبق الخضار تاخدي ثمرة باذنجان مشوي.
  • تقدر تبدل ربع رغيف العيش البلدي بـ 2 توست بني أو نصف رغيف عيش سن.
  • كوب الحليب المكتوب في النظام ” خالي الدسم ” وممكن لو المتاح عندك حليب كامل الدسم .. تاخد نصف كوب فقط.
  • يفضل المشي يومياً مدة نصف ساعة.
  • عند شعورك بالجوع يفضل اللجوء لأطعمة مفيدة وفي نفس الوقت تملى البطن بسعرات حرارية قليلة زي الخيار والخس وممكن نزود نصف كوب حليب أو بيضة مسلوقة عن المكتوب في حالة الشعور بالجوع.
  • النظام غير مناسب لمرضى السكر والضغط والحوامل والمرضعات.
  • تقدري تعملي رجيم لو بترضعي وطفلك بدأ ياكل وليه مصدر في تغذيته بجانب الرضاعة، ساعتها تمشي على نظامنا وتلتزمي بنصف رغيف عيش في وجبة الفطار، وتزودي سناك ” 6 حبات لوز ” بجانب ثمرة فاكهة إضافية واليوم يكون فيه تلات أكواب حليب خالي الدسم أو 2 كوب كامل الدسم.
  • أنظمة دايت كلينيك تسمح لك بمعدل نزول شهري من 4 إلى 8 كيلو.
  • لصحتك ولرفع معدل الحرق يفضل تبدأ يومك بتناول كوب ماء دافئ مذاب فيه معلقة عسل أبيض .. أو 3 تمرات مع كوب ماء.
  • مشروبات رفع الحرق .. القرفة .. الشاي الأخضر – القهوة السادة – المرمرية.
  • وزن علبة الزبادي يكون في حدود الـ 100 جرام.

 

 

 

 

نظام يوم السبت

الفطار

وده طبعاً للي مش هيصوم ..

2 شريحة جبنة رومي + ربع رغيف عيش

أو

2 بيضة مسلوقة + ثمرة بطاطس مسلوقة + ربع رغيف عيش

أو

3 معالق فول + بيضة مسلوقة + ربع رغيف عيش

 

سناك 1

 

كوب حليب

 

الغداء ..

اللي هو هيكون فطارك لو صايمـ / ة

 

طبق خضار من الأنواع اللي قولنا عليها ..

وطبق سلطة ..

والغداء بدون أرز

وتختار من الآتي:-

  • ربع كيلو سمك مشوي
  • علبة تونة بدون زيت
  • ربع كيلو جبنة قريش
  • طبق لوبيا
  • طبق عدس
  • طبق متوسط فاصوليا بيضاء
  • ربع فرخة مشوية أو مسلوقة
  • ربع كيلو لحمة مشوية أو مسلوقة

 

سناك 2

ثمرة فاكهة

 

العشاء

1 بيضة مسلوقة + قطعة جبنة قريش

أو

2 علبة زبادي

 

 

نظام يوم الأحد والإثنين ” اليوم الأول والثاني في العيد “

 

 

العشاء خلال الأربع أيام في العيد بإذن الله هيكون عشاء دايت وتختار من دول:-

  • كوب لبن رائب.
  • كوب زبادي + ثمرة خيار.
  • قطعة جبنة قريش بوزن لا يتعدى 100 جرام + خس.

 

فطار يوم الأحد والإثنين  .. فري

 

منزودش في العيش عن نصف رغيف لوزن تحت 100 كيلو وعن رغيف لوزن فوق 100 كيلو.

وتقدر تاخد في الفطار بيض بالبسطرمة أو لا نشون وهكذا ..

” بشوقك .. عيش بشوقك ” .. ولو هتاخد فطار دايت أكيد هيكون أفضل زي طبق بليلة مثلاً أو شوفان أو سلطة فواكه مع زبادي.

 

وبعدين هو حد بيفطر في العيد أصلاً ؟؟

إحنا بنصلي وننام ونصحى نتغدى

 

ندخل الرقاق على طول

 

الغداء يوم الأحد والإثنين .. فري

 

بص دوس في الأكل .. بس ياريت يكون من البيت .. يعني معاك في الممبار والرقاق والمحشي طبعاً والفراخ واللحمة بطرق التحضير اللي نفسك فيها والمكرونة البشاميل، كل براحتك متسيطرش في الكمية .. لا تقلق .. ولو مصمم ع الأكل من بره مفيش مشكلة بيتزا وكريبات دوس.

والناس اللي بيحبوا الرنجة والفسيخ في العيد .. توكلوا على الله، إشربوا مياه كتير ومتنسوش الخل والليمون ع البصل.

 

الحلويات في اليوم الأول .. براحتك مش هقولك الكحك سعراته كذا وخدي منه كذا .. خدي أول يوم حلويات براحتك .. ” شرقية وغربية وهندية وليبية”.

ومعانا طبعاً الترمس والفول السوداني والحاجات الجميلة بتاعة العيد دي.

 

بالنسبة للحلويات تاني يوم العيد :- خدي حاجة بحجم كف إيدك يعني قطعة جلاش بحجم إيدك أو طبق أم علي أو اي حاجة متزيدش في الحجم عن اكف الإيد.

 

 

لحد هنا وإنتهى العيد بالنسبة لينا في الرجيم

 

نظام يوم الثلاثاء

اليوم الرابع ” ثالث يوم العيد “

 

الفطار

 

2 قطعة جبنة قريش + طبق سلطة

أو

2 علبة زبادي + ثمرة خيار

 

سناك 1

كوب حليب

أو

6 حبات لوز

أو

10 حبات فول سوداني.

 

 

الغداء

 

ربع كيلو سمك مشوي
ربع فرخة مشوية أو مسلوقة
ربع كيلو لحمة مشوية أو مسلوقة
2 بيضة مسلوقة
علبة تونة بدون زيت
ربع كيلو كبدة مشوية أو بأي طريقة دايت.
ربع كيلو كفتة مشوية بدون دهون
ربع كيلو جمبري مشوي

 

+ طبق سلطة

+ طبق خضار

 

 

سناك 2

ثمة فاكهة

 

العشاء

  • كوب لبن رائب.
  • أو
  • كوب زبادي + ثمرة خيار.
  • أو
  • قطعة جبنة قريش بوزن لا يتعدى 100 جرام + خس.

 

نظام يوم الأربعاء

اليوم الخامس في الرجيم الأسبوعي

 

 

الفطار

3 معالق فول + ثمرة طماطم + ربع رغيف عيش

أو

2 بيضة مسلوقة + خس + ربع رغيف عيش

أو

ربع كيلو جبنة قريش + خس + ربع رغيف عيش

 

سناك 1

كوب حليب

 

الغداء

 

ربع كيلو سمك مشوي
ربع فرخة مشوية أو مسلوقة
ربع كيلو لحمة مشوية أو مسلوقة
2 بيضة مسلوقة
علبة تونة بدون زيت
ربع كيلو كبدة مشوية أو بأي طريقة دايت.
ربع كيلو كفتة مشوية بدون دهون
ربع كيلو جمبري مشوي

 

+ طبق سلطة

+ طبق خضار

 

 

سناك 2

كوز ذرة مشوي أو

20 حبة فول سوداني

 

 

العشاء

  • كوب لبن رائب.
  • أو
  • كوب زبادي + ثمرة خيار.
  • أو
  • قطعة جبنة قريش بوزن لا يتعدى 100 جرام + خس.

 

نظام يوم الخميس

اليوم السادس في الرجيم الأسبوعي

 

الفطار

 

3 معالق فول + ثمرة طماطم

أو

2 قطعة جبنة قريش + ثمرة خيار

أو

2 بيضة مسلوقة + ثمرة خيار

 

 

سناك 1

كوب حليب

 

الغداء

ربع كيلو سمك مشوي
ربع فرخة مشوية أو مسلوقة
ربع كيلو لحمة مشوية أو مسلوقة
2 بيضة مسلوقة
علبة تونة بدون زيت
ربع كيلو كبدة مشوية أو بأي طريقة دايت.
ربع كيلو كفتة مشوية بدون دهون
ربع كيلو جمبري مشوي

 

 

+ 3 معالق أرز

أو 4 مكرونة

أو ربع رغيف عيش

 

+ طبق سلطة + طبق خضار

 

 

سناك 2

ثمرة فاكهة

 

العشاء

 

كوب زبادي

 

نظام يوم الجمعة

اليوم السابع والأخير في النظام الأسبوعي

 

الفطار

 

كوب حليب + ربع كوب شوفان أو بليلة

أو

ربع رغيف عيش + بيضة مسلوقة

أو

ربع رغيف عيش + قطعة جبنة قريش

 

 

سناك 1

ثمرة فاكهة

 

 

الغداء

 

ربع كيلو سمك مشوي
ربع فرخة مشوية أو مسلوقة
ربع كيلو لحمة مشوية أو مسلوقة
2 بيضة مسلوقة
علبة تونة بدون زيت
ربع كيلو كبدة مشوية أو بأي طريقة دايت.
ربع كيلو كفتة مشوية بدون دهون
ربع كيلو جمبري مشوي

 

+ طبق سلطة

+ طبق خضار

 

 

سناك 2

كوب حليب

 

العشاء

كوب زبادي

 

 

عن د/ أحمد منصور