رجيم يوم الإثنين 10 يونيو – أكل عنب أد إيه ؟

يارب تكونوا بخير، طبعاً رجيم الأسبوع معاكم لحد يوم الجمعة وتقدروا تشوفوا كل التفاصيل من ( هنا ) لكن أنا بقسم لكم الرجيم اللي تفاصيله معاكم على مدار الـ 7 أيام، بهدف سهولة الوصول للنظام وكمان في معلومات بوصلها في كل مرة، والهدف في النهاية إنك مع دايت كلينيك، مش بس توصلي للوزن المثالي، لأ كمان، تبقي عارفه كل حاجة خاصة بطبيعة جسم والأكلات بمختلف أنواعها، علشان حتى تقدري تساعدي اللي تعرفيهم يوصلوا للوزن المثالي، برجيم صحي وآمن وأوقات قياسية.

رجيم يوم الإثنين

قبل الفطار

 

3 تمرات .. مع كوب ماء

 

أو

 

معلقة عسل أبيض .. مع كوب ماء

 

 

الفطار

 

علبة زبادي + ثمرة فاكهة

 

أو

 

3 ثمرات فاكهة مختلفة أو متشابهة

 

سناك 1

 

كوب حليب خالي الدسم

 

 

 

الغداء

 

  • ربع كيلو كفتة مشوية
  • ربع كيلو كبدة مشوية أو دايت
  • ربع أرنب مشوي أو مسلوق
  • علبة تونة بدون زيت
  • علبة سردين بدون زيت
  • نصف كيلو سمك مشوي
  • ربع فرخة مشوية أو مسلوقة ( يفضل من الصدر )
  • ربع كيلو لحمة مشوية أو مسلوقة
  • ربع كيلو جبنة قريش
  • 2 بيضة مسلوقة

+ طبق سلطة

+ طبق خضار

 

 

 

سناك 2

 

كوب حليب خالي الدسم

 

 

العشاء

 

ثمرة فاكهة + كوب زبادي

أو

ثمرتين فاكهة

 

 

 

أنا عارف إن اليوم مش سهل تطبيقه لكن دي عادتنا في دايت كلينيك، مش كل الأيام سهلة ومش كلها صعبة وتقريباً ده آخر يوم صعب في رجيم الأسبوع ده ..

كل يوم تقريباً بنشوف نظام مختلف والهدف في النهاية نحافظ على معدل الحرق مرتفع، ويكون دخل لجسمنا كل العناصر الغذائية اللي محتاج ليها.

 

 

 

السعرات الحرارية في رجيم يوم الإثنين

3 تمرات .. 60 سعر حراري

معلقة عسل أبيض .. 60 سعر حراري

 

 

الفطار

 

كوب زبادي حوالي 70 سعر حراري + ثمرة فاكهة 60 سعر حراري = 130 سعر حراري

أو 

 

ثمرة الفاكهة في المتوسط بتكون 60 سعر حراري، بالتالي لو 3 ثمرات المحصلة هتكون 180 سعر حراري

 

 

سناك 1

 

كوب حليب خالي الدسم أو نصف كوب كامل الدسم ..

80 سعر حراري

 

الغداء

 

كبدة مشوية ربع كيلو .. 500 سعر

 

علبة تونة معلبة في الزيت .. 169 سعر حراري

 

ربع كيلو جمبري مشوي .. 225 سعر حراري

 

ربع كيلو أرنب مشوي .. 482 سعر حراري

 

ربع كيلو أرنب مسلوق  .. 485 سعر حراري

 

ربع كيلو فراخ مشوية .. 325 سعر حراري

 

نصف كيلو سمك مشوي .. 700 سعر حراري

 

ربع كيلو جبنة قريش .. 250 سعر حراري

 

2 بيضة مسلوقة .. 160 سعر حراري

 

ربع كيلو لحمة مشوية ” بتلو ” .. 695 سعر حراري

 

 

 

طبق السلطة

 

ثمرة طماطم .. 33 سعر حراري

ثمرة خيار .. 10 سعر حراري

ثمرة جزر .. 41 سعر حراري

ثمرة بصل .. 40 سعر حراري

خس .. 14 سعر حراري

ليمونة .. 29 سعر حراري

 

 

طبق الخضار

 

السعرات الحرارية في 10 معالق بامية = 225 سعر حراري

السعرات الحرارية في 4 أكواب كوسة = 144 سعر حراري

السعرات الحرارية في 10 معالق سبانخ = 175 سعر حراري

السعرات الحرارية في الفاصوليا الخصراء 4 أكواب = 160 سعر حراري

السعرات الحرارية في الملوخية .. 2 كوب كبير .. 132 سعر حراري

 

 

سناك 2

 

كوب حليب خالي الدسم

 

80 سعر حراري

 

 

العشاء

 

كوب زبادي .. 70 سعر تقريباً

ثمرة الفاكهة .. 60 سعر حراري

والمجموع .. 130 سعر حراري

 

أو ثمرتين فاكهة .. 120 سعر حراري

 

 

 

طيب بما إن العنب منتشر في الفترة دي، فالناس بتسأل ناكل منه كمية أد إيه؟

 

لو السناك ثمرة فاكهة واحدة هناكل من العنب تقريباً تمن كيلو، أو أقل حاجة بسيطة يعني ثمرة تفاح بتساوي في السعرات ثمن كيلو عنب ..

 

وقبل ما تقولي معنديش ميزان أوزن 125 جرام هقولك تحسبيها إزاي ..

 

تجيبي الكيلو تقسميه نصين ( نص كيلو ونص كيلو )

 

وتيجي على نص منهم تقسميه نصين ( ربع كيلو وربع كيلو )

 

وتقسمي ربع منهم إلى نصين ( تمن وتمن )

 

تأكلي ثمن منهم بالهنا والشفاء بقى .. هو ده السناك من العنب، اللي بيساوي تقريباً نفس السعرات في ثمرة الفاكهة ..

هو المفروض نقلل شوية عن التمن كيلو لكن أنتوا عارفين أني كريم بقى، والعنب بصراحة طعمه حلو ولو قللنا عن تمن كيلو يبقى الرجيم واقف علينا بخسارة.

 

 

 

لو عايزين تقرأوا رجيم باقي الأيام لحد يوم الجمعة

.. والنصائح الخاصة بالمرضعات وتنبيهات أخرى هامة جداً هتلاقوه كل التفاصيل بالضغط على كلمة هنا الموجودة بين القوسين ( هنا )

 

دمتم بخير .. لا تنسوني من صالح دعائكــــم

عن د/ أحمد منصور

23 تعليق

  1. غير معروف

    لو سمحت انا ٧٥كيلو ١٦٥سم بس ف كليه وامتخانات وبسهر وكده فانا بفطر واتعشي باقل من نص رغيف والغدا باكل رز قليل جدا وبكتر مايه وخضار فكدا هياثر سلبي عليا وهخس ولا لاء

  2. غير معروف

    الفشار من غير زيت بيتخن

  3. لو سمحت يادكتور لو شكلى بقا كويس بس منطقة البطن بس هى الى مش كويسة ايه الحل ولو الجلسات هى الحل ممكن حضرتك تقولى ترشحلى ايه بالظبك

  4. اكو الشوربه المغلفه الي تبيعها الأسواق ممكن أكلها؟ ” والذره المسلوقه أيضا هل يمكن اكلها

  5. لو سمحت انا لسه مبداتش خالص وعاوزه ابدا انا جسمي حلو بس المشكله في البطن والارداف حاسه انهم زايدين شويه ومع العلم اني عندي نقص في حاجات كتير ومش بحب اكل الخضار وانا مسافره وكنت عاوزه اعرف لو في مشروب او نوع برشام كويس يساعد معايا وابدا ازاي انا طولي 164ووزني حوالي 72

  6. غير معروف

    طب يادكتور التفاح اللى بلدى سعراته زى الامريكانى ولا عادى
    اصل الامريكانى بيبقى كبير عن البلدى

  7. ياريت حضرتك ترد عليا

  8. فاديا البيطار

    جزاك الله كل خير يادكتور

  9. غير معروف

    دكتور لو شمام او بطيخ 🍉 آكل منهم أد ايه

  10. غير معروف

    لو سمحتي انا لسه منزله التطبيق وانا وزني 82 كيلو وطولي 170 وعندي 14سنه عايزه رجيم يكون صحي

  11. غير معروف

    لو سمحت انا وزني 81كيلو وطولي ١٧٠سم وعندي ١٤ سنه عايزه رجيم صحي بسي من غير ما وشي يخس

  12. الضوء الساطع الساطع

    جزاك الله خيرا

  13. دكتور انا بسهر كتير وماشية على النظام وسمعت ناس تقول ان السهر بيزيد الوزن هذا حقيقي ولا كذب 🤔🤔🤔🤔🤔🤔🤔🤔🤔🤔🤔🤔🤔🤔🤔🤔اتمنى الرد

  14. دكتور انا بصوم الايام ديه ومش بلحق اشرب الكميه الكافيه من الميه كده الحرق حيكون شغال وبحب اشرب عصاير حضرتك ترشحلي ايه عصاير

  15. بالكروب الي على الفيس سألوه على الذرة الي هية الترمس ومانصح بيها لان سعراتها عالية

  16. ستة شرائح شمام

  17. برمضان رشح النا عصير الكركديه او الليمون اثنينهم جيدين لرفع الحرق بس تحافظي على ملعقة سكر وحدة باليوم

  18. غير معروف

    ينفع ربع بط من الصدر بديل اللحمه والفراخ ولا ممنوع

  19. غير معروف

    انا لسه بادءه يوم السبت فى رجيم المبتدئين واتلغبطت اكمل ف أنهى واحد اللى بينزل كل يوم وللا المبتدئين

  20. حلو النظام ده ☺️ دُمت بخير

  21. مروه محمد

    طيب اللى مش بيشرب اللبن العادى ولا خالى الدسم يعمل ايه ؟

  22. دكتور انا بسهر كتير وبصحي الضهر وببدأ من اول سناك ١ويعتبر مش بفطر دا صح ولا غلط

  23. غير معروف

    جزاك الله بكل خير على كل شيء تقدمه لنا انا جديدة معاكم وبديت الدايت من يوم السبت

اترك رداً على Esam El Gendy إلغاء الرد

لن يتم نشر عنوان بريدك الإلكتروني.