رجيم دكتور أحمد منصور “صيام متقطع” يبدأ 13 أبريل وينتهي 19 أبريل

السلام عليكم ورحمة الله وبركاته، يارب تكونوا بخير وسعادة، هنكمل الأسبوع ده صيام متقطع من أول السبت الموافق 13 أبريل وحتى الجمعة 19 أبريل.

نقرأ كل كلمة بتركيز علشان تفهموا النظام بس هشرح نظام تطبيق دايت كلينيك للأعضاء المنضمين حديثاً ..

إحنا كل يوم جمعة بننزل نظام غذائي بيستمر لمدة أسبوع، ولو أنتي وصلتي للتطبيق في خلال أي يوم في الأسبوع إبدأي رجيم من اليوم اللي حملتي فيه التطبيق يعني لو يوم الإثنين إيدأي من نظام اليوم الثالث .. وهكذا ..

الرجيم للناس اللي وصلتها عاداتها الغذائية الخاطئة لوزن وشكل هما مش حابينه وطالما حضرتك بتتابعي أون لاين مش في عيادة بالتالي لو بتعاني من أي مرض أو بتاخدي أي دواء لازم تعرضي الأول الرجيم على طبيبك المعالج وهو يحدد إن كان الرجيم مناسب لحالتك الصحية أو لأ.

 

الخضار المسموح لينا في الأسبوع ده واللي المفروض يكون مطبوخ بطريقة صحية للحصول على أفضل نتيجة هو:-

  • السبانخ
  • الملوخية
  • البروكلي
  • الكوسة
  • البامية
  • الفاصوليا الخضراء

 

أي حاجة تانية خلبها لليوم الفري ( لوبيا .. عدس .. قلقاس .. وهكذا )

ضروري نبدأ يومنا بحاجة تدينا طاقة ( معلقة عسل أبيض أو أسود أو 3 تمرات ) مع كوباية مياه، ولو بتعاني من إمساك دوبي معلقة العسل الأبيض في كوباية مياه تكون دافئة وإشربيها على الريق، ليها مفعول كويس جداً في علاج الإمساك.

 

كوب الحليب المكتوب في النظام المقصود بيه خالي الدسم ويمكن إستبدال الكوب خالي الدسم بنصف كوب كامل الدسم ويمكن إستبدال ربع رغيف عيش بـ نصف رغيف سن أو بـ واحد توست بني.

 

مسموح في اليوم بمعلقة سكر واحدة، ولو الموضوع صعب عليك خليهم إتنين في اليوم .. حاول قدر الإمكان متزودش عن كده.

مسموح يومياً بمعلقة زيت زيتون سواء على السلطة أو نحضر بيها الخضار.

 

نظام اليوم الأول السبت 

الفطار

5 معالق فول + ربغ رغيف عيش  + ثمرة طماطم أو خيار

أو

2 بيضة مسلوقة + ربع رغيف عيش + ثمرة خيار

أو

2 كوب زبادي + توست بني

أو

125 جرام جبنة قريش + ربع رغيف عيش + ثمرة خيار

 

بين الفطار والغداء

كوب حليب خالي الدسم + ثمرة فاكهة

 

أو إتنين ثمرة فاكهة ( وممكن نعملهم عصير طبيعي ) ( 2 برتقال )

 

وممكن في اليوم الأول نعمل عصير من اللبن والفاكهة ( جوافة واحدة بلبن – نصف موزة بلبن – 3 فراولات بلبن ) ونضيف عليها معلقة السكر المسموحة لينا في اليوم.

 

الغداء

يمكنك الإختيار من بين:-

  • ربع فرخة مشوية أو مسلوقة
  • ربع كيلو جمبري مشوي
  • علبة تونة بدون زيت
  • علبة سردين معلبة بدون زيت
  • ربع كيلو لحمة مشوية أو مسلوقة
  • سمك مشوي بوزن لا يتعدى نصف كيلو جرام
  • ربع كيلو كفتة مشوية بدون دهون
  • ربع أرنب مشوي أو مسلوق
  • ربع كيلو جبنة قريش
  • 2 بيضة مسلوقة

+ 3 معالق أرز أو 4 مكرونة أو ربع رغيف عيش

+ طبق سلطة + طبق خضار

 

بين الغداء والعشاء

ثمرة فاكهة

 

العشاء

قطعة جبنة قريش + ربع رغيف عيش + كوب زبادي + ثمرة خيار

 

نظام اليوم الثاني الأحد

الفطار

كوب زبادي + توست بني

أو

بيضة مسلوقة + ربع رغيف عيش + ثمرة خيار

أو

قطعة جبنة قريش + ربع رغيف عيش + ثمرة خيار أو طماطم

 

بين الفطار والغداء

كوب حليب خالي الدسم

أو 

ثمرة فاكهة

 

الغداء

يمكنك الإختيار من بين

  • ربع فرخة مشوية أو مسلوقة
  • ربع كيلو جمبري مشوي
  • علبة تونة بدون زيت
  • علبة سردين معلبة بدون زيت
  • ربع كيلو لحمة مشوية أو مسلوقة
  • سمك مشوي بوزن لا يتعدى نصف كيلو جرام
  • ربع كيلو كفتة مشوية بدون دهون
  • ربع أرنب مشوي أو مسلوق
  • ربع كيلو جبنة قريش
  • 2 بيضة مسلوقة

+ طبق سلطة + طبق خضار

 

بين الغداء والعشاء

ثمرة فاكهة

 

العشاء

كوب زبادي بوزن 100 جرام تقريباً

 

نظام اليوم الثالث الإثنين

الفطار

2 بيضة مسلوقة + ثمرة خيار

أو

كوب زبادي + ثمرة خيار

أو

قطعة جبنة قريش + ثمرة خيار

 

بين الفطار والغداء

ثمرة فاكهة

 

الغداء

يمكنك الإختيار من بين:-

  • ربع كيلو كبدة مشوية
  • ربع كيلو ” ديك رومي ” مشوي أو مسلوق
  • حمام مشوي بوزن لا يتعدى 500 جرام
  • ربع كيلو ” بط ” مشوي أو مسلوق
  • 150 جرام ” أوز ” مشوي أو مسلوق
  • ربع فرخة مشوية أو مسلوقة
  • ربع كيلو جمبري مشوي
  • علبة تونة بدون زيت
  • علبة سردين معلبة بدون زيت
  • ربع كيلو لحمة مشوية أو مسلوقة
  • سمك مشوي بوزن لا يتعدى نصف كيلو جرام
  • ربع كيلو كفتة مشوية بدون دهون
  • ربع أرنب مشوي أو مسلوق
  • ربع كيلو جبنة قريش
  • 2 بيضة مسلوقة

 

+ 3 معالق أرز أو 4 معالق مكرونة أو ربع رغيف عيش

 

+ طبق سلطة ( طماطم – بصل – حيار – خس – جزر – فلفل)

أو  طبق خضار  ( سبانخ – ملوخية – بامية )  ( أو مش و

 

العشاء

كوب زبادي

 

نظام اليوم الرابع الثلاثاء

قطعة جبنة قريش (125 جرام) + ثمرة خيار  + ربع رغيف عيش

أو

علبة زبادي + ثمرة خيار + واحد توست بني أو ربع رغيف عيش

 

بين الفطار والغداء

كوب حليب خالي الدسم

أو

ثمرة فاكهة

 

الغداء

  • ربع فرخة مشوية أو مسلوقة
  • ربع كيلو جمبري مشوي
  • علبة تونة بدون زيت
  • علبة سردين معلبة بدون زيت
  • ربع كيلو لحمة مشوية أو مسلوقة
  • سمك مشوي بوزن لا يتعدى نصف كيلو جرام
  • ربع كيلو كفتة مشوية بدون دهون
  • ربع أرنب مشوي أو مسلوق
  • ربع كيلو جبنة قريش
  • 2 بيضة مسلوقة

+ طبق سلطة + طبق خضار دايت

 

بين الغداء والعشاء

كوب حليب خالي الدسم

أو

ثمرة فاكهة

 

العشاء

125 جرام جبنة قريش

او

كوب زبادي بوزن 100 جرام تقريباً

 

نظام اليوم الخامس الأربعاء

الفطار

2 بيضة مسلوقة + ثمرة خيار

أو

كوب حليب + بيضة مسلوقة

أو

4 معالق فول + ثمرة طماطم

 

بين الفطار والغداء

ثمرة فاكهة

 

الغداء

 

  • ربع فرخة مشوية أو مسلوقة
  • ربع كيلو جمبري مشوي
  • علبة تونة بدون زيت
  • علبة سردين معلبة بدون زيت
  • ربع كيلو لحمة مشوية أو مسلوقة
  • سمك مشوي بوزن لا يتعدى نصف كيلو جرام
  • ربع كيلو كفتة مشوية بدون دهون
  • ربع أرنب مشوي أو مسلوق
  • ربع كيلو جبنة قريش
  • 2 بيضة مسلوقة

+ 3 معالق أرز أو 4 مكرونة أو ربع رغيف عيش

+ طبق سلطة + طبق خضار دايت

 

العشاء

علبة زبادي + بيضة مسلوقة

أو

2 علبة زبادي

 

نظام اليوم السادس الخميس 

الفطار

5 معالق فول + ربع رغيف عيش

أو

بيضة مسلوقة + ربع رغيف عيش

أو

قطعة جبنة قريش + ربع رغيف عيش

 

بين الفطار والغداء

كوب حليب

أو

ثمرة فاكهة

 

الغداء

  • ربع فرخة مشوية أو مسلوقة
  • ربع كيلو جمبري مشوي
  • علبة تونة بدون زيت
  • علبة سردين معلبة بدون زيت
  • ربع كيلو لحمة مشوية أو مسلوقة
  • سمك مشوي بوزن لا يتعدى نصف كيلو جرام
  • ربع كيلو كفتة مشوية بدون دهون
  • ربع أرنب مشوي أو مسلوق
  • ربع كيلو جبنة قريش
  • 2 بيضة مسلوقة

+ طبق سلطة + طبق خضار دايت

 

بين الغداء والعشاء

ثمرة فاكهة

 

العشاء

كوب حليب

أو

كوب زبادي

 

نظام اليوم السابع الجمعة ( فري )

يمكنك قراءة تعليمات اليوم الفري بالضغط ( هنا )

 

 

الرجيم مناسب لوزن بين 60 كيلو وحتى 100 كيلو .. أي وزن فوق 100 كيلو يقدر يضيف الآتي

بدل معلقة عسل الصبح يبقوا إتنين والفطار لو مكتوب عيش خد ضعف الكمية يعني نصف رغيف عيش ولو الفطار من غير عيش خد ربع رغيف.

 

أقل من 60 كيلو المفروض يثبت .. ونظام التثبيت مكتوب (هنا)

 

 

الأسبوع ده صيام متقطع ومن بعده هناخد أسبوعين بدون صيام لكن أرجو تلتزموا الأسبوع ده بالصيام علشان فعلاً هتلاقوا نتائج كويسة جداً على المدى القريب والبعيد كمان

صيام متقطع يعني ديتوكس يعني بنضف جسمنا من اي سموم، وبنضف الكبد، علشان يقوم بالوظائف بتاعته على أكمل وجه، والأمور دي ليها إنعكاس على رفع معدل حرق الدهون المتراكمة في الجسم، يعني خسارة للوزن بدون ترهلات ولا سيلوليت.

زيادة إفراز هرمون النمو اللي بيساعد في بناء العضلات وحرق الدهون

بكل بساطة هناكل 8 ساعات في اليوم ونصوم 16 ساعة بينهم ساعات النوم

 

الوجبات بتاعتك كلها هتــحــجــمــهـا في 8 ساعات فقط وباقي اليوم صيام

 

ببساطة هتصوم 8 ساعات لإما كلهم يكونوا قبل النوم لإما أول ما تصحى من النوم لإما توزع الـ 8 ساعات دول بين قبل النوم وبعده

 

يعني لو حضرتك هتنام 12 بالليل ممكن توقف أكل 8 بالليل  يبقى أنت كده صومت 4 ساعات قبل النوم + 8 نوم وتصحى الساعة 8 تصوم أربعة كمان

يبقى الإجمالي 4 قبل النوم و8 نوم و4 بعد ما تصحى، كده الإجمالي 16 ساعة صيام وهو المطلوب.

 

كل واحد يظبطها على حسب ظروفه المهم عندك في كل 24 ساعة 8 ساعات ورا بعض مسموح فيهم بالأكل و 16 ساعة ورا بعض صيام.

 

خلال فترة الصيام مسموح بشرب الماء والقهوة والشاي واي اعشاب ولكن بدون سكر سواء عادي أو سكر دايت.

على سبيل المثال لو فطرت 10 الصبح أول سناك يكون 12 الضهر والغداء 3 العصر والسناك التاني يكون 5 مساءً والعشاء 6 مساءً وبكده أكون كلت كل الوجبات في 8 ساعات.

الناس اللي بتقول أكل إزاي 5 وجبات في 8 ساعات هما ياجماعة 3 بس، السناك بيكون يادوب ثمرة فاكهة مش قضية يعني،،

حاجة كده ع الماشي مش بنفرش ونقعد ناكل، 😂😂

 

الفكرة إننا عايزين نعطي لجسمنا فرصة يحرق فيها من الدهون المتخزنة من سنين.🔥🔥

 

الحوامل

ممنوع تعملي اي رجيم، من غير متابعة مع دكتور مينفعش تعملي رجيم أون لاين، حضرتك لازم تبقي موجودة في العيادة علشان أي شئ يطرأ خلال شهور الحمل أكون على علم بيه ونقدر نتعامل معاه.

لكن تقدري بس تقللي من العيش والرز والمكرونة اللي أنتي متعودة عليها، وكمان تبعدي عن أي أكل غير صحي ( مقلي أو حلويات ) وبكده هتخسي صدقيني.

 

 

المرضعات  

ممنـــــــــــــــــــــــوع تعملي أي رجيم طالما طفلك بيتغذى فقط من الرضاعة، أول ما يبدأ يدخل له أي أكل وده في الغالب بيكون مثلاً في الشهر الخامس أو السادسـ ، تقدري تعملي رجيم قبل كده غير مسموح أبداً .. ⛔

لو الطفل كبير، إمشي معانا في الرجيم مع الحرص الشديد، إن اليوم يكون فيه أربع أكواب من الحليب أو الزبادي أو إتنين حليب وإتنين زبادي، وتقدري تضيفي كوب عصير في اي وقت من اليوم.

إلتزمي بالنظام بدون صيام متقطع وهتخسي .. 🚫

 

مرض السكر والضغط

مينعفش تعمل رجيم أون لاين لازم تكون موجود في العيادة علشان، أقدر أفحص حالتك على حدة مينفعش نظام للمرضى بشكل عام، لإنه ليه كذا درجة، ولو  حصل أي مشكلة أنا مش موجود طول الوقت علشان أساعدك تتعامل معاها بسرعة، بالتالي يفضل قبل البدء في أي رجيم، عرضه على طبيبك المعالج حفاظاً على صحتك وتفادي أي مشاكل،  وهو يحدد إن كان ينفع تمشي عليه بناء على حالتك أو لأ .. وكذلك لو بتاخد أي دواء يجب استشارة الطبيب قبل الرجيم.

 

صيام إتنين وخميس

أي حد هيصوم أتنين وخميس أو صيام مسلمين، بكل بساطة هيفطر على تمر بلبن، كوباية لبن معاها 3 تمرات، بعد كده يفطر بالمكتوب في وجبة الغداء ويتسحر بالمكتوب في الفطار أو العشاء، وبينهم السناك.

 

  1. شرب الماء مهم جداً جداً .. يومياً 2 لتر أقل شئ
  2. الدورة الشهرية تزيد الوزن من 2 إلى خمسة كيلو بالتالي مينفعش نوزن وقت وجودها ولا قبلها ولا بعدها بـ 3 أيام

نأكد من جديد إن نزول 4 كيلو أو خمسة كيلو في الشهر معدل ممتاز جداً تضمني بيه إن جسمك ينزل بدون ترهلات، وكمان في خلال 4 أو 5 شهور هتلاقي نفسك نزلتي، 30 أو 35 كيلو بالتالي مهما كان وزنك الزائد هتتحولي لشخص تاني تماماً في مدة قليلة معانا بإذن الله.

 

مجموعة من المواضيع الهامة 

سمنة الأطفال:- (هنا)

نصيحة هامة وتنبيه:- (هنا)

الفواكه المسموح بها:-  (هنا)

حل مشكلة الدوخة والصداع أثناء الرجيم:-  (هنا)

قصة قصيرة حزينة:- (هنا)

موضوع هام جداً .. إمتى أقول إن وزني ثابت:- (هنا)

كيف يؤثر الوهم على الرجيم:- (هنا)

لماذا تتغير المقاسات بشكل أكبر من الميزان:- (هنا)

 

 

المطلوب منك الآتي

لو أنتي قد التحدي بتاعنا .. 

علقي بإسمك ووزنك الحالي ونتقابل بعد أسبوع نشوف وصلتي لإيه .. 

وكمان لو في عندك تجربة حلوة مع دايت كلينيك أو رسالة محفزة للأعضاء إكتبيها في تعليق وساعديهم ياخدوا قرار الرجيم بدون تردد.

 

لا تنسوني من صالح دعائكم 😍 .. دمتم في سعادة 🌹

عن د/ أحمد منصور

188 تعليق

  1. أم ياسووو

    حلو جدا يا دكتور ربنا يبارك في حضرتك بس عاوزه حاجه تعلي الحرق شويه ورأي حضرتك في خل التفاح وكيفيه استخدامه

  2. هاجر سيف

    نظام الاسبوع ده ممتاز وفيه نشويات كتير تسلم إيدك يادوكتر ربنا يقدرني بقا ع الالتزام

  3. فاديا البيطار

    مساء الخير على اعظم دكتور
    اول شيء بحب اشكرك على رفع معنوياتنا وعلى نصايحك الحلوة
    انا ابتديت يادكتور دايت مع حضرتك بتاريخ ٢،٤ لغاية ٤،٤ وخسيت 11.5 من وزن 88.5 لوزن 77 مع العلم طولي 173 وانشاء الله حكمل لغاية ال 70
    بحب اشكرك من كل قلبي على دعمك و نصايحك ويارب نكون دايما عند حسن ظنك فينا
    شكرا دايت كلينيك وجزاك الله كل خير على ماتفعله من اجلنا

  4. وزني الحالي الحمد لله 62ك ومكملة صيام متقطع ان شاء الله

  5. وزني ١٠٠
    بكرا ح بلش ٢٩ سنه 😊
    حابه انحف ل ٦٠ 😭😭😭😭
    عندي مشكله اني بحب الشوكولا والشيبس 💔
    شو الحل يادكتور
    ورح حاول الالتزام بالنظام ويارب انحف
    وهاد اول اسبوع معكم 💐

  6. وزني ١٠٥ هبدا معاكم من بكرة ان شاء الله مشكلتي في البطن اكتر

  7. تم بالتوفيق للجميع ربنا يوفقك دكتور بفضل الله وفضلك والرجيم الجميل كنت ٦٩ وخسيت ٥٤ والطول ١٥٦ وانا مبسوطه اوووي فترة شهر ونص خسيت وحققت حلمي معاكم ربنا يخليك لينا دكتورنا الجميل

  8. قبلت التحدي مع حضرتك ان شاء الله

  9. عبير الشام

    معاك باذن الله

  10. نشالله رح بلش وزني 70وبدي اوصل 60

  11. غير معروف

    ي دكتور ياريت ترد انا كنت ماشيه مع حضرتك من شهر واحد كنت ٩٣ ونزلت لغايه ٧٩ بس ليا اسبوعين ملخبطه جدا ومش عارفه اعمل ايه ياريت ترد وزنت نفسي مبارح لقيت وزني ٨٢ زدت ٣ كيلو ياريت ترد وتقولي اعمل ايه

  12. ان شاءالله معكم لين احقق الوزن المثالين

  13. نسمة محمد

    قد التحدي 👍
    والاسبوع ده نقصت كيلو الحمدالله كده خسيت في شهرين ٧ ك ونص الحمدالله❤️

  14. غير معروف

    قبلت التحدى من ٣ اسابيع كنت ٧٩ بقيت ٧٣ ولسه مكلمه معاكوا ❤❤

  15. قبلت التحدى من ٣ اسابيع كنت ٧٩ بقيت ٧٣ ولسه مكلمه معاكوا ❤❤

  16. انا جديده معاكم
    وكنت بتطبق النظام ده بقالى خمس شهور وكنت 84 وبقيت 68 وانا طولى 166 وان شاء الله نكمل مع حضرتك يادكتور بس انا مشكلتى كانت مع الارداف اكتر
    وكنت بعمل تمارين ومكمله باذن الله

  17. صعب اوي نظام الصيام المتقطع مع نظام شغلي هل يوجد نظام بديل
    حضرتك تنصح بانهي انواع أدوية للتخسيس

  18. شكرا يادكتور النظام الاسبوع ده كويس اوي ومش هنتحرم من حاجة وان شاء الله هحاول التزم قدر الامكان
    قبلت التحدي في الاسبوع اللي فات مع كل اللخبطة اللي حصلت نزلت 500 غرام بس راضية لان عارفة اني قصرت جدا كويس اصلا اني نزلت

  19. انا اول مرة اشارك وزني دلوقتي 81 كيلو عايزة اوصل ل 63 نشالله لاني قصيرة مش طويلة انشالله يارب يوفقني ادعولييي بليييز

  20. قبلت التحدي الوزن 77 الطول 169
    كل الحب والاحترام للدكتور الله يجزيك الخير

  21. امنيه
    ٦٩كيلو

  22. قبلت التحدي وهذا اول اسبوع ان شاء الله 😊

  23. قبلت التحدي

  24. قبلت التحدى ومكمله معاكو باذن الله

  25. عايزه حاجه لسد الشهيه يا دكتور لو سمحت

  26. نانو سعد الين

    قبلت التحدي والاسبوع دا جميل جداا وانا بقالي مع حضرتك من شهر٢ يعني معاك بقالي شهرين ونص بدات بوزن ٨٣.٥ واليوم بقيت ٧٧ الحمدلله ومكمله لل٦٠ باذن الله بشكرا جدااا ربنا يوسع رزقك ويرزقك كمان وكمان😘😘🌹

  27. نعم قبلت ان شاء الله
    وزني ٦٥ وطولي ١٥٨ ..التزمت الاسبوع الفات ونزلت ٢ كيلو بعد ماكان وزني ٦٧ ومستمرة بعونه تعالى 👍

  28. مروه جبيلى

    انا مع حضرتك من حوالى شهر وكنت ثابته 79 والحمدلله وصلت ل75 كيلو هدف ال70
    قبلت التحدى 💪💪💪💪

  29. ان شاء الله قد التحدى وهبدأ معاكم

  30. قبلت التحدي

  31. غير معروف

    قبلت التحدي 💪💪

  32. روضة النجار

    الوزن 71 الطول 156 بارك الله بكم وبجهودك دكتور احمد وجعله في ميزان حسناتك

  33. غير معروف

    قبلت التحدي

  34. غير معروف

    دكتور هو خلال الدورة الشهرية الرجيم بيجيب نتيجة يعني ممكن الوزن ينزل ولا الوزن بيثبت

  35. سوما الترهوني

    مستعدين والله يبارك فيك يادكتور

  36. قبلت تحدي

  37. قلبت التحدي ان شاء الله
    وانا الحمدلله حسيت بفرق كبير ف لبسي ربنا يباركلك ويسعد ايامك كلها يارب يا دكتور احمد
    وانا ان مستنيه اوزن آخر الشهر ان شاء الله

  38. سمعت كتير مدح في دكتور احمد منصور 😍💓
    قبلت التحدي انا وزني 79طولي 160 عاوزه اصل لل 55 اول اسبوع ليا معاكم ان شاءالله اوصل للهدفى 😭

  39. قبلت التحدي انشاء الله وبجد مبسوطه اوي بنظام الاسبوع ده وانشاء الله التزام تام وربنا يجزيك عنا كل خير وربنا يجعله في ميزان حسناتك يارب وعلي فكره انا نزلت الاسبوع ده ٣٠٠ جرام بس بس مبسوطه جدا جدا بيهم كنت الاسبوع اللي فات ٧٨.٢٠٠ الاسبوع ده ٧٧.٩٠٠ بس بجد مبسوطه جدا

  40. Adris dls سومية

    بالنسبة للشوكولا ابتدي بأخد السودة و خدي اطمة دوبيها في فمك بشويش واخفي التانية اعملي كدا في كل مرة راح تلاقي نفسك نسيتيها و بعدين تتعودي اما الشبسي فاقري عن اضرارو الا تلاقي فايدة واحدة مفيش….

  41. هيفين خليل

    انا قبلت تحدي وزني ٦٥
    وطولي ١٥٦
    عمري ٢٢

  42. غير معروف

    قبلت التحدي بس عندي مشكله في الحرف ضعيف جدا جدا ياريت لو تقيدني اعمل علشان اعلي معدل الحرق

  43. قبلت التحدي بس عندي مشكله في الحرف ضعيف جدا جدا ياريت لو تقيدني اعمل علشان اعلي معدل الحرق

  44. قبلت التحدى نزلت كيلو ود الأسبوع التانى مكملة معاكم ربنا يقدرنا وزنى 90

  45. ايمان السيد

    قبلت التحدي ربنا يعني والتزم. ياريت يا دكتور تكلمنا عن الصيام المتقطع وتشرح لنا بيعمل ازاي في الجسم لاني بصراحه كرهته اوي الاسبوع الي فات بسبب انه عملي صداع ودوخه شديده.

  46. ايمان السيد

    انا هحاول الاسبوع دا اخلي اغلب الصيام بالليل مش الصبح واشوف هعرف التزم بيه ولا لا الله المستعان ربنا يباركلك ويجزيك خيرا

  47. مع حضرتك ان شاء الله بس بقالى شهر موزنتش باخد مقاسات بس فى تحسن الحمدلله

  48. قبلت التحدي ان شالله هالتزم

  49. I’ll be Wz u isa

  50. غير معروف

    أنا معاكم من أسبوع بس ما وزنتش الاسبوع ده ،حاسة بفرق فى المقاسات ،ان شاء الله اوزن الاسبوع المقبل ،وقت ما بدأت وزنى كان ٩٢ وطولى ١٧٤ عاوزة أنزل ١٦ كيلو علشان اوصل للمثالى
    مكملة مع حضرتك ،معلومات اليوم الفرى فادتنى جدا
    جزاك الله خيرا دكتور

  51. ثقتي بالله

    السلام عليكم
    طولي160
    وزني77

  52. ثقتي بالله

    انا دايره دايت من يوم 23\1كان وزني اول مابديت ف الدايت 86 والان اصبح 77ومستمره بإذن الله طولي160

  53. امل المنسي

    وزني ٧٥وطولي ١٨٥ قبلت التحدي بس يادكتور ضغطي بيكون واطي ع طول مع الريجيم بحس بدوخه وصداع مع اني باخد علاج للضغط الواطي وكمان بعمل تمارين رياضية ٣ايام في الاسبوع

  54. امل المنسي

    اسفه طولي ١٥٨

  55. غير معروف

    قبلت التحدي ودا هيبقي ثالث اسبوع ليا طولي ١٥٧ و وزني كان ٦٣ ودلوقتي بقى ٦٠،نزلت ٣ كيلو الحمدلله وفرحانه جدا

  56. ان شاءالله قد التحدي. . وربنا يعين

  57. ملك عاصم

    تمام معااااكم وان شاء الله اد التحدى
    كنت معاك من اسبوعين ١١٧.٥
    وزنى الحالى ١١٣ والحمد لله
    هدفى الاول اشيل ١١٧ اللى فوق الميه
    يا رب

  58. غير معروف

    يا دكتور انا وزني ثابت الو شهر رغم انو اول شهر نزلت ٥ كيلو وما عاد نزل شو الحل

  59. غير معروف

    دكتور ربنا يبارك ف حضرتك 🌷وزني 9 وطولي 170 وعمري 37 اريد رجيم نايف 😢😢😢😢

  60. قبلت التحدي طولي ١٦٤
    وزني ٧٨
    قبل شهرين كنت هنا ٨٩
    والحمدلله بدايت كلينك نزلت

  61. السلام عليكم
    انا اول مره اتابع دايت هنا في دايت كلينك وحابه اني ادخل التحدي الاسبوع ده و هبدء من بكره معاكم ان شاء الله انا وزني حاليا ٧٨ كيلو ونفسي اوصل ٥٥ كيلو باذن الله

  62. انا قابلت التحدى وزنى 70 وطولى 154

  63. اسفه انا طولي ١٥٠ سم طويله اوي 😊😊

  64. ساجدة لله

    تمام مكملة معاك التحدى اللى مبقاش تحدى دة بقى نظام حياة صحى ومريح ربنا يريح قلبك

  65. السلام عليكم ورحمة اللة وبركاته
    دكتور اني ابغا دعمكم ليا واللله داخله في حالة اكتئاب ومش عارفه ايش اسوي تعبت اني وزني١١١ وطولي ١٦٥ ايش اسوي 😭مو قادره اسوي رياضه ولاريجيم تعبت من الريجيمات لانها تعبتني و مافي فايده

  66. غير معروف

    حابه ابدا في الرجيم
    بس معرفش ليه ابدا اول كام يوم وبعد كده بقف تاني

  67. ايمان من ليبيا

    قبلت التحدي يا دكتور وجزاك الله كل خير ،، وزني 90 وحالياً اتناول مشروب المورينقا كوب يومياً ،، والخلطة بتاع الكمون والكتان اللي حضرتك كتبت عليها

  68. ام ديمة من الجزائر

    من فضلك دكتور انا ام ديمة من الجزائر اريد القيام بالتحدي وزني ٩٨ كغ نزلت التطبيق الاسبوع الماضي و بدأت النظام و انا في اليوم الرابع هل اكمل ام انطلق في الأسبوع الجديد الرجاء الرد من فضلك و لك جزيل الشكر

  69. ام عبدالله

    قبلت التحدي انا الحمدلله ليا شهر ونزلت ٥ كيلو فرق شكلي صراحه مع كل الي حولي بس والله للاسف الثلاثاء يكون فري بلنسبه ليا بسبب جمعة العئله بس ان شاء الله حستمر لحد اوصل للوزن ال ابغاه

  70. قبلت التحدي الوزن ٨٠ والطول ١٧١

  71. انا معاكم باذن الله – اول بوم و اول رجيم مع صيام مسلمين باذن الله وسوف اخبركم بالنتيجة الجمعه المقبلة

  72. وزني 98 كغ و طولي 165 سم

  73. مى أسامة

    قبلت التحدى انا بدأت مع حضرتك الاسبوع اللى فات و خسيت كيلو و مبسوطة جدااا الحمد لله و ان شاء الله هكمل لحد ما اوصل ل 60 كيلو
    وزنى كان 80 و بقيت 79
    و طولى 161

  74. قلبت التحدي ورني 70

  75. MEM من آلسعوديه

    قبلت آلتحدي وهذآ رآح يكون آلآسبوع آلثآني لي معآكم

    كل آلشكر وآلآمتنآن لك يآ دكتور

    آلحمدلله آلآسبوع آللي رآح كآن آول آسبوع لي حسيت برآحه نفسيه عآليه وبتفآئل كبير وحسيت بنزول في آلوزن لكن مآ شفت وزني مقرره آشوف وزني آخر آلآسبوع هذآ وآن شآءآلله نزول مفرح ..”

    وبآذن آلله مستمره معآكم لآخر يوم في رمضآن وآن شآءآلله آكون قد آلتحدي ..

  76. معاك في التحدي إن شاء الله بس كنت عايز أسئل يادكتور البقسماط ينفع سناك

  77. انا اول مرة هنا وهبتدي ان شاء الله دايت من بكرة وزني ١٠٠ وطولي ١٦٨ قبلت التحدي

  78. قبلت التحدى 💪💪💪💪

  79. غير معروف

    قبلت التحدي💪

  80. مع حضرتك من اول اسبوع الوزن ٩٣والطول ١٧٤ انشاء الله قبلت التحدي ونفسي. اخس لوزن٧٠

  81. فاطمة الزهراء

    تم

  82. الوزن 71 ونص انشالله الأسبوع دا أقل

  83. الوزن ٧٠ علطول ١٥٧

  84. غير معروف

    الله المستعان معاكو باذن الله

  85. السلام عليكم دكتور
    لو سمحت أنا مرضعة لبيبي عمره سنة وأربع شهور لكنه لا يأكل أبدا حتى الزبادي فقط رضاعة طبيعية وزني ٧٠ وطولي ١٦٠ اعاني من دوخة بسيطة اريد اعمل رجيم
    شو النظام اللي أتبعه

  86. تهاني بحبوح

    قبلت التحدي ٦٩ كيلو

  87. مروه جمال

    قبلت التحدي وزني76 طولي 162 وسني 20

  88. عزيزى الدكتور احمد
    احب اقولك ان انا نزلت 14 كيلو فى شهرين وده الشهر التالت ليا نزلت من 92لوزن78 انا طولى 170
    انت متخيل معايا الفرحه اللى هبقى فيها اما ادخل اى محل لبس واختار اى حاجه تعجبنى اشتريها
    لان وزنى هيبقى مناسب جدا للبس
    ياريت تدعيلى باقى شهرين وهحقق حلمى
    عقبال كل الجرووب يارب

  89. نادية منال

    قبلت التحدي من جديد

  90. قبلت التحدي من حوالي شهر وخسيت ٣ كيلو وجوزي خليته ينتظم معايا وماشاء الله خس ٧ كيلو ميرسي يادكتور ربنا يجعله في ميزان حسناتك

  91. قبلت التحدي هداك الاسبوع طبقت معكون وهل مرة بتحدا نفسي عشان اخس صارة معنوياتي اقوى وانشاء الله رح نستمر مع الدكتور احمد منصور وانا عجبني كتير تطبيق دايت كلينك كل اسبوع نظام جديد ونستمر معكون باذن الله وبالتوفيق للجميع

  92. ان شاء الله معاكوا في التحدي وربنا يقدرنا يارب ونوصل للوزن اللي عايزينه
    الوزن 105كيلو

  93. دكتور ارجوك رد علي تعليقي نفسي اخس انا ٩٥كيلو وبصوم يوم ويوم اعمل ايه في الرجيم ممكن تفهمني

  94. غير معروف

    حضرتك بتقول اقل من 60 المفروض يثبت، بس فى ناس المثالى بتاعها بيكون اقل من 60 عشان قصيرين، يعنى فى ناس طولها 150 ووزن 60 مش حلو عليهمؤا

  95. غير معروف

    ووزن 60 مش حلو عليهم اصلا فيا ريت يكون فى انظمة للناس القصيرين اللى وزنهم المثالى بيكون قليل

  96. قبلت التحدي
    وزني الساابق ١٠١
    وزني الحال ٧١
    الهدف ٦٧
    طولي ١٦٤
    اتمنى اوصل هدفي قبل شهر رمضان المبارك

  97. مريم مريم

    والحمد لله يا دكتور انا كنت بدأت مع حضرتك من شهر 13وكنت 81كيلو والحمد لله انتظمت ووصلت لوزن 69كيلو انامبسوطه جدا بالنتيجه دي وباين عليا خالص والحمد لله دلوقت ماشيا على النظام بس بلخبط يوم واظبط باقي الأسبوع عشان أثبت وفي نفس الوقت ماتخنش تاني بشكر حضرتك كتييييير كتييثييييير ربنا يجعله فى ميزان حسناتك

  98. سيدرا الروح

    تم بأذن الله

  99. معاك بإذن الله

  100. قبلت التحدي

  101. انا هابداء من بكره ان شاءالله وزني ١٠٦ وفحصت وطلع عندي الغده الدرقيه فيها خمول عادي ابلش الرجيم هاد ولا فيه اي تأثير انا باخد علاج للغده

  102. اسمي ريم طولي 159 وزني 78 انا كنت 80 ونزلت 2 ك الحمد لله بقالي فترة طويلة باعمل دايت بس ساعات بالخبط وبالحق نفسي علي طول…عايزة اشكر حضرتك علي تحفيزنا وتشجيعنا وعلي وعبك معانا طبعا يا دكتور….وباذن الله قبلت التحدي

  103. فاطمة القاضب

    مكملة معااك بديت وزني ٨٤ في شهر ٣ و حاليا ٨٠

  104. عبير كامل

    قبلت التحدي

  105. شيماء الخطيب

    معاكم انشاء الله ومستمره وقبلت التحدى

  106. السلام عليكم
    اول مره اشارك وان شاء الله ابتدى التحدى مع الدكتور ومع الاصدقاء وان شاء الله نقدر نخس عشان صحتنا

  107. هدى زهره

    اها نسيت انا ١١٢ كيلو وطولى ١٧٠

  108. نورين نورين

    مكملين التحدي انشاء الله ربنا يوفقك يا دكتور احمد ويجازيك خير ويفرح قلبك

  109. وزني 65
    طولي 164
    عمدي سمنه ف الجزء السفلى و ترهلات
    عايزه اوصل ل 60 بإذن الله

  110. أنا ابتديت اليوم السبت معاكم وزني ٨٨،٥ و طولي ١٧٠ و مرضع 💪

  111. ملك طارق

    معاكم في التحدي بإذن الله الاسبوع دا بس مشكلتي اني باخد أدوية للتهابات المفاصل والخشونة اد ية فيها كورتيزون بتخلي جسمي مش بينزل وبيزيد علشان كدا باضعف ويجيلي إحباط ومش بكمل

  112. غير معروف

    قبلت التحدى

  113. قبلت التحدي ..
    اول اسبوع كان الاسبوع الى فات ..والحمد لله كان مرضي ..
    جزاك الله خيرا

  114. غير معروف

    قابلت التحدي بس انا مرصعه لطفل 10 شهور وعندي نسبه من الانيميا ومعدل الحرق عندي ضعيف

  115. إسراء محمد

    ٧٤ وزن والطول ١٦٤
    نتقابل بعد أسبوع ان شاء الله

  116. غير معروف

    معكم

  117. غير معروف

    انا بديت معكم من اليوم….بس بدي اسأل وقت الرياضة متى يكون؟

  118. نور الهدى

    قبلت التحدي🤗

  119. غير معروف

    انا وزني 59وطولي 164
    معاك إن شاء الله

  120. الحمد لله يادكتور أشكر حضرتك جدآ انا بدأت معاك من سبع أسابيع وكان وزني 72ودلوقتي 65 كنت ملتزمة 75 ٪وفرحانة جدآ وان شاء الله بعد الأسبوع ده هاعمل ثابت وزن ان شاء الله وأشكر حضرتك على النصايح والتشجيع لينا

  121. قبلت التحدي

  122. غير معروف

    السلام عليكم الوزن 68 الطول 164

  123. غير معروف

    قبلت التحدي👍👍

  124. قبلت التحدي وزني 130وطولي 162ويارب اقدر انزل معاكم بس انا عندي مشكلة في الغدة ونسبة الحرق معدومة نهائي فهل ليها حل ولا ايه

  125. بلشت معكم يا دكتور من شهر شباط تقريباً كان وزني 93 وهلأ وصلت ل 84 كيلو
    وبتمنى أوصل لوزن 70 كيلو
    معاكم يا دكتور وقبلت التحدي

  126. السلام عليكم
    انا اول مره اتابع دايت هنا في دايت كلينك وحابه اني ادخل التحدي الاسبوع ده و هبدء من بكره معاكم ان شاء الله انا وزني حاليا ٩٨ كيلو ونفسي اوصل ٦٠كيلو باذن الله

  127. غير معروف

    قبلت التحدي من وزن ٨١ ك

  128. ممكن نبدأ سوا عشان انا نفس وزنك تقريبا

  129. عمر توفيق

    يا دكتور انا مبدأتش معاكم من النهارده ينفع لو عملته من بكره؟ علما اني يوميا بروح الجيم معاد الاتنين والجمعه الجمعه اوف والاتنين اوف بس ساعات بقضيه سباحة

  130. غير معروف

    قبلت التحدى
    بوزن78.5ك
    كنت 86ك
    خسيت مع
    حضرتك 8كيلو ف 22يوم ملتزمه جدا وحابه جداالنظام
    ومتشجعه اكمل
    للمثالى وطبعا الفضل يرجع الكلام حضرتك وتشجعيك

  131. لولو محمد

    قبلته اكيد ربنا يباركلك يارب

  132. قبلت التحدي

  133. الاء ال سيد

    انا وزني 68 وطولي 159
    يارب اكون قد التحدي 💪

  134. ان شاء الله قبلت التحدي وبدأت النهاردة بالفعل انا حاليا وزني ٩٥ بنتي عندها 7 شهور وبترضع طبيعي لكن بدأت تاكل وطولي ١٧٠سم وان شاء الله وزني ينزل ويبقي ٧٥

  135. رشا الاردن

    مكملين التحدي

  136. محتاجه حاجه تعلي الحرق ممكن

  137. قبلت التحدي وينزل فعلا

  138. فاطمه سيد

    بدا مع حضرتك بوزن 91 وعندي نقص شديد في فيتامين د وباخد فيتامين د وعلاج لانميا.

  139. بسم الله توكلت على الله معاكم

  140. جزاك الله خيرا يا دكتور على مجهودك. ممكن حضرتك تعمل لنا دايت نباتي لانقاص الوزن. شكرا.

  141. غير معروف

    دكتور بدي أسألك هل بزر القرع يسمن ارجو الرد وجزاك الله خيرا

  142. مارو موسي

    وزني ٧٥ و طولي ١٥٧ قبلت التحدي و اصبح وزني في اسبوع ٧٣ شكرا يا دكتور و مكمله التحدي

  143. هبدا غدا ان شاء الله وزني 84 وطولي 160 الهدف الاول 75 يارب احقق

  144. غير معروف

    هبدأ اليوم بإذن الله

  145. غير معروف

    انا كنت ٨٦ ودلوقتي ٧٦ الحمد لله

  146. انا ٥٩ كيلو
    و عايزه اكون ٤٨ او ٤٥
    عشان قصيره
    بدأت الدايت من يومين و يا رب اخس بدل بطني اللي قدامي مرتين😂😂😂

  147. انا هبدأ من النهاردة

  148. غير معروف

    شكرا دكتور خلال اسبوع الي فات نزلت ٣ كيلو واليوم الفري مالتي ههههه معدل جدا حلوو ومستمره لاصل للوزن ٦٣

  149. غير معروف

    نفس وزني تفريبا وطولي ههههه

  150. دكتور لو سمحت انا التزمت اول اسبوع صيام متقطع ونزلت 2كيلو بعد فتره ثبات بس انا مشكلتي في ايام البريود بتعب اووي وبيجلي هبوط شديد وببقي عايزه سكريات وعصير ممكن تقولي ايه الحل لو سمحت

  151. مصرية من ايطاليا

    و انا كمان المرة الاولانية متعبتش بس المرة دي تعبت جدا

  152. مصرية من ايطاليا

    ألف مبروك ليكي فرحت لك جدا و عندك حق في كل اللي قولتيه و عقبالي و عقبال كل الجروب قولوا آميييييين🤲

  153. اتمني الرد على سؤالي لو سمحت

  154. غير معروف

    هوه لو انا باخد سينتروم واوميجا ثري اثناء الصيام المتقطع عادي ؟؟والماء انا بشربه بماء الورد هل دا يبوظ الصيام المتقطع ؟؟؟

  155. ياسمين. وزنى ٩٣ وطولى ١٦٠. وبوضع طفل عمره ٤شهور ايه المناسب معايا

    ياسمين حطاب
    ٣٧ سنه
    طولى ١٦٠ وزنى٩٣
    برضع طفل عمره ٤شهور
    ايه الرجيم المناسب ليا

  156. الوزن ٦٠
    الطول ١٥٦
    ان شاء الله التزم وانزل ٥ كيلو 💕😁

  157. الوزن ٦٠
    الطول ١٥٦
    ان شاء الله التزم وانزل ٥ كيلو 💕😁

  158. حضرتك انا عاوزه اكمل الدايت مع حضرتك لمده 3شهور انا لسه بدات الدايت من امبارح وكل حاجه تمام
    هو انا هاقدر اكمله لمده 3 شهور واوقف واعمل تاني بعد سنه
    لان انا راحه 3 ثانوي واهلي مش هايوافقوا اني اعمل دايت ف 3 ثانوي لو ممكن حضرتك تفيدني
    اعمل لمده 3 شهور واوقف
    ولا استني لبعد 3 ثانوي ولا اعمل ايه
    لزسمحت رد ضروري
    شكرا 💛

  159. ام عبد الرحمن

    السلام عليكم
    أولا جزاك الله خيرا
    حضرتك أنا وزني 72.8ك و نفسي انزل لحد 60ك بس المشكله عندي بطن بعد الولاده القيصري حاولت قبل كده مش عارفه بنزل في الوزن بس هي مبتنزلش انا ان شاء الله همشي ع نظام الاسبوع ده و ربنا يسهل

  160. قبلت التحدي
    وزني ٦٠
    وطولي ١٦٥
    هدفي بأذن الله ٥٠ رغم كل العقبات

  161. نجاح علي

    نفسي نخسسسسس😍😍😍😍😍

  162. وزني ٨٠
    طولي ١٦٠
    عمرضع عمر ابني ٤شهور
    بس عمبضعف ادام الاكل ووقت بخفف اكل ابني ببيطل يشبع شو فيني اعمل
    حابة انزل وزني صرلي مشتركة حوالي ٣ اسابيع بس مافي التزام كامل

  163. ميدو حرب

    السلام عليكم انا وزني ٦٦ وطولي ١٦٠سم وزني ثاااابت وبعمل صيام متقطع من شهر بس مفيش فايده وباخد حبوب مانع الحمل ممكن. تكون ليها تأثير علي عدم نزولي ارجو الافاده لاني محبطه جداااا
    طيب لو حبيت اكل كشري ممكن احط معلقه رز ومعلقتين مكرونه ومعلقه عدس والصلصه بمعلقه زيت

  164. هنا الزاهد

    شوفلى حل يا دكتور التطبيق مش بيفتح عندى

  165. هبدأ معاكم ان شاء الله الطول ١٥٣ والوزن ٦٨

  166. قبلت التحدي والله ابلش من بكرة انشالله اني وزني ٧٩ طولي ١٥٩ واريد يصير وزني ٦٠ كيلو وزوجي يحب الجسم الرشيق ويريد اردف ومؤخره كبيره شنو الحل ارجو الرد ام رقيه من العراق

  167. هل ٢٥٠غرام من صدر الدجاج تساوي ربع فرخة؟

  168. ما البديل عن الزبادي في وجبة العشاء بسبب حموضة والم في المعدة

  169. السلام عليكم انا بدأت معاكم هذه الاسبوع بس خربت نظام في ٣ و ٤ يوم وصراحه لقيت صعوبه في موضوع فما الحل عشان اقدره انقص ١٥ (خمسة عشر ) كيلو من وزني

  170. غير معروف

    وزني ٧٥
    طولي ١٦٠
    حابة اشترك معكم

  171. وزني٧٩
    طولي ٦٢ حابة اشترك معكم

  172. انا لسه محمله تطبيق الخاص بدايت كلينك ومحتاجة نصيحت حضرتك انا بقالي 3شهور متابعة مع دكتورة تغذية كان وزني 81.5وصلت 75مع العلم ان طولي 163حصلي ثبات في الوزن لفترة طويله دكتورة طلبت مني اعمل تحليل غده وتحليل د3النتيجة كانت فقص في د3بخلاف ان عندي انيميا ونقص حديد وهيمجلوبين ناقص حضرتك تنصحني بايه عشان اقدر اخس

  173. اسراء عبدالخالق

    هلا حبايبي هاد دكتور تاني اسبوع لي ف رجيم الصيام كان وزني 110وطولي164و اليوم الوزن كان ناقص 7كيلو و هلا103الحمدلله ي رب امشي مظبوط واوصل و عقبال الباقين

  174. السلام عليكم انا من ثلاث اسابيع بدءت حمية الكيتو دايت لكن نزولي جدا بطئ وزني ٧٠ حاليا ٦٧ علما ان طولي ١٥٤ السؤال هل استطيع الخروج من نظام الكيتو لنظامكم دون مشاكل وزيادة وزن

  175. انا طولي 163 ووزني 72، وباقالي اسبوعين شغاله مع حضرتك ولسه هوزن يوم السبت نفسي اوصل ل 60 كيلو بقا 😍

  176. قبلت التحدي انا رح باشر ليوم معكن

  177. وزني ٧٥ وقبلت اىتحدي

  178. نور القمر

    وزني ٧٥ وطولي ١٥٥ وقبلت التحدي

  179. Kinda Ghazal انا وزني 84 وطولي 170 حابة انزل 75

  180. Kinda Ghazal انا وزني 84 وطولي 170 حابة انزل 75 قبلت التحدي

  181. السلام عليكم اني اجيت اليوم بيوم الفري شلون اكمل لو لا ابدي من باجر زين اني عندي دوام الساعه 7:30يعني لازم افطر وشلون اتغده او اتعشه لحد 1:00

  182. ابي نظام غذائي حق رمضان يكون مفعوله يلاحظ.. و ابي يكون اكلاته معروفه ومقتدره

  183. حلا الماضي

    يعطيك العافية دكتور…. بدي اشكرك لأنك بتعطينا الحافز القوي دائما انا صارلي معك شهرين ونص ونزلت 11 كيلو ونص وكثير مبسوطة الحمدالله وانشالله مكملة معك وبقوة.

  184. انا وزني 90 وطولي 170 سم وانا قبلت التحدي وراح ابدى واخسر الوزن اللي زدته بعد الولادات الثلاثه

  185. صمتي حكاية

    انشاء اللة

  186. صمتي حكاية

    انشاء اللةواوا

  187. السلام عليكم ..انا عاوزه اكون معاكم في التحدي.. وزني 115 وطولي165 ويارب اكون قد التحدي ..بس انا مرضعه يعني ينفع اكون معاكم..

اترك تعليقاً

لن يتم نشر عنوان بريدك الإلكتروني.