الرئيسية / استفسارات / مناقشة حول أول يوم دايت في #تحدي_الـ30يوم_لحرق_الدهون

مناقشة حول أول يوم دايت في #تحدي_الـ30يوم_لحرق_الدهون

دعيت لكم كتير النهاردة ربنا يوفقكم .. ويثبتكم ..
وأتمنى تكونوا ألتزمتوا باللي قولنا عليه.



التحدي لمدة 30 يوم  فقط .. ومع نهاية اليوم ده .. كده هيكون باقي لينا 29 يوم .. يعني المفروض نصبر ونستحمل لحد نوصل لآخر الشهر.

صدقوني هتفرحوا جداً جداً باللي هتحققوه .. 
ياللا قولولي عملتوا إيه النهاردة وأنا هرد عليكم كلكم ..

طمنوني سواء التزمتوا أو قصرتوا 
أنا معاكم بإذن الله وقت ضعفكم وقوتكم لحد ما تحققوا كلكم مرادكم 

أكتبوا دلوقتي أزاي عدى عليكم أول يوم.

عن د/ أحمد منصور

32 تعليق

  1. ان التحقت بكم اليوم فقط و بالتالي اليوم 30 غدا ان شاء الله

  2. فتيحة اكرام

    ان التحقت بكم اليوم فقط و بالتالي اليوم 30 غدا ان شاء الله

  3. نيفين مدحت

    كعادتي بوظت باليل اكلت رز بالبن وتونه بالعيش ونفسيتي بقيت لوز 😂

    • د/ أحمد منصور

      لأ لأ أنا كده هزعل وأجيب ناس تزعل 😂😂

      عرفيني كده يا نيفين يومك كان عامل ازاي

      كلتي إيه في التلات وجبات ؟

  4. نيفين مدحت

    نفسي تبقي ارادتي قويه

    • د/ أحمد منصور

      قوليلي الأول كلتي ايه في أول يوم دايت بالتفصيل؟ 😂😂

      • نيفين مدحت

        الفطار الساعه ٨ نص رغيف مصري وجبنه قريش وطعميايه واحده صغيره
        بعد كده كوبايه شاي بمعلقة سكر واحده
        الساعة ١١ اكلت نص جوافايه وحبه فنكوش صغيرين
        الغدا الساعه ٢ونص اكلت طبق سلطه تونه بخيار وبصل وطماطمايه واحده وليمون واتنين من الخبز المشبع بتاع سالي فؤاد
        ثم ابتدا الخراب
        شويه رز بالبن
        رغيف تونه من باقي الغدا وبس
        وندمانه بس مش باحس بنفسي لما باكون جعانه

        • د/ أحمد منصور

          كل شئ كان ماشي كويس

          وضيعتي اليوم على حاجة بسيطة
          كان ممكن بدونها تبقي عديتي يوم .. نجاحك فيه هيفرق معاكي

          أنا هطلب منك طلب يا نيفين .. بكره إن شاء الله تطمنيني وتفرحيني أنك ألتزمتي ومقصرتيش أبداً .. علشان متعيشيش إحساس الندم ده تاني .. تعالي على نفسك معلش

          أمسكي نفسك بس الشوية دول لحد اليوم الفري هخليكي تاكلي فيه اللي نفسك فيه
          بس مش أوي يعني .. 😂😂😂

          نيفين .. بكره مفيش تقصير يا نيفين بكره مفيش ندم
          بكره إصرار ونجاح وإرادة بس

          ربنا معاكي .. 🌹

    • بصي انا زيك بردو والله بوظت النهاردة للأسف.. بس دي فرصة وجتلنا لحد عندنا يعني لازم نستغلها.. تعالي نشجع بعض ونبدأ من بكرة ونلتزم عشان نشوف نتيجة.. ولو يوم يعني ضاع من ال 30 يوم مش مهم… المهم بس نلتزم في ال 29 يوم الباقيين وربنا معانا بقى

  5. أنا أكلت بالفطار 1 بيضة مسلوقة مع ربع رغيف
    وفي الغداء طبق سلطةو كفتة مشوية وربع رغيف
    وبين الفطار والغداء أخذت كوب شاي ملعقتين سكر والمتواجدون جوافة بس للاسف بعد الغداء بساعتين الغلط الدنيا وأكلت مانجايه وكان واحدة بلح رطب بس لم أنه شي
    وشربت ماء كتير
    المشكلة إني بحس كتير إني عايزة آكل حاجة مسكرة

    • د/ أحمد منصور

      لا تيسأسي .. وبكره إن شاء الله تبعتي علشان تفرحيني أنك ألتزمتي بنسبة 100%

      بكره مفيش تقصير بإذن الله .. بكره رجيم صحي وغذاء متوازن ومظبوط بدون أي لغبطة أو ضعف إرادة ..

      بأمر الله هكتب مقال يحل مشكلتك دي “إني بحس كتير إني عايزة آكل حاجة مسكرة”

  6. غير معروف

    الحمد لله التزام ١٠٠/١٠٠

    • د/ أحمد منصور

      بسم الله ما شاء الله

      ربنا يعينك

      إن شاء الله توصلي لنتيجة مبهرة

      كملي التزام وهتفرحي جداً في الآخر

  7. غير معروف

    انا هل يومين 80 % انشالله اكمل هيج

  8. نيفين مدحت

    اشكر ربنا النهارده احسن
    الفطار الساعة ٨ نص رغيف واتنين بيضه مسلوقه
    وبعدها كوبايه شاي بمعلقه سكر
    الساعه ١٢اكلت جوافايه
    الساعه ٢ الغدا تلاته شرايح خبز مشبعه وجبنه قريش بالبيض وشريحه بطبيخ صغيرة
    الساعه ٥ كوبايه شاي العصاري بمعلقه سكر 😀
    الساعه ٨ شريحه خبز مشبعه بحتة جبنه قريش بالبيض
    والحمدلله ماسكه نفسي خالص
    هل يا دكتور اخد كوبايه ذبادي قبل النوم بشويه ولا كفايه كده مع العلم اني مش جعانه
    وبجد اشكرك كتير علي المسانده النفسيه اللي حضرتك بتقدمها

    • د/ أحمد منصور

      حلو شاي العصاري ده.. 😂😂

      يومك امبارح كان ممتاز ما شاء الله عليكي

      يارب الجاي كله يكون كده

      ربنا يوفقك ويقويكي

      النهاردة بقي طمنيني ضروووري
      إحنا لسه في أول اليوم

      خدي بالك من كل حاجة بتاكليها

      أنا مبسوط جدا والله منك

      ونفسي انبسط النهاردة كمان

      عاش يا نيفين عاش

  9. غير معروف

    انا ملتزمة مع اني ممنوعة من البيض و الجبن بسبب كوليستيرول بس الحمدالله اكلت سلطة بس

  10. غير معروف

    انا مكنتش اعرف ان النهارده اول يوم فى التحدى هبدأ بكره إن شاء الله انا بعمل دايت بقالى 5شهور ونزلت 17كيلو وليا 20يوم وزنى ثابت وكان النهارده يوم فرى بس عايزه أسأل حضرتك اعرف منين نظام التحدى لوسمحت

  11. غير معروف

    انا ملتزمتش بالوجبات انهارده لانى بصوم اربع وجمعة فكان الفطار الساعة 8 صباحا 2 بسكويت لايت مع كوب نسكافية بدون سكر والغدا نص رغيف مع طبق فول بالطماطم والفلفل والبصل والعشاء 2 ثمرة جوافة

  12. انا ماشية معكن وخبرتك قبل هيك اني اول اليوم هو النهاردة
    اكلت فطور كورن فلكس وكاسة شاي مع جوزتين

    وغداء صحن سبانخ مع رز

    وعم ادعي اتحمل للعشا😢 بلشت ساعات الصيام
    بس سؤال دكتور انا عم اتعالج من فقر دم بيأثر شي علي هالدايت عم اشرب حب Feramat لمدة شهر

  13. من فضل انا حملت التطبيق و لم اجد نظام الانيميا

  14. السلام عليكم
    انهارده اول يوم ريجيم ليا بس مكنتش متابعه مع حضرتك
    الفطار الساعه 2.30 للأسف 2 بيضه مسلوق وخياره واحده و2 طماطم صغيرين برشه ملح وقطع جبن صغيره اسطنبولي وربع رغيف بلدي …شاي بلبن بمعلقتين سكر …الغدا الساعه 8 خمس ملاعق أرز وكوسه مطبخ ني في ني وقطعة لحمه ..بعدها كوب شاي أخضر بيس واحد سكر ريجيم …العشاء الساعه 12.. 2 توست بالحبه الكامله بجبنه فيتا لايت و2 طماطم صغيرين عليهم ثومه واحده مبشوره ورشه ملح وعصرة ليمون وخيارتين برشه ملح …وكوب زبادي خالي الدسم بعصره نص ليمونه …كوب شاي أخضر بدون سكر …قليل من اللب السوري بدون ملح …

  15. رضوى محمود... من سوهاج

    ايه بديل الجبنه القريش فى الفطار لو مش متاحه عندى حاليا انا فى اليوم 3 لتحدى 30 يوم

  16. غير معروف

    يا دكتور انا ماعرفانة شو اعمل بكره

  17. يا دكتور انا ماعرفانة شو اعمل بكره



اترك تعليقاً

لن يتم نشر عنوان بريدك الإلكتروني.