رجيم دكتور أحمد منصور “لوزن أقل من 60 كيلو” – الأسبوع الأول

في حاجات بسيطة جداً ممكن تعيق نزول الوزن، لو شخص بوزن فوق 100 كيلو مثلاً عملها، ممكن عادي ينزل في الوزن، لكن بالنسبة ليك مش هينفع تهمل النصائح دي وإلا هتلاقي مليون في المائة ثبات في الوزن. شرب المياه كتير لازم تهتم بيه. الأكل يكون في مواعيد محددة يعني بلاش الفطار يبقى العصر والغداء بالليل والكلام ده، يفضل الفطار يكون من 7 إلى 10 صباحاً، والغداء من 1 إلى 4 مساءً، والعشاء من 6 إلى 9 مساءً. نام كويس 8 ساعات على الأقل. الأكل يكون مطبوخ بطريقة صحية، يومياً مناخدش أكثر من معلقة زيت زيتون أو زيت ذرة. تسلحي بالأكل اللي ليه سعرات حرارية منخفضة وقت الجوع لإن زي ما اتفقنا أي لغبطة بسيطة هتسبب لك ثبات في الوزن. يعني لو جوعتي ممكن تاخدي ثمرة خيار واحدة أو تأكلي خس وممكن نصف كوب حليب أو 3 حبات لوز أو 5 حبات فول سوداني. الخيار وقت الجوع والخس يتاخدوا أكثر من مرة عادي، لكن المكسرات أو الحليب تاخدي منهم مرة واحدة وقت الجوع بغض النظر عن المكتوب في النظام.