جدول الأكل بعد رمضان
جدول الأكل بعد رمضان

رجيم دايت كلينيك بعد العيد لمدة 3 أيام

السلام عليكم ورحمة الله وبركاته، خلاص عدى رمضان وعدى العيد، وخلصت معاهم الحجج، نركز بقى الفترة الجاية علشان إن شاء الله هيكون في شغل عالي جداً جداً، وأنظمة أسبوعية كالمعتاد هتساعدكم وتحقق ليكم نتائج تفوق توقعاتكم، مش مصدق؟ جرب مش هتخسر أي حاجة.

رجيم صحي

الأسبوع الحالي، وتحديداً الثلاثة أيام اللي باقيين من دلوقتي حتى نهاية الأسبوع (الأربعاء، الخميس، والجمعة) هيكون متوفر نظام واحد فقط كلنا هنطبقه، وبداية من الأسبوع القادم، السبت الموافق 30 مايو، هيكون متوفر تلات أنظمة مختلفة.

يعني إن شاء الله دلوقتي هكتب لكم، جدول أكل يوم الأربعاء والخميس والجمعة بالترتيب، كلنا هنطبقه، ويوم الجمعة القادمة الموافق 29 مايو، هتلاقوا على التطبيق أنظمة مختلفة (نظام صيام متقطع، ورجيم عادي، ورجيم مناسب للسيدات خلال فترة الرضاعة الطبيعية).

الهدف هو إتباع نظام دايت كلينيك لمدة 100 يوم، وده مش معناه إنك مش هتشوف نتائج معانا إلا بعد 100 يوم من الرجيم، أكيد لأ، لكن أقصد أقولك إنك لو طبقت رجيمنا في المدة دي هتحقق طفرة بمعنى الكلمة، لكن بالنسبة للتغيير الملحوظ فده إن شاء الله هتشوفه بعينك والناس هتعلق لك عليه أسبوع بأسبوع.

ما دام ربنا عاطيني صحة وعمر، هساعدكم بكل طاقتي، وزي ما بدأت معاكم من أكثر من سنتين، هواصل بمشيئة الله، في توفير رجيم أسبوعي صحي وآمن يسمح بفقدان الوزن بدون أي آثار سلبية.

محتاجين دعمك

الدعم يساعدنا دائماً على القيام بعمل أفضل، ويشجعنا على مواصلة بذل الجهد والسعي بكل قوة نحو رضاك، فلو مش هنتعبك معانا، هناخد من وقتك ثانية واحدة بالظبط، تشترك فيها على قناتي على اليوتيوب، وتقدر تروح لها دلوقتي وترجع تاني تقرأ النظام من خلال الضغط على كلمة (قناة دكتور أحمد منصور على اليوتيوب)، الموجودة بين القوسين، والملونة باللون الأخضر.

القواعد الثابتة

  • شرب الماء على مدار اليوم والإهتمام بترطيب الجسم بمعدل كل ساعة كوب من الماء.
    • مسموح من السكر الأبيض ملعقة واحدة، وهذا البند هام جداً، وخاصة في الوقت الحالي، حيث أن السكريات تضعف المناعة، وهي السلاح الوحيد الذي نمتلكه في الوقت الحالي لمواجهة فيروس كورونا بعد إرادة الله، وده بجانب إنها بتعطل الحرق، وبتزود فرصة الجسم بشكل كبير جداً إنه يخزن دهون.
    • لو سكر دايت مسموح على مدار اليوم بما يعادل في التحلية (أربع معالق سكر).
    • نتفادى استهلاك الملح بكمية كبيرة حيث يعمل على احتباس السوائل بالجسم، ملعقة واحدة ممسوحة يومياً تكفي.
    • البعد عن الميزان لتقييم نتائج الرجيم بشكل مبالغ فيه، في ناس بيوصل الوضع عندها إنها توزن مرتين في اليوم، فقد يكون مصد كبير للإحباط وترك النظام الغذائي، بمعنى إنك شايف إنك نزلت وكل اللي حواليك ملاحظين، والأخ الميزان يكون ليه رأي تاني، وتلاقي معدل النزول كرقم على الميزان مش مرضي ليكي، قتسيبي الرجيم، رغم إنك بالفعل كنتي ماشية على الطريق الصحيح.

 

نظام يوم الأربعاء 27 مايو

مننساش زي ما اتفقنا، النظام الأسبوع الحالي واحد للكل، مفيش صيام متقطع، مطلوب من الجميع (ماعدا المرضعات) الإلتزام فقط بأن يكون الفرق بين الوجبة الأخيرة والنوم 3 ساعات.

الفطار

يمكنك الاختيار من بين:-

  • ثمرة بطاطس مسلوقة + بيضة مسلوقة + خيار أو خس أو ثمرة طماطم
  • 2 شريحة جبنة رومي بوزن لا يتعدى 70 جرام + ربع رغيف عيش + ثمرة خيار
  • تمن كيلو جبنة بيضاء لايت (موجودة في أي سوبر ماركت) لا يتعدى الوزن 125 جرام + ربع رغيف عيش + ثمرة خيار
  • 2 قطعة جبنة قريش بوزن تقريبي 200 جرام + ربع رغيف عيش بلدي + ثمرة خيار.
  • 3 معالق كبيرة من الشوفان + كوب حليب
  • بيضة مسلوقة + 3 معالق فول + ربع رغيف عيش + ثمرة طماطم أو خيار
  • 2 بيضة مسلوقة + ربع رغيف عيش + ثمرة خيار أو طماطم

تقدر تبدل ربع رغيف عيش بلدي بواحد توست بني أو نصف رغيف عيش سن، وكوب الحليب المذكور هو الحليب خالي الدسم وتقدر تبدل كوب حليب خالي الدسم بنصف كوب حليب كامل الدسم.

 

سناك(1) الوجبة الخفيفة بين الفطار والغداء

يمكنك الإختيار من بين:-

  • 7 حبات ترمس
  • 10 حبات فول سوداني
  • ثمرة فاكهة

 

الغداء

 

يمكنك الإختيار من بين:-

  • ربع فرخة مشوية أو مسلوقة
  • 2 بيضة مسلوقة أو مقلية بزيت زيتون
  • ربع كيلو سمك مشوي
  • علبة تونة بدون زيت
  • علبة سردين بدون زيت
  • 2 قطعة لحمة مسلوقة
  • ربع كيلو كفتة مشوية بدون دهون
  • ربع كيلو جمبري مشوي

 

+ 3 معالق أرز أو 4 معالق مكرونة أو ربع رغيف عيش

+ طبق سلطة (طماطم، خيار، جزر، خس، .. )

+ طبق خضار من أحد الخيارات الآتية:-

  • سبانخ
  • ملوخية
  • كوسة

أو ثمرة واحدة كبيرة من الباذنجان (مشوية) بدلاً من طبق الخضار.

على سبيل المثال تكون الوجبة كالآتي:- (ربع كيلو سمك مشوي + 3 معالق أرز + طبق سلطة + ثمرة باذنجان مشوية) أكل مفيد أكل يشبع أكل يخسس كمان يا أبطال أطمئنوا.

 

 

سناك (2) الوجبة الخفيفة بين الغداء والعشاء

ثمرة فاكهة

 

العشاء

يمكنك الإختيار من بين:-

  • بيضة مسلوقة + خيار
  • علبة زبادي + خيار
  • كوب لبن رائب

 

نظام يوم الخميس 28 مايو

الفطار

يمكنك الإختيار من بين:-

  • كوب حليب + بيضة مسلوقة
  • 2 علبة زبادي + خيار أو خس
  • 2 بيضة مسلوقة + خيار أو خس
  • 2 قطعة جبنة قريش + خيار أو خس

 

سناك (1)

ثمرة فاكهة وليكن تفاح

مفيش فاكهة ؟ خلاص خدي ثمرتين خيار

 

 

الغداء

 

يمكنك الإختيار من بين:-

  • ربع كيلو كبدة مشوية أو محضرة بطريقة تناسب الرجيم
  • ربع فرخة مشوية أو مسلوقة
  • 2 بيضة مسلوقة أو مقلية بزيت زيتون
  • ربع أرنب مشوي أو مسلوق
  • من ربع إلى نصف كيلو سمك مشوي
  • علبة تونة بدون زيت
  • 2 قطعة لحمة مسلوقة
  • ربع كيلو كفتة مشوية بدون دهون
  • ربع كيلو جمبري مشوي

 

+ طبق سلطة (طماطم، خيار، جزر، خس، .. )

+ طبق خضار من أحد الخيارات الآتية:-

  • سبانخ
  • بروكلي
  • ملوخية
  • كوسة
  • بامية

أكيد طبق الخضار يكون محضر بطريقة صحية

 

سناك (2)

كوب حليب خالي الدسم

أو

نصف كوب حليب كامل الدسم

أو

علبة زبادي

 

العشاء

يمكنك الاختيار من بين:-

  • 2 ثمرة فاكهة
  • طبق سلطة

 

 

نظام يوم الجمعة 29 مايو

الفطار

يمكنك الإختيار من بين:-

  • 2 بيضة مسلوقة
  • 2 علبة زبادي
  • 2 قطعة جبنة قريش
  • 5 معالق فول

+ ثمرة خيار أو خس أو طماطم

+ ربع رغيف عيش بلدي أو 1 توست بني أو نصف رغيف عيش سن.

 

سناك (1)

كوب حليب خالي الدسم

أو

نصف كوب حليب كامل الدسم

 

 

الغداء

 

يمكنك الإختيار من بين:-

  • ربع فرخة مشوية أو مسلوقة
  • 2 بيضة مسلوقة أو مقلية بزيت زيتون
  • 6 معالق بسلة
  • 6 معالق لوبيا 
  • ربع كيلو سمك مشوي
  • علبة تونة بدون زيت
  • طبق مشروم كبير دايت
  • علبة سردين بدون زيت
  • 2 قطعة لحمة مسلوقة
  • ربع كيلو كفتة مشوية بدون دهون
  • ربع كيلو جمبري مشوي

 

+ 3 معالق أرز أو 4 معالق مكرونة أو ربع رغيف عيش

+ طبق سلطة (طماطم، خيار، جزر، خس، .. )

+ طبق خضار من أحد الخيارات الآتية:-

  • سبانخ
  • ملوخية
  • كوسة
  • فاصوليا خضراء

 

سناك (2)

ثمرة فاكهة

 

العشاء

علبة زبادي + ثمرة خيار

 

إنتهى نظام الأسبوع الحالي، حتى يوم الجمعة 29 مايو، إنتظروا مساء يوم الجمعة ثلاثة أنظمة مختلفة، صيام متقطع، ونظام عادي، ونظام المرضعات، متنسيش حاجتين مهمين جداً.

  1. كل ما طبقتي الرجيم زي المكتوب بالحرف كل ما هتلاقي نتائج جميلة جداً وأكثر من مبهرة، نحاول بكل قوتنا، منمشيش على سطر ونسيب سطر، نركز علشان نفرح.
  2. الحاجة التانية، هي إنكم متنسونيش من صالح دعائكم.

مواضيع قد تفيدك

أفضل طريقة لاستخدام خل التفاح للتخسيس السريع

إزاي أخس من غير ما وجهي يتأثر

أعشاب فعالة لعلاج القولون العصبي