سؤال وجواب مع دكتور أحمد منصور

السلام عليكم ورحمة الله وبركاته، معاكم دكتور أحمد منصور أخصائي التغذية العلاجية، الحمد لله إنتهينا من تحدي، وهنبدأ تحدي جديد لنسف الدهون هيبدأ من بكره، وكالعادة وصلتني رسائل كتير محفزة وقصص نجاح هحاول أبعتها ليكم أول أما أفضى عشان تكون محفزة ليكم في مشوار التخسيس.

التحدي اللي هيبدأ بكره مناسب لأي حد فوق 70 كيلو، ولو إلتزمتي معانا هتلاقي تغير في الوزن والمقاسات كبير جداً، مش مهم اللي فات مهما كان تقصيرك قبل كده لسه الفرصة موجودة، توكلي على الله، وتعالي على نفسك شوية، وإن شاء الله في أسبوع واحد هتلاقي نتيجة مفرحة جداً.

من وقت للتاني هتلاقي إشعار على موبايلك، مكتوب فيه إني جاهز للرد على أي سؤال، ساعتها بكل لساطة هتدخلي على الإشعار، وتكتبي أي سؤال عند في تعليقـ وبعدين تضغطي على إرسال التعليق، وبعد شوية هتدخلي على التطبيق، هتلاقي الكومنت بتاعك ظاهر وكمان هكون مجاوب عليه.

دلوقتي بقى قولولي عملتوا إيه في التحدي اللي فات حسيتوا بتغير ولا لأ، ولو عندكم أي سؤال شرفوني بكتابته وأنا تحت أمركم، وأهم حاجة متنسوش تدخلوا على جوجل بلاي تكتبوا دايت كلينيك، وتدخلوا تعملوا لينا تقييم كويس.

منتظر كل اسئلتكم الآن ..