رسالة من دكتور أحمد منصور لجميع المتابعين بتاريخ 8-11-2018

السلام عليكم ورحمة الله وبركاته، معاكم دكتور أحمد منصور أخصائي التغذية العلاجية ..
شرفتوني وفرحتوني بثقتكم الغالية في التطبيق، وإن شاء الله أكون سبب في وصول كل المتابعين للوزن المثالي، لكن الرسالة دي أنا عاملها علشان عايز أأكد على كذا حاجة ياريت تركزوا معايا فيهم، وإن شاء الله اللي لسه مش فاهم حاجة في التطبيق يفهمها بعد الرسالة دي.

التطبيق فكرته سهلة جداً، وهو إن كل أسبوع عندنا تحدي، يعني على سبيل المثال إحنا دلوقتي ماشيين في تحدي هينتهي يوم 10 نوفمبر، ولما يخلص هنبدأ على طول في تحدي جديد يوم 11 نوفمبر.

يعني لو حضرتك حملتي التطبيق في أي يوم من التحدي، مفيش أي مشكلة، إبدأي معانا في اليوم اللي حملتي فيه التطبيق وشاركي معانا في باقي التحديات، لحد ما إن شاء الله توصلي للوزن المثالي.

التطبيق نظراً للإقبال الكبير عليه، ساعات بيكون بطئ شوية، فلو دخلتوا التطبيق ولقيتوا مشكلة، متمسحوش التطبيق، لأ .. حاولوا تدخلوا في وقت تاني هتلاقوه إشتغل كويس إن شاء الله.

لما بييجي ليكي إشعار على الموبايل من تطبيق دايت كلينيك وتضغطي عليه عشان توصلي للمقال، حاولي تستني شوية بعد ما تضغطي على الإشعار، هتلاقي المقالات ظهرت، هو بس بياخد وقت على ما يظهر.

بالنسبة للتعليقات، هي بعد ما تتكتب بتاخد وقت على ما تظهر، فحضرتك مثلاً كتبتي تعليق على موضوع بخصوص فوائد النعناع، بعد ساعة إدخلي، على موضوع فوائد النعناع هتلاقي التعليق بتاع حضرتك ظهر وإجابتي كمان.

أنا صاحي النهاردة لقيت 3000 تعليق، فأنا بعتذر جداً جداً لو كنت مقصر في الإجابة على حد، أرجوكم متزعلوش مني أنتم رقم واحد في إهتماماتي والله، لكن إني معرفش أرد على حد ده بيكون خارج عن إرادتي فعلاً، فملعش إستحملوني بالله عليكم.

مرة كمان، التطبيق أوقات بيكون بطئ، حاولوا تدخلوا في وقت تاني لو كان بطئ معاكم هتلاقوه إشتغل كويس، ولما تضغطوا على أي إشعار، إستنوا شوية هتلاقوا المقال ظهر إن شاء الله.

 

مجموعة من المقالات الهامة

رجيم المرضعات (هنا)

رجيم مرضى الأنيميا (هنا)

رجيم لمرضى الكوليسترول (هنا)

طريقة عمل شاورما فراخ “دايت” بسهولة (هنا)

طريقة عمل طاجن فاصوليا (هنا)

طريقة عمل شوربة عدس “دايت” (هنا)

 

رجاء بتمنى كل المتابعين يعملوا دلوقتي، كلكم تدخلوا على متجر جوجل بلاي، تكتبوا كلمة دايت كلينيك في البحث، وبعد كده تدخلوا على التطبيق على المتجر، تعملوا تقييم حلو لينا، هكون سعيد جداً جداً والله.

في النهاية أتمنى ليكم قضاء وقت مفيد ومثمر معنا في تطبيق دايت كلينيك.

عن د/ أحمد منصور

61 تعليق

  1. غير معروف

    انا انشالله مكملا معاكم ربنا يقويك يادكتور انا دلوقتي بقالي شهر بتابع وبلاقي نتائج كويسه

  2. السلام عليكم دكتور ولله نحنا يلي لازم نعتذر منك عم ناخد من وقتك ونعذبك ونحنا مقدرين وقت مابترد بكون ماعندك وقت الله يعطيك العافيه ويجعل كل شي في ميزان حسناتك

  3. غير معروف

    أنا مش فاهمه حاجه فيه نظام معين ولا ايه عاوزه ابقي معاكوا في التحدي

  4. غير معروف

    مكملين وبإذن الله مستنيين نظام الاسبوع الجديد💪

  5. دكتور انا ماشيه علي التحديات أسبوعين ورا بغض مخستش بالعكس ذدت دهون ممكن اعرف ايه السبب واذي إكسر ثبات الوزن؟

  6. د/ أحمد منصور

    وزن حضرتك كام كيلو ؟

  7. د/ أحمد منصور

    ياريت لما تتوزني تطمنينا عليكي

  8. نسرين ابراهيم

    اول يوم ليا معاكوا وان شاء الله في انتظار التحدي الجديد عشان ابدأ واتابع معاك يا دكتور
    انا وزني 88 و طولي 163

  9. معك مكملة يادكتور انا الحقيقة الوزن ينزل ببطئ بالغرامات اما الشكر والقياسات كويسة لحد النهار ده ؛وألف شكر لتعبك معانا دكتور

  10. د/ أحمد منصور

    وزن حضرتك كام كيلو ؟

  11. احلام فنزويلا

    شكرا دكتور

  12. لو سمحت يا دكتور انا مريضة سكر ووزني ٩٢ وباخد اما ريل م بس عندي مشكله دايما بشعر بدوخه وعدم اتزان٣وفي الوقت دا باكل وبلخبط النظام من فضلك عرفني اعمل ايه

  13. لو سمحت يادكتور انا كانت متابعه كويس في الرجيم بس كانت في فرح واطريت اكل حلويات كتير ممكن استمر وماافتحش اليوم السابع

  14. لولو الحديدى

    دكتور لو سمحت عندى خمول فى الغده وغلبت ريجيمات مع العلم باخد علاج ونسبتها فى تحسن وعندى تلف بالكلى وممنوعه من اخد اى علاج للتخسيس وشهيتى للأكل مفتوحه أسفه ع الاطاله

  15. غير معروف

    78

  16. انااليوم خامس يوم لي في دايت رفع معدل حرق الدهون وكسر ثبات الوزن وملتزمه اباسأل اليوم السابع نفس الايام الباقيه ولافري انا وزني 70 وطولي 153وعمري ٣٠

  17. دكتور ياليت يكون يوم الفري الجمعه و اول يوم في النظام السبت

  18. الحمدالله انا ماشية على البرنامج بانتظام لكن لدي سوال لماذا ارسل تعليقات ولا تظهر

  19. ان شاءالله ماشي ولايهمك

  20. دكتور انا عملت تكميم ونزل وزني 20 كيلو في 5 اشهر وهذا النزول بطيى مقارنة مع الي عملوا عمليه معي
    راح ابدأ التحدي معاكم

  21. غير معروف

    انا بقالى فترة طويله اوى بعمل دايت حوال. سنتين جربت فيهم كل انواع الدايت وطبعا كنت بلغبط كتير وازيد واخس المهم انا حاليا ٧٨ كيلو وكنت ١٠٤ بس حاسه ان جسمى مش راضى ينزل بقالى ٣شهور بلعب فى٣كيلو ازبدهم من لغبطة يومين وارجع اخسهم فى اسبوعين .انا ملغبطه حاليا بقال. يومين.حضرتك تنصحنى بايه ابدا معاكم ووالا ايه ؟.انا عابزه ابقى ٧٠ يعنى لسه ٨كيلو .علما بان اخر دايت انا كنت ماشيه عليه كان دوكان

  22. انا ماشية على النظام 100%100 الحمدالله

  23. لو سمحت يادكتور انا عندي ثابت في الوزن تبعت الأسبوع إلى فات والاسبوع ده ومفيش نزول ممكن رجيم يساعدني في كسر ثابت الوزن

  24. باذن الله نشترك من اليوم

  25. غير معروف

    شكرا دكتور أحمد

  26. د/ أحمد منصور

    عفواً

  27. د/ أحمد منصور

    وزن حضرتك كام كيلو

  28. د/ أحمد منصور

    تابعي معانا في التحدي اللي هيبدأ من يوم 11 نوفمبر

  29. غير معروف

    شكرا ليك يادكتور

  30. ٨١ كيلو وطوالي ١٥٦سنتم

  31. ٨١ كيلو وطوالي ١٥٦سنتم

  32. د/ أحمد منصور

    طيب حاسة بتغير في المقاسات ولا كمان المقاس ثابت ؟

  33. د/ أحمد منصور

    حاسة إن في تغير في المقاسات ولا كمان ثابت ؟

  34. انا عندي لوكيميا ووزني ٩٨ وطولي١٥٢وخسيت كتير بأنظمة غذائية ولمابسيب الرجيم برجع اتخن تاني لأني عندي خشونة متقدمة ومابتحركش مش عارفة اعمل وانا عاوزة اتابع معاكم

  35. يا دكتر انا حزينه آل حصل اني ملخبطش غير يوم وبعدين وزنت لقتني زايده كيلو ونص أعمل إيه أنا حزينه أنا جالي احباط إحباط وشكلي كدا هيآس

  36. متابعه معاك يادكتوربقالي 3اسابيع نزلت 9 كيلو ومكملة مع حضرتك لحد ماوصل للمثالي

  37. السلام عليكم عاوزه اسال حضرتك يا دكتور انا كنت ١٠٠كيلو وطولى ١٥٠ نزلت ف سنتين ٧٠كيلو ودلوقت وزنى ثابت جدا مشيت ع اسبوع معاكم وبرضه ف ثبات وبلعب رياضه كويس اعمل اى ؟

  38. رغدة أحمد

    فين النظام الجديد ؟

  39. رغدة أحمد

    هو فين التحدي الجديد؟

  40. لو سمحت يا دكتور يسأل عن حبوب لسد الشهيه لأني عندي الشهيه عاليه اوى حبوب سيبوترم كويسه ولا لا

  41. انا كملت اليوم رجيم كسر ثبات الوزن وابقى الرجيم الي بعده

  42. لا ثابت ياريت يادكتور تفيدني وان شاء الله هنفذا الرجيم بالحرف

  43. دكتور انا كنت ١٠٠كيلو ونزلت خلال سنتين بقيت ٧٠كيلو بس بقالى فتره ف ثبات والوزن مش بينزل خالص مشيت ع اسبوع معاكم وبرضه ف ثبات وانا بلعب رياضه اعمل اى ؟

  44. هو النظام بتاع الاسبوع ده بينزل امتي

  45. غير معروف

    هينزل امتي يادكتور لاني هبدء معاكم انا لسه جديده

  46. غير معروف

    هينزل امتي يادكتور لاني هبدء معاكم انا لسه جديده

  47. غير معروف

    انا جديدة اول يوم فين النظام

  48. لا مافيش اي تغير في المقاسات لو سمحت يادكتور عايزه رجيم يكسر الثابت ده وان شا الله امش عليه لاني كل مااوزن وار اقياس وألقى نفس المقاس بيجي إحباط ليه وببوظ في الرجيم

  49. انا جديدة وراح ابدا غدا

  50. د/ أحمد منصور

    شرفتينا

  51. ابتسام عبدالمجيد

    نحن مقدرين مشاغلك اكيد انت انسان عندك حياتك الخاصة وبارك الله فيك على كل شي قدمته لنا يكفي انك تشحن فينا بالهمة وتعطينا طاقه ايجابية .. شكرا جزيلا دكتورنا

  52. شيماء الشربيني

    معاك يا دكتور و استفدنا جدا و ربنا يجازيك كل خير على مجهودك

  53. انا اول يوم ريجيم. ممكن اشرب كوب نسكافيه بحليب كامل الدسم مع الفطار
    انا وزني 69 وطولي 158

  54. السلام عليكم دكتور اني اليوم حملت التطبيق وريد ابدا ممكن دكلي ابدأ شوكت

  55. غير معروف

    دكتور جاوبني ارجوك يايوم ابدي الريجيم اليوم حملت التطبيق

  56. انا عاوزة ابدا معاكم بس المشكلة مش عارفة التزم وببقي عاوزة اكل في اوقات كتير. اعمل ايه

  57. انا بصحى بدري الساعه 5 ومبقدرش افطار قبل 8 ممكن اخد ثمرة فاكهه قبل الفطار وايه الفاكهه المتاحه

  58. انا كمان جديده معاكم

  59. ناني عزيظ

    مساء الخير يا دكتور
    من فضل حضرتك انا جسمي بيخزن مياه وعملت تحليل ومافيش اى سبب يجعلني اخزن مياه
    هل في نظام غذائي يساعدني اتخلص من المياه؟ وافي نفس الوقت جسمي ينزل دهون واخس؟
    شكرا

  60. مرحبا دكتور ممكن أسأل هل صحيح وزن العضام أثقل من شخص لآخر

  61. د/ أحمد منصور

    بالــطبع وزن العضم يختلف من شخص لآخر

اترك تعليقاً

لن يتم نشر عنوان بريدك الإلكتروني.