تحدي نسف الدهون يبدأ يوم 29 ديسمبر وينتهي يوم 4 يناير

السلام عليكم ورحمة الله وبركاته، معاكم دكتور أحمد منصور أخصائي التغذية العلاجية، مش عارف أنتوا بتعاملوني وحش ليه 😪😪، يعني الصبح أطلب منكم ألف تقييم للتطبيق ودلوقتي أدخل ألقى 33 تقييم بس، بس ياللا مش مهم، مليش بركة إلا أنتم برضو، وهنزل لكم التحدي.

طبعاً مقدرش أتأخر عنكم، وفي كمان مفاجئة حلوة في الآخر، مهيش شوكولاته المفاجأة دي، بس إن شاء الله هتعجبكم يعني، هو حد لاقي مفاجآت في الزمن ده .. مش كده ولا إيه ؟ 😂

التحدي مناسب لأي وزن فوق 65 كيلو جرام، وكالعادة المكونات كلها متوفرة في أي بيت علشان الناس اللي بتقول إن الدايت محتاج فلوس أنا هقدم لكم كل الخيارات الغالي والرخيص علشان في النهاية تقدري تلتزمي وتوصلي لنتيجة تفرحنا كلنا بأمر الله.

نظام أول تلات أيام السبت والأحد والإثنين 

على الريق لازم ولابد وحتماً كوباية مياه دافئة ومعاها معلقة عسل أبيض دايبة فيها.

وجبة الفطار خلال أول 3 أيام هتكون حاجة من دول:-

  • ربع رغيف عيش + 5 معالق فول + ثمرة طماطم
  • ربع رغيف عيش + بيضة مسلوقة + ثمرة خيار
  • 5 معالق كورن فليكس + كوب حليب
  • 5 معالق بليلة + كوب حليب

بعد الفطار بساعتين:- ثمرة فاكهة

وجبة الغداء:-

  • ربع كيلو جبنة قريش
  • 2 بيضة مسلوقة
  • ربع كيلو كفتة مشوية
  • شريحتين لحمة مسلوقة أو مشوية
  • ربع فرخة مسلوقة أو مشوية
  • علبة تونة بدون زيت
  • 200 جرام كبدة مطبوخة دايت
  • 2 سمكة مشوية

يا أم نيازي صحي إبنك نيازي وقوليله مفيش رز ولا عيش ولا مكرونة أول تلات أيام 

وجبة العشاء أول تلات أيام:- 

كوب زيادي + ثمرة فاكهة

 

نظام اليوم الرابع والخامس والسادس

على الريق نفس اللي هتعملوه على الريق أول تلات أيام

 

الفطار يمكنك الإختيار من بين:-

بيضة مسلوقة + كوباية حليب

أو

2 بيضة مسلوقة

أو

علبة زبادي + ثمرة خيار

أو

تمن كيلو من أي جبة خالية الدسم معاها معلقة زيت زيتون.

 

الفطار من غير عيش 

بين الفطار والغداء:-

كوب حليب أو ثمرة فاكهة

الغداء يمكنك الإختيار من بين:-

  • ربع كيلو جبنة قريش
  • 2 بيضة مسلوقة
  • ربع كيلو كفتة مشوية
  • شريحتين لحمة مسلوقة أو مشوية
  • ربع فرخة مسلوقة أو مشوية
  • علبة تونة بدون زيت
  • 200 جرام كبدة مطبوخة دايت
  • 2 سمكة مشوية

وفي التلات أيام دول يمكنك إضافة 3 معالق رز أو مكرونة أو ربع رغيف عيش.
علشان بس متقولوش أني حارمكم من حاجة.

وجبة العشاء:-

بيضة مسلوقة + ثمرة خيار

أو

علبة زبادي + ثمرة خيار

 

اليوم السابع طبعاً .. فري 

 

بناء على طلب الجميع قررت أنا الموقع أدناه بأني أسمح لكم تأكلوا فيشار بالليل علشان الناس اللي بتسهر وتجوع، وعايزة حاجة تتسلى فيها بدل ما بتتهور وتروح على التلاجة تفترسها.

لكن مسموح بمعلقة ذرة واحدة بس في اليوم تتعمل مع حتة زيت صغيرة، ومتقلقيش شوية الذرة دول هينفشوا وهيعملوا كمية لا بأس بها .. وممكن برضو كوباية حمص الشام بمعلقة حمص واحدة.

 

تنبيهات:- 

  • يجب شرب 8 أكواب من الماء يومياً.
  • مسموح بالقهوة والشاي.
  • غير مسموح سوى بمعلقة سكر واحدة يومياً.
  • متنسيش طبق السلطة في وجبة الغداء. وكمان طبق الخضار المطبوخ بطريقة صحية.

موضوعات هامة عليكي الإطلاع عليها:- 

  • خطوات تحضير الكبدة دايت (هنا).
  • خطوات عمل حمص الشام في المنزل (هنا).

  • الفواكه المسموح بها (هنا).
  • رجيم الأنيميا (هنا)
  • رجيم المرضعات (هنا).

رجيم لمرضى الكوليسترول (هنا)

طريقة عمل شاورما فراخ “دايت” بسهولة (هنا)

طريقة عمل طاجن فاصوليا (هنا)

طريقة عمل شوربة عدس “دايت” (هنا)

حل مشكلة ثبات الوزن (هنا)

طريقة تحضير طبق عجة “دايت” يكفي (3 أفراد) .. (هنا)

رجيم المرضعات (هنا)

 

بالتوفيق ليكم جميعاً ويارب أكون عند حسن ظنكم دائماً يارب
دمتم في سعادة وراحة بال.

عن د/ أحمد منصور

192 تعليق

  1. صباح الخير دكتور كم كيلو ينزل

  2. مريم حسين

    هلا وغلا دكتور
    مستعديين ان شاءالله

  3. غير معروف

    عايزة ابدء معاكم

  4. نانسي هارون

    بانتظارك دكتور ..يعطيك الف عافية و يا رب نضل كلنا ملتزمين و مكملين للوزن المناسب بصحة و عافية

  5. أريد الانضمام للغروب

  6. دكتور انا كنت عملا نظام شهر صيام عن الطعام فقط ميا وعصاير ونزلت عليه
    بس حاليا بعد ما خلصته باكل بسيط ووزني بيزيد او يثبت عاوزة نظام ينزلني
    وزني ١١٥

  7. مستعدة جدآ ….

  8. أنا 💪 والله منتظرة البرنامج الجديد بفارق الصبر وإنشاء الله أكون ملتزمة يارب لانو الأسبوع الفات ما كنت ماشة علي النظام وكنت محبطة بس متفائلة وحاوصل إنشاء الله

  9. قمر الزمان

    صباح لخير يادكتور مستعده انشاء الله 💪👍

  10. ام ادهم المصريه

    مستغدة جدا

  11. معاكم ان شاء الله

  12. ان شاء الله مستعده

  13. رضوى عبدالله

    مستعدة بإذن الله دكتورنا العزيز

  14. وانا مستعده معاكم ان شاءالله

  15. صباح الخير للجميع
    أنا مشتركه جديده ويارب القى معلومات تفدني ف انازل الدهون الزائدة في الارداف والبطن
    منتظرة تحدي غداً

  16. جودي العش

    مستعدين يا رب يوفقك الجميع و نوصل الي هدفنا

  17. ان شاء الله معاكم

  18. جاهزين يادكتور وباذن اللة مكملين بس ياريت الاسبوع دة يكون رجيم مظبط كدة اصل الرجيم اللي فات كان أسي اوي اخر 3ايام

  19. واسطة العقد

    مع حضرتك أنا وزوجى

  20. انا مستعدة انا من المغرب ووزني 85 نفسي ابقى 65

  21. صباح الخير ، انا جديده في التطبيق ده ، و حبدأ معاكوا الاسبوع الجديد في النظام ، بقالي فترة طويله مش عم بخس يارب الاسبوع ده اخس..

  22. مستعدين جدا

  23. غير معروف

    تمام وربنا يوفقك

  24. أن شاء الله

  25. غير معروف

    انا مشاركة جديدة الله يوفق الجميع

  26. غير معروف

    معاكم ان شاء الله اول مره ليا

  27. زمردة ياقوت

    ان شالله متابعين

  28. انا وزنى 76نفسى انزل ل65 وللاسف مش بنزل من البيت كتير علشان امشى

  29. مستعدين ان شاء الله 💪🏻

  30. جزاك الله خير دكتور
    والله برنامجك كلمه ممتاز قليل في حقه
    وان شاء الله مستعده معك
    وخاطري انزل هالاسبوع ٣كيلو
    علما بأني مرضع وزني ٧٦.٩
    عسى جدول هالاسبوع مايأثر ع الرضاعه؟

  31. غير معروف

    انا جديده هنا وحابه ابتدي رجيم ..بي انا برضع بنوتي عندها تلات شهور

  32. غير معروف

    معاكم بإذن الله

  33. جاهزة بس دكتور وزني ثبت من الفري الماضي ما نزل ولا كيلو هاد الاسبوع شو الحل

  34. مستغدة بس وزني ثبت من الفري الماضي ما نزل ولا كيلو شو الخل دكتور

  35. يسعد صباحك مستعدين لكل التحديات باذن الله

  36. ي ريت اقدر اعمل أنزل وزني

  37. نور الحياه

    أنا وزني 80 والطول 159 والعمر 15 أناعايزه أشترك معاكو

  38. وفاء سليط

    مستعده بإذن الله

  39. غير معروف

    السلام عليكم الله يوفق الجميع

  40. بقايا رماد

    اني وزني بهذا الأسبوع ثابت متغير منه شي حته مشيت الجدول حرف حرف شسوي ما أدري بس حكمل معك بس خليك ويايه خطوة بخطوة رجاءآ دكتور

  41. مستنينك يا دكتور بالتوفيق يا رب

  42. انا مشترك جديدة من المغرب وزني 85وعيز اوصل 70ان شاء الله انا كنت ملخبطة اوي في الاكل إضافة إلى حبوب منع الحمل لي بتزيد في شعوري بالجوع

  43. نورين نورين

    مستعدة انشاء الله

  44. غير معروف

    معاكم

  45. غير معروف

    مستعده👧💪👍

  46. نادية منال

    انا مستعدة

  47. معاك عضوه جديده

  48. مستعدين تم

  49. ان شاء الله

  50. غير معروف

    السلام عليكم دكتور انا حابه اسال هو الرجيم ده بينزل للى اقل من ٦٠ ولا لا مع العلم انى عندى نقص كالسيوم وفيتامين د بالله عليك يا دكتور تجاوبنى

  51. هو فين الريكورد مش لاقياة

  52. انا جديدة معكم حابة اشارك وزني 97 وطولي 170 واكتر شي حابة اتخلص منه هو منطقة البطن

  53. مستعده
    علي بركه الله

  54. انا مشتركه جديده نزلت البرنامج اليوم وان شاء الله رح ابدأ معاكم

  55. ام ارمانيوس

    لو سمحت أنا لسه محمله البرنامج ووزنى ٩٠وطولى ١٦٨وبرضع ممكن امشى ع النظام الى هوه من يوم٢٩ل٤

  56. هاني محفوظ

    معاكم أن ساءالله

  57. ام جويريه

    مستعده

  58. غير معروف

    بالانتظاااار

  59. معاكو ان شاء الله انا متابعه من الاسبوع الماضى وفارق معايا جدا بس هستنا كمان الاسبوع ده وبعدين اشوف الوزن

  60. مستعده

  61. غير معروف

    دكتور انا برضع وبنتي عندها سبع شهور عادي امشي ع النظام دا واشرب شاي اخضر ولا لاء انا محتاجة انزل 7 كيلوا عشان اوصل المثالي

  62. غير معروف

    معاكوا ان شاء الله

  63. غير معروف

    ما سبب ثبات الوز يا دكتور لو سمحت

  64. مستعدين أن شاء الله

  65. انا مستعده

  66. مستعده

  67. نعم مستعده جداا

  68. غير معروف

    👍👍

  69. جزاك الله كل خير يا دكتور

  70. أمل محمد

    انا هتابع مع حضرتك وزني 93

  71. جاهزبن

  72. انا لسة منزلة التطبيق وانا جربت اخس كتير بس مينفعش وانا عايزة اخس لوسمحت سعدوني

  73. يسعد مساك تم التحدي

  74. شكرا ل حضرتك كتير وبإذن الله نلتزم ع النظام ☺

  75. غير معروف

    هبدء بإذن الله
    بسم الله نبدء صفحة جديدة 💪🌸🌸

  76. انا دا اول اسبوع معاكو
    ينفع يادكتور شوفان.مع الحليب في الفطار
    وينفع النسكافيه مع المبيض قليل الدسم.
    ومرسي لحضرتك

  77. الشاعرة السمراء

    مستعدة بي ادن الله بتوفيق للجميع

  78. شكرا لحضرتك ومستعدة إنشاء الله

  79. ممكن ابدء معاكم

  80. نور العبدالله

    السلام عليكم
    الله يجزيك كل الخير يادكتور انا بصوم صيام عادي كل الاسبوع ممكن تنصحني شو افطر ولك كل الشكر والتقدير

  81. شكرا الك دكتور ومعك ان شاءالله

  82. شكرا دكتور بجد انا مبسوطة اوى خسيت الاسبوع ده ٢ك وفرحانه جدا ❤

  83. تسلم يا دكتور . ربنا يقوينا على الانتظام و نوصل للهدف

  84. مشتركة جديدة وعايزة ابدء معاكن سؤالي التحدي ده ينفع للاوزان الكبيرة زي ١٢٥ والعمر الكبير فوق الخمسين؟

  85. مرحبا دكتور ارجو الرد انا هبدأ معاكم التحدي ولكن بدون رز ومكرونه وعيش بتاتا ينفع ؟

  86. سلام عليكم دكتور هاد نظام بينفع للمرضعه وزني تقريبن 60 وعمري 16 بس مابعرف بضبط اديش طولي

  87. د/ أحمد منصور

    ينفع

  88. د/ أحمد منصور

    الحمد للع ربنا يفرحك دايماً

  89. أنا عضوة جديدة وإن شاءالله همشي على النظام ده

  90. مستعدة بإذن الله

  91. قبلت التحدي ربنا يقوينا جزاك الله خير

  92. نور العبدالله

    السلام عليكم
    ارجوك يادكتور تجاوبني
    انا بصوم الصيام عادي وبدي اخسر وزن شو بتنصحني افطر وهل وجبة وحدة كافية ولا اكتر
    ولك كل الشكر والتقدير

  93. سلام عليكم معكم عضوة جديدة

  94. الشاعرة السمراء

    السلام عليكم مشكور دكتور

  95. قبلت التحدي

  96. مستعده

  97. Elhaddad fatima

    قبلت التحدي وملتزمة به إن شاء الله .

  98. جديده هنا اول مره اتبع نظام دايت

  99. غير معروف

    مرحبا دكتور
    انا وزني ٥٥ اشتي اوصل لل ٤٥
    على اي نظام اتبع

  100. لسه منضمه معاكم دعواتكم انزل وزني انا ٧٥وحاسه مضيعه الدنيا خالص 🙁 حلمي انزل ل ٥٥ بس بإذن الله يحصل

  101. قبلت التحدي ان شاء الله
    وربنا يجعله ف ميزان حسناتك يارب يادكتور

  102. فاطمة الزهراء

    اختي انا كمان جديدة .. راح تبدآي هاد النضام ؟؟؟؟ ولا شو !!

  103. قبلت 💪💪💪

  104. غير معروف

    اختي رايحا تبدآي بهاد الاسبوع الجديد ؟؟؟؟ و لا الاسبوع الاول ؟؟؟؟؟

  105. شكراً يا دكتور متابعه معاك

  106. غير معروف

    وزني ٦٩ وطولي 165
    سأحاول أن أكون معك لاخسر ٣ كيلو

  107. يادكتور لوسمحت ممكن استبدل طول الايام المياه الدافية والعسل بالمياه و3تمرات ولالا مينفعش

  108. قبلت التحدي 👍😎

  109. غير معروف

    انا مثلك تماما .. بس مابدي امشي ع النظام المرضعات .. ودي ابدأ معاهم ع هذا النظام وخايفه ما ينفع

  110. غير معروف

    قبلت التحدي 👍🏻

  111. غير معروف

    دكتور وزني ٦٣ وطولي ١٥٩. نزولي جدا جدا بطئ. اتمنى يفيدني هذا النظام. احاول انزل لل٥٨

  112. توكلنا على الله

  113. بالنسبه للرياضه شو بتنصحنا انا بمشي ٤٠ دقيقه الصبح وبعمل ٤٠ودقيقه زومبا قبل النوم هيك كويس ولا اغير ؟

  114. ١دكتور ممكن ترد على سؤالي انو انا مرضعه وزني 60 وعمري 16 بينفع اعمل هل رجيم

  115. مساالخير
    لو سمحت يادكتور
    عندي سؤال بخصوص الفطور لازم نختار نوع واحد من الخيارات نمشي عليه ل3 ايام
    ولا ممكن كل يوم وجبة اختياري
    ياريت حدا يجاوبني اذا الدكتور مشغول انا جديدة

  116. رودينا محمود

    دكتور انا عكيت كتير انهردا بسبب اني وزنت ولقيت نفسي منزلتش خالصحصلي اكتئاب هل ا في ضرر من بدايه التحدي الجديد وممكن يحصل ثبات الوزن الاسبوع القادم

  117. قبلت التحدي ان شاء الله

  118. اولادي نور عيني

    مسسسسسستعدة

  119. دكتور من فضلك انا بعت لحضرتك من قبل كنت ماشية على رجيم مع نفسي،وحسيت 6كيلو من 76الى 70 وبعدين الوزن ثبت وحضرتك قلت لى ابدء معاكم وانا الحمد لله بدءت من اسبوع وملتزمة مع حضرتك بس الوزن لسه70 ايه رأي حضرتك اعمل ايه هل اكمل الدايت الاسبوع دا عادى ولا حضرتك تنصحني بحاجة تانية

  120. نسمة الربيع فادو

    ناوية التزم انشاءالله ..

  121. ان ساء الله مع حصرتك انا ٧٠ كيلو وعايزة انزل ل ٦٠

  122. صباح الخير يا دكتور عايزين تمارين كده خفيفه في البيت تساعد على الحرق

  123. غير معروف

    انا جديده وبدي بلش معكم واليوم الثامن بقيس وزني شجعوني بليز

  124. شكرا جدا لمجهود حضرتك الداءم يا دكتور

  125. هبدأ معاكم من النهاردة وقد التحدى

  126. ملتزمة ان شاء الله
    وجزاك الله خير

  127. غير معروف

    انا بدأت الحمد لله شربت كوب ماء ولمون وفطرت جبنه قريش وخياااره

  128. مع حضرتك

  129. صباح الخير معاكم ان شاء الله لحد ما اثبت عايزةانزل عشرة كيلو ادعوا انزلهم في الشتا واهلص منهم بقى

  130. فاطمه مبارك

    أول يوم دايت 🙋‍♀️

  131. صباح الخير معكم ان شاء الله فى التحدى انا بدأت من أسبوعين بس لسه ما وزنت

  132. قبلت التحدي

  133. يسعد صباحكم ان شاء ملتزمين وبالتوفيق للجميع وكلنا حمااااسسس

  134. مكملين باذن اللة

  135. معاكم

  136. أول يوم ليا إن شاء الله
    🌸

  137. ميار محمد

    ان شاء الله انا معاكو بس انا معنديش ارادة خالص ساعدوني

  138. حنان علي

    انشاء الله معاكم

  139. بصراحه ممتاز جدددددا وان شاء الله حبتدي معاك لاني كنت مشيه على نظام قبل كده ولسه مخلصه وبصراحه هنا في حماس اكتر ومشجع

  140. صباح الخير علي الجميع ان شاء ملتزمة معاكوا

  141. احنا معاكي وكلنا نشجع بعض والمفروض كل آخر يوم نقول مشين على الديت عشان نشجع بعض

  142. ازيك يا دكتور انا حاكل حبة دره بدل البوشار ينفع او كمشه فستق

  143. قبلت التحدي

  144. اولادي نور عيني

    👍

  145. انا معاكم

  146. معاكم ان شاء الله
    جزاك الله خيرا يا دكتور

  147. غير معروف

    هلتزم ان شاء الله 💪

  148. بقايا رماد

    نعم ألتزم ان شاءالله

  149. غير معروف

    قبلت التحدي

  150. متابعه جديد

  151. يارب التزم نويه ان شاء الله ربنا يعينا

  152. روان محمد

    اول مرة حبلش معاك و ان شاء الله خير.
    مستعدة 💪

  153. انا بلشت اليوم أول يوم وأن شاء الله اضل ملتزمه معاكم

  154. مساء الخير راح يكون غداي سلطه وشويه رز مع 8 كوبايات ميه طوال النهار

  155. عيز اسوي تحدي عشان ينزرع فيني قوة الاراده في عمل اداية والرياضه باستمرار

  156. انا مستعدة بس كل مشكلتى منطقة الدهون ف البطن بس مع العلم انى وزنى ٦٥ كيلو

  157. متابعه جديده

  158. مشكله عندي ساعات مااصح للفطور عادي

  159. ملتزمة إنشاء الله

  160. غير معروف

    انا طلبت الانضمام للمجموعه عالفيس يا ريت تقبل طلبي اسم بكرا احلا

  161. معاكم أن شاء الله

  162. غير معروف

    ممكن تنوعي ماشرط تاخدي نفس الحاجه…مثلا يوم فول يوم بيض و هكذا

  163. راضية بقدر الله

    ملتزمة بإذن الله

  164. ملتزمين الحمدالله

  165. غير معروف

    إن شاء الله معاكو

  166. دكتور ربكورد اليوم الفري فين ☹️

  167. غير معروف

    إنشاء الله معاكم 💪💪💪

  168. تمام يا دكتور

  169. احلام فنزويلا

    ملتزمة يا دكتور

  170. زمردة ياقوت

    ملتزمه

  171. السلام عليكم لو سمحت يا دكتور هو مع التظام الغذائي لازم رياضه او مشي ولا بدون وجزاك الله كل خير

  172. التنوع مطلوب وبحسب المتوفر عندك بتاخدي صنف من المتاح ف النظام

  173. انا يا دكنور وزني 90 كيلو و اريد انحف 10 كيلو في اسبوعين هل ممكن
    و ربي يجزيك كل خير

  174. ملتزمه أن شاءالله

  175. اولادي نور عيني

    ملتزمين😩

  176. ملتزمين ومكملين بعون الله

  177. عفوا شو يعني حمص الشام… انا من بلاد الشام،، ولا افهم المقصود

  178. مكملين ان شالله

  179. لو لو محمد

    ملتزمه ان شاء الله معاك يا دكتور 💪💪💪💪

  180. انامستعده كمان

  181. Elhaddad fatima

    سنة سعيدة دكتور ولجميع افراد المجموعة بالصحة والعافية والتوفيق

  182. دكتور عادي نشرب عصير أو ناكل شكولاء إذ تخفض السكر عندنا نحس بدوخه

  183. 👏👏👏👏👏👏👏👏👏

  184. غير معروف

    السلام عليكم ورحمةالله وبركاته دكتور انا بدأت التحدي من اسبوعين لكن نزول الوزن مرة بطيئ مع اني ملتزمة

  185. هلا صباح الخير انا معاكم شاده الهمه يارب اتمكن من. انزال الوزن

  186. السلام عليكم دكتور احمد احب اشكرك حضرتك علي فكرة التطبيق والجروب اللي بجد استفد منه كتير
    انا كان وزني ١٠٤ بعد اسبوعين من التحدي بقا ١٠٠ احب اعرف راي حضرتك كدا كويس ولا ضعيف انا ماشية علي النظام بظبط

  187. غير معروف

    انا والله كل ما ابدا القي نفسي لخبطت عليكم الله شجعوني وان شاء الله حابدا من اليوم بس من فضلكم تشجيع شديد وان شاء الله من يوم 1/5لما يتزل التحدي الجديد حالتزم بفضل الله و فضل الدكتور احمد و تشجيعكم الطمعانه فيه

  188. رح نشجعك انشالله حتى تقدري توصلي الوزن المثالي اهم شي يكون عندك عزيمه واصرار وارااااده قويه

  189. صباح الخير
    انا طولي ١٦٥ سم و وزني ٧٧.خلفت من سنة و لهلق ما عرفي ضعف حالي.دكتور شو في بديل لجبنة القريش لاني عايشة بللسويد يمكن ما تتواجد.
    شكرا جزيلا

  190. حضرتك وقتي الي عاوز تابع فطار غدا عشا سناك ويكتب لحضرتك كل دة يتابع فين

  191. منتظرة النظام الجديد يا دكتور

  192. غير معروف

    لاتيأسي من ثبات الوزن لان ثبات الوزن شي عادي بأيام الرجيم ويمكن يدوم اكثر من اسبوع اتكلي على الله وتابعي

اترك تعليقاً

لن يتم نشر عنوان بريدك الإلكتروني.