اليوم السادس خسيت 2 كيلو في خمس أيام

مساء السعادة يارب كلكم تكونوا بخير وفي افضل حال يارب، النهاردة الحمد لله وصلت لليوم السادس في الرجيم، بفضل الله بدون أي لغبطة، وحقيقي متحمس جداً أكمل وأشوف الوضع اللي هكون عليه في نهاية رحلة المائة يوم لنسف الدهون.

مش متخيل فعلاً أن خمس أيام رجيم فعلاً ممكن يفرقوا بالشكل ده، لو أنت مطبق رجيم معايا من أول الأسبوع وملتزم من غير لغبطة مؤكد زمانك فرحان دلوقتي بالنتيجة اللي وصلت ليها.

المهم نظام أكلي في اليوم السادس كان كالآتي:-

الفطار:- كوب حليب + بيضة مسلوقة، والوجبة الخفيفة الأولى كانت عبارة عن اتنين ثمرة تين شوكي ومعاهم ثمرة تفاح.

وجبة الغداء كانت عبارة عن 3 معالق أرز + ربع فرخة محمرة في الفرن بدون زيت + 6 معالق لوبيا خضراء مش بيضاء + طبق سلطة صغير.

مخدتش سناك تاني، والعشاء عبارة عن كوب لبن رايب وبعده بشوية ثمرة خيار.

خدت معلقتين سكر على مدار اليوم، وموقف أكل قبل النوم بساعتين، نتقابل بكره ان شاء الله اليوم السابع على خير يا أبطال بمشيئة الله تعالى.