سعرات البطاطس المسلوقة الحرارية
السعرات الحرارية في البطاطس المسلوقة

البطاطس المسلوقة كم سعر حراري وكيفية تحضيرها بطريقة تناسب الرجيم

قلنا قبل كده إن البطاطس مفيش مشكلة إنها تكون ضمن نظامنا الغذائي، الفكرة فقط هناكلها بكمية أد إيه، وطريقة تحضيرها هتكون عاملة إزاي، في مقال النهاردة اللي بتقرأوه دلوقتي، هنشوف مع بعض البطاطس المسلوقة، فيها كم سعر حراري، ولو مقلية هتكون فيها كم سعر، وهنشوف مع بعض، طريقة بسيطة نحضر بيها البطاطس، بطريقة صحية تناسبنا في الرجيم.

السعرات الحرارية في البطاطس المسلوقة

لو افترضنا أن كيلو البطاطس فيه أربع حبات بطاطس، هتكون السعرات الحرارية في الحبة الواحدة (250 جرام)، تساوي 258 سعر حراري، مقسمين كالآتي:-

  • 5.6 جرام دهون
  • 48.8 جرام كاربوهيدرات
  • 4.53 جرام بروتين

لو افترضنا إن حبة البطاطس هتكون صغيرة في الحجم، والكيلو هيكون فيه 6 حبات بطاطس، هتكون السعرات الحرارية، في الحبة الواحدة بوزن 166 جرام، تساوي 171 سعر حراري، مقسمين كالآتي:-

  • 3.72 جرام دهون
  • 32.4 جرام كاربوهيدرات
  • 3 جرام بروتين

حبة البطاطس الصغيرة جداً، بوزن 142 جرام، لو الكيلو فيه تقريباً 7 حبات بطاطس، تحتوي على 146 سعر حراري، مقسمين كالآتي:-

  • 3 جرام دهون
  • 27 جرام كاربوهيدرات
  • 2.53 جرام بروتين

 

السعرات الحرارية في البطاطس المحمرة

فرق كبير جداً بين عدد السعرات الحرارية الموجودة في حبة بطاطس واحدة، كبيرة الحجم، مسلوقة مقارنة بالمحمرة أو المقلية، زي ما قولنا السعرات في البطاطس المسلوقة لو وزنها 250 جرام هتكون 258 سعر حراري.

أما بالنسبة للسعرات الحرارية في حبة بطاطس كبيرة نفس الوزن (250 جرام) ولكن محمرة، تصل سعراتها إلى 778 سعر حراري، بسبب كمية الزيت الكبيرة التي تتشربها البطاطس أثناء عملية التحمير، مقسمين كالآتي:-

  • 50 جرام دهون
  • 50 جرام كاربوهيدرات
  • 25 جرام بروتين

 

طريقة تحضير البطاطس للرجيم

البطاطس من الخضروات التي لها مذاق جميل ويتم تحضيرها بطرق مختلفة، ومن أشهر الأكلات للبطاطس صينية البطاطس في الفرن باللحم أو الدجاج وحتى الأسماك، وتدخل في تحضير وجبات كثيرة جدا كما نعلم.

في هذا المقال نتحدث عن طريقة تحضير البطاطس المسلوقة للرجيم حيث نحضر حبة بطاطس واحدة متوسطة الحجم، نضعها في إناء به ماء يغلي، ورشة ملح، ونتركها حتى السلق، وبعد ما تتسلق نغسلها بالماء البارد، ونقشرها ونهرسها في طبق، ونضع عليها كمون وملح وبهارات “حسب الرغبة”، وملعقة واحدة زيت زيتون، وممكن إضافة فلفل أخضر حلو أو حار “حسب الرغبة أيضاً”.