أكلات دايت للغدا
أكلات شهية للرجيم

(5) وصفات رائعة أثناء الدايت

هفضل أقول كده على طول، الرجيم مش حرمان، الرجيم رشاقة ومتعة وحياة أفضل، واللي بيقرر يأكل أكل صحي بكميات قليلة علشان يخس، بيحب الأكلات الصحية عن النوعيات اللي كلها زيوت ودهون، تضر ولا تنفع.

النهاردة هقولكم على طريقة عمل، (5) أكلات للدايت، بطريقة سهلة وبسيطة، ولو عاوزين تعرفوا طريقة عمل أي أكلة دايت، أو أي وصفة للعناية بالبشرة والشعر عرفوني، وأنا تحت أمركم.

طريقة عمل مهلبية الجزر:

جزرتين مسلوقين وملعقتين من عسل النحل (العسل الأبيض) وكوب حليب خالي الدسم، تضرب المكونات في الخلاط، وبعد ذلك ترفع على النار، نضيف للخليط ( ملعقة من النشا وورقة فانيليا) أثناء التقليب حتى يتماسك القوام.

نوع المهلبية دي تنفع فقط في الأيام اللي فيها أرز أو عيش ( نشويات يعني) وهتكون بين الفطار والغداء أو بين الغداء والعشاء، بشرط تقليل كمية الأرز للنصف، وكذلك كمية الخبز للنصف أيضاً.

 

طريقة عمل البيبسي الكذاب:

طبعاً حضرتك ليكي ملعقتين من السكر يومياً، جبت لك طريقة تعملي بيها مشروب منعش تشربيه وقت ما تحسي بالعطش أو وقت إحتياجك لأي شئ بارد.

هتجيبي لتر مياه مغلية، وتنقعي فيهم أربع أكياس شاي ليبتون، ومدوبة فيهم ملعقتين من السكر الأبيض، وممكن إضافة بعض النكهات للمشروب مثل قشر الليمون أو قشر البرتقال، وبعد أن يبرد يوضع في الثلاجة حتى يصبح مثلج، وبعدها يمكنك تناوله على مدار اليوم.

طريقة عمل التفاح بالقرفة:

الوصفة دي إعمليها وكليها أثناء الدايت في اليوم اللي هتلاقيني كاتب فيه، بين الفطار والغداء ثمرة فاكهة.

هتجيبي تفاحة واحدة خضراء، ورشة جوزة الطيب، وملعقة واحدة من السكر، ونصف ملعقة من القرفة المطحونة.

نقطع التفاح إلى شرائح ونضعها على النار ونضيف إليها باقي المكونات، ونتركهم على النار لمدة 5 دقائق.

زبادي خلاط دايت:

نضرب في الخلاط المكونات الآتيه:-

( 2 علبة زبادي لايت صغيرة ) و ( ربع كوب ماء بارد أو ربع كوب حليب خالي الدسم ) و ( 4 مكعب ثلج ) و ( عصير ليمونة كيبرة ).

ممكن الوجبة دي تعملوها بدل العشا في أي يوم في الأسبوع كنوع من التغيير.

طريقة عمل جبنة أكواب للدايت:

نضرب في الخلاط ربع كيلو جبنة قريش ومعاها (ملعقة زيت زيتون و كمون وشطة وفلفل أسود وقليل من الماء).

ويعبأ الناتج في كوب كبير ثم يرش على الوجه ( بابريكا).

أصناف الأكلات الدايت لا تنتهي، فهناك الكثير من الوجبات التي يمكن تحضيرها دايت، ومناسبة للرجيم وفي قسم أكلات دايت بالموقع، ستجدون أطباق متنوعة محضرة بطريقة تناسب الرجيم وتتميز بالطعم اللذيذ والفوائد الصحية مثل شوربة العدس وطاجن الفاصوليا وشوربة الطماطم دايت وسلطة الفطر بالطماطم وأيضا سلطة التونة وغيرها الكثير.

يمكنك تناول مشروبات كثيرة تساعدك على الحرق، وتعطي إحساس بالشبع مثل القرفة، والزنجبيل بالليمون بالعسل الأبيض، ولها فوائد صحية مثبتة علميا أيضا بجانب الرجيم.

 

6 تعليقات

  1. ام زكريا

    شكرا على المعلومات وكتر الله خيرك يادكتور

  2. غير معروف

    رائع ومميز …جزاكم الله خيرا ?

  3. رائع ومميز …جزاكم الله خيرا ?

  4. لو سمحت يا دكتور عايزاه حاجه للبشره لآثار الحبوب وطريقه استخدام زيت جوز الهند للشعر لأنه بيقع جامد وانا يرضع ولو ينفع استخدامه في الاكل ولا زيت الزيتون أفضل ويارب الكومنت سلام المره دي تبديل الزبادي والتونه في الدايت وجزاك الله خيرا يا دكتور

  5. آلاء العكاري

    مريت بمراحل جعلتني أضطر لعدم الحركة وزني زاد 20كيلو
    أريد خسرهم في مدة زمنية بسيطة لو سمحت

  6. رودينا رقيه

    طيب يادكتور لو سمحت. انا وزنى 115كيلو وانا برضع وبعمل رجيم ونفس الوقت نفس اخس عشان ضهرى ورجلى بيوجعنا

اترك تعليقاً

لن يتم نشر عنوان بريدك الإلكتروني.