لو عايزة تعملي رجيم بدون إحساس الجوع .. اتبعي النصائح دي

أثناء عمل الرجيم بتواجهنا مشكة الجوع واللي بتخلي كتير مننا يتراجع عن عمل الدايت .. وده شئ طبعاً ليه تأثير سلبي جداً.

والنهاردة هتكلم معاكم عن مجموعة نصائح لو اتبعتوها هتقدروا تواصلوا الرجيم بدون إحساس الجوع اللي بيخلي معظمنا يكسر الدايت.

1. موعد الفطار قبل 11 الصبح والغدا بين 4 عصراً وحتى 11 مساءً ووجبة العشاء تكون قبل 11 بالليل.
2. وجبة الفطار لازم تكون متكاملة يعني يكون فيها العيش والبيض والزبادي والفاكهة.
3. نقلل كمية النشويات في وجبة الغدا والنشويات دي زي ( العيش والأرز والمكرونة ).
4. العيش ممنوع في وجبة العشاء.
5. الانتظام في ممارسة الرياضة .. لازم تتعمل يومياً.
6. أكل الطعم مشوي أو مسلوق بدون زيت وقلي.
7. الحرص على تناول مشروبات ترفع معدل حرق الدهون زي الزنجبيل والقرفة.
8. تناول سناك بين الوجبات زي الفشار والمكسرات والخضروات الطازجة
9. تناول 3 ملاعق سكر أو عسل أبيض يومياً.

عامل نفسي مهم جدا أثناء الرجيم، وهو الابتعاد عن تخزين الأكلات والأطعمة الدسمة الشهية في الثلاجة، لأن وقت الجوع الشديد قد يضطر الشخص إلى تناول هذه الأطعمة، فأثناء الرجيم يجب أن تكون الأطعمة الصحية والصديقة للدايت التي نتناولها في النظام الغذائي وحدها بالثلاجة دون غيرها ومن أمثلة الأطعمة المعروفة في وجبات الدايت الخضروات بأنواعها وهي تتميز بانخفاض معدل السعرات الحرارية بها، والبيض المسلوق وهو يساعد على تقليل الشعور بالجوع بالمناسبة، وأنواع قليلة جدا من الفاكهة، والحليب منزوع الدسم.

من النصائح الهامة والمفيدة شرب المياه بانتظام بمعدل كوب كل ساعة تقريبا، والمياه ترفع من معدل الحرق، وتساعد الخلايا على القيام بكل وظائفها الحيوية، وشرب المياه بالمعدلات الكافية يساعد على الهضم أيضا.