رحلة المائة يوم لنسف الدهون
رحلة المائة يوم لنسف الدهون

جدول الأكل اليوم الثالث عشر “العنب في الرجيم”

السلام عليكم ورحمة الله وبركاته، أتمنى من الله تكونوا جميعاً بخير، معلومة اليوم عن العنب، العنب من الفوكه المفيدة جداً، فعلى سبيل المثال بيقلل من خطر الإصابة بمرض ألزهايمر، وبيعزز صحة المخ بشكل عام، وكمان فيه معادن مفيدة للعظام، بالتالي بتقوي العظم وبتقلل من فرص الإصابة بمرض هشاشة العظام، وأخيراً بيحسن وظائف الكلى وبيساعدها على التخلص من السموم وده بفضل إحتوائه على مضادات أكسدة قوية.

لو الوجبة الخفيفة ثمرة فاكهة، وحابب تآكل عنب، مفيش مشكلة، مسموح ليك بالكمية اللي تعادل مقدار من نصف كوب إلى كوب من العنب، في الحالة دي هتكون السعرات الحرارية في حدود الـ 60 سعر حراري.

جدول الأكل اليوم الثالث عشر

نيجي على نفسنا شوية على إعتبار إن بكره اليوم الفري، وهناخد فاصل شوية، النهاردة نظام اليوم كالآتي، الفطار 3 معالق فول + بيضة واحدة مسلوقة + نصف قطعة جبنة قريش + طبق سلطة صغير، الوجبة الخفيفة الأولى عبارة عن نصف كوب حليب كامل الدسم + ثمرة فاكهة.

الغداء 3 قطع لحمة مسلوقة + طبق سلطة والوجبة الخفيفة الثانية نصف كوب حليب كامل الدسم، والعشاء عبارة عن علبة زبادي + 2 ثمرة خيار.