تحدي نسف الدهون يبدأ من يوم 4 نوفمبر وينتهي 10 نوفمبر

السلام عليكم ورحمة الله وبركاته ..
معاكم دكـــــــتور أحمــــــــــــــــد منصــــــــــــــــــور أخصائي التغذية العلاجية.

مرحباً بكم في #دايت_كلينيك، إن شاء الله أكون عند حسن ظنكم بي دائماً، وإن شاء الله مع نهاية الأسبوع يكون في قصص نجاح كتيرة، ربنا يعينكم ويفرحكم يارب.

التحدي هيستمر لمدة أسبوع واحد فقط هيبدأ من يوم 4 نوفمبر، وهينتهي يوم 10 نوفمبر، ولو أنتي لسه محملة في أي يوم في وسط الأسبوع، متبدأيش من الأول، إبدأي من اليوم اللي أنتي حملتي فيه التطبيق، وكملي معانا لآخر الأسبوع، وخليكي مستعدة للتحديات القادمة اللي هتوصلك بعون الله للوزن المثالي.

مبدئياً اليوم السابع اللي هو يوم 10 نوفمبر هيكون يوم فري وعلشان تعرفوا تفاصيل اليوم الفري، إضغطي علة كلمة هنا الموجودة بين القوسين (هنا).

  • طوال السبع أيام أول ما نصحى من النوم، هنشرب كوب ماء دافئ مذاب فيه ملعقة عسل نحل (العسل الأبيض).

نظام أول 3 أيام ( 4 – 5 – 6 ) نوفمبر 

وجبة الفطار:-

يمكنك تناول أياً من الآتي:-

  • كوب حليب خالي الدسم + ربع رغيف خبز
  • 2 بيضة مسلوقة + ربع رغيف عيش
  • ربع كيلو جبنة خالية الدسم أو (جبنة قريش + ربع رغيف عيش )
  • كوب زبادي لايت + ربع رغيف عيش
  • 4 ملاعق فول + ربع رغيف عيش

بعد وجبة الفطار بساعتين تناول ( كوب حليب خالي الدسم ) بالإضافة إلى ثمرة فاكهة واحدة.

وجبة الغداء، يمكنك فيها تناول أياً من الآتي:-

  • 2 بيضة مسلوقة
  • أو ربع كيلو جبنة قريش
  • أو علبة تونة بدون زيت
  • أو ربع فرخة مسلوقة أو مشوية
  • أو ربع كيلو كفتة مشوية
  • أو  2 سمكة مشوية
  • أو شريحتين لحمة مسلوقة أو مشوية

مع وجبة الغداء ( طبق سلطة + طبق خضار ني في ني  مثل “البامية – الكوسة + الملوخية – البسلة – الفاصوليا)

الخضار المطبوخ ني في ني اي مطبوخ بطريقة صحية أو بملعقة زيت زيتون واحدة

ويمكنك أيضا تناول:-

  • 3 ملاعق أرز
  • أو 3 ملاعق مكرونة
  • أو نصف رغيف عيش

مع وجبة الغداء

وجبة العشاء أول 3 أيام:-

( كوب زبادي + ثمرة خيار )

نظام اليوم ( 7 – 8 – 9 ) نوفمبر 

وجبة الفطار:-

  • 2 ثمرة فاكهة
  • أو ربع كيلو جبنة قريش

بعد الفطار ساعتين:- كوب حليب خالي الدسم

وجبة الغداء:-

  • 2 بيضة مسلوقة
  • أو ربع كيلو جبنة قريش
  • أو علبة تونة بدون زيت
  • أو ربع فرخة مسلوقة أو مشوية
  • أو ربع كيلو كفتة مشوية
  • أو  2 سمكة مشوية
  • أو شريحتين لحمة مسلوقة أو مشوية

مع وجبة الغداء ( طبق سلطة + طبق خضار ني في ني  مثل “البامية – الكوسة + الملوخية – البسلة – الفاصوليا)

الخضار المطبوخ ني في ني اي مطبوخ بطريقة صحية أو بملعقة زيت زيتون واحدة

غير مسموح بتناول العيش أو الأرز أو المكرونة خلال التلات أيام ..

وجبة العشاء:-

  • 2 بيضة مسلوقة عليها رشة ملح وفلفل
  • أو كوب زبادي عليها عصير ليمونة

 

تنبيهات ومعلومات

  • النظام سهل جداً جداً وعلى الرغم من كده لو إلتزمتي بالمكتوب فيه .. هتنزلي من كيلو إلى 3 كيلو في 7 أيام فقط.
  • يجب شرب الماء بكثرة على مدار اليوم أقل شئ 10 أكواب.
  • عند الجوع في اي وقت من اليوم يمكنك تناول الخيار أو الخس
  • مسموح بملعقة سكر واحدة فقط يومياً ..

النظام لا يتناسب مع مرضى الأنيميا، فلو حضرتك مريضة أنيميا ونفسك تخسي هتلاقي رجيم مناسب جداً ليكي (هنا).

ورجيم المرضعات موجود (هنا).

لو حابة تشوفي قصص النجاح مع دايت كلينيك هتلاقيها (هنا).

 

  • أي كومنت حضرتك بتشرفيني وتكتبيه بياخد وقت بسيط جداً على ما يظهر، يعني بعد ما تكتبي أي كومنت إدخلي على الموضوع بعد شوية هتلاقي تعليق حضرتك وعليه إجابتي.
  • ياريت تدعموني، وتدخلوا كلكم على متجر جوجل بلاي، وتبحثوا عن دايت كلينيك، وتدخلوا تعملوا تقييم حلو للتطبيق، بكون سعيد جداً جداً لما بشوف دعمكم ليا.

عن د/ أحمد منصور

158 تعليق

  1. غير معروف

    معاكم باذن الله

  2. غير معروف

    معاك باذن الله

  3. غير معروف

    قد التحدي ان شاء الله

  4. دكتور وزني 102 كم ممكن انحف عليه؟

  5. الله المستعان معاك ان شاء الله في التحدي 💪💪
    ما شاء جميل و أسهل من الاسبوع اللي فات

  6. غير معروف

    ممكن يستبدل ربع رغيف العيش بواحده توست سن

  7. غير معروف

    معكم ان شاء الله

  8. ان شاء الله معك بالتحدي وملتزمين معك بكل شي

  9. ايمان عامر

    يارب ساعدنا

  10. غير معروف

    معاكم بإذن الله تعالي

  11. ايمان سيد

    معاك ان شاء الله

  12. المحبه للجنه

    معاكم إن شاء الله

  13. معاكم ان شاء الله … الخضار ينفع نطبخها .. والحليب والزبادي خالي الدسم غير متوفره عندنا بشكل دائم ايش البديل لهم

  14. لو سمحت يادكتور الخضار ني في ني صنف واحد خضار ولة خضار مشكل من بسلة فاصوليا وخزر وكوسة ونضيف توابل وطماطم وبصل

  15. معاكم إن شاء الله، بس سؤال يعني شنو خضار ني في ني وتكتبو باميه وكوسه….. الخضار دا ما بيتاكل ني؟؟؟

  16. ايه عبدالله

    معاكم باذن الله

  17. معاكم أن شاء الله

  18. فاطمة الصاوى

    بعد اذنك هل مناسب لوزن ٧٠ كيلو واقدر اعرف تقريبا دة كام سعر حراؤى فى اليوم ؟؟؟؟ شكرا

  19. لو سمحت يا دكتور
    ينفع أمشى على النظام ده مع الصيام المتقطع يعنى اخد ال ٣ وجبات فى فترة ال٨ ساعات اللى باكل فيهم

  20. د/ أحمد منصور

    بالتوفيق

  21. غير معروف

    لو سمحت يادكتور الخضار ني في ني بيكون صنف واحد من الخضار بس ولأ مجموعة من الخضروات هل بنضيف ملح وتوابل وبصل وطماطم

  22. قبلت التحدي

  23. اناراح ابدا في دايت تحفيز حرق الدهون لان وزني ينزل ببطئ

  24. د/ أحمد منصور

    ينفع طبعاً

  25. د/ أحمد منصور

    آمين يارب العالمين

  26. د/ أحمد منصور

    ربنا يوفقك

  27. د/ أحمد منصور

    اتنين توست

  28. د/ أحمد منصور

    ربنا يوفقك

  29. قبلت التحدى ان شاء الله

  30. ايمان سيد

    اللبن ينفع اغيره بالزبادي فى حدود كام مرة لاني مش بقدر اشربه خالص ؟

  31. د/ أحمد منصور

    بالتوفيق لحضرتك يارب

  32. ايمان سيد

    كام رغيف سن دكتور

  33. ايمان سيد

    كام رغيف سن دكتور بدلا من ربع رغيف عادي؟

  34. عبير عبد الحميد

    معاك أن شاء الله فى التحدى الجديد
    بالتوفيق للجميع يارب

  35. د/ أحمد منصور

    ان شاء الله

    ربنا يوفقك

  36. الحمد لله انا نزلت التحدي اللي فات ٢ كيلو
    وان شاء الله نلتزم الاسبوع ده اكتر عشات انزل اكتر ياااارب

  37. معاكم إن شاء الله ياريت يادكتور توضح النظام يناسب كل الاوزان والا ايه

  38. معذره د.

    احمد. ليه كوب اللبن بعد الفطار مينفعش مع الفطار

  39. د/ أحمد منصور

    ان شاء الله اا أستاذة اماني ربنا يوفقك

  40. د/ أحمد منصور

    مناسب اي وإن فوق 75

  41. د/ أحمد منصور

    هبقى اشرح السبب في موضوع مستقل ان شاء الله

    لأنه محتاج شرح طويل شوية 🤗

  42. ينفع على الحليب نحط قهوة

  43. ساره حسن

    ان شاء الله معك بس سؤال ايه راي حضرتك في برشيم رجيماكس هو فعلا بيعمل مفعول وممكن الواحد يعيش عليه وشكرا

  44. الشوربه الحارقه وشوربة العدس ينفع. مع الغدا بدال الخضار الي كاتبه او شوربة خضار دبا او فقوز او باذنجان

  45. د/ أحمد منصور

    بلاش أدوية

  46. معاك باذن الله

  47. اسما العزازي

    مع حضرتك دكتور احمد ربنا يبارك في حضرتك

  48. غير معروف

    ان شاء الله مع حضرتك ولاول مره 💪💪

  49. ارجوك دكتور اجبني بخصوص الجليب بالقهوة و ان كان غير ممكن ماهو البديل

  50. د/ أحمد منصور

    خلي كوب الحليب لوحده خالي الدسم بدون سكر

    وكوب القهوة في أي وقت من اليوم بملعقة سكر واحدة

  51. غير معروف

    ممكن نستبدل كوب اللبن خالى الدسم بكوب زبادى خالى الدسم بعد الفطار

  52. يعني يادكتور أصحاب الاوزان التقيله زي ١٠٩ ممكن اخي علي ريجيم ده ٣ ك ولا اكتر

  53. اسراء فلسطين💜

    معاكم مكملة💙

  54. معكم إنشاء الله

  55. د/ أحمد منصور

    ممكن لكن يفضل الحليب

  56. معاكم على خيرة الله

  57. د/ أحمد منصور

    ربنا يوفقك يا رب

    ويعينك

  58. شيماء الشربيني

    معاك ان شاء الله

  59. ايمان سيد

    د.احمد ممكن ترد عليا لو سمحت

  60. مكمله التحدى إن شاء الله

  61. ايمان سيد

    يستبدل الربع رغيف عيش بكام عيش سن ؟
    د.احمد منصور

  62. دكتور هل مناسب لوزن ٧٠ كيلو

    فاطمة الصاوى

  63. د/ أحمد منصور

    ربع رغيف = نصف عيش سن
    نصف رغيف عيش بلدي = رغيف عيش سن

  64. غير معروف

    هل ممكن مع الدايت، امشي نص ساعه علي المشايه الكهربائية؟

  65. هل ممكن مع الدايت، امشي نص ساعه علي المشايه الكهربائية؟

  66. هل ممكن مع الدايت امشي نص ساعة عبي على المشايه الكهربائية؟

  67. امي يا ريحة الجنه امي جنه

    معاكو دخلت التحدي أنشأ الله

  68. المحبه للجنه

    دكتور بعد اذن حضرتك انا قبل كده خسيت من ١٠٠ك إلى ٦٥ك الكلام ده فى خلال ٨او٩ شهور بس بدأت اذيد تانى ووصلت ٨٧ك ويلعب رياضه بس مش عارفه أنظم أكلة تانى وحولت كتير وفشلت كتييير ومازلت بحاول ولعب رياضه بس مش عارف ارجع أنظم أكلة وسيطر على شهيتى وده عملى إحباط جامد بقالى سنتين على الحاله دىارجو الإفادة والمساعدة وشكرا لحضرتك واسقه على الاطاله

  69. د/ أحمد منصور

    ممكن

  70. د/ أحمد منصور

    ممكن

  71. انا معكم ان شاء الله

  72. يسعدلي مساك دكتور بس بدي اسالك بنفع بدل الخبز شوفان مع الحليب؟في وجبة الفطور

  73. غير معروف

    مية بعسل الصبح تنفع لمرضي السكر مع العلم السكر عندي السكر صيام مابين 160 و170 وبعد الأكل بساعتين بكون أقل 150 اوك 130

  74. دكتور لو سمحت انا اول لى فى التحدى بس انا مش عارفه اختار اى اسبوع ابدا بيه لانى لسه مش فاهمه التطبيق اشوف اانظام امتى عشان اطبقه

  75. انا اكيد معاكم انشالله اقدر اكمل

  76. دكتور ليش مارديت ع كلامي فوق

  77. د/ أحمد منصور

    ينفع

    أربع ملاعق مع كوب الحليب

  78. مساء الخير يا دكتور. انا ابتديت من نظام نسف الدهون بتاع 28 اكتوبر بس منزلتش خالص. اعمل ايه يا دكتور

  79. د/ أحمد منصور

    وزن حضرتك كام كيلو؟

    وهل محافظة على شرب المياه كتير؟

  80. 80 كيلو و طولي 160 يا دكتور

  81. بشرب من 4 الي 6اكواب ماء في اليوم

  82. د/ أحمد منصور

    عايزين المياه تكون لترين ونص يومياً أقل شئ

    10 أكواب

    لو بتحبي الملح في الأكل، حاولي تقللي قدر الإمكان

    وربما ثبات الوزن أن دي فترة الدورة الشهرية

    لكن في كل الأحوال لا تيأسي وكملي معانا وان شاء الله هتنزلي في الوزن

  83. د/ أحمد منصور

    يجب أيضا الا يتعدى السكر ملعقة واحدة يومياً

  84. Merci dr Ahmed for your attention

  85. د/ أحمد منصور

    عفواً ده واجبي

    تحت أمر حضرتك في أي وقت

  86. غير معروف

    تمام انا معاكم لاول مره

  87. ام عبدالرحمن

    دكتور لو سمحت كم المده ما بين كاسه الميه الدافيه والعسل ووجبة الفطور

  88. كم عيش سن ناشف مكان الربع الرغيف ؛وهل يمكن طبخ أكتر من نوع خضار مع بعض مثل التورلي كده ؟؟

  89. د/ أحمد منصور

    آه ممكن

    رغيف سن

  90. د/ أحمد منصور

    ربع ساعة أو 10 دقائق

  91. غير معروف

    معكم لأول مره

  92. السندباد

    معكم لأول مره

  93. ملك طارق

    معاكم أن شاء الله والله المستعان
    ظ

  94. ساره حسن

    صباح الخير يا دكتور لو سمحت ايه فايده كوب الماء بمعلقه العسل في الرجيم

  95. غير معروف

    معاكم في كل التحديات شكرا دكتور

  96. نورا السعيد

    معاكم ان شاء الله قبلت التحدي

  97. يا دكتور ينفع تمارين البطن مع النظام دا؟ انا بطني كبييييرة وعايزة اتخلص منها بسرعه
    ثانياً ما عندنا زبادي وحليب خالي الدسم؟ ماهو البديل؟؟

  98. سماح المصري

    الحمد لله حسيت اول مره مع حض تك وإن شاء الله ممله معاك بس ممكن اخد في الغدا شوربه عدس دايت أو فول مدشوش

  99. غير معروف

    معاك يا دكتور باذن الله

  100. هو الغدا الساعه كام

  101. د/ أحمد منصور

    Momken

  102. مكملين ان شاء الله

  103. انا هبدا معاكو النهارده بس هالخبط وجبة الغدا بس عشان معزومه بره اكمل عادي بعد كده ؟؟؟؟؟؟

  104. د/ أحمد منصور

    كملي عادي

  105. و انا كمان معكم
    بدي انحف 15 كيلو زايد من الحمل
    ادعولي

  106. Shereen Mahmoud

    حضرتك لو بدات بكره .. مافيش مشكله
    وانا لازم اشرب قهوه او نسكافيه الصبح .. هل ده ممكن ..وهل ممكن اضافه سكر ام لا..شكرا جزيلا

  107. لو سمحت يادكتور سكر دايت ليا كام بكت في اليوم

  108. غير معروف

    السكر الدايت انا بشرب مشروباتى كلها بيه ده ياثر علل الوزن والا السكر الدايت عادى ويستخب كام مره فى اليوم

  109. غير معروف

    وزنى كان 97و200 جرام وكنت متابعه مع دكتور ووصلت 85 وبعدين مش راضى ينزل الوزن وطولي 167ونص عايزه حل وكمان عايزه اعرف الوزن المثالي

  110. الحمدالله اول يوم عدا على خير

  111. اليوم تمام دكتور مع نظام الصيام المتقطع على فكرة انا شربت الحليب واحدو من غير ولا اضافة و الحمد لله ان شاء الله مكملين

  112. تم اليوم الاول بنجاح 90%

  113. الحمد لله اليوم الأول تمام

  114. غير معروف

    الحمدلله عدي علي خير يا دكتور بس للأسف يا دكتور المغرب كدا كنت عملا مهلبيه واخد معلقه عشان اشوف طعمها هل كدا بوظت اليوم يا دكتر

  115. ديما محمد

    السلام عليكم دكتور احمد بدي احكي انا طالبة مدرسة في بنظام شرب حليب بعد بساعتين بكون بالمدرسة في بديل للحليب خالي الدسم

  116. الحمدلله عدي علي خير يا دكتور بس للأسف يا دكتور المغرب كدا كنت عملا مهلبيه واخد معلقه عشان اشوف طعمها هل كدا بوظت اليوم يا دكتر

  117. هبدا من يوم 5 ان شاء الله

  118. هبدا من يوم 5 ان شاء الله

  119. انا ماشى على رجيم التحدىالاسبوع ده ومكمله بنسف الدهون إن شاءالله

  120. معاكم ف التحدي بس ممكن اعرف لو اكلت شويه فيشار ف العشا في مشكله يا دكتور

  121. انشالله معكم هذا الاسبوع

  122. رملة عبد الكريم

    انشالله معكم هذا الاسبوع

  123. أم أسامه

    بيزبط حضرتك وجبة الغداء يكون معها السلطة بدون الخضار المطبوخة

  124. معاكم ان شاء الله من بكره

  125. د/ أحمد منصور

    ان شاء الله ربنا يوفقك

  126. اول يوم تمام الحمد لله

  127. معاكم بإذن الله ربنا يجزيك كل خير ويجعله في ميزان حسناتك

  128. الشاي بلبن يمكن في اي وقت

  129. دكتور نزلت كيلو 1فقط في أسبوع رغم التزامي الشديد بنظام اللي،فات ماعدا يوم الفري وكنت موقفه النشويات تماما
    ان شاء الله حضرتك تشوف الرساله

  130. د/ أحمد منصور

    نزول كيلو في الأسبوع معدل ممتاز متقلقيش

  131. ياريت رجيم ينفع لطلبة المدارس سن 13 سنه

  132. د/ أحمد منصور

    حاضر

  133. الحمدلله مر اول يوم بسلام والتزام يارب هونها

  134. معاكم في التحدي بإذن الله

  135. دكتور ممكن سؤال ليه هاد التحدي في اكل اكتر من التحدي السابق

  136. اذا لم استطع شرب اللبن ايه البديل وانارجعت من رحلو فكان فيه زيادة ٣كيلو ايه العمل

  137. امل مصطفى

    اذا لم استطع شرب اللبن ايه البديل وانارجعت من رحلو فكان فيه زيادة ٣كيلو ايه العمل

  138. غير معروف

    فى السناك ينفع زبادى بدل اللبن ومعاه الفاكهه ..وفى العشا ينفع جبن خالى الدسم بدل الزبادى ومعاها الخياره ؟ وهل الخضار المطبوخ اساسى ولا يكتفى بالبروتين مع السلطه والنشويات ؟ انا بسأل بالنسبه لأول تلات أيام فى التحدى ؟ ارجو الرد ..وهل لو شربت مشروبات زى ينسون او نعناع او شاى اخضر ..وكلها بدون سكر ..يؤثر على النظام فى شيء ؟ والسكر الدايت الحصه منه قد ايه فى اليوم لو بدل السكر الابيض ؟ آسفه للاطاله

  139. تمام انا معاكم بس لسه شيفاه النهارده اكمل باقى اليوم عادى وابتدى من بكره ولا امشى على النظام

  140. د/ أحمد منصور

    كملي معانا عادي

  141. معاكم ان شاء الله

  142. ديما مخمد

    السلام عليكم دكتوؤ منصور اليوم مشيت الحمد الله بس تؤكت حال جيعان كثيير يعنيومعدتي وجعتني على كل حالةبتمنى تشجعوني دايما انا تاخرت عنكم يوم واحد بلشت من اليوم اتمنى تشجعوني دايما

  143. سؤال يا دكتورلو سمحت انا بروح جيم وبرجع منه جعانه اوى ينفع ازود حاجه على وجبه العشاء حتى ولو بيض مسلوق مثلا ولا امشى على النظام اللى مكتوب احسن

  144. انا من الاردن وان شاء الله بكره رح بلش ادعموني اثبت

  145. د/ أحمد منصور

    ان شاء الله ربنا يوفقك يا أستاذة سارة

  146. مرمر حافظ

    مساء الخير تطبيق أن شاء الله يبقى مفيد انا وزني 78زطولي 168يارب اوصل للوزن المثالي معتكم

  147. غير معروف

    انا بدات معاكم من انهاردة ان شاء الله …لما اوصل ليوم ١٠ ابدأ من اليوم الاول ولا اعمل ايه….

  148. غير معروف

    ابدأ غدا 8 9 10

  149. كيف ادخل معاكم

  150. لو سمحت يا دكتور انا بدأت التحدي الاسبوع الأول اللي هو ٢٨ _١٠ وخشيت كيلو واحد انا وزني ٧٩وبقيت ٧٨ ده كويس وعايزة اعرف ابدا الاسبوع التاني اللي هو ٤_١١ عايزة اعرف ممكن في الفاكهة رمان الكمية ايه

  151. شفت النجاحات والنتائج ماشاءالله كويسة كتير ربي يوفقك ويوفقنا جميعا
    انا اليوم بلشت معكم ورح كمل بلتحديات لبعدين
    ويارب نطلع قد التحدي
    انا عمري 18 ووزني 95 ..ومافي اي شي بيساعدني
    رح جرب هلنظام وان شاءالله خير

  152. الانيميا عندي 10 ينفع معاها النظام دا ؟

  153. فاطمه ابراهيم

    بعد تذنك يا دكتور انا لسه منزله البرنامج النهارده وطبعا فاتني ٣اربع الرجيم ابتدي مع حضرتك في التحدي الجديد ولا ابتدي النظام ده

  154. دكتور، ربنا يباركك، انا خسيت في أسبوع ٢كيلو ونص، مستنيه دايت الأسبوع القادم 💯👍🌹

  155. مسا الخير
    انا ليوم نزلت التطبيق فيني بلش بالنظام الموجود (٤ل ١٠) نوفمبر من بكرة او بدو ينزل نظام جديد امشي علي

  156. السلام عليكم دكتور انا دخل في البرنامج النهادره وعايزه ادخل معكم في النظام بس التحدي النهادره يخلص. ممكن اعرف اي الدايت الجديد علشان ابدا

  157. غير معروف

    انا وزني
    80 وعمري 45

  158. انا وزني
    80 وعمري 45

اترك تعليقاً

لن يتم نشر عنوان بريدك الإلكتروني.