تقرير اليوم الحادي عشر …

السلام عليكم ورحمة الله وبركاته، عايز أتكلم معاكم في كذا حاجة النهاردة .. يعني مش على أد إني أطلب منكم التقرير بس .. لأ في حاجات تانية.

أولاً .. أول ما علمنا التحدي .. لقيت حوالي 150 سيدة وبنت قالوا أنهم قبلوا التحدي .. ولكن لما بنزل التقرير اليومي .. عدد قليل جداً اللي بيتفاعل وبيكتب نظام أكله اليومي .. والرجيم نزلهم كام كيلو وبيجابوا على الأسئلة اللي بطرحها.

ليه بقى يا جماعة .. أنتوا فين ؟؟
يعني 150 قبلوا التحدي .. وحوالي 10 بس اللي متابعين .. 
طب لو حتى أنتو مقصريت عرفوني .. وأنا إن شاء الله هحاول أساعدكم.

 

ثانياً .. كلامي فيها موجه للناس اللي لسه محملين التطبيق .. معلش يا جماعة والله أنا مشغول جداً اليومين دول .. ومجرد ما أفضى هجهز تحدي جديد ليكم .. نبدأ فيه مع بعض .. ونهايته هتكون مبهرة ليكم بإذن الله.
مش هتأخر عليكم .. متقلقوش.

ثالثاً ..بالنسبة للمشتركين في التحدي الحالي .. طمنوني عليكم .. عاملين إيه؟
كلتوا زي منا قولت؟
وشربتوا مياه كتير ولا لأ؟

قولوا قولوا كل اللي في نفسكم ..

عن د/ أحمد منصور

20 تعليق

  1. أنا قبلت التحدي ومشيت فيه 😔 بس عم خبص تخبيص ببكي الحجر كل يوم بمشي عالنظام مية بالمية وبس أصل لليل بفرط وباكل كلشي بالبراد ورا بعض بدون وعي 😭😭😭😭😭 كرهت حالي أكتر من قبل مابلش ريجيم مالي متوقعة حالي هيك مافي إرادة بنوب

  2. النهارده الفطار الساعة 8 كان 2بيضة مسلوقة مع كوب نسكافية بدون سكر وبعدها اخدت شاى الغدا الساعة 4 طبق خضار سبانخ دايت مع قطعتين لحمة مسلوقة وبعدها بساعتين برتقالة والعشا برتقالة بس انا عندى مشكلة مش عندى امساك بقالى يومين شكلى بخس بس الوزن ثابت

  3. نيفين مدحت

    مساء الخير يا دكتور
    الفطار اتنين خبز مشبع واتنين بيضه
    بعده الشاي التمام
    الساعه 12 اخدت خيار
    الساعه 1:30 الغدا نص رغيف وخمس صوابع سجق وجرجير وخيار
    الساعه 5 شاي المزاج
    الساعه 7 اخدت اتنين بيضه مسلوقة حاف
    وشويه هاخد زبادي بلمون
    يارب اكون عوضت اليومين اللي فاتوا وماتزعلش مني يا دكتور

  4. د/ أحمد منصور

    يعني إيه شكلك بتخسي بس الوزن ثابت ؟

  5. د/ أحمد منصور

    ههههههههههههه شاي المزاج وشاي التمام
    دول زي شاي العروسة وشاي السلام كده ؟

  6. د/ أحمد منصور

    عوضتي طبعاً ومش زعلان
    الحمد لله ربنا يثبتك أكتر وأكتر

  7. د/ أحمد منصور

    ليه لما بتجوعي مش بتأكلي خيار مثلاً ..
    أو تشربي مياه

  8. نيفين مدحت

    ههههههههههههههه

  9. نيفين مدحت

    اشكرك والبركة في دعم حضرتك النفسي

  10. نيفين مدحت

    اشكرك والبركة في دعم حضرتك النفسي

  11. ام التقيات

    عن نفسي تبعت خرفيا رجيم زبادي 3ايام زلقيت كيلو ونص راح وابتديت بتحدي 30يزم وفي ثاني يوم اللي يقول 3ملاعق ارز كليت دون توقف للاسف لاني من عشاق الارز افضلي ان لا اطبخه بتاتا
    بما اني عندي اسبوع دايت غدا راح اعمل الفيري انا ماشية في طريق صح ولالا على العموم فقدت 14مغ مزال 6كغ واوصل لوزني

  12. يعنى فى اللبس باين انة وسع والدبلة وسعت لكن وزن بقالة يومين ثابت على 79

  13. غير معروف

    انا اليوم كنت تمام ومشيت على البرنامج

  14. غير معروف

    حمدالله انا مشيت على البرنامج اليومي يادكتور

  15. السلام عليكم وأسعد الله صباحكم دكتور …أنا الحمد لله مشية تمام وملتزمة بالبرنامج تماما ومتابعة مع الرياضة وأشعر بتحسن والحمد لله وبشكل عام تضائلت كتل جسمي بالكامل وأصبح كل عضو أنحف من السابق ولكني مازلت أعاني من آلامي العصبية ….
    جزاك الله خيرا 🌷

  16. د/ أحمد منصور

    طب غيرتي المكان اللي بتوزني فيه ؟

  17. د/ أحمد منصور

    كويس جداً بالتوفيق يارب

  18. د/ أحمد منصور

    الحمد لله بالتوفيق لحضرتك يارب

  19. د/ أحمد منصور

    وعليكم السلام ورحمة الله وبركاته

    الحمد لله رب العالمين

    ربنا يطمن قلبك ويفرج كربك ويرزقك الأمان والعافية

  20. لا مغيرتش انا عندى ميزان فى البيت هو اللى بتوزن عليه بس ده ممكن يكون بسبب الامسال

اترك تعليقاً

لن يتم نشر عنوان بريدك الإلكتروني.