الرئيسية / أنظمة غذائية / تحدي نسف الدهون يبدأ من 15 ديسمبر وينتهي يوم 21 ديسمبر

تحدي نسف الدهون يبدأ من 15 ديسمبر وينتهي يوم 21 ديسمبر

السلام عليكم ورحمة الله وبركاته، معاكم دكتور أحمد منصور، إعذروني على التأخير، ولو أني زعلان منكم علشان طلبت تقييمات كتير للتطبيق على جوجل بلاي وللأسف ملقتش لكن في كل الأحوال، أنا مقدرش أتأخر عنكم، وإليكم نظام الأسبوع القادم بأمر الله.

النظام مناسب لأي وزن فوق 65 كيلو، تقدري تبدأي معانا من اليوم اللي حملتي فيه التطبيق، ولو أنتي كنتي مقصرة الأيام اللي فاتت، مش مهم افتحي صفحة جديدة، وتابعي معانا من أول بكره وإن شاء الله خير، وقريب نحتفل بوصولك للوزن المثالي.

ركزوا بقى، النظام كالآتي:-

اليوم الأول والثاني والرابع والخامس

على الريق معلقة عسل  أبيض أو أسود أو تلات تمرات ومعاهم كوب من الماء لا يشترط ماء دافئ.

وجبة الإفطار خلال اليوم الأول والثاني والرابع والخامس

يمكنك الإختيار من الآتي:-

  • علبة زبادي + ثمرة خيار
  • تمن كيلو جبنة قريش + طبق سلطة
  • تمن كيلو من أي جينة قليلة الدسم + معلقة زيت زيتون + ثمرة خيار

بعد الفطار بساعة أو اتنين:-

كوب حليب خالي الدسم ومعاه قطعة شوكولاته، أيوا اللي قرأتوه ده صح، يعني تشتروا قالب النهاردة أو بكره وتقسموه على الأبع أيام الأول والثاني والرابع والخامس، كل يوم فيهم بعد الفطار بساعتين، تأكلوا حتة شوكولاته مع كوباية الحليب، ودي غرامة التأخير في تنزيلي النظام الجديد (ههههههه).

بالنسبة للشوكولاته، الأفضل شوكولاته دارك، ولكن ممكن أي نوع آخر، وبالنسبة للكمية فتقسمي 100 جرام على الأربع أيام.

وجبة الغداء خلال اليوم الأول والتاني والرابع والخامس

يمكنك الإختيار من بين:-

  • ربع كيلو جبنة قريش
  • 2 بيضة مسلوقة
  • علبة تونة بدون زيت
  • 2 سمكة مشوية
  • ربع فرخة مسلوقة أو مشوية
  • شريحتين لحمة مسلوقة أو مشوية
  • ربع كيلو كفتة مشوية
  • تمن كيلو كبدة مشوية

مع وجبة الغداء خلال الأربع أيام دول ( طبق سلطة وطبق خضار زي السبانخ أو العدس أو اللوبيا أو البامية أو الكوسة ) بس طبعاً الخضار يكون مطبوخ بطريقة صحية، يعني من غير سمنة أو زيت أو بالكتير أوي معلقة زيت زيتون.

بين وجبة الغداء والعشاء خلال اليوم الأول والثاني والرابع والخامس

علبة زبادي + ثمرة خيار

وجبة العشاء خلال اليوم الأول والثاني والرابع والخامس

ربع رغيف عيش + بيضة مسلوقة عليها رشة كمون، + فلفل أخضر أو خيار.

 

نظام اليوم الثالث

الفطار:- ربع رغيف عيش + ثمرة خيار + 5 معالق فول

 

بعد الفطار بساعتين:-

كوب حليب خالي الدسم + ثمرة فاكهة

وجبة الغداء في اليوم الثالث هتكون زي اللي مكتوبة فوق لكن مسموح تضيفي عليها 3 معالق رز أو مكرونة أو نصف رغيف عيش.

 

وجبة العشاء:-

ثمرة فاكهة أو كوب زبادي معصور عليه ليمونة

 

نظام اليوم السادس

وجبة الفطار:-

2 بيضة مسلوقة + ربع رغيف عيش + ثمرة خيار أو فلفل أخضر

بعد الفطار بساعة أو اتنين:-

ثمرة فاكهة

 

وجبة الغداء:-

نفس الوجبة بتاعتنا اللي متعودين عليها، ومش مسموح بنشويات، يعني مفيش عيش أو رز أو مكرونة.

وجبة العشاء:-

كوب حليب خالي الدسم.

 

اليوم السابع:– فري

خطة اليوم الفري هتلاقوها (هنا)

 

  • على الأقل كل يوم لازم تشربي 8 أكواب مياه
  • عند الجوع يمكنك تناول الخيار أو أي شوربة صحية مثل العدس أو البروكلي، ..
  • مسموح بالقهوة والشاي
  • مسموح بمعلقة سكر واحدة فقط كل يوم
  • يفضل تناول الشاي لواحده والحليب لواحده وعدم خلطهم

 

مجموعة من المقالات الهامة

الفواكهة المسموح بها أثناء الدايت والكميات المناسبة:- (هنا)

حل مشكلة ثبات الوزن (هنا)

طريقة تحضير طبق عجة “دايت” يكفي (3 أفراد) .. (هنا)

رجيم المرضعات (هنا)

رجيم مرضى الأنيميا (هنا)

رجيم لمرضى الكوليسترول (هنا)

طريقة عمل شاورما فراخ “دايت” بسهولة (هنا)

طريقة عمل طاجن فاصوليا (هنا)

طريقة عمل شوربة عدس “دايت” (هنا)

عن د/ أحمد منصور

92 تعليق

  1. اي نوع شيكولاته يعني ولا خام

  2. أحلى دكتووووووور والله دي حتة الشوكلاته زادت معزتك في قلبنا والله هههههه

  3. النظام كويس جداً🌹👌
    بالتوفيق يا دكتور🌸

    • ام دارين

      يادكتور. لو سمحت ينفع استعمل مرق اللحام او الفراخ بحبها جدا

  4. أولادي نور عيني

    قبلناااا التحدي وبالتوفيق للجميييييييع

  5. ليا كثير بستنى بالبرنامج ان شاء الله بس اخس معاه ….تحياتي ليك يا دكتور

  6. بالنسبه للتقيم تم يادكتور من اسبوعين
    اما بالنسبه لبار الشكولاته ده اي نوع شكولاته يعني كابري او جلاجسي ساده ولو ممكن مااخدوش ممكن استبدله بايه

  7. لولو محمد

    معاك يا دكتور طب ممكن كوب نسكافيه في اليوم بحليب خالي الدسم

  8. دكتور عندي تساقط في شعري فضيع ودوخه الاسبوع الي طاف ايش السبب برغم اكل الفاكهه والخضار وشرب تقريبا 3 لتر ماء

    • تساقط الشعر يكون سببه فصل الخريف .معناه ما في مشكلة عادي لما يسقط لانو راح يجدد و يصير اقوى و احسن

    • ام دارين

      اذاي موضوع مكرر عيزا اتواصل مع الدكتور ازاي

  9. ام يوسف جزاك الله خيرا

    مشتركه

  10. تسلم يا دكتور احمد . ربنا يبارك فى حضرتك

  11. اي نوع شوكلاه والا دايت دكتور

  12. ولاء عبدالجواد

    الزبادي قليل الدسم أو عادي؟

  13. رشا مكرم

    عايزه نظام نباتى للصيام ضرورى

  14. البرنامج حلوووو جدا إنشاء الله التزام وياريت تكون النتيجة مرضية نهاية الأسبوع😀

  15. شكرا دكتور رح جرب التزم أنا كل أسبوع بخليط شوي

  16. الشوكلاته اي نوع عادي او الي تكون من دون سكر

  17. أم العيال

    معاكم ان شاء الله

  18. عادي اخذ حليب قليل الدسم بدل خالي الدسم

  19. غير معروف

    النظام ده يخسس كام كيلو يا دكتور

  20. غير معروف

    النظام يخسس كم كيلو

  21. النظام يخسس كم كيلو

  22. غير معروف

    شكرا يادكتور مكملين ان شاء الله معاك 💪💪

  23. غير معروف

    لكن يادكتور قطعة الشيكولاته قد ايه

  24. إن شاء الله نلتزم
    ربنا يوفقنا جميعا

  25. نورين نورين

    السلام عليكم دكتور احمد شكرا على تعبك معانا هو العسل والماء كل يوم ولا الاربع ايام بس

  26. دكتور النظام دة ينفع مع وزن 84

  27. دكتور النظام دة ينفع مع وزن 84

  28. دكتور لو سمحت النظام دة ينفع مع وزن 84

  29. بعد اذنك يادكتور بالنسبه للشيكولاته اى نوع عادى وممكن اعرف النسكافيه بلاك مع اللبن من غير سكر عادى اثناء الدايت ولا ايه

  30. بعد اذنك يادكتور بالنسبه للشيكولاته اى نوع عادى وممكن اعرف النسكافيه بلاك مع اللبن من غير سكر عادى اثناء الدايت ولا ايه

  31. الله يسعد مساك يارب تم ان شاءالله احنا قد التحدي بس اديه يعني تمن من الجبنه القريش هلأ عنا بالقدس ببيعو الجبنه بعلبه مدوره يعني مو كيلو تقريبا 150غرام اديه يعني ؟

  32. بالنسبه الفطور اذا ما في جبنه قريش شو ممكن بديل؟؟؟

  33. انا عملت تقييم على جوجل قبل كده ينفع اعمله تانى …ربنا يباركلك فى مجهودك معانا …وممكن اكل اللب السورى من غير ملح كسناكس كل فتره ولا غلط

  34. غير معروف

    ممكن ابدل ثمره الخيار في الفطار ب اي

  35. ممكن ابدل ثمره الخيار في الفطار ب اي

  36. هل السكر الدايت مسموح

  37. هبداء المرة دى ان شاء الله طب النظام دا بينزل قد اية فى لاسبوع

    • انا بكل سعادة قيمت التطبيق ويعطيك العافية دكتور انا خسيت ٢ كيلو اول اسبوع بس ياريت دكتور اتجاوبني عن قطعة الشوكلا ايه الكمية وينفع نو بسكوت بدل الشوكلا او كم الحريرات المطلوبة ياريت تحدد

  38. دكتور … انا وزنى ٦٧ وطولى ١٦٠ والزيادة ظاهرة اكتر فى منطقة البطن … هل من الافضل اتبع النظام ده ولا نظام الاسبوع السابق … علشان انا نويت التزم ان شاء الله

  39. غير معروف

    جزاك الله خيرا

  40. مين بدها نعمل قروب على واتس اب و نتابع بعض و نشوف مين نزل اكتر رح يكون حماسي الدايت و حلو رح خلي رقمي ممنوع الجنس الذكري ٠٠٢١٣٥٥١٣٩١٨٣٦ 00213551391836.

  41. شكرا لحضرتك يادكتور
    سؤال ينفع أبدل قطعه الشكولاته بملعقة نوتيلا
    وهل ضروري طبق الخضار فى الغداء ولا ممكن الاستغناء عنه

  42. غير معروف

    هبدأ إن شاء الله

  43. ام حمودي

    شكرا دكتور انشالله أضعف يارب

  44. ام كلثوم

    دكتور وزني ٩٣ و ولي ١٥٠ هل الجدول راح يضعفني

  45. شكرا لحضرتك يادكتور
    سؤال من فضلك
    ينفع استبدل قطعه الشكولا بملعقة نوتيلا
    وطبق الخضار بالغدا ممكن استغني عنه ويكفي السلطه

  46. ام دارين

    يارب التزم بلتوفيق للجميع ،،⁦(^^)⁩

  47. توصلنا على الله ❤

  48. رودينا محمود

    معاك ان شاء الله يااحسن دكتور في العالم

  49. قبلت التحدي
    ابدا من اول بكره وبالنظام ده ولا اي

  50. قبلت التحدي
    هبدا من بكره والنظام ده ولا اي بالظبط

  51. المفروض النظام دا ينزل اد ايه

  52. قبلت التحدي معاكم باذن الله فرحي قرب وعايزه أخس شجعوني

  53. سلام دكتور و للجميع في الجزائر لا نأكل الفول لمادا يمكن أن تعويضه من فضلك و شكرا على الشوكولا و قبلنا التحدي

  54. لوسمحت يادكتور هوه ينفع مكلش شيكولاته اصل انا مبحبهاش وحاجه تاني انا مقدرش اشرب لبن ساده ينفع استبدله بحاجه انا نفسي ابدا بس مقدرش اشرب اللبن لو ينفع بديل هابدا اكييييد ارجو الرد

  55. من فضلك يادكتور بار الشيكولاته حجمه اداي بالظبط ودارك ولا عاديه

  56. شكراً لحضرتك يادكتور عملنا التقييم

  57. ام سامي منالمغرب

    ام سامي من المغرب السلام عليكم دكتور التحقت الاسبوعين الاخيرين ب كلينيك دايت الحمد لله بدأت النتائج تظهر نزلت في هذين شكرا لكم انا مواصلة معكم الدايت.

  58. أولا الشكر لله وثانيا شكرا دكتور أحمد. في التحدي السابق الحمد لله نزلت 4 كيلو في الاسبوع كان وزني 92.4 وصار وزني 88.4 وإن شاء الله أشد حيلي ونزل 4 كيلو في التحدي الجديد

  59. ازيك يا دكتور انا وزني 63 وطولي 166 وبدي انزل 3 كيلو والاسبوع الي فات ما التزمت فبدي اعيده

  60. وزني75 وطولي 154هل النظام ده مناسب ليه ؟انا عمري منتظما علي نظام غذائي من قبل احاول وبعد يومين افشل

  61. غير معروف

    تم

  62. قبلت التحدى .. بالتوفيق للجميع

  63. غير معروف

    شكرا لحضرتك يادكتور النظام معقول ان شاء الله هالتزم الاسبوع ده بس معلش يادكتور كنت سالتك قبل كده على منطقه الارداف والجناب بالاكتر مش عارفه اعمل فيها ايه

  64. طيب كتير يقولو أن العدس والبطاطس متنفعش اثناء الرجيم

  65. انا بعمل دايت باكل الصبح تمر مع كوبيتين ميا على وبعدين بشويه بعمل ايوه خضراء ةبعدين بفطر رغيف عيش سن مع جبنه بيضاء مع بيضه مسلوقه الغدا بحط 5 معالق رز مع خضار ولو فى فراخ باكل الصدر وبعمل ساعات شربة بطاطس مع فصوليا وبحط بصل وبحث البهرات وعلى العشاء رغيف عيش سن مع جبنه بيضاء بس طبعا عشايا بيكون قبل الساعه 8

  66. انا بعمل دايت باكل الصبح تمر مع كوبيتين ميا على وبعدين بشويه بعمل ايوه خضراء ةبعدين بفطر رغيف عيش سن مع جبنه بيضاء مع بيضه مسلوقه الغدا بحط 5 معالق رز مع خضار ولو فى فراخ باكل الصدر وبعمل ساعات شربة بطاطس مع فصوليا وبحط بصل وبحث البهرات وعلى العشاء رغيف عيش سن مع جبنه بيضاء بس طبعا عشايا بيكون قبل الساعه 8

  67. جيهان فاروق

    ممكن كوب نسكافيه بحليب خالي الدسم وسكر دايت ؟؟؟

  68. شوف يا طبيبنا الجميل المزز
    سؤال
    هو رجيم السعرات الحراريه اقل نزول من رجيم كسر الدهون
    بمعدل ١٢٠٠ كالوري باليوم مثلا
    الكبه الي فيها بيكون برغل هل هي مناسبه لبرنامجك ؟
    بعرف كميه كبيرة من التعليقات خمسه وخميسه
    بانتظار ردك 😊

  69. غير معروف

    قبلت التحددي

  70. انا خسيت بس كيلو واحد يادكتور و هلأ انا معك بالنظام الجديدشواعمل مع انو ماصار تخبيص ابدا الرجاء الرد عليي

  71. الدكتور شكله زعلان منا لانه عاوز تقيم اكتر ع جوجل وانا عملت تقيم من زمان عشان كده ما بردش ع اسئلتنا

  72. لو سمحت دكتور انا اليوم بدأت بريجيم كسر ثبات الوزن وملتزمة بس اكلت حبة فطاير سبانخ بحجم الكف ع قد ما حلفت عمتي اني اكلها هل رح يأثر على برنامج اليوم او الاسبوع كامل ؟؟؟ ارجو الرد لاني كثير متضايقة

  73. مافيش رد على الأسئلة على العموم راح ابدل الفول في اليوم التالث ل٢ بيض مسلوق

  74. انا جديده مع حضرتك وبجد شابوه ليك على مجهودك فى الفترات اللى فاتت وكمان هخلى صحبتى تبتداء معانه نظام جاحد بصراحه

  75. الحمد الله مر اليوم الرابع و ماخبصت

  76. مرحبا ..انا طولي 175. ووزني 178
    مشكلتى بالبطن عندي 3 اولاد بدى رجيم لتنزيل البطن تعبت كتير منه

  77. نظام رائع 👌👌👌 ومتغير يادكتور عشان يحمينا من الملل والرتابه ميرسي يادكتور 🌷

  78. الهام الطيب

    الدكتور احمد لم ينزل عندي برنامج من يوم 21 ديسمبر انا كنت ملخبطه شديد والان اريد نظام بعد يوم 21 واكون شاكره

  79. لو سمحت يادكتور النظام دا ينزل كام كيلو مع الالتزام

  80. لو سمحت يادكتور النظام دا ينزل كام كيلو مع الالتزام ؟؟؟

  81. انا يادكتور عوزة اخس بس انا برضع اعمل ايه

  82. ام سديل الحلو

    انا وزني 53 و أريد أنزل 7 كيلو من وزني وزني ينزل بطيء و أوقات يثبت و نفسيتي تعبت شو هو الدايت المناسب الي ؟؟

اترك تعليقاً

لن يتم نشر عنوان بريدك الإلكتروني.