الرئيسية / أنظمة غذائية / تحدي #دايت_كلينيك لنسف الدهون يبدأ من 1 ديسمبر وينتهي 7 ديسمبر

تحدي #دايت_كلينيك لنسف الدهون يبدأ من 1 ديسمبر وينتهي 7 ديسمبر

السلام عليكم ورحمة الله وبركاته، معاكم دكتور أحمد منصور أخصائي التغذية العلاجية، يارب تكونوا بخير، مكمل معاكم في التحديات بتاعتنا، وإن شاء الله التحدي الأسبوع ده هيكون في يوم فري، والحمد لله وصلني كم رسايل رهيب، من أعضاء متابعين رجيماتنا، نزلوا الأسبوع اللي فات أكتر من كيلو ونص دهون، وده شئ مثالي جداً طبعاً، أهم شئ نفضل متمسكين بإرادتنا دي، علشان، أقدر أساعدكم توصلوا للوزن المثالي.

التحدي كالعادة لمدة 7 أيام وإن شاء الله مناسب لأي حد وزنه فوق 60 كيلو، وهعمل لكم موضوع إسمه تقرير المتابعة علشان تكتبوا ليا أي سؤال على مدار الأسبوع.

على الريق طول الـ7 أيام إن شاء الله، هنشرب كوباية مياه دافية ومعاها ملعقة عسل أبيض (عسل النحل الطبيعي) وياريت نكون متأكيد إنه عسل أصلي مش مغشوش، والكوباية دي ليها فوايد كتير جداً أهمها إنها بتعلي معدل الحرق طول اليوم، وبتديلك طاقة كبيرة تبدأي بيها يومك.

لو مش متوفر عندك عسل أبيض أو مش قادرة توفري عسل أصلي، يبقى على الريق تشربي كوباية مياه من الحنفية ومعاها تلات تمرات.

اليوم الأول والثاني والثالث 

وجبة الفطار يمكنك فيها الإختيار من بين:- 

  • كوب حليب خالي الدسم + 5 معالق شوفان
  • كوب حليب خالي الدسم + 5  معالق بليلة
  • كوب حليب خالي الدسم + 5 معالق كورن فلكس
  • 5 معالق فول + ربع رغيف عيش
  • بيضة مسلوقة + ربع رغيف عيش + ثمرة خيار
  • تمن كيلو جبنة قريش أو أي جبن خالي الدسم + ربع رعيغ عيش + ثمرة خيار

بعد وجبة الفطار بساعة أو إتنين أول تلات أيام:- 

ثمرة فاكهة واحدة

 

وجبة الغداء أول تلات أيام:-

  • ربع فرخة مسلوقة أو مشوية
  • أو شريحتين لحمة مسلوقة أو مشوية
  • أو علبة تونة بدون زيت
  • ربع كيلو كفتة مشوية
  • 2 سمكة مشوية متوسطة الحجم
  • ربع كيلو من أي جبنة خالية الدسم وأنا أفضل الجبنة القريش
  • 2 بيضة مسلوقة

أول تلات أيام غير مسموح بتناول العيش أو الأرز أو المكرونة ( إفرحي يا إسراء ) ولكن مهم جداً مع وجبة الغداء طبق سلطة خضراء، وطبق خضار مطبوخ بطريقة صحية زي:-

  • شوربة الخضار
  • أو بامية
  • أو سبانخ
  • أو فاصوليا
  • أو لوبيا
  • أو ملوخية
  • أو كوسة
  • أو بروكلي
  • أو عدس

وجبة العشاء أول تلات أيام:-

كوب حليب خالي الدسم + ملعقة شوفان

أو كوب زبادي خالي الدسم + ملعقة شوفان

أو

ثمرة فاكهة

وجبة الفطار اليوم الرابع والخامس والسادس

يمكنك الاختيار من بين:-

  • 2 بيضة مسلوقة
  • 2 كوب حليب خالي الدسم
  • كوب حليب خالي الدسم + بيضة مسلوقة
  • علبة زبادي + ثمرة خيار
  • تمن كيلو جبنة قريش عليها ملعقة زيت زيتون

بعد وجبة الفطار، بساعة أو اتنين، في اليوم الرابع والخامس والسادس:-

ثمرة فاكهة واحدة

وجبة الغداء في اليوم الرابع والخامس والسادس
هي نفس نظام أول تلات أيام في كل حاجة بالإضافة إننا هنقدر ناكل فيها، تلات معالق رز أو تلات معالق مكرونة أو ربع رغيف عيش  ..

وجبة العشاء اليوم الرابع والخامس والسادس:-

بيضة مسلوقة + ثمرة خيار

أو

علبة زبادي + ثمرة خيار

 

اليوم السابع (فري) ..

 

معلومات وتنبيهات

  • يجب على الأقل شرب 8 أكواب من الماء يومياً ..
  • على مدار اليوم لو حستي بجوع تناول الخيار أو الخس ..
  • لو جوعتي بالليل ممكن تشربي حمص الشام أو أي شوربة صحية زي العدس، أو تشربي كوب حليب خالي الدسم.
  • مسموح بالقهوة والشاي ولكن غير مسموح سوى بمعلقة سكر واحدة ..

 

مجموعة من المقالات الهامة:-

الفواكهة المسموح بها أثناء الدايت والكميات المناسبة:- (هنا)

حل مشكلة ثبات الوزن (هنا)

طريقة تحضير طبق عجة “دايت” يكفي (3 أفراد) .. (هنا)

رجيم المرضعات (هنا)

رجيم مرضى الأنيميا (هنا)

رجيم لمرضى الكوليسترول (هنا)

طريقة عمل شاورما فراخ “دايت” بسهولة (هنا)

طريقة عمل طاجن فاصوليا (هنا)

طريقة عمل شوربة عدس “دايت” (هنا)

 

يا ترى قبلتوا التحدي ولا لأ .. إكتبولي في الكومنتات، ولو حاسة إن التطبيق بيفيدك، إدخلي على جوجل بلاي إكتبي دايت كلينيك، واعملي لينا تقييم حلو ..

عن د/ أحمد منصور

129 تعليق

  1. غير معروف

    هل التحدى ده مناسب لاى وزن

    • د/ أحمد منصور

      فوق 60 كيلو

      • نورين نورين

        ابتديت معاكم التحدي اللي فات. بس لغبط شويه انشاء الله التحدي دا امشي مظبوط

      • غير معروف

        انا بدي بلش معكم كيف ممكن تساعدوني

      • غير معروف

        اهلا دكتور
        الطول 164
        الوزن 63
        العمر 22
        اعمل أي دايت لأصل لوزن 57
        علما انااعمل دايت ولكن الوزن ثابت.
        وانا أبدو بوزن 55 ولكن وزني 63😊

      • اهلا دكتور
        الطول 164
        الوزن 63
        العمر 22
        اعمل أي دايت لأصل لوزن 57
        علما انااعمل دايت ولكن الوزن ثابت.
        وانا أبدو بوزن 55 ولكن وزني 63😊

      • غير معروف

        اني ملتزمه بالاكل الصحي بس لدي تكسر بكريات الدم الحمراء وممنوع اتناول بقوليات نسبه الحديد عالية والعلاج مع الوجبات المطروحه جدا يأذيني شنو لازم اسوي

    • معاكم ان شاء الله في التحدي الرابع بنسبالي الحمد الله مش عارفه اشكرك ازاي انت انسان بمعني الكلمه عشان شجعتني اني اتغير والحمد الله انا نزلت 7كليو ف3اسابيع تحدي ومكمله ان شاء الله والمقاس كمان اتغير وبداشكل جسمي يتغير وشكرا علي تعبك معانا كلنا 🌹🌹🌹

    • غير معروف

      الطول ١٦٤
      الوزن ٦٣
      العمر ٢٢
      وابدوا نحيفه بوزن ٥٥
      وانا اريد اصل لوزن ٥٧
      أي دايت ممكن اعمل لأصل إلى وزن ٥٧

  2. رانده احمد

    انا حامل في السابع ووزني 85 كيلو وعايزه اخس من فضلك قبل الولاده ارجو الرد عليه

    • د/ أحمد منصور

      الافضل لحضرتك بعد الولادة

      • ممكن اعرف بعد اذنك ايه هي شروط اليوم الفري
        انا لسه محمله التطبيق وعاوزه اتابع معاكم من بكره ان شاء الله

      • غير معروف

        انا وزني ،١١٠ لسه جديده معكم

  3. غير معروف

    هتحدى معاكو 💪

  4. انشاء الله ابداء بكره معاكم

  5. عبدالقادر

    شكرا يادكتور على مجهوداتك الرائعه

  6. الاء محمود

    طب يا دكتور انا انتظمت الاسبوع ده بس مخستش علي الميزان بس بان شويه في الشكل وبالنسبه للرياضه انا ضروري العبها انا وزني ٨٧

    • د/ أحمد منصور

      طالما بان في الشكل مش مهم ميزان دلوقتي

      الرياضة مش ضروري الفترة دي

  7. ان شاء الله اتابع معاكم

  8. تم 😻 متحمسة كتير 💕
    شكرا الك دكتور ..💙

  9. ندا هشام

    دكتور طب انا وزني ٧٠اعمل اي اتابع معاكم ول لاء

  10. غير معروف

    انا معاكم فى التحدى بس عاوزة اعرف ممكن اشرب شاى بلبن مع الفطار وربع رغيف عيش يساوى كام واحدة توست

  11. هبدا معمول بكره أن شاء الله

  12. سماح المصري

    ان شاء الله مع حضرتك

  13. فاطمة الصاوى

    انا ٧٠ كيلو ونفسي اوصل لل ٦٠ ان شاء الله حنتظم معاكم 🤗🤗🤗

  14. مرحبا انا حابه انحف وزني ٨٨ كيلو وصعب اني انحف كتير مشيت ع برامج دايت وكنت مااشوف اي جدول شوبدي اعمل دهون عندي عنيده ممكن مساعده

  15. انا امعاكم بس عاوزة اعرف ممكن اشرب شاى بلبن مع الفطار وربع رغيف عيش يساوى كام واحدة توست رجيم

  16. الودعاني

    السلام عليكم
    لوسمحت يادكتور انا عندي خمول فالغده وعندي قولون عصبي وتعبت من عدم نزول وزني
    سؤالي :هل بيفدني هذا النظام لنزول وزني؟
    وشكراً

  17. غير معروف

    انا معاكم انا وزني 86 وعمري 44 وطولي 162 لو سمحت يا دكتور انا يلزمني كام كيلو انزلو لو سمحت

  18. مدام ولاء

    يعنى ينفع لوزن ١١٠ومريض سكر زهق من علاج السكر

  19. أولادي نور عيني

    انا بفضل الله وبفضل الدكتور نزلت كيلو وبس
    الحمدلله
    ومكملة بلتحدي باذن الله
    وفرحانة كتير بالنتائج يلي حققتها

  20. ابن فلسطين

    لو سمحت دكتور عاوز اليوم الفري
    شكرا لك

  21. معاكم ان شاء الله حبدا من السبت

  22. ان شاء الله اتابع معاكم

  23. اسراء سيد

    النظام كويس جدا واحسن حاجه مفهوش نشوي كتير .ب التوفيق يا دكتور

  24. ملك طارق

    انا معاكم أن شاء الله
    بس عندي مشكلة وزني ثابت والحرق ضعيف جدا تقدر تقول واقف
    ارجو الرد

  25. احلام فنزويلا

    قبلت التحدي

  26. ان شاء الله ابدا بكرة بس كنت ريجيم للمذاكرة لانى بحس بالجوع

  27. غير معروف

    ان شاء الله مستمره معاك دكتور مع اني لخبطت و خبصت كتير الاسبوع الفات بس حاسه بخفه والحمد لله والاسبوع ده انا من اليوم بره البيت عشان كده ما اظن حاقدر التزم ميه الميه بس بحاول ان شاء الله و مشكور كتير دكتور

  28. السلام عليكم

  29. لو سمحت دكتور
    انا متابعه جديده لسه منزله التطبيق وان شاء الله هبدا معاكم من بكره . الرجيم نظامه جميل وكله تمام
    بس عاوزه اسال عن شروط ونظام اليوم المفتوح.

  30. غير معروف

    ان شاء الله مع حضرتك بس عندي مشكلة شكل جسمي علي شكل كمثري علشان ينفع معاي دايت لازم مشي ورياضة وانا عندي خشونة وهشاشة

  31. جمييييل انه التحدي للوزن الأكثر من ٦٠ لأنه من قبل كان وزني ثابت في التحدي اكثر من ٧٠
    ومعكم بإذن الله في التحدي

  32. غير معروف

    ان شاء الله رح ابدا معكم 🌸😍

  33. انا جديدة معاكم هبدأ من بكرة ان شاء الله بوزن ٧٥كيلو وهقلكم علي الوزن بعد ما يخلص التحدي بإذن الله قبلت التحدي

  34. ملتزمين والميزان ما يتحرك الوزن هو هو الحمد لله
    قبلت التحدي إنشاء الله ده الأسبوع الثاني مع حضرتك

  35. كم كيلو ممكن ننحف عليه

  36. أولادي نور عيني

    قبلت التحدييييي

  37. دكتور احمد انا عايزة اعمل رجيم ثبات الوزن لانو الحرق عندي بطئ جدا جدا أبدأ الاسبوع ده واواصل الاسبوع اللي جاي ولا ايه، انا اصلا كنت عاملة رجيم قبل الرجيم ده وناس المشكلة كانت معاي

  38. رح جرب وشوف و يا رب اوصل لنتيجة

  39. فادية الحسن

    انا عايزة ابدا معاكون بس انت مارديت على تعليقي ورسالتي عايزة تردعطلبي

  40. سندس أحمد

    أنا نفسي اخس بجد ومفيش أراده خالص عايزة مساعدة بجد أنا فوق ٩٠

  41. شيرين عطية

    قبلت التحدى

  42. غير معروف

    معاكم أن شاء الله وقبلت التحدى

  43. انا بلشت معاك بالريجيم من ٣ ايام ورح كمل عنظام الجديد وان شاء الله رح اخسر وزن منيح معاك يادكتور الله يومفقك لما يحبه ويرضاه

  44. مع إنه أغلب تعليقاتي لا تظهر ولاارها موجودة بس مكملة في التحدي ومستمرون للوصول للوزن المثالي 💪💪💪💪💪💪💪

  45. ديما محمد

    دكتور الاسبوع بالتحدي الي فات ما التزمت بس كنت العب رياضة مشي نص ساعة يومين معقول اكون ما زدت مع الرياضة كنت اكل حلو باليل رياضة اتمنى جاوبني

  46. انا عايزه ادخل التحدي ده
    وزني 73

  47. انا خلصت اسبوع تنشيط الحرق الاسبوع دا ابدا معاكم

    • لو سمحت ايه نظام تنشيط الحرق ده اصل انا جسمي ثابت ومش عارفه اوصل للنظام ده 😉

  48. يسعدلي مساك تم التحدي الله يجزيك الف خير

  49. السلام عليكم يا دكتور احمد انا بقالي شهر مع حضرتك طولي 186سم وزني كان 118 نزلت 8 كيلو مع تحدي كل أسبوع لكن بطني كبيرة جدا والصدر ودي حاجه مديقاني جدا ايه الحل انا بعتت كتير بس التعليق مبنزلش معرفش ليه

  50. وزني ٨٦ ك
    وزن الدهون 26 ك
    الانيميا 9
    وعندي ضعف اعصاب في رجلي مش بقدر اعمل رياضة المشي
    عايزة اخس حوالي 15 ك
    اية النظام المناسب ليا وياريت لو في ادوية تعلي الحرق لانة ضعيف جدا لاني تقريبا مش بتحرك غير لشغل البيت
    شكرا لحضرتك

  51. معاكم باذن الله،

  52. معاكم يا دكتور دعواتك

  53. غير معروف

    لوسحمت يادكتور بعد الرجيم الوزن بيرجع تاني ولا لا

  54. لوسحمت يادكتور بعد الرجيم الوزن بيرجع تاني ولا لا

  55. ليش ما في رد على اسىءلتي

  56. قبلت التحدي

  57. مع حضرتك ان شاء الله

  58. غير معروف

    إن شاء الله معاكم في التحدي من بكرة

  59. انا خلصت الاسبوع الي فات تحدي تنشيط الدهون الاسبوع دا اكمل معاكم التحدي الجديد

  60. باذن إبداء معاكم غدا ان شاء الله وانا متحمسة هلبه

  61. نورين نورين

    ابتديت معاكم التحدي اللي فات. بس لغبط شويه انشاء الله التحدي دا امشي مظبوط

  62. دكتور جزاك الله كل خير انا انا عملت التحدي الاسبوع اللي فات ونزلت عليه الحمدلله كيلو و300جرام بس انا اصلا عامله دايت من عشرين يوم بس ليا رجاء لحضرتك وانت بتكتب التقرير تشرحلنا ايه سبب منع النشويات في فترة الغدا في اول تلات ايام والتلات ايام الباقيين فيهم نشويات والاسبوع ده هننزل كام كيلو ان شاء الله وشكرا لحضرتك

  63. معاك دكتور 💪فالنا الرشقه

    وزنت نزلت كيلو و3 جرام الاسبوع ذا
    يعني خسيت خلال شهر ونص 5 كيلو ليش نزولي بطي جدا

  64. ل وسمحت النظام دا ينفع مع الصوم المتقطع

  65. ان شاء معاكم من يوم الاحد

  66. مني السيد

    جزاك الله خيرا

  67. الله يبارك لحضرتك والله انا هبدا الاسبوع التالت مع حضرتك نزلت فى الاسبوعين اللى فاتو ٧ كيلو

  68. قبلت التحدى ومعااك يدكتور 💪💪

  69. غير معروف

    ج

  70. قبلت التحدى وان شاء الله اخس😂🤷🏻

  71. امجاد القذافي

    قبلت التحدي

  72. قبلت التحدي

  73. غير معروف

    انا بدي بلش معكم كيف ممكن تساعدوني

  74. غير معروف

    تساعدوني

  75. نزر هاني

    دكتور طب فيه ارايبي عايزين يعملوا الرجيم وانا معاهم بس هما فوق الميت كيلو يشترط الرياضه ولا لا

  76. انا بدأت من اليوم وان شاء الله حكمل معاكم

  77. فاطمة محمد

    السلام عليكم ..
    دكتور انا طولي 154 وزني 67 مشكلتي انزل شوية وبعدين الخبط وارجع الضعف مالحل

  78. غير معروف

    طيب احنا عندنا صيام مفهوش لبن وبيض ولحوم وهكذا ممكن نظام دايت صيامي يادكتور ✋🏻

  79. مرحبا دكتور انا وزنى ٨٥ وطولى ١٦٠ بديت التحدى اليوم
    مع العلم اننى برضع

  80. ام فيروز

    انا بستخدم سويتال مسموح بكام معلقة منه في اليوم

  81. شكرا لحضرتك

  82. صراحة شي مش سهل بس تحمست أنا منكوب لبنان وشفت التطبيق بالصدفة أنا بدأت معك ممكن اعرف قديش لازم انزل على هذا النظام بالشهر

  83. هو المفروض انزل قد اي ع التحدي ده

  84. وزني٦٩
    طولي١٥٦
    وبديت امس والحمد لله ماشيه وكل شي كويس وحاسه اني خفيفه شكرا يادكتور

  85. ام البتول

    دكتور حابه استفسر انا ارضع واتبع رجيم المرضعات معاك بس الحليب ماخب قليل الدسم او خالي الدسم احب نيدو كامل الدسم هل كوب وسط ياثر ع الرجيم كل يوم الصباح مع شابوره بر اتمنى تفيدني يادكتور والله يجزاك الف خير وزني ٦٩وطولي ١٥٦ وامشي يومياساعه ونص وتمارين يوم ايه ويوم لا لكامل الجسم والبطن تمارين يوميا لاني اخاف كثبر ع شكل البطن عندي

  86. ممكن يا دكتور تراعي في الرجيم الصيام و تكتب اكل صيامي في كل الوجبات

  87. انا ابتديت مع حضرتك بس وقعت ع رجلى واتجبست ينفع اكمل ريجيم مع العلاج اللى باخده ولا مينفعش

  88. ممكن رجيم صيامي للمسيحين

  89. اريد الاشتراك هل ينفع ابدا من اليوم؟

  90. ملتزمين مع حبة خرمجة ياريت يكون في متابعة وتشجيع

  91. داليا فوزي

    جزاك الله خيرا يا دكتور بس انا ينفع ابدا من بكرة انا لسه منزله التطبيق و شايفه التحدي ☺

  92. وزني ٧٤.٥ و طولي ١٦٠ كم لازم انزل من وزني مع العلم ارضع

  93. ام البتول

    مارديت علي يادكتور

  94. يا دكتور لو سمحت انا بحس بدوخه جامده وصداع ومش بقدر اعمل اي مجهود بحس أن مرهقه هل يعتبر. كده أن النظام بباثر عليا صحيا ؟

  95. دكتور انا مكملة معاكم بس عايزة اعرف كم لازم تنزل كمان
    وزني صار 70 وطولي 163 ارجوك يادكتو ر رد علي

  96. ربنا يبارك لحضرتك انا لسه محمله التطبيق وشفت تعليقات الناس على التطبيق حاجه تفرح وتشجع جدا انا ماشيه بقالى فتره على دايت ونزلت وزن بس حاسه مقاساتى ثابته ايه السبب

  97. غير معروف

    السلام عليكم ورحمه الله وبركاته ماشاء الله عليكم بجد عندكو طاقه ايجابيه حلوه قوي ومفحزه
    بس انا للاسف كنت زيكو بس معدش عندي أراده من حديد لأني عملت رجيم كتير جدا وللأسف وزني منزلش الابسيط مشكلتي في الأرداف لما تقريبا بقيت كئيبه طول الوقت نفسيتي وحشه على طول وبكره أشوف نفسي في المرايه
    أرجوكم ساعدوني نفسي اتغير بجد
    انا سني 24
    طولي 172
    وزني 110

  98. السلام عليكم معاكم ام معاذ من السعوديه الشكر لك يا دكتور علي مجهود الرائع وربي لايحرمك الاجر . التحدي فاتني ابغي أبدأ التحدي القادم باذن الله
    عمري 49 ووزني 69 وطولي 159 انا لي اسبوعين في رجيم ورياضة كان وزني 70 ومانزلت الا كيلو هدفي من نزول وزني صحتي وهي اهم من كل شي توكلت علي الله وببداء معاكم

  99. دكتور انا كان وزني ٧٣ وعملت دايت في رمضان وخسيت حلو وبقا وزني ٦٩ بعد كدة بطلت عشان ظروف بس كنت خسيت بدون رجيم بقيد ٦٧ وانا عملت دايت من شهر و ٣اسابيع وخسيت وباين عليا بس وزني بقا ٦٤ وبخس ببطئ من شهر و ٣اسابيع هو انا مش محبطة وبردو هكمل بس هو ليه كدة بخس ببطئ

  100. انا ما بحب الحليب بالمره بكل اشكاله شو بقدر اخد بداله

    • د/ أحمد منصور

      لازم تحبيه

      طالما مفيش مرض يمنعك من شربه

      الحليب مفيد جداًًًً

  101. ام فاطمه

    اني وزني ١٢٠ واريد اتابع وياكم

  102. ملك سليمان

    السلام عليكم يادكتور انا ليه منزله التطبيق وتيهه مش عارفه ابتداء من انها اسبوع بظبط وكله داخل على بعض ياريت حضرتك تساعدنى

  103. ملك سليمان

    دكتور ينفع اشرب حلبه مع الرجيم ارجو الرد

  104. Its like you read my mind! You seem to know so much about this,
    like you wrote the book in it or something.

    I think that you could do with a few pics to drive the message
    home a bit, but other than that, this is great
    blog. A great read. I’ll certainly be back.

اترك تعليقاً

لن يتم نشر عنوان بريدك الإلكتروني.