الرئيسية / وصفات طبيعية / لو وجهك مرهق .. ماسك طبيعي يعيد الحيوية والنضارة لوجهك

لو وجهك مرهق .. ماسك طبيعي يعيد الحيوية والنضارة لوجهك

من فترة للتانية بحاول أكتب لكم في قسم النصائح اليومية وصفات للعناية بالشعر والبشرة، وأنا بتأخر عليكم لأني بصراحة مش برضى أكتب إلا الوصفات اللي بفضل الله متاكد من فعاليتها، لكن أنتوا كمان مش هتحسوا بالفعالية دي إلا لو داومتم على تطبيق الوصفات لمدة أسبوع على الأقل.

وصفة النهاردة للوجه المرهق، يعني لو حسيتي إن وشك مطفي ومش منور زي زمان، وحاسه إنه مجهد وباهت، جربي ماسك القهوة التركي وأن شاء الله هيفرق مع حضرتك جداً.

المكونات:- ( ملعة واحدة من العسل الأبيض، وربع موزة مهروسة، وملعقة شوفان، وملعقة قهوة “تركية” ).


طريقة التحضير من أسهل ما يمكن حضرتك، هتخلطي المكونات مع بعض كويس جداً، وتحطيهم على وجهك لمدة تلت ساعة، وبعد كده تفركي بيهم وجهك بعد نهاية المدة، ثم تغسلي وجهك وإدعيلي.

 

في مقالات مهمة، إضغطي عليها علشان توصلي للتفاصيل:-

فوائد شرب الشاي الأخضر بعد الأكل

 

إستعيدي لون بشرتك بهذا المقشر الطبيعي

لماذا أنصحكم بتناول الخيار عند الجوع في أي وقت من اليوم؟

عن د/ أحمد منصور

5 تعليقات

  1. غير معروف

    لو سمحت يادكتور احمد عايزه ابدا معاكوا في الدايت انا كنت عملت قبل كده لوحدى ومع دكتوره بس كل مااخس برجع ازيد تاني ومفيش فايده الزياده في منطقه البطن والارداف وعندى نسبه انيميا كل ماببدأ في الدايت بتعب جدا وبيبقي في دوخه وهبوط عشان كده مش بعرف اكمل في الدايت
    ارجو الرد

    • د/ أحمد منصور

      ابدأي في رجيم مرضى الأنيميا الموجود في قسم الأنظمة الغذائية

  2. غير معروف

    السلام عليكم
    انا لسه عامله عمليه الزايده و فاقده شهيتي و قلت فرصه اعمل دايت ايه النظام المناسب ليه عشان مايأثرش عليا بالسلب

  3. السلام عليكم ورحمه الله وبركاته انا عمري ٥١سنه طول١٥٥وزني٩٦ كنت قبل كده ١٢٤ كيلو نظمت اكلي وبعدا عن السكريات لما وصلت إلي تسعين كيلو في سنه والوقتي رجعت الي ٩٦ انا عايزه ارجع اخس تاني بس عندي مشكلتين الاولى اني خايفه نزول الوزن يزود التجاعيد والتانى انى مبحبش تتقيد باصناف معينة في الاكل

  4. سلام عليكم ورحمة الله
    انا نزلت البرنامج من حوالي خمس ايام وبصراحه بدخل اتابع التعليقات بس ماعنديش استعداد نهائي للرجيم ونسبه اكتئاب عاليه بسبب عملت عمليه كبيره من ست شهور وكان الهيمجلوبين وقتها 6 وماخدتش نقل دم وبعدها ب3 شهور بالظبط حصل حمل في تؤم وسقطتهم من 25 يوم وحاليا عندي هبوط شديد ودائما يحصل لي اغماء وزوجي شخص متسلط وتسبب في اساءت حالتي وكشفت من يومين ومطلوب مني تحليل صورة دم وكالسيوم علشان بتجيلي تشنجات في سمانه رجلي ومشط رجلي وانا تعبانه ومن بعد العمليه،وزني ذاد جدا ممكن اكون بقيت 100 ك وبسبب تعبي ماعنديش اي استعداد للدايت هل يوجد حل لي واسفه جدا للاطاله

اترك تعليقاً

لن يتم نشر عنوان بريدك الإلكتروني.