الرئيسية / أنظمة غذائية / تحدي الـ 30 يوم لنسف الدهون ✊

تحدي الـ 30 يوم لنسف الدهون ✊

خطة اليوم الأول في #تحدي_الـ30يوم_لنسف_الدهون

وجبة الإفطار:- 2 بيضة مسلوقة عليها رشة ملح وفلفل + نصف رغيف عيش
ومن المفضل أنك تبدأي يومك (قبل ما تفطري) بكوب من الماء الدافئ وعليه معلقة عسل الأبيض .. وده ليه فوايد كتير جداً .. هنزلها ليكم النهاردة بأمر الله.



وجبة الغذاء:- 
عندك أربع أختيارات .. شوفي منهم اللي يناسب ظروفك .. أو المتوفر عندك في البيت

ممكن بكره غداكي يكون (علبة تونة مصفاة من الزيت)
أو
(2 بيضة مسلوقة)
أو
(نصف فرخة مسلوقة أو مشوية)
أو
(ربع كيلو جبنة قريش)

مع وجبة الغذاء متنسوش (سلطة الخضار)
ولو حسيتوا بجوع ما بين الفطار والغذاء .. تناولوا ثمرة واحدة من (التفاح أو الجوافة)

وجبة العشاء لأول يوم في التحدي:- 
كوب زبادي + ثمرة فاكهة

 

معلومات وتنبيهات هامة حول اليوم الأول:- 

  1. على فكرة أنا مقولتش إن في أرز أو عيش مع وجبة الغذاء 😉😉 .. متزعلونيش بقى وتقوموا واكلين شوية رز صغيرين أو لقمة عيش .. وتقولوا معلش يا دكتور .. هو يعني الحتة دي اللي هتبوظ الدايت 😂😂😂
  2. دايت أول يوم صحي جداً ومتكامل .. والكميات فيه متوازنة .. ياريت محدش يقصر بقى 💪
  3. إضافة الليمون إلى السلطة مهم جداً 🍋
  4. مفيش شك إن الرياضة مهمة جداً .. وأنا مش هقسوا عليكم .. كفاية بس تتمشوا بكرة ربع ساعة .. يعني تاخدوا الشقة بتاعتكم رايح جاي 😂 .. مش شرط تنزلوا الشارع.
  5. لا تنسوا أبداً أبداً شرب (الماء) .. أقل حاجة تشربوا بكره 8 كوبايات مياه.
  6. الشاي والقهوة مسموح بيهم بمعلقة سكر واحدة .. ومسموح بكوبايتين فقط يومياً.🍵🍵
في النهاية حابب أقولكم إني بكون في قمة السعادة لما بتسألوني في أي شئ .. علشان كده لو أي حد عنده أي استفسار .. يكتبه في كومنت وأنا هرد عليه .. اللي عايز يتأكد عن حاجة في رجيم أول يوم يسألني .. اللي هيبدأ بكره وحاسس أنه هيضعف يقوللي .. مش عايزين من النهاردة نعدي أي يوم بدون إنجاز.

ربنا يقدرنا جميعاً 🌹

 

خطة اليوم الثاني من التحدي

 

أتمنى أنكم تكونوا عديتوا أول يوم على خير .. وعايز أطلب منكم طلب .. انكم تدخلوا قسم الاستفسارات الساعة 10 مساءً ندردش مع بعض شوية .. بخصوص اللي عملناه أول يوم.

 

أنا فرحان جداً بالتزام ناس كتير وأنهم قرروا يغيروا حياتهم ويكون التحدي ده بداية كل شئ جميل في حياتهم .. 

ياللا ندخل في خطة اليوم الثاني 💪

قبل أي شئ وأول ما تصحوا من النوم .. لازم كوباية المياه الدافئة وعليها معلقة عسل أبيض (عسل النحل) .. وطبعاً المشروب ده أنا شرحت فوائده الجبارة .. في مقال .. هتلاقوه في قسم أعشاب حارقة للدهون ..

بالنسبة لوجبة الإفطار .. هتكون عبارة عن:- ( ربع كيلو جبنة قريش)

وبالنسبة لوجبة الغذاء .. عندك أكتر من شئ تختاري منهم:-
يعني ممكن غداكي بكره يكون:-

  • 3 سمكات بلطي + ثلاث معالق أرز
  • أو نصف فرخة مسلوقة + ثلاث معالق أرز
  • أو شريحتين لحم جاموسي + ثلاث معالق أرز 
  • أو علبة تونة (متصفية كويس من الزيت) + نصف رغيف عيش 

ومع وجبة الغذاء .. طبق السلطة أساسي و ممكن تضيفوا في الغذاء بتاع بكره (طبق بامية أو سبانخ) بشرط تكون مطبوخة بدون زيت ⚠

 

وبين وجبة الفطار والغذاء .. شرب كوب صغير من اللبن منزوع الدسم 

أما بالنسبة لوجبة العشاء .. هتكون عبارة عن ( 1كوب زبادي لايت) + (ثمرة خيار) 

 

مسموح بشرب 2 كوب شاي و 2 كوب من القهوة بمعلقة سكر واحدة لكل كوب 
ويفضل إضافة الليمون إلى طبق السلطة لأنه يرفه معدل الحرق 
على مدار اليوم إذا شعرت بالجوع .. يمكنك تناول الخس أو الخيار
وطبعاً مش هوصيكم على المشي ( لو قدرتوا تتمشوا) تلت ساعة يبقى كويس جداً.

استنوني بكره في نفس الميعاد علشان أقولكم على خطة تالت يوم .. أشوفكم على خير 

 

نظام  اليوم الثالث

وجبة الإفطار:- 2 بيضة مسلوقة فقط

وجبة الغذاء:- يمكنك الاختيار من الآتي:-

  1. نصف فرخة مسلوقة
  2.  سمكتين (مشوي)
  3. ربع كيلو جبنة قريش

بالإضافة إلى سلطة الخضار + طبق خضار مسلوقة (بدون سمن أو زيت) ويمكنك الأأختيار من الآتي:-

  1. كوسة
  2. بامية
  3. فاصوليا
  4. بروكلي
  5. سبانخ

وجبة العشاء:- 2 كوب زبادي + (ثمرة خيار)

 

عند الشعور بالجوع في أي وقت من اليوم الثالث للتحدي.. يمكنك تناول ثمرة فاكهة أو جزر أو خيار 

 

 

خطة اليوم الرابع 

 

هام جداً كوب الماء الدافئ مضاف ليه ملعقة عسل نحل (عسل أبيض)

هتاكلوا في وجبة الإفطار حاجة من الاتنين دول:-

  • ربع كيلو جبة قريش (وانتظروا إشعار بعد قليل عن فوائدها أثناء الدايت)
  • أو بيضة مسلوقة 

الفطار من غير عيش يا جماعة .. 

 

ندخل على وجبة الغداء:- 

أساسي في وجبة الغداء ( طبق سلطة خضار) + (طبق خضار مطبوخة بدون سمن أو زيت .. الخضار يكون بروكلي أو بامية أو فاصوليا خضراء ) 

بالإضافة لطبق السلطة الخضراء وطبق الخضار المسلوقة يمكنك تناول أياً من الآتي:-

  • ربع كيلو كفتة دايت ( هكتب لكم طريقة عمل الكفتة الدايت وأنزلها ليكم ) .. متقلقوش خالص مش هحرمكم من حاجة أبداً 
  • ( علبة تونة مصفاة من الزيت جيداً )
  • 2 شريحة لحمة مشوية أو مسلوقة 
  • 2 بيضة مسلوقة ( بس لو كان فطارك عبارة عن بيض مسلوق .. يفضل التنويع ومتكونش وجبة الغداء بيض بردو)
  • 2 سمكة (مشوي أو صينية)

طيب لو حسيتوا بجوع بين الفطار والغداء تاكلوا إيه ؟

عندكم كذا خيار:-

  • تناول الجزر
  • الخيار 
  • الخس 
  • ويفضل (كوب حليب خالي الدسم)
  • كوب زبادي (خالي الدسم)

يفضل عصر ليمونة على طبق السلطة 🍋

وجبة العشاء عبارة عن (كوب زبادي واحد ) معصور عليه (ليمونة ) بالإضافة إلى ثمرة (خيار) واحدة.

 

بعد قليل هيوصل لكم إشعار على الموبايل بخصوص مناقشة اليوم الثالث من التحدي 

 

خطة اليوم الخامس

نبدأ يومنا أول ما نصحى على كوباية المياه الدافية وعليها معلقة عسل النحل الأبيض 

بكره هنفطر ( 2 بيضة مسلوقة + ثمرة بطاطس مسلوقة ) مضاف عليهم ملح وفلفل وبقدونس.
واللي حابب يفطر بخبز ( يشيل البطاطس) ويحط مكانها الخبز 

بمعنى أن الفطار بكره هيكون حاجة من اتنين لإما ( 2 بيضة مسلوقة ) مضاف عليها رشة ملح وفلفل وبقدونس.

لإما 2 بيضة مسلوقة وحبة بطاطس مسلوقة مضاف عليهما ملح وفلفل وبقدونس.

بعد الفطار بساعتين ضروري جداً ثمرة  فاكهة .. وعندنا كذا اختيار:-

  1. تفاح 
  2. جوافة بدون بذر
  3. موز
  4. شريحة بطبخ 
  5. كيوي 

ندخل على وجبة الغداء:-

في كذا حاجة أختاري منهم غداكي:-

  1. ربع كيلو جبنة قريش
  2. علبة تونة مصفاة جيداً من الزيت 
  3. 3 سمكات مشوية
  4. ربع كيلو كفتة دايت

وطبعاً مع وجبة الغداء لازم طبق السطلة + طبق الخضار المسلوقة بدون زيت أو سمن 

وجبة العشاء ( 1 علبة زبادي ) + (ثمرة خيار)

 

تعليمات هامة:-

  • شرب الماء ضروري جداًاًاً في اليوم أقل حاجة 8 كوبايات 
  • المشي يومياً قدر المستطاع ولو ربع ساعة 
  • من الممكن وضع ملعقة زيت زيتون على السلطة
  • يمكن شرب الشاي القهوة بمعلقة سكر واحدة
  • عند العشور بالجوع في أي وقت من اليوم عليكي بتناول الخيار أو الجزر أو الخس 

خطة اليوم السادس

زي ما إحنا متعودين .. أول ما بنصحى بنشرب كوب ماء دافئ + ملعقة من عسل النحل الأبيض

وجبة الفطار بكره هتكون حاجة من تلاته أختاروا منهم المتاح عندكم أو اللي تفضلوه:-

  1. 2 بيضة مسلوقة  (عليها رشة ملح وفلفل)
  2. 1 بيضة مسلوقة + نصف رغيف عيش  
  3. 1 بيضة مسلوقة + حبة بطاطس مسلوقة (مضاف ليهم ملح وفلفل وبقدونس )

وجبة الغداء
( ربع كيلو جبنة قريش )

أو
( علبة  تونة مصفاة جيداً من الزيت)
أو
( 2 سمكة مشوية)
أو 
( 2 بيضة مقلية ) بمعلقة زيت زيتون
أو
( ربع فرخة مشوية أو مسلوقة )

يجب مع وجبة الغداء تناول ( طبق سلطة خضراء )  + ( طبق خضار مسلوقة)

أمثلة للخضروات:-

  • بامية 
  • كوسة 
  • البروكلي ( كويس جداً وهيساعدك تحسي بالشبع )
  • السبانخ 
  • الكوسة

بعد الفطار بساعتين عليك تناول ( ثمرة فاكهة ) أو ( كوب عصير طبيعي ) أو ( كوب لبن خالي الدسم )

وجبة العشاء 
( كوب زبادي معصور عليه ليمون )
أو 
( كوب زبادي ) + (ثمرة خيار )

 

إذا شعرت بالجوع في أي وقت من اليوم يمكنك تناول أياً من الآتي:-

  • الخيار 
  • الجزر
  • الخس 

إحرصي على شرب 8 أكواب يومياً .. من الماء أو أكثر ..

يمكنك تناول الشاي والقهوة بمعلقة سكر واحدة للكوب … وعلى الأكثر تناولي كوبين فقط على مدار اليوم 

 

طبعاً اليوم السابع “اليوم الفري” مش مكتوب هنا ..

لأني عملت عنه موضوع مستقل ، هتلاقوه في التطبيق عبارة عن تسجيل صوتي.

هتلاقوا التسجيل لما تضغطوا على كلمة هنا

 

نبدأ في خطة اليوم الثامن

 

النهاردة ان شاء الله هنبدأ ندخل النشويات بنسبة أكبر شوية في نظامنا الغذائي.

ولسه مكملين مع كوب الماء الدافئ مع ملعقة العسل الأبيض أول ما نصحى من النوم

 

الفطار بكره ان شاء الله هيكون حاجة من التلاته دول:-

1- 2 بيضة مسلوقة + نصف رغيف عيش.

2- 8 ملاعق فول + نصف رغيف عيش.

3- 200 جرام جبنة قريش + نصف رغيف عيش.

 

بعد الفطار بساعة واحدة أو ساعتين على الأكثر

(ثمرة فاكهة) ويمكنكم الإختيار من بين:-

1- الجوافة

2- التفاح

3- البطيخ ” شريحة واحدة ”

4- الكيوي

 

بالنسبة لوجبة الغداء ، يمكنك الإختيار من بين الوجبات الخمسة القادمة:-

1- نصف رغيف عيش + علبة تونة مصفاة من الزيت.

2- 5 ملاعق مكرونة + ربع فرخة مشوية أو مسلوقة

3- 5 ملاعق أرز + ( 2 ) سمك مشوي

4- نصف رغيف عيش + ربع كيلو جبنة قريش

5- 5 ملاعق أرز أو مكرونة + قطعتين صغيرين لحمة مسلوقة

 

أساسي مع وجبة الغداء ( طبق السلطة الخضراء و طبق الخضار المسلوق )

 

أما بالنسبة لوجبة العشاء، فتكون (2) كوب زبادي

إذا شعرت بالجوع في أي وقت من اليوم يمكنك تناول الخيار أو الخس 

يرجى الحفاظ على شرب 8 أكواب من المياه يومياً كحد أدنى

 

خطة اليوم التاسع 

قربنا ننهي تلت المشوار .. المشوار اللي لو التزمنا فيه .. هنلاقي آخره نجاح يبهرنا ويعوض صبرنا ويتوج إلتزامنا وإصرارنا .. 

وجبة الإفطار غداً ..

( 2 كوب زبادي ) + ( ملعقة عسل أبيض ) 

وجبة الغداء 

يمكنك الأختيار من الوجبات الآتية:-

( 2 بيضة مسلوقة ) 
أو 
(200 جرام جبنة قريش)
أو 
(علبة تونة مصفاة من الزيت جيداً)
أو
(ربع كيلو كفتة ) مطبوخة بدون زيت 
أو 
( ربع كيلو فراخ مسلوقة )
أو
(شريحتين لحمة مسلوقة )
أو 
( 2 سمكة مشوية )

كالعادة لا ننسى طبق السلطة الخضراء و طبق الخضار المسلوق 

مع مراعاة وضع ملعقة زيت زيتون على طبق السلطة … 

 

بعد الفطار بساعتين عليك بتناول ثمرة فاكهة 

 

أما وجبة العشاء .. كوب لبن خالي الدسم وثمرة فاكهة ( تفاح أو كيوي أو شريحة بطيخ أو جوافة )

 

إذا شعرت بالجوع في أي وقت من اليوم .. تناولي الخيار أو الجزر أو الخس 

 

خطة اليوم العاشر 

وجبة الإفطار تكون أحد الوجبات الآتيه:-

  • رغيف سن + ملعقتين من عسل النحل + كوب لبن خالي الدسم أو 
  • 1 بيضة مسلوقة + نصف رغيف عيش أو 
  • 1 بيضة مسلوقة + حبة بطاطس مسلوقة 

بعد الإفطار بساعة .. تناولي ثمرة تفاح أو جوافة أو كيوي أو موز 

وجبة الغداء:- 

طبق السلطة الخضراء + طبق الخضار المسلوقة 

بالإضافة إلى أحد الأطباق الآتيه:-

  • 2 بيضة مسلوقة أو 
  • ربع كيلو جبنة قريش أو 
  • علبة تونة مصفاة من الزيت أو 
  • ربع كيلو جمبري مشوي أو
  • ربع كيلو كغتة مشوية أو
  • 2 سمكة مشوية أو
  • نصف فرخة مسلوقة أو  
  • شريحتين لحمة مسلوقة 

يفضل وضع ملعقة من زيت الزيتون على طبق السلطة الخضراء .. 

أما وجبة العشاء .. فهتكون (كوب زبادي) + (ثمرة فاكهة)

يجب شرب 8 أكواب من الماء يومياً كحد أدنى

يجب مضغ الطعام جيداً

إذا شعرت بالجوع في اي وقت من اليوم .. تناولي الخيار أو الجزر أو الخس 

خطة اليوم الحادي عشر

وجبة الإفطار يمكنك الأختيار من الآتي:-

4 ملاعق شوفان + كوب لبن خالي الدسم + ملعقة عسل نحل + ثمرة فاكهة

أو

1 بيضة مسلوقة + نصف رغيف عيش + ثمرة فاكهة

أو

100 جرام جبن خالي الدسم + نصف رغيف عيش + ثمرة فاكهة

بعد الفطار بساعة أويإثنين ..

كوب عصير فريش أو كوب لبن خالي الدسم أو ثمرة فاكهة

وجبة الغداء ..

يمكنك الإختيار من الآتي:-

1- ربع كيلو جبنة قريش

2- 2 بيضة مسلوق

3- 2 بيضة مقلية بمعلقة زيت واحدة

4- ربع كيلو فراخ مشوية أو مسلوقة

5- علبة تونة مصفاة من الزيت

6- 2 سمكة مشوية

7- ربع كيلو كفتة دايت

وأساسي مع الغداء .. طبق السلطة + طبق الخضار المسلوقة

أما وجبة العشاء .. فتكون عبارة عن كوب زبادي معصور عليها نصف ليمونة

 

عند الشعور بالجوع في أي وقت من اليوم تناولي أياً من الآتي:-

  1. الجزر
  2. الخيار
  3. الطماطم
  4. الخس

يجب شرب 8 أكواب من الماء يومياً ..

الحرص على ممارسة الرياضة ولو المشي لمدة ربع ساعة ..

مضغ الطعام جيداً ..

الإفطار في وقت مبكر ..

 

خطة اليوم الثاني عشر

أول ما نصحى من النوم .. كوب ماء دافئ + ملعقة من عسل النحل الأبيض 

بعد كده وجبة الإفطار .. 

يمكنك الإختيار من أحد الوجبات الآتية:-

  1. 1 بطاطس مسلوقة + 1 بيضة مسلوقة 
  2. أو 5 ملاعق شوفان + كوب حليب خالي الدسم 
  3. أو 2 بيضة مسلوقة + نصف رغيف عيش 
  4. أو 1 بيضة مقلية + نصف رغيف عيش 
  5. 150 جرام جبن خالي الدسم + نصف رغيف عيش 

بعد الفطار بساعة:-

ثمرة فاكهة .. جوافة أو موز أو تفاح أو كيوي أو شريحتين بطيخ 

 

وجبة الغداء:-

يمكنك الإختيار من أحد الواجبات الآتية:-

  1. نصف رغيف عيش + علبة تونة مصفاة من الزيت 
  2. أو 10 ملاعق أرز + ربع فرخة مسلوقة
  3. أو 10 ملاعق مكرونة + 2 شريحة لحمة حمراء مسلوقة
  4. أو نصف رغيف عيش + 2 بيضة مسلوقة
  5. أو ربع كيلو جمبري مشوي + رغيف عيش سن أو نصف رغيف عيش بلدي 
  6. أو نصف رغيف عيش + ربع كيلو جبنة قريشوطبعا مع وجبة الغداء .. مننساش طبق السلطة + طبق الخضار المسلوقة

وجبة العشاء .. كوب زبادي معصور عليها ليمون.

 

عند الجوع في أي وقت من اليوم .. تناولي الخيار أو الخس أو الجزر

نشرب مياه كتير ونحاول نمشي لو ربع ساعة

 

خطة اليوم الثالث عشر من التحدي

كعادتنا .. أول ما نصحى من النوم .. كوباية المياه الدافئة وعليها ملعقة عسل (عسل أبيض).

وجبة الإفطار:-

هتكون حاجة من إتنين:-

  1. ربع كيلو جبنة قريش + نصف رغيف عيش 
  2. أو 2 بيضة مسلوقة + نصف رغيف عيش 

بعد الفطار بساعة:- أي ثمرة فاكهة 

وجبة الغداء:- 

طبق سلطة عليه ملعقة زيت زيتون وأختاروا مع طبق السلطة أي أكلة من دول:-

  1. 2 بيضة مسلوقة 
  2. علبة تونة مصفاة من الزيت
  3. ربع فرخة مسلوقة
  4. ربع كيلو جبنة قريش 
  5. شريحتين لحمة مسلوقة
  6. 2 سمكة مشوية

وجبة العشاء:- 

كوب زبادي + ثمرة خيار 

 

خطة اليوم الرابع عشر من التحدي:-

اليوم الرابع عشر لينا فيه وجبة فري .. وأنا كنت اتكلمت بالتفصيل عن اللي المفروض نعمله في اليوم ده .. هتلاقوا كل التفاصيل .. لما تضغطوا على كلمة هنا الموجودة بين الأقواس ( هنا )

 

خطة اليوم الخامس عشر

المشروب الصباحي الهام والمفيد جداً جداً 

كوب المياه الدافئة عليها ملعقة عسل نحل 

 

وجبة الفطار ، هتكون حاجة من دول:-

1- 2 بيضة مسلوقة

2- ربع كيلو جبنة قريش

 

بين الفطار والغداء:-

اي ثمرة فاكهة 

 

وجبة الغداء  هكتب لكم كذا حاجة ، تختاروا منها اللي موجود عندكم:-

1- 5 ملاعق أرز + ربع كيلو كفتة دايت.

2- 5 ملاعق أرز + 2 سمكة مشوية.

3- 5 ملاعق مكرونة مسلوقة + 2 شريحة لحمة مسلوقة.

4- 5 ملاعق مكرونة مسلوقة + ربع فرخة مشوية أو مسلوقة.

5- نصف رغيف عيش + علبة تونة مصفاة من الزيت

طبق السلطة وطبق الخضار المسلوق أساسيين. 

 

وجبة العشاء، هتكون كوب زبادي معصور عليه ليمونة.

ولو جوعتوا في أي وقت من اليوم، كلوا خيار أو جزر أو خس 

المياه لا تقل عن 8 أكواب ضروووري جداً.

خطة اليوم السادس عشر

اليوم ده هيكون بإذن الله نفس اليوم الـ 15 بالظبط

نفس كل شئ

بالتوفيق ليكم جميعاً يارب 🤗

 

خطة اليوم السابع عشر

وجبة الفطار غداً حاجة من دول:-

  1. 2 بيضة مسلوقة
  2. 150 جرام جبنة قريش
  3. 2 كوب زبادي

 

ومننساش قبل الفطار وأول ما نصحى من النوم نشرب كوباية المياه الدافئة اللي عليها ملعقة عسل نحل ( عسل أبيض ).

 

وبعد الفطار بساعة:- أي ثمرة فاكهة

أما بالنسبة لوجبة الغداء .. فهتكون حاجة من دول:-

  1. 2 بيضة مسلوقة + نصف رغيف عيش
  2. 2 بيضة مقلية بملعقة زيت زيتون + نصف رغيف عيش
  3. ربع كيلو جبنة قريش + نصف رغيف عيش
  4. ربع كيلو كفتة دايت + 5 ملاعق مكرونة مسلوقة
  5. ربع كيلو فراخ مسلوقة + 5 ملاعق مكرونة مسلوقة
  6. شريحتين لحمة حمراء مسلوقة + 5 ملاعق مكرونة مسلوقة
  7. 2 سمكة مشوية + 5 ملاعق أرز
  8. علبة تونة مصفاة من الزيت + نصف رغيف عيش

وبعد ما تختاروا حاجة من اللي فوق دول .. متنسوش بقى طبق السلطة الخضراء.

أما بالنسبة لوجبة العشاء:- كوب زبادي + ثمرة خيار

 

إذا شعرت بالجوع في أي وقت من اليوم .. تناولي الخيار أو الجزر أو الخس.
لا تنسي تناول 8 أكواب من المياه كحد أدنى.
ليكي بكره 2 كوب شاي
أو 1 كوب شاي + 1 كوب قهوة
بملعقة سكر واحدة.

خطة اليوم الثامن عشر:-

نفس نظام الأكل في اليوم السابع عشر ..

خطة اليوم التاسع عشر

الفطار:-

  • 2 علبة زبادي
  • أو 2 بيضة مسلوقة

قبل تناول الفطار وعلى الريق هنشرب كوب المياه الدافئة وعليها ملعقة عسل نحل وليمون وبعد الفطار بساعة نصف موزة أو ثمرة تفاح أو كيوي أو شريحة بطيخ

وجبة الغداء:-

  • نصف رغيف عيش + علبة تونة مصفاة من الزيت 
  • 200 جرام جبنة قريش + نصف رغيف عيش 
  • 10 ملاعق مكرونة + ربع كيلو فراخ مسلوقة 
  • 10 ملاعق أرز + شريحتين لحمة مسلوقة
  • 10 ملاعق أرز + 2 سمكة مشوية
  • نصف رغيف عيش + 2 بيضة مسلوقة

مع وجبة الغداء طبق السلطة طبعاً وطبق الخضار المسلوقة

وجبة العشاء:-

كوب زبادي + ثمرة فاكهة

 

لو حسيتي بجوع في أي وقت من اليوم، إشربي مياه كتير أو كلي خيار أو خس

 

خطة اليوم العشرين .. 

قبل وجبة الفطار:- كوب من الماء الدافئ مضاف عليها ( ملعقة من عسل النحل الأبيض )

وجبة الفطار:-

2 بيضة مسلوقة أو 2 كوب زبادي

بعد الفطار بساعة ( كوب لبن حليب ) أو ( ثمرة فاكهة )

وجبة الغداء:- يمكنك الإختيار من الآتي:-

  1. 2 توست بني + ربع كيلو جبنة خالية الدسم
  2. نصف رغيف عيش + علبة تونة مصفاة من الزيت
  3. 5 ملاعق أرز + ربع فرخة مسلوقة
  4. 5 ملاعق أرز + ربع كيلو سمك مشوي
  5. 5 ملاعق مكرونة مسوقة + شريحتين لحمة مسلوقة

مع وجبة الغداء ( طبق سلطة خضراء ) + ( طبق خضار مطبوخة بدون سمن أو زيت )

وجبة العشاء ( كوب زبادي ) + ( ثمرة خيار )

 

لا تنسي شرب 10 أكواب من الماء غداً .. 
المشي ولو ربع ساعة
وضع الليمون على السلطة
مسموح غداً بملعقة سكر واحدة
مسموح غداً بملعقة زيت زيتون 

 

خطة اليوم الواحد والعشرين ..

بكره يوم فري، وأنا عامل تسجيل صوتي عن نظام اليوم الفري .. تقدروا تسمعوه لما تضغطوا على كلمة هنا الموجودة بين القوسين ( هنا )، علشان لو كنتوا نسيتوا تفتكروا تاني.

خطة اليوم الـ 22 والـ 23 والـ 24 والـ 25 ..

قبل الفطار طول الأربع أيام .. كوب من الماء الدافئ وعليه ملعقة من عسل النحل ( الأبيض ).

وجبة الفطار:-

حاجة واحدة من دول، يعني كل يوم من الأربعة أيام تصحي تفطري بحاجة من دول:-

1- إما 2 كوب زبادي لايت ومعاها ثمرة خيار

2- أو 150 جرام جبن قريش أو أي جبن خالي الدسم وعليها ملعقة من زيت الزيتون

بعد الفطار بساعة:-

( كوب حليب خالي الدسم )

بالنسبة لوجبة الغداء طول الأربعة أيام، فهتكون حاجة من دول:-

1- علبة تونة بدون زيت

2- 2 بيضة مقلية بملعقة زيت زيتون

3- 2 بيضة مسلوقة

4- ربع فرخة مسلوقة

5- 3 سمكات مشوية

مع الغداء ( طبق سلطة خضروات، و طبق خضار مطبوخة بدون زيت أو سمن )

بالنسبة لوجبة العشاء طوال الأربع أيام هتكون ( كوب زبادي خالي الدسم ) + ( ثمرة خيار )

خطة اليوم الـ 26 واليوم الـ 27

وجبة الفطار حاجة من إتنين:-

200 جرام جبنة قريش أو أي جبن خالي الدسم + نصف رغيف خبز

أو 2 بيضة مسلوقة + نصف رغيف خبز

بعد الفطار بساعتين ( ثمرة فاكهة )

وجبة الغداء يمكنك فيها الإختيار من بين:-

  • نصف رغيف خبز + ( 2 بيضة مسلوقة )
  • نصف رغيف خبز + ( علبة تونة بدون زيت )
  • 5 ملاعق مكرونة + ( ربع فرخة مسلوقة )
  • 5 ملاعق أرز + ( 2 سمكة مشوية )

ومع الغداء السلطة وطبق الخضار المسلوقة

وجبة العشاء في اليومين هتكون ( كوب زبادي ) + ( أي ثمرة فاكهة )

خطة اليوم الـ 28 

اليوم الثامن والعرشين يوم مفتوح وتقدروا تسمعوا النظام لما تضغطوا على كلمة هنا الموجودة بين القوسين ( هنا )

خطة اليوم الـ 29 واليوم الـ 30 

الفطار خلال آخر يومين من التحدي هيكون ( كوب حليب خالي الدسم + 1 توست بني + ملعقة عسل نحل كبيرة )

بعد الفطار بساعتين ( كوب حليب ) + ( ثمرة فاكهة )

وجبة الغداء:-

  • علبة تونة بدون زيت
  • أو ربع كيلو جبنة قريش
  • أو ربع فرخة مسلوقة
  • أو 2 سمكة مشوية

مع الغداء ( طبق سلطة )

وجبة العشاء في اليومين دول ( 2 ثمرة فاكهة )

 

  • شرب الماء هام جداً طوال الـ 9 أيام.
  • طوال اليوم لا تحرمي نفسك من تناول الخيار أو القتة أو الخس عند الشعور بالجوع
  • مسموح بملعقة سكر واحدة فقط، ويفضل الإستغناء عنها.

 

عن د/ أحمد منصور

196 تعليق

  1. آيه لطفى

    قبلت التحدى

  2. قبلت التحدي

  3. غير معروف

    قبلت التحدى

    • تمام ..

      تابعي صفحتنا على الفيس بوك

      هيزل عليها موعد بداية تحدي حرق الدهون

  4. قبلت التحدي

    • اهلاً بحضرتك

      تابعي صفحتنا على الفيس بوك هينزل عليها موعد بداية التحدي

  5. قبلت التحدى

    • تابعي صفحتنا على الفيس بوك يا استاذة فاطمة

      وان شاء الله هينزل عليها موعد بداية التحدي

  6. قبلت التحدى

    • تابعي صفحتنا على الفيس بوك

      وان شاء الله هينزل عليها موعد بداية التحدي

  7. Rokaya abd elmoty

    قبلت التحدى

    • تابعي صفحتنا على الفيس بوك يا استاذة رقية
      وان شاء الله هينزل عليها موعد بداية التحدي

  8. قبلت التحدي

    • اهلاً بحضرتك يا أستاذة أمنية .. تابعي صفحتنا على الفيس بوك

      وهينزل عليها موعد بداية التحدي

    • اهلاً بحضرتك يا أستاذة ناريمان .. تابعي صفحتنا على الفيس بوك

      وهننزل عليها موعد بداية التحدي

  9. صابرين على

    قبلت التحدى

    • أهلاً بحضرت يا أستاذة صابرين ..

      تابعي صفحتنا على الفيس بوك .. وهينزل عليها .. ميعاد التحدي بإذن الله ..

  10. قبلت التحدى

  11. قبلت التحدي

  12. غير معروف

    قبلت التحدي

  13. قبلت التحدى

    • صباح الخير ..

      اليوم في تمام التاسعة مساءً .. هنزل هنا خطة اليوم الأول في التحدي واللي هيكون يوم الاثنين بأمر الله

    • غير معروف

      قبلت التحدي

  14. قبلت التحدي

    • تابعينا ..

      اليوم في تمام التاسعة مساءً .. هنزل هنا خطة اليوم الأول في التحدي واللي هيكون يوم الاثنين بأمر الله

  15. امة الله امة الله

    قبلت التحدي

  16. امة الله امة الله

    قبلت التحدي

  17. وردة شام

    الوزن 82 العمر 34 الطول 165سم

    • أهلاً بحضرتك ..

      عدد السعرات الحرارية اللي بيحتاجها جسمك في حالة لو نشاطك خفيف .. 2313

      ولو النشاط معتدل .. 2661

  18. غير معروف

    قبلت التحدي مع العلم عندي كولستيرول

    • أهلاً بحضرتك ..

      النهاردة بأمر الله هنزل رجيم خاص بمرضى الكوليسترول على التطبيق في قسم الأنظمة الغذائية .. تابعي معايا

  19. لوجي محمد

    قبلت التحدي

  20. قبلت التحدي

  21. قبلت التحدي

  22. قبلت التحدي

  23. قبلت التحدي

  24. سمية موسى

    قبلت التحدي..تبقى احلى حاجة بحياتي صااارت اني خسيت

  25. قبلت التحدي

  26. قبلت التحدي

  27. قبلت التحدى

  28. غادة السيد شهبه

    قابلت التحدى

  29. هنادي نبهان

    قبلت التحدي

  30. هنادي نبهان

    قبلت

  31. قبلت التحدى

  32. قبلت التحدي

  33. غير معروف

    قبلت

  34. محمد الشرقاوى

    قبلت التحدى

  35. غير معروف

    قبلت التحدي باذان الله انزل يارب والله متفائله

  36. قبلت التحدي

  37. أرجو التوفيق للجميع ..قبلت التحدي

  38. غير معروف

    ممكن فى الفطار مأخدش عيش واخدة فى الغدا

  39. غير معروف

    ممكن الغطار من غير عيش ويكون العيش فى الغدا

  40. قبلت التحدي

  41. قبلت التحدي بس دايت لقلتوه انا منعولي طبيب من اجل الكوليسترول

    • أهلاً بحضرتك

      النهاردة بأمر الله هنزل رجيم خاص بمرضى الكوليسترول على التطبيق في قسم الأنظمة الغذائية .. تابعي معايا

  42. نيفين زيدان و

    قبلت

    • ربنا معاكي يا أستاذة نيفين

      بالتوفيق لحضرتك

      • غير معروف

        انا وزني 99..وطولي 150..وعندي صعوبة في الحرق… وباخد علاج تخسيس.. مستورد وسيت.. 9..كيلو ولما وقفته رجعت تاني وزاني ذاد اكتر

        • د/ أحمد منصور

          تابعي معانا فـ التحدي .. والأنظمة الغذائية اللي بنزلها ممتازة جداً في حرق الدهون العنيدة ..

  43. زهرة الشام قبلت نعم

    جزاكم الله خيرا

  44. غير معروف

    لو سمحتو العشاء انو ساعة لازم يكون

  45. قبلت التحدي

  46. قبلت التحدي

  47. قبلت التحدي وان شاء الله ابدأ من بكرة بإلتزام علشان انا متفائلة جدا… وشكرا لحضرتك دكتور احمد

  48. قبلت ان شاء الله

  49. غير معروف

    انا معاكم بس يارب ثبتنى

    • ان شاء الله ربنا يوفقك المرة دي

      لو حسيتي أنك مش قادرة تكملي الدايت أو قصرتي في النظام تواصلي معايا

  50. قبلت التحدي

  51. قبلت التحدي

  52. قبلت التحدي

  53. قبلت التحدى

  54. سيسي دوما

    قبلت التحدي

  55. ام التقيات

    قبلت التحدي انا عندي شهىين بادية ىجيم السعرات ونقصت١٦كغ ومزال١٠كغ

  56. ام التقيات

    قبلت تحدي انا مت شهرين اتبع رجيم ١٠٠٠ كالوري وخسرت١٦كيلو ومزالي١٠واثبث راح اخسرهم معكم بادن الله

  57. قبلت التحدي

  58. قبلت التحدي شكرا

  59. غير معروف

    قبلت التحدى. بس عاوزة اعرف لو فى اليوم لحمه ينفع اكل منها. مسلوقة

  60. غير معروف

    انا قبلت التحدي بس راسي دا يوجعني جدا ماعرف السبب

  61. هل يوجد بديل للجبن في الفطار؟ هل ممكن يكون حليب بقهوة؟

    • د/ أحمد منصور

      ممكن 2 بيضة مسلوقة

      وممكن 2 كوب زبادي

      الحليب بين الفطار والغداء

  62. غير معروف

    تمام

  63. قبلت التحدي

  64. قبلت التحدي
    لكن بدات متأخر عليكم بيوم

  65. غير معروف

    فين خطة اليوم التالت

    • د/ أحمد منصور

      متاسف جدا على التأخير

      وبوعدك أنه مش هيحصل تاني

      الخطة موجودة آلان

  66. اين خطة اليوم الثالث …لو تكرمتو لم تنزل عندي

    • د/ أحمد منصور

      موجودة آلان

      آسف على التأخير اليوم

      وبوعدك أنه مش هيتكرر تاني

  67. غير معروف

    خطة اليوم 3

  68. غير معروف

    خطة اليوم الثالث

  69. قبلت التحدي ارجوكم طلبي رجيم خاص بالكوليستيرول انا ممنوع عليا الوجبات لحطتها اذا مفيش مساعدة راح انسحب

  70. غير معروف

    ليه مش بترد علينا يا دكتور ممكن تنزل خطة اليوم التالت

  71. السلام عليكم
    انا

    جعت كثير اليوم هل هذا طبيعي.؟

    • د/ أحمد منصور

      جاوبت حضرتك علي الكومنت المكتوب في موضوع المناقشة

  72. غير معروف

    انا لقيت نظام اليوم الثالث تأخر علينا وحضرتك نزلت نظام حرق الدهون السبع ايام ومشيت اول يوم فيه انهاردا لم اتناول فيه سوى اللبن خالى السم والبليله وفى الغداء فول بدون زيت ونصف رغيف وبلح اسود والعشاء زبادى لايت وخياره ولسه دلوقتى باشو ف نظام اليوم التالت هل استمر على نظام السبع ايام ولا ارجع تانى مع العلم عندى انيميا وشعر ى وقع تقريبا كله

    • د/ أحمد منصور

      ألف سلامة على حضرتك

      كان لازم في البداية تقولي أن عندك انيميا

      لكن ان شاء الله خير متقلقيش أبدآ

      طالما وصلتي لمرحلة تساقط الشعر

      يبقي حضرتك محتاجة دايت مخصوص يساعدك في رفع نسبة الهيموجلويين

      وكمان يسبب خفض وزنك

      مجرد ما اوصل البيت هكتب دايت لحضرتك
      تتابعي معايا فيه

  73. غير معروف

    انشالله

  74. غير معروف

    لو سمحت يادكتور رجيم للانبميا

  75. غير معروف

    طيب انا لما بعمل رجيم شعري بيوقع ..

    • د/ أحمد منصور

      تابعي معايا في الدايت الخاص بمرضى الأنيميا

      وان شاء الله مش هيحصل تساقط بأمر الله

  76. غير معروف

    قبلت التحدي ومكملة معاكم

  77. أيه نصر الدين

    بدأت أول يوم النهارده
    شكراً ليك ي دكتور

  78. غير معروف

    ممكن مكان كوباية المية مع العسل تكون كوباية مع شرايح الحامض

  79. غير معروف

    اوكي شكر ا دكتور هكمل على العسل

  80. خطة اليوم الثامن وين؟
    انا في
    الانتظار؟

  81. غير معروف

    تمام انشالله اكمل

  82. غير معروف

    قبلت انشالله اكمل

  83. احنا في الجزائر ما عندناش العيش عندنا الخبز الفرنسي! كم الكمية تقريبا؟
    وشكرا دكتور انا حسيت بالفرق وفي يوم الفري لم احس بالجوع أو باحتياجي للأكل حتى اني أحسست بشبع من اول ملعقتين من الأكل الذي انا أحبه. هل هذا نتيجة الريجيم؟ أو أن جسمي بدأ يتعود على الدايت؟
    في أي وقت يجب أن ازن نفسي لأن لحد الان لم اتوزن؟ خايفة نوعا ما!

    • د/ أحمد منصور

      أهلاً بحضرتك يا أستاذة رحمة

      الميزان يكون قبل اليوم الفري بيوم واحد

      أو بعد اليوم الفري بثلاثة أيام

      الخبز الفرنسي لا أعرفه جيدآ

      ولكن أعتقد أن السعرات الحرارية به منخفضة

      لذلك يمكنك تناول 4 من الخبز الفرنسي

      وزيادة في التأكيد وحتي اكون مطمئن للعدد الذي أنصحك بتناوله

      أود أن أعرف ما هو العدد الذي كنتي تاكليه من الخبز الفرنسي قبل أن تقومي بالدايت؟؟

      بالنسبة لقلة رغبتك في تناول الطعام فدا أمر طبيعي

      حيث أن معدتك بدأت في التعود على كمية قليلة من الطعام

  84. الخبز الفرنسي مصنوع من الدقيق الأبيض (الفرينة) وانا شخصياً كنت آكل عصا واحدة من الخبز قبل الدايت ولكن لما بديت الدايت لم آكل إلا القليل
    على فكرة الخبز الفرنسي طويل مش زي العيش مدور و فيه الخميرة الكيميائية الخاصة بالمخبوزات
    وشكرا دكتور على الإجابة السريعة
    وأتمنى إني أكمل حتى أوصل للوزن المثالي وذلك طبعا بمساعدتك دكتور
    شكرا

    • د/ أحمد منصور

      عموماً عليك بتناول ربع أو نصف الكمية التي كنتي تعتادي عليها قبل الدايت

      إن شاء الله مفيش مجال للاستسلام

      قريباً جدا هتكوني محققة وزنك المثالي

  85. هبدا معاكو من النهاردة زهرة

  86. ممكن ابدل الفطار مكان العشا لا مش عندى زبادى دلوقتي

  87. تانى يوم بس يارب ثبتنى

    • د/ أحمد منصور

      أرجو ألا تستسلمي

      أرجو ذلك ……

      وأتمنى أيضاً .. أن تشاركيني بنظامك اليومي ..

      في الموضوع اليومي الذي أقوم بكتابته على التطبيق بعنوان .. تقييم اليوم

  88. غير معروف

    اشكرك

  89. ممكن ناخد كوب موزباللبن اثناء الرجيم

    • د/ أحمد منصور

      ممكن يكون سناك بين الفطار والغدا ..

      يفضل نصف موزة فقط مع كوب لبن خالي الدسم و يكون العصير بدون سكر

      أما لو تفضلي أنك تشربيه بسكر ويكون العصير بموزة كاملة

      فدي كده تكون وجبة فطار ليكي

  90. ينفع اخد نص رغيف ف الغدا مع العلم الفطار كان شوفان لبن وحبه كمترى

  91. بدأت معاكو من اليوم الثامن الحمد لله حاسه انى خفيفه ف حركتى

  92. شكرا الك

  93. غير معروف

    انا مكملة الحمدالله

  94. قبلت التحادي

  95. بادي خولة

    يا دكتور انا من الجزاير الشقيقة .ارجوك يا دكتور انا عملت دايت و عماله اخس ببطء شديد .شو اعمل انصحني يا دكتور مع العلم اني عندي مرض الغدة الدرقية .ارجو من سيادتك تجاوبني و تنصحني…..و شكرا

  96. غير معروف

    مسموح بملعقة زيت مع
    السلطة

  97. محمد محمود

    ينفع ابدأ التحدي ده من بكره انشاء الله واتابع مع حضرتك

  98. محمد محمود

    ممكن ابدأ التحدي من بكره واتابع مع حضرتك

  99. غير معروف

    قبلت التحدي اني جديده في البرنامج أتمنه ايكون جيد

  100. قبلت التحدي اني جديده في البرنامج أتمنه ايكون جيد

  101. غير معروف

    ينفع ابدي التحدي اليوم

  102. غير معروف

    من بكره هبتدي تحدي بس قول ان شاء الله هكمل

  103. انا وإني 120كيلو هل ينفع معايه الرچيم ده

  104. حنين العراقية

    من باجر حبتدي بلتحدي بس بلنسبة للرياضة يوميا كم دقيقة؟

  105. قبلت التحدي

  106. غير معروف

    قبلت التحدي نظام 30 يوم ل حرق الدهون
    بس كم بينزل الوزن تقريبا بالأسبوع

    • د/ أحمد منصور

      10 كيلو تقريبًا

      • غير معروف

        انشالله رح ابداء بكره السبت وابعت وزني حتى اوصل للمثالي معاكم وقبلت التحدي يا دكتور ونقول يا رب

  107. نظام30بينزل الجسم قد ايه فى الاسبوع

  108. جــيــتا

    انا ابغئ انقص وزني15كيلو ينفع بالريجيم ده الله يجزاك الخير دكتور احمد ببدا من بكره لسا جديده معاكم

  109. انا لي ثلاث ايام منتظمه مع الرجيم بس فين الدكتور احمد ابغي اسأله بشئ مهم

  110. ان شاء الله ابدأ اليوم بهذا النظام
    وزني ١٠٩
    طولي ١٦٨
    العمر ٤٦
    عندي خمول بالغده



اترك تعليقاً

لن يتم نشر عنوان بريدك الإلكتروني.