تخسيس الكرش والأرداف في أسبوع بنظام دايت كلينيك
تخسيس الكرش في أسبوع

تخسيس الكرش في أسبوع بالنظام العادي للدكتور أحمد منصور

السلام عليكم ورحمة الله وبركاته، أهلاً بكم من جديد، متابعي دايت كلينيك الكرام، ورجيم جديد بنظام عادي يبدأ من يوم السبت الموافق 17 أكتوبر، وينتهي النظام يوم الجمعة الموافق 23 أكتوبر، طالما وثقت فينا وموجود هنا علشان نساعدك، صدقني مش هنخذلك أبداً، ومن نتيجة إلتزامك أنت اللي هتتحمس تكمل معانا أسبوع ورا الثاني، لحد ما تحقق هدفك وتوصل للوزن المثالي.

النظام العادي بيكون مناسب ليك في حالة إن وزنك أعلى من 90 كيلو، وأقل من كده بتطبق معانا جدول الأكل المكتوب في نظام الصيام المتقطع، أرجو متضيعش الفرصة، وتركز وتبعت عن إنك تشتت نفسك بأي نظام غذائي تاني.

لو أنت معانا من زمان فأنت بفضل الله مكمل بدون شك، ولو لسه جديد معانا، جرب فقط أسبوع واحد، وشوف هتوصل لإيه وهيحصل لجسمك إيه، ومعدل نزولك هيكون شكله إيه، وشوف كمان صحتك وهل كان في أي معاناة صحية، بعد إتباعك للنظام الغذائي ولا لأ، ولو أي نتيجة مكنتش عجباك، ساعتها متكملش، لكن من هنا لحد ما تقيم، ركز وإلتزم على أد ما تقدر بكل قوتك.

 

تخسيس الكرش في أسبوع

 

معقول في حاجة ممكن تساعدنا في تخسيس الكرش في أسبوع، الإجابة أكيد لأ، لكن أسبوع واحد بإلتزام صح بدون أي لغبطة، هيفرق معانا، هتشوف مقاسات الكرش بعينك، فياللا من يوم السبت الصبح قيس محيط بطنك، وقارن الوضع الحالي بالوضع اللي هيكون عليه المقاس بعد 7 أيام رجيم.

حافظ على شرب المياه باستمرار على مدار اليوم، كحد أدنى 8 أكواب، والسكر الأبيض لينا بحد أقصى في اليوم 2 معلقة صغيرة، زيت الزيتون هو الزيت اللي بنستخدمه خلال الرجيم، في تحضير الأكل أو نضيفه على طبق السطة، مهم ميعديش يوم من غير معلقة كبيرة زيت زيتون.

التعرض للشمس مطلوب للحصول على فيتامين دال لرفع معدل الحرق، النوم كمان أمر مهم أقل شئ سبع ساعات ويكونوا بانتظام ونوم عميق على أد ما تقدر، وياريت كمان تحاول توقف أكل قبل النوم بتلات ساعات أو ساعتين على الأقل.

 

جدول أكل الأسبوع الجديد

 

نظام اليوم الأول 

السبت 17 أكتوبر

 

الفطار

يمكنك الإختيار من بين:-

  • جبنة رومي “تركي” 2 شريحة + ربع رغيف عيش بلدي
  • 2 قرص طعمية “فلافل” يتم تحضيره بالفرن + ربع رغيف عيش بلدي + جرجير وطماطم
  • 4 معالق كبيرة فول + ربع رغيف عيش بلدي + ثمرة طماطم + خيار أو خس
  • 3 معالق كبيرة شوفان + كوب حليب
  • حبة بطاطس مسلوقة + بيضة مسلوقة
  • بيضة مسلوقة + قطعة جبنة قريش + ربع رغيف عيش بلدي + خيار أو خس

 

ممكن ناخد نصف رغيف عيش سن بدلاً من ربع رغيف عيش بلدي.

 

سناك (1)

الوجبة الخفيفة الأولى

موز باللبن عصير محلى بمعلقة سكر واحدة فقط.

 

أو ناخد كوب الحليب مع أي ثمرة فاكهة

 

وممكن كوب شاي بالحليب، لمحبي المشروب ده.

 

الغداء

 

يمكنك الإختيار من بين:-

  • ربع فرخة مشوية أو مسلوقة + طبق سلطة كبير + 4 معالق مكرونة أو 6 معالق أرز بسمتي أو ربع رغيف عيش بلدي
  • نصف كيلو سمك مشوي + 3 معالق أرز أبيض كبيرة + طبق سلطة كبير
  • 200 جرام كبدة مشوية + ربع رغيف عيش بلدي + طبق سلطة
  • علبة تونة بدون زيت + نصف رغيف عيش سن + طبق سلطة
  • 2 بيضة مسلوقة + 3 معالق كشري عدس + طبق سلطة
  • 150 جرام جمبري مشوي أو مسلوق + 3 معالق أرز + سمكة واحدة مشوية
  • 200 جرام لحمة مسلوقة + 4 معالق مكرونة
  • 150 جرام لحمة مفرومة + كوب بسلة + 3 معالق كبيرة أرز

 

سناك (2)

الوجبة الخفيفة الثانية

 

6 حبات لوز

أو

كوب حليب خالي الدسم

أو

نصف كوب حليب كامل الدسم

 

العشاء

 

علبة زبادي + ثمرة فاكهة

 

نظام اليوم الثاني

يوم الأحد الموافق 18 أكتوبر

 

الفطار

يمكنك الإختيار من بين:-

  • 3 ثمرات فاكهة
  • 2 ثمرة فاكهة مع علبة زبادي
  • بيضة مسلوقة + معلقة جبنة فيتا + ربع رغيف عيش بلدي + خيار أو خس
  • بيضة مسلوقة + 3 معالق فول + ربع رغيف عيش بلدي + ثمرة طماطم + خيار أو خس
  • بيضة مسلوقة + قطعة جبنة قريش + خيار أو خس + ربع رغيف عيش بلدي

 

نقدر نبدل ربع رغيف عيش بلدي بواحد توست بني أو نصف رغيف عيش سن.

 

سناك (1)

الوجبة الخفيفة الأولى

 

كوب حليب خالي الدسم + ثمرة فاكهة

أو

نصف كوب حليب كامل الدسم + ثمرة فاكهة

 

وفي حالة إن الفطار كان فاكهة فقط أو فاكهة مع الزبادي، فالوجبة الخفيفة

تكون مكسرات “10 حبات لوز”

أو يكفي كوب حليب فقط!.

 

الغداء

يمكنك الاختيار من بين:-

  • 4 معالق مكرونة + ربع فرخة مسلوقة + شرائح من الطماطم والخيار والفلفل الأخضر
  • ما يعادل طبق من القرنبيط المحضر في الفرن بطريقة مناسبة للرجيم + 2 بيضة مسلوقة + ربع رغيف عيش بلدي + خس وطماطم
  • نصف كيلو سمك مشوي + 3 معالق كبيرة أرز محضر بطريقة عادي أو 5 معالق من الأرز المسلوق + طبق سلطة كبير
  • كفتة مشوية “ربع كيلو” بدون دهون + ربع رغيف عيش بلدي + طبق سلطة ومعاها معلقة سلطة طحينة كبيرة

 

سناك (2)

الوجبة الخفيفة الثانية

 

ثمرة فاكهة

أو

نصف كوز ذرة مشوي

أو

حبة بطاطا مشوية أو نيئة

 

العشاء

علبة زبادي

أو

كوب واحد فقط من الفشار

 

نظام اليوم الثالث 

الاثنين 19 أكتوبر

 

الفطار

يمكنك الإختيار من بين:-

  • بطاطس مسلوقة بالبيض، من الوجبات المفيدة جداً والمناسبة للرجيم وكمان طعمها حلو، حبة بطاطس صغيرة مسلوقة وهرومسة ومضاف لها بهارات مختلفة مع الفلفل الأخضر + 2 بيضة مسلوقة + ثمرة طماطم ومننساش شرب المياه قبل وجبة الفطار.
  • 6 قطع بسكوت سادة + كوب شاي بحليب (نصف الكوب لبن والنصف الآخر ماء) المشروب بمعلقة سكر واخدة فقط.
  • طبق فول بالبيض بزيت الزيتون، نقلي البيض الأول 2 بيضة ونضيف ليهم 3 معالق فول والبهارات ومع الوجبة ربع رغيف عيش بلدي أو نصف رغيف عيش سن ومننساش طبق صغير فيه شرائح خضار مقطعة زي الطماطم والفلفل الأخضر الحلو أو الحار زي ما نحب والخيار أو الخس.
  • 3 معالق كبيرة تونة + ربع رغيف عيش بلدي + طبق سلطة صغير
  • 2 علبة زبادي + 1 توست بني + خيار أو قتة “قثاء”
  • 2 بيضة مسلوقة + نصف رغيف عيش سن + خيار أو خس

 

سناك (1)

الوجبة الخفيفة الأولى

 

كوب حليب خالي الدسم + ثمرة فاكهة

أو

نصف كوب حليب كامل الدسم + ثمرة فاكهة

 

 

الغداء

 

محشي كوسة وفراخ، هنحتاج ليهم تلات معالق أرز قبل السواء، ومعاهم الطماطم والخضرة والفلفل وهنحتاج معلقة زيت، هننقع الأرز شوية ومعانا التوابل ونحشي، الأرز ده هنعمل بيه كمية كبيرة من الكوسة، هنحشي حوالي 6 حبات كوسة، ناخد منهم تلات كوسات في وجبة الغداء، طعم جميل وغذاء ومن باب التنويع في الأكلات، ومعانا ربع فرخة مسلوقة، أو نحمرها في الفرن.

أو

150 جرام لحمة مسلوقة + طبق فاصوليا خضراء محضر بطريقة صحية + 3 معالق أرز.

أو

350 جرام سمك مشوي + 3 معالق أرز + طبق سلطة كبير

أو

ربع أرنب مسلوق + طبق ملوخية + 5 معالق أرز بسمتي.

أو

شكشوكة بالبيض عارفين كلنا بتتعمل إزاي طبعاً 2 بيضة ومعاهم الطماطم والبصل والفلفل والبهارات وزيت الزيتون، ومع الطبق نصف رغيف عيش سن + طبق سلطة.

 

 

سناك (2)

الوجبة الخفيفة الثانية

 

ثمرة فاكهة

 

العشاء

 

علبة زبادي + حيار أو خس

أو

بيضة مسلوقة + خيار أو خس

أو

قطعة جبنة قريش + خيار أو خس

 

تنويه

معانا جدول الأكل لأول تلات أيام، زي ما أنتم شايفين دلع الدلع، أكل طول اليوم، براحتنا وأصناف مختلفة وبنحبها، حاجة تشجعنا وتقوي إرادتنا وتسهل علينا الإلتزام في النصف الثاني من الأسبوع قبل اليوم الفري “الجمعة”، اللي برضو بناخد فيه راحتنا شوية، من باب التغيير والتجشيع لمواصلة أسبوع بآخر.

باقي عليكم ومطلوب منك الإلتزام، علشان تفرحوا بنتيجة تطبيقكم لرجيم سهل، وفي نفس الوقت هيساعدكم بكل بساطة في تحقيق هدفكم، حتى لو محتاجين وقت، لكن يكفي إننا ماشيين في طريق صح، خالي من أي آثار جانبية سلبية، سواء بالنسبة للشكل “كالترهلات” مثلاً أو على الصحة بشكل عام.

 

نظام اليوم الرابع والخامس والسادس

الثلاثاء، الأربعاء، والخميس ( 20 ، 21، و 22 أكتوبر)

 

الفطار

 

يمكنك الإختيار من بين:-

  • 4 معالق فول كبيرة + ثمرة طماطم + نصف رغيف عيش سن أو ربع رغيف عيش بلدي
  • جبنة رومي “تركي” 2 شريحة + ربع رغيف عيش بلدي (يوم واحد في الأسبوع).
  • 2 بيضة مسلوقة + ربع رغيف عيش بلدي + خيار أو خس
  • 2 علبة زبادي + نصف رغيف عيش سن + خيار أو خس
  • قطعة جبنة قريش + بيضة مسلوقة + ربع رغيف عيش بلدي أو نصف رغيف عيش سن.
  • 3 معالق شوفان + كوب حليب
  • 3 معالق كورن فليكس + كوب حليب
  • 3 معالق قمح بليلة + كوب حليب
  • جبنة بيضاء لايت + نصف رغيف عيش سن + بيضة واحدة مسلوقة (الجبنة بوزن 100 جرام) ومننساش طبق السلطة.

 

سناك (1)

ثمرة فاكهة

 

الغداء

يمكنك الإختيار من بين:-

  • سلمون مشوي (200 جرام) مع طبق بروكلي
  • 350 جرام سمك مشوي + طبق سلطة
  • علبة تونة بدون زيت + طبق سلطة
  • صدر فرخة مشوية + طبق سلطة
  • صدر فرخة مسلوقة + طبق فاصوليا خضراء أو طبق ملوخية أو طبق بامية
  • كفتة مشوية ربع كيلو + طبق سلطة
  • ربع كيلو جمبري مسلوق + طبق ملوخية
  • 150 جرام لحمة مسلوقة + طبق فاصوليا خضراء

 

سناك (2)

الوجبة الخفيفة الثانية

 

كوب لبن رائب

 

العشاء

 

بيضة مسلوقة + خيار أو خس

أو

علبة زبادي + خيار أو خس

أو

قطعة جبنة قريش + خيار أو خس

 

 

نظام اليوم السابع 

الجمعة الموافق 23 أكتوبر

 

يوم فري، لينا وجبة مفتوحة “الغداء”

وجبة الفطار والعشاء هيكونوا دايت زي أي يوم رجيم.

غير مسموح بتناول الحلويات في فري الأسبوع الحالي.

وبكده يكون إنتهى رجيم الأسبوع الحالي.

لا تنسونا من صالح دعائكم.