دايت كلينيك
رجيم دكتور أحمد منصور دايت كلينيك

رجيم دكتور أحمد منصور “صيام متقطع” يبدأ السبت 23 نوفمبر وينتهي الجمعة 29 نوفمبر

بسم الله الرحمان الرحيم، نبدأ نظام جديدوصفحة جديدة هنفتحها معاكم متابعي دايت كلينيك الكرام، أتمنى تكونوا بخير وتسعدوني نفرح مع بعض بإنجازاتكم معانا، وكل المطلوب إنك تلتزم والرجيم لو بتنزل عليه بمعدل كيلو في الأسبوع فده شئ يخليك المفروض تكون فرحان جداً وموقن إنك على الطريق الصح اللي نهايته الوزن والشكل المثالي بصحة وبدون أي آثار سلبية أو عودة للوزن السابق.

بفضل الله كل اللي نزلوا معانا ووصلوا للوزن المثالي قعدوا فترة يمكن أكثر من سنة وما زالوا ثابتين وبالكتير بيكونوا زادوا نصف كيلو، وده نتيجة الإلتزام بنظام التثبيت.

نظام التثبيت (( هنا )).

🥢🚫 ممنوع نسخ النظام وتداوله خارج التطبيق 🥢🚫

تعليمات بخصوص نظام دايت كلينيك الجديد

 

  • شرب الماء بكثرة على مدار اليوم هام جداً

 

  • إحرص على تناول (( البقدونس )) يومياً ليخلصك من الماء الزائد بالجسم.

 

  •  ممارسة الرياضة هام جداً لشكل جسمك وعلى الأقل مطلوب تمشي يومياً لو نصف ساعة.

 

  • نظام الأسبوع الحالي صيام متقطع وده معناه إننا هنصوم ساعة  16  ساعة وهيكون مسموح لينا بالأكل خلال 8 ساعات فقط في اليوم.

 

  • بعد أول وجبة تأكلها تبدأ تعد 8 ساعات ولما يخلصوا توقف أكل.

 

  • لو أول وجبة أو ( العسل مع المياه الدافئة 8 الصبح ) كده آخر وجبة هتكون 4 بعد العصر.

 

  • المرضعات يطبقوا النظام ويمشوا على المكتوب في الوجبات الثلاثة بدون صيام متقطع.

 

  • خلال الساعات الغير مسموح فيها بالأكل .. متاح (( شرب الماء )) و (( الأعشاب )) و (( الشاي والقهوة )) بدون سكر

 

 

 

أعشاب رفع معدل الحرق

 

  1. الشاي الأخضر
  2. القهوة الخضراء
  3. القرفة
  4. المرمرية

 

أعشاب سد الشهية 

 

  • الشمر

 

 

قائمة الممنوعات خلال الأسبوع الحالي

 

  • السكر (( مسموح فقط بمعلقة واحدة )) مش أكثر من كده وخلال الوقت المسموح لينا فيه بتناول الأكل (( الـــ 8 ساعات يعني )).
  • فري الأسبوع الحالي بدون حلويات
  • فري الأسبوع الحالي يكون من أكل البيت (( محشي )) أو (( كشري )) بط .. حمام وغيره من الأكل اللي نقدر نعمله في البيت مش بيتزا وكريبات وآيس كريم  ♨♨♨ (( مش دائماً ده النظام لكن لكل أسبوع نظام مختلف ))  🛑⭕🛑 زي ما إحنا عارفين.

 

 

هام

لو مش هتحضر يومياً طبق خضار من أحد الأنواع التالية يفضل متبدأش رجيم لأنه مؤكد هيفشل بسبب إن النزول هيكون مش بصحة ومش هتحس بشبع خلال اليوم فرجاءاً تطبخ صنف من الآتي مع وجبة الغداء بطريقة صحية، تستخدم في التحضير بحد أقصى معلقة زيت زيتون.

 

  • الكوسة
  • الفاصولياء الخضراء
  • البامية
  • السبانخ

 

 

ومع طبق الخضار المطبوخ أساسي .. (( طبق سلطة ))

 

دايت كلينيك
طبق سلطة

 

هام

إبدأ يومك

بـ

  • ثلاث تمرات
  • أو معلقة عسل أبيض

مع كوباية مياه

 

 

الحليب المكتوب في النظام هو (( الحليب خالي الدسم )) تقدر تبدل كوب من الحليب خالي الدسم بنصف كوب (( كامل الدسم )).

تقدر تاخد ” جبنة بيضاء لايت ” (( ثمن كيلو )) (( 125 جرام )) بدل الجبنة القريش في الفطار أو الغداء والقريش أفضل طبعاً.

 

وجبة العشاء

ثابتة

خلال الـ 7 أيام

في الأسبوع الحالي

كوب زبادي بوزن 100 جرام

وممكن تضيف ليه نصف معلقة بذر كتان

مطحونة ولو مش حابب مفيش مشكلة خدي الزبادي

سادة .. وممكن بدل كوباية الزبادي كوب لبن رائب 240 مللي.

 

دايت كلينيك
زبادي

 

الباذنجان المشوي .. ممكن يكون بديل طبق الخضار في وجبة الغداء 

 

دايت كلينيك
الباذنجان

 

النظام مناسب للمرضعات

مع الحرص على تناول 2 كوب حليب خالي الدسم يومياً أو كوب ونصف كامل الدسم

والفطار يومياً بنصف رغيف عيش

 

 

نظام اليوم السابع ((اليوم الفري )) الجمعة

 

الفطار

زي أي يوم في النظام .. جبنة أو بيض أو فول مع عيش ( ربع رغيف )

والعشاء كوب زبادي

 

والغداء ( وجبة فري )

 

 

تنويه هام

مسموح بتناول البيض خلال وجبة واحدة فقط في اليوم

يعني لو هتاكل البيض في الفطار

فبكده مش مسموح ليك تختاره يكون وجبة الغداء

 

عزيزي القارئ ..عزيزتي القارئة ..

برجاء العلم بأنه قد تم نقل جميع الأنظمة الأسبوعية إلى تطبيق دايت كلينيك، من الآن وصاعداً، ستكون الرجيمات الأسبوعية المتجددة حصرية فقط على التطبيق، يمكنك الوصول للتطبيق من المتجر من خلال الضغط على كلمة (تطبيق دايت كلينيك) الموجودة بين القوسين، والملونة باللون الأحمر.

تأكد أيضاً أنك قمت بتحديث التطبيق.