رجيم دكتور أحمد منصور ” بعد العيد ” جديد يبدأ السبت 17 أغسطس وينتهي 23 أغسطس

مساء الفل يارب تكونوا بخير وفي أفضل حال ..

معادنا النهاردة مع رجيم جديد، كالعادة هيستمر لمدة أسبوع، ولو وصلت لينا في أي يوم خلال الأسبوع، إبدأ الرجيم من اليوم اللي حملت فيه التطبيق.

في الجو الحر ده لو حافظت على شرب المياه بإستمرار على مدار اليوم هيكون ده بفضل الله سبب نجاحك في الرجيم، إتأكد إنك هتشرب يومياً أقل شئ عشر أكواب.

وركز إنك تشرب قبل الأكل بفترة قليلة علشان هيساعدك تدخل على الأكل بشهية أقل، بالتالي تأكل الكمية المسموحة بدون أي لغبطة وتقدر تلتزم بالرجيم حتى نهاية الأسبوع.

السكر الأسبوع ده متزودش عن معلقة واحدة في اليوم ..

بين آخر وجبة والنوم 3 ساعات .. مسموح خلالهم بشرب الماء فقط وأي مشروب أعشاب بدون سكر مثل البابونج أو الزنجبيل .. وغيره.

ياريت نلتزم الأسبوع الحالي بالمكتوب في النظام بدون أي لغبطة علشان نستغل معدل الحرق المرتفع نتيجة نظام عيد الأضحى.

تأكد إن الوزن المفقود مع نظام دايت كلينيك هو عبارة عن ” دهون “.

 

أحرص كل يوم الصبح على شرب كوب ماء مع معلقة عسل أبيض ..

المياه دافئة أو من الحنفية.

 

رجيم اليوم الأول – السبت 

 

 

الفطار

 

2 شريحة جبنة رومي ” تركي ”

أو

2 شريحة جبنة شيدر

أو

2 قطعة جبنة قريش

أو

125 جرام جبنة بيضاء لايت

 

+

نصف رغيف عيش

أو

2 توست بني

أو

رغيف سن

 

 

سناك 1

وجبة خفيفة بين الفطار والغداء

 

كوب شاي بلبن

” الحليب المكتوب في النظام دائماً خالي الدسم ” وتقدر تبدل كوب خالي الدسم بنصف كوب كامل الدسم “.

 

 

 

الغداء

 

  • ربع كيلو جبنة قريش
  • 2 بيضة مسلوقة
  • ربع أرنب مشوي أو مسلوق
  • ربع فرخة مشوية أو مسلوقة
  • ربع كيلو لحمة مشوية أو مسلوقة
  • ربع كيلو كبدة مشوية
  • ربع كيلو جمبري مشوي
  • ربع كيلو سمك مشوي
  • ربع كيلو كفتة بدون دهون
  • علبة تونة بدون زيت

 

+ 6 معالق أرز أو 8 معالق مكرونة أو نصف رغيف عيش

+ طبق سلطة ( طماطم * خيار * جزر * خس  )

+ طبق خضار

 

والخضار المسموح بيه الأسبوع ده حاجة من دول ( بامية * خرشوف * فاصولياء خضراء * كوسة * سبانخ )

لو طبختي الأكل دايت ” بدون زيت ” تقدري تاخدي طبق خضار

 

ولو مسبك ” مسموح فقط بأربع معالق ” ولمدة 3 أيام في الأسبوع بحد أقصى مسموح بالمسبك.

 

 

 

سناك 2

 

ثمرة فاكهة

 

 

العشاء

 

2 كوب زبادي

 

 

عزيزي القارئ، عزيزتي القارئة 

تم نقل جميع الأنظمة الغذائية لتصبح حصرية فقط على تطبيق دايت كلينيك، تأكد أنك قومت بتحميل التطبيق، من متجر جوجل بلاي، وتأكد أيضاً من أنك تمتلك أحدث إصدار.

يمكنك الوصول للتطبيق من خلال الضغط على كلمة ( تطبيق دايت كلينيك ) الملونة باللون الأحمر والموجودة بين القوسين.