رجيم دكتور أحمد منصور ” جديد ” يبدأ السبت 28 يونيو وينتهي الجمعة 5 يوليو

يارب تكونوا كويسين وفي أفضل حال، جددوا نشاطكم يا أبطال، الجو الحر الحرق بيقل فيه عن الشتاء والجو البارد، لكن برضو أنا بشوف إن الصيف فيه فرصة عظيمة لخسارة الوزن الزائد، وببساطة بسبب قلة شهيتنا للأكل وميولنا في الغالب بتكون ناحية المشروبات المثلجة.

النهاردة معادنا مع رجيم جديد .. هيستمر لمدة أسبوع كالعادة .. 

ولو أنتي جديدة، إبدأي من اليوم اللي حملتي فيه التطبيق، ولو لغبطتي في يوم .. إرمي ورا ضهرك، وكملي .. مسيرك والله توصلي وتحققي إنجاز مبهر وجميل.

الرجيم سهل جداً ولو شربتي مياه طول اليوم هتفرق معاكي جداً في النتيجة، وهتقلل شهيتك خاصة لو شربتيها قبل الأكل بربع أو نصف ساعة.

 

بتطلبوا مني دائماً تنوع في الأكلات .. وأنا شايف إني كاتب لكم كل الأكل الحلو اللي خلقه ربنا، يعني زي ما في لحمة وفراخ موجود برضو البيض والجبنة وساعات بنضيف البقوليات في بعض الأيام كخيارات صحية وإقتصادية.

 

لو بتعملي رجيم صحي ونزولك في الأسبوع كان كيلو واحد فأنتي بكده حرقك تمام وزي الفل مش محتاجة لأي شئ ينشط حرقك.

 

لو عندك خمول في الغدة الدرقية حاولي تأكلي السمك مرتين أسبوعياً هيفرق معاكي.

 

وفي مشروبات بتساعد في رفع معدل الحرق زي:-

الشاي الأخضر

المرمرية

خليط من الشاي الأخضر مع المرمرية مع رشة كركم صغيرة جداً

القهوة السادة

وطبعاً المياه

القرفة

 

 

الصبح بداية اليوم بمعلقة عسل أبيض مع كوب ماء دافئ أو من الحنفية هتفرق معاكي طول اليوم وممكن بدل معلقة عسل النحل تاخدي 3 تمرات .. هما نفس السعرات وكمان فوائد التمر لا حصر لها.

 

الملح لو زاد في اليوم عن معلقة ممسوحة، أنتي كده بتعرضي نفسك لمشكلة ثبات ف الوزن، غير المشاكل الصحية التانية اللي بتنتج عن الملح الكتير.

معلقة ممسوحة يعني معلقة شاي ” صغيرة يعني ” مش مليانه للآخر.

 

السكر الدايت مش مسموح بيع عمال على بطال، ( 2 ) باكيت فقط يومياً يعادلوا في التحلية 4 معالق سكر.

 

السكر العادي .. لو أول مرة تعمل رجيم .. 3 معالق

لو وزنك فوق الـ 80 خد معلقتين ..

لو أقل م كده .. كفاية معلقة واحدة يومياً وباقي المشروبات تكون سادة.

 

صدقوني الموضوع سهل، والتقليل من السكر الأبيض شئ رائع جداً للصحة وهيفرق طبعاً في معدل النزول.

اللي بيكلمكم ده واحد كان بيشرب تقريباً 3 معالق سكر في الكوباية الواحدة، وحالياً أكثر من معلقة مش بقدر أشرب، فالأمر بسيط لكن محتاج نيجي على نفسنا شوية.

 

مفيش حاجة إسمها مش بحب اللبن ومش باكل الزبادي، منتجات الألبان والحليب لازم ناخد منهم يومياً المسألة مش مسألة سعرات، الحليب مهم جداً وقت الرجيم علشان عضمك وعضلاتك.

حطي على الزبادي نقطة عسل صغيرة، أو على الحليب معلقة قرفة تغير الطعم، إعملوا أي حاجة المهم اليوم يكون فيه حليب بلاش نقعد ندور على بدائل.

 

كوب الحليب المكتوب في النظام .. خالي الدسم ويمكن استبدال كوب كامل الدسم بنصف كوب خالي الدسم

 

وتقدري برضو تبدلي ربع رغيف عيش بـ واحد توست بني أو بنصف رغيف عيس سن.

 

وزن كوب الزبادي يكون تقريباً 100 جرام .. لايت.

 

المقصود بطبق السلطة هو اللي بيتكون من:-

طماطم

بصل

خيار

جزر

خس

وهكذا

 

أطباق الخضار المسموحة هي:-

بامية

كوسة

فاصوليا خضراء

سبانخ

وتكون مطبوخة بشكل صحي يعني بمعلقة زيت واحدة.

 

 

.

البيض يتاكل مرة واحدة في اليوم.

 

 

بالنسبة للناس اللي مش بتحب السلطة أو بتهمل في تناول الفاكهة .. ياريت محدش يشتكي إن الرجيم تعب صحته أو أن نزوله كان مصاحب ليه ترهلات.

 

 

 

وأخيراً قبل كتابة النظام .. 

مهم تعرف وجودك هنا معناه إن عندك سمنة .. والسمنة دي وصلت ليها بأكل غير صحي، وكميات كبيرة، طبيعي وبديهي جداً إن علاج السمنة يكون بنسبة كبيرة بنظام عكس اللي سبب لك الوزن الزائد، لذلك محتاجين منك شوية إرادة يا بطل.

 

رجيم اليوم الأول

 

الفطار ..

ربع رغيف عيش + 2 بيضة مسلوقة + ( خيار خس جرجير )

أو

ربع رغيف عيش + 3 معالق فول + ( ثمرة طماطم )

أو

ربع رغيف عيش + 125 جرام جبنة قريش أو أي نوع جبنة لايت + ثمرة خيار + ثمرة طماطم

أو

واحد توست بني + 2 علبة زبادي

أو

ربع كوب كورن فلكس + كوب حليب خالي الدسم

أو

ربع كوب بليلة + كوب حليب خالي الدسم

أو

ربع كوب شوفان + كوب حليب خالي الدسم

أو

ثمرة بطاطس مسلوقة + بيضة مسلوقة + خس

 

 

سناك 1

 

كوب عصير بيتعمل بثمرة الفاكهة ومعلقة السكر

وممكن لو بطيخ نعمل ربع بطيخة عصير

أو

ثمرة فاكهة

 

 

الغداء ..

 

يمكنك الإختيار من بين

  • ربع فرخة مسلوقة + طبق سلطة + 3 معالق أرز أو 4 مكرونة + طبق خضار
  • 120 جرام لحمة مسلوقة أو مشوية + 3 معالق ( لوبيا أو فاصوليا بيضاء أو عدس ) + 3 معالق أرز أو 4 معالق مكرونة … 120 جرام تقريباً بتكون أد كف الإيد بس شريحة يعني مش جبل لحمة + طبق سلطة صغير.
  • ربع كيلو سمك مشوي .. أي نوع سمك
  • 2 بيضة مسلوقة + طبق سلطة + ربع رغيف عيش
  • ربع كيلو جبنة قريش + طبق سلطة + ربع رغيف عيش
  • 6 معالق ( لوبيا أو فاصوليا بيضاء أو عدس ) + بيضة مسلوقة + ربع رغيف عيش أو 3 معالق أرز
  • علبة تونة بدون زيت + معلقة سلطة + ربع رغيف عيش
  • ربع كيلو كفتة مشوية بدون دهون + ربع رغيف عيش + طبق سلطة
  • ربع كيلو كبدة مشوية أو مطبوخة دايت بمعلقة زيت + ربع رغيف عيش + طبق سلطة

 

 

سناك 2

6 حبات لوز

أو

2 حبة عين جمل

أو

10 حبات فول سوداني

أو

3 كاجو

 

 

العشاء

كوب حليب + معلقة قرفة

أو

كوب زبادي ومعلقة بذر كتان

أو

بيضة مسلوقة وعلبة زبادي

أو

كوب لبن رائب

 

 

 

رجيم اليوم الثاني

 

2 بيضة مسلوقة + ثمرتين خيار + ثمرة جزر

أو

4 معالق فول + ثمرة طماطم + ثمرة فلفل

أو

125 جرام جبنة قريش + ثمرة خيار

أو

علبة زبادي + بيضة مسلوقة

أو

كوب حليب + بيضة مسلوقة

 

 

سناك 1

ثمرة فاكهة

 

 

 

الغداء

 

  • ربع فرخة مسلوقة + طبق سلطة + 3 معالق أرز أو 4 مكرونة + طبق خضار
  • 120 جرام لحمة مسلوقة أو مشوية + 3 معالق ( لوبيا أو فاصوليا بيضاء أو عدس ) + 3 معالق أرز أو 4 معالق مكرونة … 120 جرام تقريباً بتكون أد كف الإيد بس شريحة يعني مش جبل لحمة + طبق سلطة صغير.
  • ربع كيلو سمك مشوي .. أي نوع سمك
  • 2 بيضة مسلوقة + طبق سلطة + ربع رغيف عيش
  • ربع كيلو جبنة قريش + طبق سلطة + ربع رغيف عيش
  • 6 معالق ( لوبيا أو فاصوليا بيضاء أو عدس ) + بيضة مسلوقة + ربع رغيف عيش أو 3 معالق أرز
  • علبة تونة بدون زيت + معلقة سلطة + ربع رغيف عيش
  • ربع كيلو كفتة مشوية بدون دهون + ربع رغيف عيش + طبق سلطة
  • ربع كيلو كبدة مشوية أو مطبوخة دايت بمعلقة زيت + ربع رغيف عيش + طبق سلطة

 

سناك 2

ثمرة فاكهة

 

 

العشاء

 

كوب حليب سادة أو عليها معلقة قرفة

أو

2 كوب زبادي معصور عليهم ليمونة

 

 

 

رجيم اليوم الثالث

 

الفطار

 

ربع رغيف عيش + 2 بيضة مسلوقة + ( خيار خس جرجير )

أو

ربع رغيف عيش + 3 معالق فول + ( ثمرة طماطم )

أو

ربع رغيف عيش + 125 جرام جبنة قريش أو أي نوع جبنة لايت + ثمرة خيار + ثمرة طماطم

أو

واحد توست بني + 2 علبة زبادي

أو

ربع كوب كورن فلكس + كوب حليب خالي الدسم

أو

ربع كوب بليلة + كوب حليب خالي الدسم

أو

ربع كوب شوفان + كوب حليب خالي الدسم

أو

ثمرة بطاطس مسلوقة + بيضة مسلوقة + خس

 

 

الغداء

 

يمكنك الإختيار من بين

 

ربع فرخة مسلوقة أو مشوية

أو

ربع كيلو لحمة مشوية أو مسلوقة

أو

علبة تونة بدون زيت

أو

ربع كيلو سمك مشوي

أو

125 جرام جبنة قريش

 

 

+ طبق سلطة + طبق خضار

 

 

سناك 2

 

ثمرة فاكهة ويفضل بطيخ علشان الحر

 

 

العشاء

 

كوب حليب

أو

كوب لبن رائب

أو

كوب زبادي

 

 

رجيم اليوم الرابع 

 

الفطار ..

كوب زبادي + 2 ثمرة فاكهة

أو

2 بيضة مسلوقة + ثمرة خيار

أو

كوب حليب + 2 ثمرة فاكهة

أو

3 معالق فول + ثمرة خيار

 

 

الغداء

 

2 بيضة مسلوقة

أو

ربع كيلو جبنة قريش

أو

ربع كيلو لحمة مشوية أو مسلوقة

أو

ربع فرخة مشوية أو مسلوقة

أو

ربع كيلو سمك مشوي

أو

علبة تونة بدون زيت

 

+ طبق سلطة + طبق خيار

 

 

العشاء

 

كوب حليب عليه معلقة قرفة

أو

كوب لبن رائب

أو

كوب زبادي

 

 

السناك في اليوم الرابع هيكون مرة واحدة وبعد الفطار .. قطعة شوكولاته بوزن 20 جرام .. من أي نوع 

تقريباً هتكون قطعة أو إثنين، ولو كيت كات خدي صابعين .. 

 

واللي مش عايز شوكولاته في اليوم ده ياخد .. كوب حليب.

 

 

 

رجيم اليوم الخامس

 

الفطار ..

3 معالق فول + ثمرة طماطم + ثمرة فلفل أخضر

أو

2 بيضة مسلوقة + ثمرة خيار

أو

125 جرام جبنة قريش أو أي نوع جبنة لايت + خس

 

 

سناك 1

6 حبات لوز

أو

2 حبة عين جبل

أو

10 حبات فول سوداني

 

 

الغداء

 

ربع كيلو جبنة قريش

أو

علبة تونة بدون زيت

أو

ربع كيلو سمك مشوي

أو

ربع فرخة مشوية أو مسلوقة

أو

ربع كيلو لحمة مشوية أو مسلوقة

أو

ربع كيلو كبدة مشوية أو مطبوخة دايت بمعلقة زيت واحدة

 

+ طبق سلطة + طبق خضار

 

سناك 2

ثمة خيار + ثمرة جزر

 

 

العشاء

 

كوب حليب

أو

كوب لبن رائب

أو

كوب زبادي

 

 

 

رجيم  اليوم السادس

 

 

الفطار ..

ثمرة بطاطس مسلوقة + بيضة مسلوقة

أو

ربع كوب شوفان + كوب حليب خالي الدسم

أو

ربع رغيف عيش + 3 معالق فول + ثمرة طماطم

 

 

سناك 1

 

ثمرة فاكهة

 

 

الغداء

 

ربع أرنب مشوي أو مسلوق

أو

ربع كيلو جبنة قريش

أو

علبة تونة بدون زيت

أو

ربع كيلو سمك مشوي

أو

ربع فرخة مشوية أو مسلوقة

أو

ربع كيلو لحمة مشوية أو مسلوقة

أو

علبة سردين بدون زيت

 

 

+ طبق سلطة + طبق خضار

 

 

 

سناك 2

ثمرة خيار + خس

 

 

العشاء

 

كوب زبادي + ثمرة خيار

أو

كوب حليب + بيضة مسلوقة

 

 

 

رجيم اليوم السابع

 

اليوم السابع فري .. وتقدري توصلي لنظام اليوم الفري بالضغط ( هنا ).

 

 

 

الرجيم مناسب لوزن من 60 كيلو وحتى 105 كيلو مش محتاجين يزودوا عليه حاجة .. لو وزنك فوق 105 كيلو .. يراعى الآتي ..

فطار أول يوم .. بنصف رغيف عيش مش ربع رغيف.

فطار اليوم الثالث .. بنصف رغيف عيش.

غداء اليوم الخامس .. بـ 3 معالق أرز أو 4 مكرونة أو ربع رغيف عيش.

 

 

لو حسيت بجوع في أي وقت من اليوم

ممكن تاكل قتة

 

 

 

أو خس 

 

الرجيم الأون لاين يطبقه الأصحاء فقط، مريض السكر والضغط والرياضيين والأطفال والحوامل والمرضعات بيحتاجوا متابعة في العيادة مش هينفع يطبقوا رجيم عام.

 

المرضعات اللي أطفالهم في عمر يسمح ليهم بالأكل بجانب الرضاعة، يقدروا يمشوا على نظامنا الأسبوع وتطبيقه بكل التفاصيل مع مراعاة الآتي:-

 

  • أي وجبة غداء هتكون بـ 3 معالق أرز أو 4 معالق مكرونة أو ربع رغيف عيش، والإلتزام بباقي الوجبات زي ماهو مكتوب.
  • الإلتزام يومياً بتناول ثمرتين فاكهة مش أقل من كده.
  • و 2 كوب حليب خالي الدسم على الأقل ممكن يبقوا 3 لو إحتجتي أو جوعتي بالليل.

 

 

اللي هيصوم صيام مسلمين .. 

يفطر على كوب حليب مع 3 تمرات 

ويفطر بالمكتوب في الغداء 

ويتسحر بالمكتوب في الفطار 

وبينهم سناك … 

 

قبل ما تقولي وزنك ثابت .. جاوبي على السؤال ده الأول، هل إلتزمتي بالحرف لمدة 30 يوم وفي النهاية وزنك فضل ثابت ؟؟ مش هينفع نحكم بالثبات من عدمه بالميزان أسبوعياً .. إوزني في أي وقت براحتك لكن علشان تتفادي إحباط الميزان، إوزني مرة كل شهر وثبتي المكان اللي بتوزني فيه، مش كل مرة توزني في مكان.

وفي ( هنا ) أسباب ممكن تكون السبب في ثبات وزنك.

 

الشاي بلبن بقى أنا أتكلمن عنه في الفيديو ده

 

خدوا موضوع الرجيم ببساطة مش على أعصابكم .. إشربوا بس مياه كتير .. متتوتروش ومتزعلوش، اللي فات مات، ومهما قصرت بكره أحلى بإلتزامك .. 

إنوي وتوكل على الله وهيعينك وبكره تشوف نفسك زي ما بتتمنى .. 

جايلكم يا شوية رفيعين .. 

 

الرجيم إتعمل علشانك، أيوا صدقيني أنتي تقدري.

 

 

إنتهى النظام يرجى قرائته بتركيز، دمتم بخير، ولا تنسوني من صالح دعائكم.

عن د/ أحمد منصور

60 تعليق

  1. Marwa Elmeseiry

    منكرش اني لما بقلل النشويات جسمي بيكون مرتاح جدا.. بس برضو أسبوع صعب

  2. تمام شكرا لحضرتك يادكتور على التعليمات المفيدة الي تنصحنا فيها دائما …
    انا ملتزمة مع حضرتك للشهر الثالث والحمد لله بس حبيت اسال عن المشروم والباذنجان يعني هي مو من ضمن الخضار المسموح ممكن نستخدمها بالطبخ الصحي ؟؟

  3. من جد شكراً يا دكتور والله كل كلام الدنيا مش يقدر يعبر شكري ليك ♥

  4. انا مبتدئه معاكم نزلت2كيلووو في اسبوعين الحمد الله 🎉🎉🎉

  5. الضوء الساطع الساطع

    شكرا يا دكتور رب يعطيك الصحة
    بس بكرة فري او لا ؟؟؟

  6. غير معروف

    السلام عليكم ياريت حضرتك ترد عليا لاتى سألت كتير انا مريضة ضغط مرتفع ومفيش إمكانية متابعة كل اسبوع مع الدكتور هل فى مشكلة إنى أتابع الانظمه مع حضرتك لأنى يتابع وفى نتيجه الحمدلله

  7. ينفع بدل ما اكل عيش بلدي اخد بدالة بطاطساية صغيرة مسلوقة مع بيضة؟

  8. مريم مريم

    مشاء الله حقيقي النظام تحفه والحمد لله يا دكتور انا بئت 68من 81خلا 6شهور وعقبال امااوصل المثالي إلى هوه65يارب كله بفضل الله ثم نصائح ونظام حضرتك جزاك الله خير الجزاء

  9. شكرا جدا ىادكتور انا وزوجى مشينن على النظام من كام شهر والحمد لله خسينا بصوره ملحوظه انا من ٧٨الى٦٢ وزوجى من ١٠٥ الى ٨٥ ورضيين عن شكلنا جدا ومن قبل رمضان واحنا مش ملتزمين حرفيا بس مش فتحنها بردو والحمد لله مزدناش وساعات كمان بنخس😂😂 وخدنا على النظام والاكل الصحى بجد متعرفش احنا بندعيلك قد ايه بس سؤالى يادكتور الحل فى خسسان الوجه وشكرا جزيلا

  10. غير معروف

    جزاك الله خيرا يادكتور

  11. جزاك الله خيرا يادكتور

  12. غير معروف

    جزاك الله الخير كله

  13. غير معروف

    جزاك الله خيرا بس على فكره يوم السبت 29

  14. Aml abo elleil

    النظام ده ينفع مع الرضاعه يا دكتور
    وايه الاعشاب الحارقه للدهون اللي تنفع مع الرضاعه بردو

  15. غير معروف

    الجمعة دائمآ فري

  16. فادياالبيطار

    شكرا جزيلا دكتور احمد
    الحمدلله كل ريجماتك سهلة وبتشجع

  17. دعاء المرسي

    دكتور بالنسبه للمشروم والبروكلي والقرنبيط والفاصوليا الخضرا الحاجات دى مش من ضمن الدايت ارجو الرد

  18. منى لطفى

    السبت 29يادكتور انا اتخضيت افتكرت مفيش فرى الاسبوع ده

  19. مشتاقه للجنه

    دكتور بنتى بدات معايا فى الرجيم ١٤سنه ومبتاكلش فاكهه ابدا فى حل بديل جزاك الله خير

  20. شروق الشاعر

    طيب يادكتور بما اني رايحه مصيف وهقعد هناك فتره البحر بيحوع اوي اعمل ايه وقتها

  21. دكتور ممكن ابدل مكان الرز او المكرونة او عيش في الغدا ممكن اخذ ربع رغيف الصبح بدل منهم( ده طبعا في الايام اللي بتدي فيهاCarbs في الغدا

  22. عبير الشام

    اكتشفت انو سبب وزني الزايد هو النشويات فعلا
    الله يقدرنا ويغنينا عنها

  23. ربنا يكرمك و يباركلك ويوفقك ف عملك وشكرا جدا لحضرتك ع النصائح الجميله دي

  24. الله يباركلك ويبعد عنك ولاد الحرام

  25. شكرا دكتور احمد و ربنا يجعله في ميزان حسناتك

  26. دكتور م̷ـــِْن فضلك الشاي الاخضر بالمرمريه يتاخد امتي وانا بروح الچيم قبل تمربن بشرب قهوة ساده افضل ولا قهوة الخضراء
    اشكرك علي نظام حلو اوووي

  27. غير معروف

    الله يبارك فى حضرتك يا دكتور على النصايح المفيدة دى انا متبعة مع حضرتك من قبل رمضان ونزلت من 93 الى83 ولسه مكملة مع حضرتك

  28. غير معروف

    انا وزني 68 وطولي 160 وسني 22 سنه
    ها في نصايح مع الريجيم

  29. دكتور من فضلك انا عامله استئصال للغده وباخد التروكسين ١٠٠ هل فى حاجه تساعد على الحرق معايا

  30. دكتور انا بنط حبل لمده ساعه يوميا هل اغير شي في النظام ولا اتبعه نفس ما هو

  31. منى سالم

    👍👍💪

  32. غير معروف

    جزاك الله خيرا
    انا لسه هبدأ الدايت بس النظام جميا

  33. غير معروف

    يا دكتور انا التزمت كويس نوعا ما فرجيم الاسبوع اللي فات بس زدت كيلو هل دا عادي

  34. غير معروف

    بس لحظت ان مقاساتي قلت

  35. انا وصلت للمثالي ومثبتش ورجعت تانى 😥😥

  36. سيدرا الروح

    يعطيك العافية ومكملين معاك بأذن الله

  37. شكراا يادكتور في ميزان حسنااتك ياارب ..اقبلنااا التحدي انشاءالله.

  38. ملك محمد

    دكتور كنت عايزة اعرف مواعيد الاكل يعني مثلا بين الفطار و الغدا اد ايهو بين الغدا و العشا اد ايه ؟و ايه افضل وقت للعشا؟

  39. هو لو ربع كيلو سمك مشوى يكون لوحده من غير سلطه او خضار وعيش اول يومين

  40. غير معروف

    جزاكي الله خيرا على المعلومات القيمة

  41. غير معروف

    بس ضل عندي كيلو ونص لاوصل للوزن الصحي فترت الهمة عندي .انشاء ناوية ارجع اشد همتي.صابني ملل من نفس الاكل😓

  42. نظام ممتاز و مريح انا بدأت من ثلاث أسابيع و نزلت ٣ كيلو ،شكرًا على الوقت يلي بتقضيه لكتابة النظام بهذا الشكل المفصل و الشامل

  43. رينا يجزيك خير

  44. اني اصلن بدون ما اتابع الدكتور. جان وزني 60 وسويت رجيم وصار 65 يعني نزلت 5 كيلو بس قللت الاكلمالتي واني عمري 15

  45. دكتور لو سمحت ينفع واحد درة مشوي مكان علبة الزبادي في العشا هما الاثنين يساوي 100سعر حراري

  46. غير معروف

    ربع فرخه من الصدر تساوي كام قطعة بانيه

  47. غير معروف

    دكتور انا بس بدي اعرف هل صحيح الماء البارد او المتلج يسبب ظهور للكرش ارجوك ترد على سؤالي وانا بكون من الشاكرين

  48. دكتور انا عاوزه اعرف هو ليه الشاي الاخضر بيوجع بطني اوي كده الرد سريع فضلاً

  49. هو ممكن اشتري شوربة الخضار بدل طبق الخضار!!

  50. انا الحمدالله ماشيه على رجيمك يادكتور كمان كم يوم اكمل شهر احيانا بخالف في حاجه بسيطه لكن الحمدالله نزل وزني تقريبا ٤ كيلو كنت ٦٤ سرت تقريبا ٦٠يعطيك الف عافيه وجزاك الله خير

  51. النظام حلو اوي بقالي ٤ ايام ملتزمة واليوم الخامس ونزلت فيهم ٢ كيلو لكن امبارح بليل جالي دوار وحسيت باعياء شديد والنهاردى بعد الفطار جالي دوار بردو وتعبت وما قدرتش اقوم لبعد نصف ساعة ياترى دى من ايه ارجو الرد
    على فكرة انا كنت مدمنة حلويات

  52. د/احمد.. لو سمحت عندي سؤال.. البنجر ينفع للدايت لو حطيته في السلطه ولا بيتخن؟

  53. غير معروف

    بعد ريجيم الاسبوع الأول اللي بينتهي بكرة يوجد ريجيم اسبوع جديد ولا نفسو الاسبوع الماضي نكررو؟ياريت الاجابة

  54. غير معروف

    مساء الخير
    الدايت الجديد..متى راح ينزل

  55. غير معروف

    انا كنت عايزه اسال الشوربه في الغدا
    والشكولاته ممنوعه

  56. انا كنت عايزه اسال الشوربه في الغدا
    والشكولاته في الفطار ممنوعين

  57. غير معروف

    دكتور هوا الفطار لي معاد معين ولا لا

  58. غير معروف

    الله يعطيك العافيه وشكرا على المجهود الرائع

  59. غير معروف

    الصراحة شي جميل انو كل أسبوع فيه جدول نظام غذائي جديد…….جدا رائع

اترك رداً على ام عمرو إلغاء الرد

لن يتم نشر عنوان بريدك الإلكتروني.