رجيم دكتور أحمد منصور ” جديد ” يبدأ السبت 21 سبتمبر وينتهي الجمعة 27 سبتمبر

فرصة جديدة ورجيم جديد تثبت فيه إنك أقوى ..

لو أنت جديد ومش فاهم النظام .. إحنا في دايت كلينيك بنزل رجيم جديد كل يوم جمعة بالليل وبيستمر لمدة أسبوع، وتقدر لو وصلت لينا في أي يوم خلال الأسبوع تبدأ من اليوم اللي حملت فيه التطبيق.

الأساس للنجاح في الرجيم:-

 

طبق سلطة ( طماطم .. خيار .. جزر .. بصل .. خس .. وهكذا )

طبق خضار  .. ومسموح لينا في الأسبوع الحالي بـ

  • البامية
  • الكوسة
  • الملوخية
  • الفاصوليا الخضراء
  • السبانخ

 

في آخر المقال .. هتلاقوا طريقة تحضير الأنواع دي بطريقة صحية علشان تقدروا تاخدوا منها في وجبة الغداء طبق كبير.

في البداية قبل ما نتكلم عن تفاصيل النظام هنقول شوية نصائح نركز فيها .. حاول تفضي نفسك ربع ساعة لقراءة النظام والوصفات الدايت.

 

تحذير .. ممنوع نسخ النظام أو سكرين شوت .. وتداوله خارج التطبيق أو الموقع.

 

  • المياه ثم المياه ثم المياه
  • طبق الخضار والسلطة زي ما اتفقنا
  • ممكن خلال يوم أو إثنين في الأسبوع تبدل طبق الخضار ” بامية أو كوسة ” بثمرة باذنجان مشوية
  • اللب أحد أسباب ثبات الوزن
  • الفاكهة زيادة عن اللزوم تسبب ثبات الوزن
  • السكر لازم لااازم تقلل من إستهلاكه وعلشان رجيمك ينجح وتلاقي فعلاً نتيجة مبهرة .. تقضي يومك بمعلقة سكر واحدة فقط .. إنما لو ده أول رجيم ليك مسموح ليك خلال اليوم بـ 3 معالق سكر.

 

أنا مسئول عن نتائج النظام ومسئول عن إن معدل النزول شهرياً من 4 إلى 8 كيلو .. ياريت محدش يقلل الكميات المكتوبة ظناً منه إنه كده هيخس أسرع .. لإن حتى لو ده حصل فهيكون نزول غير صحي وده ضد هدفنا في دايت كلينيك.

 

  • الشاي الأخضر قبل أو بعد الأكل بساعتين .. مهم لرفع الحرق وكمان القرفة والقهوة السادة.
  • إبعد عن إحباط الميزان وتابع مقاساتك أول بأول وخلي الميزان مرة واحدة شهرياً أفضل شئ.
  • الحليب المكتوب في النظام ” خالي الدسم ” ولو اللي عندك كامل الدسم مفيش مشكلة تقدر تبدل الكوب الخالي بنصف كوب كامل.
  • وزن علبة أو كوب الزبادي تكون في حدود الـ 100 جرام.

 

الدورة الشهرية تسبب زيادة في الوزن ” مؤقتة ” لذلك ممنوع الميزان خلال الفترة دي، لإنه هيسبب لك إحباط رهيب .. وممنوع الميزان بعد اليوم الفري مباشرة، الميزان صباح كل يوم خميس أو جمعة ولتقييم أفضل شهرياً زي ما اتفقنا.

 

  • البيض في وجبة واحدة مش أكثر من كده، يعني لو هتاخد منه في الفطار يبقى كده خلاص مش هينفع تاكل بيض في الغداء أو العشاء.
  • تقدر تبدل ربع رغيف عيش بـ 1 توست بني أو نصف رغيف عيش سن
  • وتقدر تبدل الـ 3 معالق أرز في الغداء  أو ربع رغيف عيش في الفطار بثمرة بطاطس مسلوقة.
  • لو حسيت بجوع خلال اليوم ممكن تشرب عصير ليمون بمعلقة السكر المسموحة ليك، أو تاكل خيار أو خس حاجات سعراتها قليلة ومفيدة وبتشبع.

 

 

ناس كتير بتسألني عن الفشار .. الفشار غير مسموح بيه يومياً .. أوقات بنكتبه كسناك وأوقات لأ .. فبلاش تاخد منه من نفسك.

 

 

  • إبدأ يومك بكوب مائ دافئ معاه .. معلقة عسل أبيض أو 3 تمرات وممكن معلقة العسل تستخدمها في تحلية كوب الحليب والشوفان بدل ما تاخدها على الريق .. ” ده للناس اللي مش بتحب العسل ع الريق “.
  • إبعد في الفري عن الشيبسي والحلويات والأكل من بره البيت .. كل وجبة كبيرة عن اللي متعود عليها في الرجيم ونوع مختلف كمان زي البيتزا بس حاولي كله يكون في البيت لنتيجة أفضل
  • يومياً حاول تمشي لو نص ساعة حتى لو في البيت أو في المكان .. حرك جسمك هيفيدك في تقوية عضلاتك ونزول صحي أكثر.
  • عصير القصب BIG NO .. يعني لأ.

 

 

النظام غير مسموح بيه لمرضى السكر والضغط .. والحوامل والمرضعات اللي أطفالهم أقل من 4 شهور.

 

 

 

عزيزي القارئ، عزيزتي القارئة 

تم نقل جميع الأنظمة الغذائية لتصبح حصرية فقط على تطبيق دايت كلينيك، تأكد أنك قومت بتحميل التطبيق، من متجر جوجل بلاي، وتأكد أيضاً من أنك تمتلك أحدث إصدار.

يمكنك الوصول للتطبيق من خلال الضغط على كلمة ( تطبيق دايت كلينيك ) الملونة باللون الأحمر والموجودة بين القوسين.