جدول الأكل اليوم العاشر
جدول الأكل اليوم العاشر

جدول الأكل اليوم العاشر من رحلة المائة يوم لنسف الدهون

نصيحة اليوم العاشر هي بخصوص مشكلة الإمساك اللي بيعاني منها أغلب الناس وخاصة اللي عاملين رجيم، تعتبر مشكلة شائعة فعلاً، وحلها إن شاء الله بسيط، بمشروب منقوع القراصيا، هنسيب 3 ثمرات من القراصيا منقوعين في كوب ماء، طول الليل والصبح نشرب الكوباية ونآكل القراصيا، ونشرب بعدها كوباية مياه كمان، وشرب كوباية المياه التانية مهم، علشان لو خدنا ألياف بكمية كبيرة ومشربناش في المقابل كمية مياه كافية، إحنا كده يعتبر بنزود المشكلة مش بنحلها.

جدول الأكل اليوم العاشر

الفطار بيضة مسلوقة + قطعة جبنة قريش + نصف رغيف عيش + طبق سلطة صغير، والوجبة الخفيفة الأولى، نصف كوب حليب كامل الدسم، ومعاها ثمرة فاكهة، والغداء عبارة عن نصف فرخة مشوية، وطبق سلطة وربع رغيف عيش بلدي.

الوجبة الخفيفة الثانية كوب شاي بحليب، والعشاء ربع رغيف عيش وعلبة تونة بدون زيت، ملتزم بشرب المياه على مدار اليوم، ومعلقتين سكر فقط.

لو شايف إننا بنقدم ليك محتوى مفيد وحابب تدعمنا، فتقدر تدعمنا من خلال تقييم تطبيق دايت كلينيك بخمس نجوم، على متجر جوجل بلاي.