طريقة عمل مسقعة بامية دايت
طريقة مسقعة بامية بالتمر هندي دايت

طريقة عمل مسقعة بامية بالتمر هندي “دايت”

السلام عليكم ورحمة الله وبركاته، صباح الخير على المتابعين الكرام النهاردة هقولكم على طريقة عمل طبق المسقعة دايت وياريت متعمليهوش على قدك بس مفيش مانع إن الأسرة كلها تأكل منه الأكل الصحي مفيش أفضل منه.

لو قولنا الطبق ده هيكون لـ 4 أفراد، فالمقادير هتكون كالآتي:-

  • معلقة كبيرة صلصة طماطم.
  • كوب ماء (ساخن).
  • كوب بامية (مقمعة).
  • معلقة كبيرة زيت ذرة.
  • كوب طماطم (مفرومة).
  • عدد قرن فلفل حامى.
  • عدد فص ثوم (مفروم).
  • 1 ونصف كوب بصل (مفروم).
  • كوب تمر هندي (منقوع).
  • معلقة صغيرة كزبرة جافة مطحونة.
  • نصف معلقة صغيرة ملح (أو حسب الرغبة).

طريقة التحضير:-

1- هنحمر البصل والثوم في الزيت على حلة على النار لحد ما يتحول اللون بتاعهم للذهبي بعد كده هنضيف صلصلة الطماطم والطماطم ونفضل نقلب كويس لحد ما الطماطم تدبل.

2- نضيف بعد كده الملح والكزبرة والتمر هندي والبامية والمياه الساخنة ونقلب بالراحة.

3- نسيب الخليط على نار هادئة لحد ما يتسبك وبعد كده تعزموني بقى على الطبق ده لأني بحب البامية جداً.

دائما احرصِ على تحضير وجباتك بطريقة دايت، دجاج ولحمة وكفتة وبرجر وشيش طاووق دايت، سبانخ دايت وبامية ولوبيا دايت وأي خضار وأكل بطريقة صديقة للدايت وصحية، للحفاظ على الصحة العامة، وللوقاية من أمراض الجهاز الهضمي ومشاكل القلب والشرايين، فالأكل الدايت الصحي مفيد للجميع سواء التزمتي برجيم أو لا تلتزمي، فهو أكل صحي عموما.

اهتمي دايما بالأكل الصحي ليكي ولأسرتك، الطعام المحضر بطريقة صحية، يقي من حدوث أمراض كثيرة، ويقي من حدوث السمنة وتراكم الدهون.

اترك تعليقاً

لن يتم نشر عنوان بريدك الإلكتروني.