رجيم دكتور أحمد منصور “جديد” يبدأ السبت 28 دبسمبر وينتهي الجمعة 3 يناير

مساء الخير على كل متابعين دايت كلينيك، أتمنى تكونوا حققتوا نتيجة كويسة بإلتزامكم برجيم الأسبوع اللي فات، ولو أنتي منضمة لينا جديد أو معانا من زمان، الأسبوع الحالي فرصة عظيمة لازم تستغليها.

شهر واحد تلتزمي فيه معانا كفيل يحقق لك معدل نزول مبهر، وتغير ملحوظ جداً جداً في المقاسات، ومن بعد الشهر هيكون الرجيم بالنسبة ليكي سهل جداً عليكي إنك تطبقيه وتكملي حياتك بيه، وبدون أي آثار سلبية على الصحة بأمر الله.

مكملين في رجيم الأسبوع الحالي “الصيام المتقطع” وفكرة التطبيق ببساطة هي إننا متاح لينا الأكل، خلال 8 ساعات فقط في اليوم وباقي الـ 16 ساعة مسموح فقط بشرب الماء والشاي والقهوة والأعشاب بدون سكر.

لازم نستغل فصل الشتاء حيث معدل الحرق المرتفع، وكمان نضيف على كده الصيام المتقطع علشان نضمن معدل حرق عالي جداً، الموضوع ممكن يكون صعب في البداية والمر محتاج إرادة وشوية صبر.

 

 

أعشاب رفع الحرق

اللي نقدر نشرب منها خلال الرجيم، وخلال فترة الصيام

  1. شاي أخضر
  2. شاي أخضر مع الليمون “في الساعات المسموح لينا فيها بالأكل”
  3. قرفة
  4. قرفة وزنجبيل
  5. شمر
  6. يانسون
  7. مرمرية “ميرمية”
  8. بردقوش

 

السكر على مدار اليوم مسموح فقط بملعقة واحدة

ولو أول مرة تعمل رجيم مسموح بملعقتين

ومن السكر الدايت مسموح بما يعادل في التحلية 4 ملاعق سكر.

 

الملح مسموح فقط بملعقة ممسوحة في اليوم، ناخد بالنا الملح مش ممنوع تماماً، وكذلك الكمية الأكبر من المطلوبة، تؤدي إلى إحتباس السوائل بالجسم، بالتالي يثبت الوزن.

 

 

طبق السلطة يومياً في وجبة الغداء أساسي مكون من الخيار والطماطم والفلفل والجزر وأي نوع خضار تحبيه، وقبل البدء في النظام مهم توفري عندك، أنواع الأكلات اللي مطلوبة في الرجيم، ولا توفري غيرها بحيث تضمني أن حتى وقت ما تضعف إرادتك، متلاقيش الأصناف اللي تبوظ الرجيم، مهم توفري:-

  • نوع أو إثنين فاكهة
  • خضار زي اللي قولنا عليه في طبق السلطة وكمان سبانخ وبروكلي وكوسة وملوخية وفاصوليا خضراء
  • حليب
  • زبادي
  • جبنة قريش “هام جداً”
  • بيض
  • شوفان أو كورن فلكس أو قمح بليلة
  • تونة

 

كوب الحليب المكتوب في نظامنا “حليب خالي الدسم”

وأنا لا أفضل الإعتماد على الحليب خالي الدسم لفترة طويلة لذلك يمكنك إستبدال

كوب حليب خالي الدسم بنصف كوب كامل الدسم

 

الزبادي ممكن لايت أو عادي

أهم شئ يكون الوزن في حدود الـ 100 جرام.

 

الجبنة القريش، ممكن نبدلها بأي نوع جبنة بيضاء لايت.

 

يفضل تناول السمك مرتين في الأسبوع.

 

الكميات المسموحة لينا في الفراخ واللحمة والخضار وغيرها نقدر نحضرها بطريقة مناسبة للرجيم علشان الناس اللي بتزهق من الأكل المسلوق، طول الوقت.

يعني نعمل الكفتة دايت، والخضار بأنواعه دايت، وممكن الفراخ نعملها شاورما أو فاهيتا وهكذا، في قسم الأكلات الدايت “هنا” هتلاقي وصفات كتير حلوة ومناسبة للرجيم.

 

ممنوع الأسبوع الحالي:-

  • الفشار
  • السوداني
  • اللب
  • الحلويات لأن الأسبوع الحالي هيكون بدون يوم فري
  • البطاطا الحلوة “بقالنا أسبوعين مدخلينها في النظام” الأسبوع ده إجازة من البطاطا

 

شرب الماء بكثرة على مدار اليوم .. كوب كل ساعة تقريباً .. أم هام وضروري جداً لنجاحك في الرجيم.

 

الرياضة “المشي” ولو نصف ساعة كل يوم في المكان “في منزلك” هام جداً لدعم معدل النزول وبدون ترهلات.

 

 

 

العسل الأبيض أو تلات تمرات على الريق يومياً مع كوب ماء دافئ أو من الحنفية ..

 

عزيزي القارئ ..

عزيزتي القارئة ..

برجاء العلم بأنه قد تم نقل جميع الأنظمة الأسبوعية إلى تطبيق دايت كلينيك، من الآن وصاعداً، ستكون الرجيمات الأسبوعية المتجددة حصرية فقط على التطبيق، يمكنك الوصول للتطبيق من المتجر من خلال الضغط على كلمة (تطبيق دايت كلينيك) الموجودة بين القوسين، والملونة باللون الأحمر.

تأكد أيضاً أنك قمت بتحديث التطبيق.