نظام غذائي لمدة (7) أيام لمرضى الكوليسترول المرتفع

النظام ده كتبته بناء على طلب كتير منكم .. وزي ما أنا كاتب في العنوان .. الدايت ده مخصوص لمرضى الكوليسترول.

مدة التنفيذ7 أيام فقط ..

اليوم الأول والتاني والتالت والرابع  والخامس

وجبة الإفطار:- هتكون بترتيب الأيام كالآتي:-

  1. 4 ملاعق بليلة + كوب حليب صويا
  2. 4 ملاعق فول (بدون سمنة أو زيت) + ربع رغيف بلدي
  3. 6 شرائح بسكوت لايت صغير
  4. 3 ملاعق شوفان + كوب حليب صويا
  5.  4 ملاعق كورن فليكس + كوب حليب صويا

طبعاً متنسوش كوب الماء الدافئ + ملعقة عسل نحل عليه قبل الفطار

 

بالنسبة لوجبة الغذاء في أول خمس أيام هتكون كالآتي:-

  1. 3 ملاعق أرز كبيرة + كوب عدس مطبوخ بدون سمن أو زيت + طبق سلطة صغير + طبق خضار ( فاصوليا – أو بامية – أو سبانخ – أو كوسة ) بشرط أن يكون مسلوق بدون استخدام الزيت أو السمن في الطهي.
  2. 9 ملاعق مكرونة كبيرة مسلوقة + طبق مشروم صغير ( بدون سمن أو زيت ) طبق سلطة صغير + طبق خضار ( فاصوليا – أو بامية – أو سبانخ – أو كوسة ) بشرط أن يكون مسلوق بدون استخدام الزيت أو السمن في الطهي.
  3. تكرار اليوم الأول
  4. 2 توست بني + طبق فول متوسط الحجم (بدون زيت أو سمن)
  5. 3 ملاعق أرز كبيرة + 3 سمكات مشوية طبق سلطة صغير + طبق خضار ( فاصوليا – أو بامية – أو سبانخ – أو كوسة ) بشرط أن يكون مسلوق بدون استخدام الزيت أو السمن في الطهي.

في حالة الجوع بين الفطار والغذاء يمكنك تناول ثمرة فاكهة من الآتي:-

  • كمثرى
  • جوافة
  • برتقال
  • كيوي
  • نصف موزة

أما بالنسبة لوجبة العشاء فهتكون طوال الخمسة أيام الأولى عبارة عن ( 4 حبات زيتون + ثمرة فاكهة + ربع غيف عيش + طبق سلطة خضار صغير)

 

بالنسبة لليوم السادس واليوم السابع فهيكون فيهم النظام كالآتي:-

وجبة الإفطار ( 2 ملعقة عسل نحل + 2 توست بني ) وكوب من الشاي  ثم الصيام لمدة 6 ساعات من بعد وجبة الإفطار وغير مسموح في هذه المدة سوى بشرب الماء فقط.

بالنسبة لوجبة الغذاء في اليوم السادس والسابع هتكون عبارة عن (علبة تونة مصفة جيداً من الزيت + طبق سلطة خضار + طبق خضارر صغير مطبوخ بدون زيت أو سمن)

بالنسبة لوجبة العشاء في اليوم السادس والسابع تكون عبارة عن ثمرتين فاكهة ويمكنك الاختيار من الآتي:-

  • جوافة بدون بذر
  • تفاح
  • كيوي

بعد مرور السبع أيام ” هيكون اليوم الثامن يوم فري” تاكلوا فيها الكميات اللي تحبوها من الأكل المسموح لكم.

رجاء الالتزام بشرب الماء أكثر من 8 أكواب يومياً.
اليوم السادس والسابع غير مسموح فيهم بالسكر

اللي هيخلص الدايت ده يعرفني علشان أبدأ معاه في دايت آخر لمدة 7 أيام.

عن د/ أحمد منصور

28 تعليق

  1. شكرا و جزاك الله راح امشي على دايت باذني الله ربي راح يكون معايا و شكرا مراة ثانية دكتور و عفوا على الحاحي .

  2. د/ أحمد منصور

    أستاذة خديجة أنا مع حضرتك لحد ما توصلي لوزنك المثالي بأمر الله

    ياريت كل يوم بالليل

    تدخلي على الموضوع ده علشان تطمنيني عملتي ايه

    ممكن؟

  3. مساء الخير دكتور… أنا مهتمة والرجيم لكن عندي صعوبة في فهم بعض الأغذية من البليلة لأني من الجزائر فهل ممكن أغذية أخرى بنفس السعرات.

  4. د/ أحمد منصور

    حضرتك عندك ارتفاع في الكوليسترول ؟

  5. شكرا لحضرتك

  6. د/ أحمد منصور

    العفو يا فندم

    تحت أمر حضرتك

  7. معلش يادكتور انا مشكلتي ف بطني لو فيه حل لها وجزاك الله خيرا

  8. د/ أحمد منصور

    أهلاً بحضرتك يا أستاذة إيمان

    وزن حضرتك كام كيلو وطولك

    وعملتي دايت قبل كده ولا لأ

    ونظام اكلك الحالي عامل ازاي؟

  9. ياسمينة الشام

    شكرا جدا لحضرتك

    لا اكل اللحوم اريد بديل نباتي

    احيانا اكل سمك ولكن كل شهر مرة

    ينفع اعمل دايت
    عندي وزن زائد تقريبا 10 كيلو

  10. د/ أحمد منصور

    العفو يا فندم تحت أمر حضرتك

    ممكن أعرف أن كنتي بتعاني من أي أمراض ولا لأ؟

  11. ريتال محمد

    لو سمحت يا دكتور كانت بعمل رجيم والفترة ديه جسمى واقف ونسبه الحرق ضعيفه جدا وبعد مانزلت قبل العيد رجعت زياده ٢كيلو ونفسيه فى نازل وعايزه حل عشان ارجع للرجيم تانى مش عرفه امشي على اى نظام

  12. لو سمحت يا دكتور كانت بعمل رجيم والفترة ديه جسمى واقف ونسبه الحرق ضعيفه جدا وبعد مانزلت قبل العيد رجعت زياده ٢كيلو ونفسيه فى نازل وعايزه حل عشان ارجع للرجيم تانى مش عرفه امشي على اى نظام

  13. لو سمحت يا دكتور كانت بعمل رجيم والفترة ديه جسمى واقف ونسبه الحرق ضعيفه جدا وبعد مانزلت قبل العيد رجعت زياده ٢كيلو ونفسيه فى نازل وعايزه حل عشان ارجع للرجيم تانى مش عرفه امشي على اى نظام

  14. لو سمحت يا دكتور كانت بعمل رجيم والفترة ديه جسمى واقف ونسبه الحرق ضعيفه جدا وبعد مانزلت قبل العيد رجعت زياده ٢كيلو ونفسيه فى نازل وعايزه حل عشان ارجع للرجيم تانى مش عرفه امشي على اى نظام

  15. د/ أحمد منصور

    طيب ادخلي على دايت تنشيط الحرق اتبعيه هو مدته اسبوع هيخلي جسمك يرجع يحرق تاني

    وبعد ما تخلصيه هنمشي في رجيم تاني فعال جدا جدا هيفرق معاكي ان شاء الله

  16. الحمدلله دكتور احمد انا ملتزيمة بدايت بس بصعوبة عم بينزل ضغط الدم و سكري 0،50 انصحني اعمل ايه المهم انا ملتزمة بدايت

  17. سهام على

    متابعه معاك يادكتور بس انا مريض سكر وضغط وكليسترول وتليف كبدى ودكتور المعالج قالى لازم نتزلى انا ماشيه معاكوا بس اشعر بارهاق شديد ومحتاجه حاجه مسكره مش عارفه اعمل ايه

  18. هدى عبداللطيف أحمد ماضي

    هل يوجد نظام لمرضى السكر

  19. قبلت التحدي

  20. غير معروف

    اهلا بحضرتك دكتور احمد انا كوليسترول عال ونسبة الدهون عندى ف البطن والجناب هتابع مع حضرتك والتزم بالدايت باذن الله

  21. اهلا بحضرتك دكتور احمد انا كوليسترول عال ونسبة الدهون عندى ف البطن والجناب هتابع مع حضرتك والتزم بالدايت باذن الله

  22. غير معروف

    ينفع هاد الرجيم للمرضى الضغط

  23. جزاك الله خير على تعبك معانا ..دكتور وزني ٨٠ وطولي ١٥٩ م
    كم المفروض انزل من وزني دون شعوري بالجوع
    ويوم الفري ينفع وجبات مع زيت زيتون او قطعة حلوى او بسكوت .. ولا لاء

  24. د/ أحمد منصور

    ينفع في اليوم الفري آه مفيش مشكلة

    المفروض تنزلي 10 كيلو

  25. مرحبا دكتور انا وزني 120 وطولي 158 وعمري 25 ياريت تقول الرجيم مناسب لحالتي

  26. أحمد طاهر

    ممكن حضرتك تحطلنا دايت تانى عشان مرضى الكوليسترول عشان التنوع والا امشي على ده بس؟

  27. دكتور احمد يعطيك العافيه انا سمنتي في البطن اكثر شي وعندي خمول غده استخدام جرعه ٥٠ وعندي كرستول مرتفع وعندي دهون ثلاثيه وعندي دهون على الكبد في رجيم يناسبني انا طوالي ١٦٤ ووزني ١٠٠

  28. الف شكر يادكتزر على اهتمامك

اترك تعليقاً

لن يتم نشر عنوان بريدك الإلكتروني.