أكبر عائق لفقدان الوزن يجب أن تتخلصي منه لضمان نجاحك في الرجيم

في أسباب كثيرة ممكن تعيق نزول وزنك، بعض الأمراض أو أدوية معينة ممكن تكون سبب في الثبات وهكذا، لكن مش ده اللي هتناقش فيه في مقالنا، النهاردة هنتكلم عن حاجة نفسية للأسف بتعيق كتير من اللي بيبدأو رجيم من إنهم ينجحوا فيه.

رجيم صحي

أهلك وأصدقائك، تخيلي؟ آه فعلاً عائق لا يستهان بيه، ولو أنتي لحد دلوقتي مش عارفة تنجحي في الرجيم، فكري كويس، هتلاقي أهلك واللي حواليكي بصفة عامة كانوا عامل كبير في الفشل ده.

المقال ده أنا مش عامله من دماغي، لأ للأسف هو بعد تجارب كتير عيشتها معاكم وسمعتها منكم، ومقصدش إن اللي حواليكي كارهين ليكي الخير، أكيد لأ، الفكرة إنهم بدون ما يقصدوا بيحبطوكي.

زوج أول ما شاف مراته هبطت شوية بعد يومين رجيم فرض عليها توقف دايت، أم بنتها صعبانه عليها علشان بدأت في الرجيم وشيفاها بتاكل أكل عيانين، صديقتك اللي بتعزمك على أكل وتقولك والله لو ما كلتي هزعل منك وغير كده من المواقف اللي الواحد مننا بيكون في عز رغبته في الدعم، وللأسف مش بيلاقي وبتضعف إرادته.

الحل ؟

إتباع رجيم صحي، مناسب لا يؤثر على الحالة النفسية ولا الصحية بشكل سلبي، ومهم جداً إظهار الرضا التام عن إتباعك لهذه الخطوة لكل من حولك، مش إنك مجبرة على الرجيم، والأهم إنك متستسلميش للي حواليكي إلا في الشئ الإيجابي، بمعنى إنك لو واثقة إن قرارك هو الأصح لشكلك وصحتك، متركزيش مع أي كلام محبط أبداً.

رجيماتنا الأسبوعية، هتلاقيها (هنا).