مزيل عرق طبيعي
مزيل عرق طبيعي

طريقة عمل مزيل عرق طبيعي في المنزل بمكونات بسيطة

مقال اليوم مش هنتكلم فيه عن نظام غذائي للتخسيس، ولا نصيحة تفيدكم خلال رحلة الرجيم، لكن هيكون عبارة عن نصيحة تجميلية مفيدة، ومجربة ونتيجتها مضمونة وآمنة بنسبة 100 %، هنتكلم عن أفضل طريقة لعمل مزيل عرق طبيعي، بمكونات بسيطة منخفضة التكلفة.

طريقة عمل مزيل عرق طبيعي

طريقة عمل مزيل عرق طبيعي
مزيل عرق طبيعي

المكونات المطلوبة لعمل المزيل الطبيعي، هتكون عبارة عن النشا، زيت جوز الهند، وبيكربونات الصوديوم، هنشوف أي علبة فاضية عندنا، ولتكن علبة كريم مثلاً، وهنضع فيها معلقة واحدة صغيرة أو كبيرة من كل النشا وزيت جوز الهند وبيكربونات الصوديوم، ونخلط كويس، وهيكون معانا في العلبة أفضل مزيل عرق طبيعي.

النشا يمتص الرطوبة الموجودة بمنطقة الإبط، بالتالي يساعد على الوقاية من رائحة العرق، بالإضافة لكده النشا بتشد الجلد وبتساعد في تفتيح المناطق الداكنة، علشان كده بنلقاها في أغلب وصفات تفتيح البشرة.

صودا الخبز أو بيكربونات الصوديوم، ليها دور فعال جداً في التخلص من رائحة العرق، وده بفضل إنها بتقضي على البكتيريا اللي موجودة في المنطقة دي، واللي بسببها بيظهر العرق.

 

فائدة زيت جوز الهند لإزالة رائحة العرق

أما بالنسبة لزيت جوز الهند الغني عن التعريف، فليه فوائد تجميلية مذهلة، على رأسها ترطيب الجلد، وخاصة في موضوع إزالة العرق، والتخلص من رائحته بطريقة آمنة.

جلد الإبط من المناطق في الجسم الحساسة جداً، واللي بتتعرض للإلتهابات بسهولة وبشكل كبير، زيت جوز الهند دوره إنه بيهدي البشرة، وبيساعد في تغذيتها، وكمان بيحتوي على مضادات أكسدة قوية، بتحارب الجذور الحرة، اللي بتسبب الإلتهابات.

البكتريا بتحب المنطقة الرطبة والدافئة، علشان كده بتنشط تحت الإبط، وبتصدر رائحة كريهة، نتيجة عملية التمثيل الغذائي ليها، زيت جوز الهند بفضل إحتوائه على ثلاث أحماض دهنية، وهما حمض اللوريك، والكابريك، وحمض الكابريكيل، الأحماض دي بتحيد البكتريا بالتالي بتساهم في منع رائحة العرق الكريهة.