غداء اليوم دايت – خطوات تحضير “بابا غنوج” بطريقة مناسبة للرجيم

الرجيم لو معتمد أنه ينزلك في الوزن مقابل إنه يحرمك من أنواع كثيرة من الأكلات، لا أنصحك بيه، لإنك ببساطة شديدة، مجرد ما توصلي للوزن اللي نفسك فيه، أو حتى قبله، هتحني غصب عنك لنوعية الأكلات دي، وفي الحالة دي بالطبع هتكتسبي الوزن اللي فقدتيه من جديد.

علشان كده في قسم الأكلات الدايت بموقع دايت كلينيك، بقدم لكم أنواع مختلفة من الأطعمة بطريقة تحضير مناسبة للرجيم.

المقادير 

لو شوفت الكميات المطلوبة كبيرة، فده طبيعي لأنها تكفي 5 أفراد.

  • زبادي خالي الدسم ( 2 ملعقة كبيرة )
  • ثوم مهروس ( 2 فص )
  • طحينة ( 2 ملعقة )
  • ملح ( ملعقة صغيرة )
  • ليمون ( عصير ليمونة )
  • باذنجان ( كيلو )
  • زيت زيتون ( ملعقة )

 

السعرات الحرارية في ملعقة الطحينة الكبيرة

(90 سعر حراري)

الملعقتين (180 سعر حراري)

نصيبك من الطحينة من الـ (180 سعر)

بناء على إن الوجبة تكفي 5 أفراد هو

( 36 سعر حراري فقط ).

 

خطوات التحضير

 

  1. نقشر الباذنجان ونحطه فى صينية فرن ونشويه فى الفرن إلى أن ينضج.
  2. هنخرج الصينية من الفرن ونسيبها تبرد.
  3. بعد كده نقطع الباذنجان وهنفرمه في الخلاط الكهربائي، وهنصبه فى بولة كبيرة.
  4. هنضيف ليه الزبادي والطحينة وعصير الليمون والثوم والملح ونقلب كويس.
  5. أخيراً .. هنضيف زيت الزيتون على الوجه.

 

تعرفي على طريقة تحضير 

سلطة “الكول سلو” بطريقة مناسبة للرجيم

من خلال الضغط على كلمة 

(هنا).

عن د/ أحمد منصور