اليوم الثاني من رحلة المائة يوم “جدول الأكل”

مساء الخير والسعادة عليكم جميعاً، ما زلت مكمل معاكم في رحلة المائة يوم لنسف الدهون، في النظام العادي، وإن شاء الله لما وزني يقل عن 90 كيلو أكيد هتبع نظام الصيام المتقطع.

رجيم صحي

لكن حالياً اللي بعمله هو إني أوقف أكل تماماً قبل النوم بحوالي من ساعتين إلى تلات ساعات، والحرص على شرب الماء كل ساعة، والموضوع فارق معايا جداً، بجانب إني مش باخد غير معلقة سكر واحد فقط، على مدار اليوم، بقسمها على كوبايتين شاي في كل كل كوباية نصف معلقة.

فطاري النهاردة كان بالظبط عبارة عن قطعة جبنة قريش وبيضة مقلية بزيت زيتون، وثمرة خيار، والوجبة الخفيفة الأولى سناك (1) كان كوب شاي بحليب استخدمت فيه نصف معلقة سكر ونصف كوب حليب كامل الدسم.

بالنسبة لوجبة الغداء كانت عبارة عن نصف كيلو سمك مشوي، معاه 6 معالق أرز وطبق سلطة صغير، متستغربوش من إني بآكل يومين ورا بعض سمك، لأن ناوي خلال الرجيم هآكله أقل شئ تلات مرات في الأسبوع والسبب هنعمل عنه فيديو قريب مخصوص إن شاء الله.

الوجبة الخفيفة الثانية ثمرة موز، والعشاء، كوب إلا ربع حليب كامل الدسم.

إنتهى جدول أكلي لليوم الثاني، لو حابب تشجعنا وتدعمنا في المحتوى اللي بنقدمه ياريت تقيم تطبيق دايت كلينيك بخمس نجوم، على متجر جوجل بلاي لإن دي حاجة بتفرق معايا جداً، دمتم بخير.