كب كيك الفانيليا سهل
طريقة عمل كب كيك الفانيليا

طريقة عمل كب كيك سهل وسريع وصحي للدايت

بتعمل رجيم أو بتثبت وزنك أو حتى راضي عن وزنك وشكل جسمك لكن حابب، تتبع نظام أكل صحي، فأنت في كل الأحوال دي محتاج تعرف وصفات كتير صحية، سواء الأكل العادي أو الحلويات، علشان تقدر تواصل من غير ملل أو زهق، وده إللي بنحاول نحققه ليكم، من خلال متابعتكم لتطبيق وموقع دايت كلينيك، في قسم أكلات دايت.

وصفة النهاردة، منقدرش نعتمدها بشكل يومي، بسبب سعراتها العالية، ولا أكثر من مرة في الأسبوع، لكن الكيك بأنواعه والحلويات ومشروبات معينة مثل الميلك شيك وغيرها هتكون مناسبة لينا جداً في اليوم الفري، لو حابين أننا نستمتع في يوم زي ده ونكسر حالة الرجيم، بحاجة بسيطة متأثرش أبداً على معدل النزول.

طريقة عمل كب كيك الفانيليا سهل

المقادير

  • كوب دقيق
  • ملعقة صغيرة فانيليا
  • ملعة كبيرة بيكينج باودر
  • نصف كوب لبن
  • ربع كوب زيت
  • ربع كوب سكر
  • ملعقة خل
  • بيضة واحدة

خطوات التحضير

أولاً، نسخن الفرن قبل البدء الإعداد.

بعد كده، نخلط اللبن والبيض، والزيت والسكر، والخل والفانيليا، في الخلاط.

ننخل الدقيق مع البيكينج باودر في وعاء.

نصب الخليط على الدقيق، ويحرك جيداً، ثم نصبه في قوالب، ونضعه في الفرن لمدة حوالي 12 دقيقة.

السعرات الحرارية في الكب كيك الواحد، تساوي في المتوسط حوالي 180 سعر حراري، تنقسم كآلاتي:-

  • 32 ونصف جرام كارب
  • 1.5 جرام بروتين
  • 5.25 جرام دهون