لمرضى “الأنيميا” .. رجيم فعال لخسارة وزنك بأمان

طبعاً مفيش شك أن مرض فقر الدم أو الأنيميا من أصعب الأمراض اللي ممكن تعاني منها السيدات خاصة إن كانت صاحبة وزن مرتفع، حيث تتعارض معظم أنواع الرجيمات مع هذا المرض.

لكن أنا في الدايت ده جمعت لكم أفضل الأكلات وأكثرها فعالية في رفع مستوى الهيموجلوبين في الدم وكمان بسعرات حرارية منخفضة علشان تساعدكم في نزول الوزن بأمان تام.

الرجيم تقدي تمشي عليه لمدة شهر كامل ومع الالتزام .. هتلاقي نفسك في نهاية الشهر صحتك أتحسنت كتير .. وفي نفس الوقت وزنك قل.

أنا هكتب نظام تمشي عليه لمدة 6 أيام واليوم السابع هيكون نفس الست الأيام بالنسبة لوجبة الإفطار والعشاء .. لكن وجبة الغداء هتكون فري .. بمعنى مسموح فيها بتناول كمية أكبر من الكمية المذكورة في الأيام السابقة .. وممكن بعدها تأكلي حاجة محرومة منها طول الـ 6 أيام زي الشوكولاته أو الحلويات .. لكن بكمية قليلة جداً .. بأكد أهوه .. كمييييية قليييييلة جداًاًاًاً.

 

اليوم الأول:-

الإفطار (2 قطعة توست أسمر + 3 ملاعق عسل أسود )

بعد الفطار بساعة ( كوب عصير برتقال أو ليمون)

الغداء ( 100 جرام لحمة مشوية أو مسلوقة)  + ( طبق سلطة خضار تتكون من الجرجير والفلفل الأخضر والبقدونس والفلفل الأحمر ) + ( طبق ملوخية ) + ( نصف رغيف خبز )

بعد الغداء بساعتين ( يمكنك تناول المشمش المجفف ) ( نصف كوب)

العشاء ( قطعة توست أسمر ) + ( كوب زبادي )

 

اليوم الثاني:-

الإفطار ( 2 توست أسمر ) + ( 2 ملعقة عسل أسود )

بعد الفطار بساعتين ( تلات تمرات )  + ( كوب عصير برتقال )

الغداء 
( طبق سبانخ مطبوخ بزيت زيتون ) + (4 ملاعق أرز ) + ( 100 جرام فراخ مسلوقة ) + ( طبق سلطة تحتوي على الفلفل الأخضر والبقدونس والفلفل الأحمر والجرجير )

بعد الغداء بساعتين ( كوب عصير جوافة أو تفاح )

العشاء ( ربع كوب مكسرات ) + ( كوب زبادي خالي الدسم )

اليوم الثالث:-

الإفطار ( بيضة مسلوقة ) + ( 2 قطعة توست أسمر )

بعد الفطار بساعتين ( كوب عصير برتقال أو ليمون )

الغداء ( 4 ملاعق أرز ) + ( 100 جرام سمك مشوي ) + (طبق سلطة ) 

بعد الغداء بساعتين (ربع كوب مكسرات )

العشاء ( قطعة توست أسمر ) + ( كوب زبادي)

اليوم الرابع:-

الفطار ( 2 توست أسمر ) + ( 4 ملاعق فول ) 

بعد الفطار بساعتين ( كوب عصير برتقال أو ليمون )

الغداء ( شوربة عدس معصور عليها ليمون ) + (طبق سلطة خضراء ) + ( 150 جرام كبدة )

بعد الغداء بساعتين ( نصف كوب من المكسرات )

العشاء ( 2 كوب زبادي ) + ( ثمرة خيار)

اليوم الخامس 

الفطار ( ملعقتين عسل أسود + 4 ملاعق فول + قطعتين توست أسمر )

بعد الفطار بساعتين ( كوب عصير رمان )

الغداء ( 4 ملاعق أرز + 150 جرا كلاوي ) + ( طبق سلطة ) + ( طبق خضار مسلوقة )

بعد الغداء بساعتين ( نصف كوب تين مجفف )

العشاء ( 2 بيضة مسلوقة ) + ( قطعة توست أسمر )

اليوم السادس

الفطار
( كوب زبادي ) + 2 قطعة توست أسمر 

بعد الفطار بساعتين يمكنك تناول:- عصير البرتقال أو الليمون أو الفراولة 

الغداء ( 4 ملاعف أرز ) + ( 150 جرام سمك مشوي ) + (طبق سلطة )

بعد الغداء بساعتين ( 3 حبات تمر )

العشاء (بيضة مسلوقة ) + ( قطعة توست أسمر )


 

اليوم السابع هيكون بنفس نظام الأيام اللي فاتت .. بس كلي في وجبة الغداء كمية أكبر وممكن تأكلي شوكولاته أو حلويات ممنوعة منها طول الأسبوع ولكن بكمية قليلة .. 

عند الجوع في اي وقت من اليوم يمكنك تناول الخيار والخس 

الرجاء المحافظة على شرب الماء بكثرة ..
احرصي على تناول ملعقة من زبدة الفول السوداني يومياً ..

الدايت ده لمدة 7 أيام .. وبعد ال 7 أيام ما يخلصوا كرريه تاني لمدة شهر .. 

 

أي سؤال أو استفسار أنا تحت أمركم 

عن د/ أحمد منصور

41 تعليق

  1. غير معروف

    الف شكر لحضرتك يا دكتور ربنا يجزيك عنا كل خير بس ممكن بدل العسل الأسود عسل نحل وللعلم انا وزنى حوالى 73وطولى 155والمشكله عندى فى منطقة البطن بسبب ضعف عضلات البطن من الولادة القيصر ى 3مرات ومش بقدر اقوم بتمارين علشان عندى انزلاق غضروفى

  2. غير معروف

    الحمد لله قدرت اطبق دايت الخاص بمرضى الانيميااول يوم تمام كما ذكرت يا دكتورالفطار والغدا والعشاء ولكن بدون المشمش المجفف وزبدة الفول السوداني والمكسرات لسه هشوف.. ومشيت انهاردا45دقيقه مرتين رايحه وراجعه يعنى ىساعه ونصف. ممكن فول سودانى بديل للمكسرات يا دكتور والبلح الأسود بدل التمر.

  3. د/ أحمد منصور

    بسم الله ما شاء الله عليكي
    المشي كويس جداً وان شاء الله هيفرق معاكي

    لازم التمر وزبدة الفول السوداني
    علشان تقدري تعالجي نفسك من الأنيميا بفضل الله

    لو تحبي تضيفني البلح كسناك مفيش مشكلة

  4. غير معروف

    السلام عليكم وجزاكم الله كل خير سؤالي اناأريد ان انحف جسمي فقط من منطقةالبطن والمؤخرة بماذاتنصحوني

  5. آمنةنعسان

    السلام عليكم وجزاكم الله كل خير أريدان انحف منطقةالبطن عندي والمؤخرة بماذاتنصحوني وشكراجزيلالكم

  6. غير معروف

    السلام عليكم دكتور احمد انا مشيت على دايت الانيمياوالحمد لله حاسه بفرق كبير بقى لى شهر انهاردا ياترى ايه الخطوه القادمه وجزاك الله عناخيرا

  7. د/ أحمد منصور

    طيب حضرتك وزنتي نفسك .. طمنيني

  8. غير معروف

    ايوا كنت 78واصبحت75والوزن ده من اسبوع يعنى ممكن دلوقتى اكون نزلت أكثر ممكن حضرتك تقولى م ماهى الخطوة القادمه وجزاك الله خيرا

  9. د/ أحمد منصور

    الحمد لله رب العالمين، كملي على نفس الرجيم، كرريه

    أما الأنيميا تروح وتحسي إن حضرتك بقيتي كويسة أو تعملي تحليل وتتأكدي ، إبدأي شاركي معانا في التحديات الأسبوعية اللي بنعملها،

  10. غير معروف

    شكرا دكتور أحمد

  11. هبة عبد الحليم احمد

    انا هبه 100 الكيلو وعايزه اخس خلال شهرين

  12. ام حبيبة

    د احمد انا مش بحب العسل الاسود ولاالكبد ولا الكلاوى
    ما هى البدايل من دول

  13. د/ أحمد منصور

    لازم تحبيهم بقى 😂

    اعتبريه دواء

  14. د/ أحمد منصور

    إشتركي معانا في التحدي

  15. غير معروف

    الحمد لله دكتور وصلت إلى 73ك وكتلة الجسم 31 والطول 155 وكنت 78اتبع رجيم الأنيميا وانا مستمره إن شاء الله وما هو الوزن المثالي وكتلة الجسم بالنسبة لى وماذا يعنى كتلة الجسم وكيف نحسبها؟ فرحانه جدا انى وصلت لهذا الوزن والفضل بعد الله يرجع لتشجيع حضرتك وجزاك الله خيرا

  16. دكتور ينفع مكان التوست عيش بلدى يعنى نصف رغيف

  17. د/ أحمد منصور

    ربع رغيف

  18. بالنسبه احمد

    طيب لو السكر بيوطي علطول ايه الحل وباخد فيروجلبين للحديد

  19. انا ١٠٥ىوطولى ١٧٠ ومش عارفه اخس خالص مشكلتى انى باكل بسكوتات وخاصه بليل نفسى فى حل لمشكله الاكل بليل لانى ممكن التزم طول النهار واجى بليل الخبط وابوظ الدنيا ارجو حل

  20. غير معروف

    دكتور انا عندي انيميا وولدت 3 مرات قيصري وطولي 150 ووزني 92 وعملت كذا مره دايت وبخس شويه وارجع اتعب اسيب الدايت وعندي مشكله الجزء السفلي مليان أوى حضرتك تنصحني بأيه انا حاليا كنت بعمل دايت مع نفسي قبل مااشوف دايت كلينك وباكل اقل من هذا النظام ومش بنزل علي الميزان

  21. الحمد لله

    السلام عليكم مشكور جدا دكتور.. لو سمحت انا عندي انيميا فول يعني نوع من انواع تكسرات بالدم.. والمكسرات بشكل، عام ممنوعه منها الفول واللوز والفستق و… كيف اعوض عنها باشياء اخرى لها نفس القيمه الغذائيه.. ولك الف شكر

  22. غير معروف

    لو سمحت يادكتور أنا عندى أنيميا وقصور فى الغده الدرقيه أعمل رجيم الأنيميا ومعقول هخس عليه أرجو الرد ضرورى مشكورا يادكتور

  23. مساء الخير يادكتور معلش انا عاوزة دايت ينفع مع اني بنزل شغل مش بعرف امشي علي الغدا مع العلم ان شغلي من ١٠ صباحا ل ٦ مساءا

  24. يادكتور أنا لا أستطيع تناول أى نوع من الفاكهة ولا أى نوع من السكريات بجميع أشكالها فما بديل العسل والفاكهة ؟

  25. غير معروف

    دكتور لو سمحت انا بصحا من بدري جداتقريبا الساعه 5 صباحا ومش بعرف افطار قبل 8 فهل ممكن اخد تفاحه وبعد كده افطار على الساعه 8

  26. ازاى اخسس الارداف بس بدون رياضة

  27. دكتور انا كل م اعمل دايت مش بخس من الارداف والجناب وشي بس اللي بيخس ومش بيبان عليا بسهوله اني خسيت انا وزني ٦٥ك وطولي ١٥٨ وعندي انيميا والحرق بطئ جداا

  28. انا ضغطي واطي دائما ٨٠ على ٥٠ وممكن يوصل لاغماء هل ينفع امشي على النظام عشان بهبط بسرعه مع أن عملت تحاليل والهيموجلوبين ١١ … انا طولي ١٦٧ و وزني ٨٣ … وايه هو الوزن المثالي ليا

  29. ماهو ريجيم انيميا الفول لو تكرمت علما بانني ممنوعه من المكسرات والفاصوليا والفول ولك الف شكر

  30. جنة الخلد

    جزاك الله خيرا يا دكتور أنا لسه منزلة البرنامج وكنت بقالى حوالى شهرين ونصف بعمل رجيم مع نفسى مش وزنت نفسى قبل الرجيم وبشرب شاى أخضر ومشروب قبل الاكل بتلت ساعة وبالفعل خسيت أنا وزنى حاليا 72 وطولى 158 ونسبة الهيموجلوبين 9 من قبل ما أبدا الرجيم بحس إن دايما عندى هبوط وللأسف مش بعرف أشرب مياه كتير

  31. احلام فنزويلا

    شكرا دكتور انا صرت هون لان عندي فقر دم

  32. انا ممكن اتابع في الدايت دا لان عندي انيميا

  33. نور الحياه

    شكرا دكتور ان شاء الله اتابع مع هذا الرجيم لان عندي انيميا

  34. يسعد اوقاتك دكتور .. انا معي الانيميا وقصور بالغده ودائمن باخد دوا الغده … لكن وزني سريع الزياده … كثير حاولت انقصه عن طريق الاكل الصحي .. لكن اذا تناولت اي طعام غير صحي استرجع وزني … واليوم اكثر مشكله بواجها .. انه دائمن اشعر بالجوع بعد المغرب وخاصه نحنا بفصل الشتا … بقدر امسك حالي عن الحلويات اوقات النهار لكن بعد المغرب لااستطيع .. بتمنى تساعدني

  35. السلام عليكم ورحمة الله وبركاته
    ازيك يا دكتور
    شكرا جزيلا على تعبك معانا
    انا عندي سؤال انا عندي انيميا ٨ درجة الهيموجلوبين
    مش بشرب مايه غير نص كوب ماء طووو ل اليوم
    زدت ١٠ كيلو
    عندي جناب و بطن
    عندي إمساك دائما…وعندي القولون العصبي
    انا مش بعرف امشي على نظام اكل خاااالص
    دايما أرز..مكرونه

  36. ماشاء الله عليك يادكتور انا اول مرة احمل التطبيق وان شاء الله ابدأ مع حضرتك

  37. غير معروف

    طيب انا مش بحب الزبادى والالبان ومشتقاتها و التوست أو العيش الاسمر مش متوفر عندى اعمل اى

  38. السلام عليكم
    دكتور انا عندي انيميا لسنوات و معلجتهاش اهملتها ، حتى صرت اتعب كثير و عندي الم في القلب. المهم. انو صار لي 4 شهور باش بدات العلاج و بلعب رياضة لمدة 7 شهور لكن دون اي جدوى الانيميا لازالت و الوزن لم يتغير وزني 74 و طولي 171 و اريد اخس لاصل الى 66 kg. بما تنصحني. انا من المغرب لم اعرف ما هي زبدة الفول السوداني. شكرا

  39. غير معروف

    انا بقالى ٣ سنين وزنى ٧١ مش بينقص ولا بيزيد مش عارفه ليه

  40. انا طولى١٥٨. ووزنى٨٠وعندى انيميا وحقيقى انا مش باكل كتير ممكن وجبتين وعوزه اخس ومشيت على نظام غذائى ومنفعش عندى ٢٠سنه

اترك رداً على حبيبة إلغاء الرد

لن يتم نشر عنوان بريدك الإلكتروني.