اليوم الخامس في رحلتي الغداء بيض مسلوق

مش بحب أبداً أسمع جملة الرجيم محتاج فلوس، ممكن بأقل فلوس تحقق أفضل النتائج بالرجيم، الرجيم فقط محتاج إرادة قوية، تخليك مهما تتعطل في رحلتك تقوم تاني بقوة وتواصل حتى تحقيق الهدف.

النهاردة نظام يومي كان كالآتي:-

الفطار 3 معالق فول كبار بيضة مسلوقة وربع رغيف عيش بلدي، وثمرة فلفل أخضر وثمرة طماطم والوجبة الخفيفة الأولى كانت كوب إلا ربع حليب كامل الدسم.

ووجبة الغداء كانت عبارة عن طبق صغير لوبيا “خضراء” واتنين بيضة مسلوقة وطبق متوسط سلطة و 3 معالق أرز، وبالنسبة لوجبة العشاء( كوب لبن رائب).

متضيعش فرصة الإلتزام برجيم دايت كلينيك، علشان هتشوف معانا بمشئية الله نتائج تبهرك، وياريت لو حابب المحتوى اللي بنقدمه تدعمنا باشتراكك في قناة دكتور أحمد منصور على اليوتيوب، لو عندك أي سؤال اكتبه في تعليق على الفيديو، أنا بحاول أرد على قد ما أقدر.