نظام الصيام المتقطع اليوم الأول السبت 7 مارس 2020

كل يوم بمثابة فرصة جديدة، وتحدي جديد، لازم تثبتي فيه إنك أقوى، يرجى الإلتزام بكمية النشويات وتوزيعها على الوجبات خلال اليوم الواحد وخلال الأسبوع، كل ما قدرتي تلتزمي بالمكتوب في جدول اليوم، كل ما هيكون معدل نزولك الأسبوعي أكثر من مرضي بالنسبة ليكي.

الرجيم مينفعش يكون فيه بحب ومش بحب، بما إن الأكل المكتوب كله صحي، فياريت منتجاهلش أي صنف من المكتوب، ظننا مننا إن ده شئ هيساعدنا على النزول بشكل أسرع.

حاولي تيجي على نفسك وتلتزمي، علشان تضيفي قصة نجاحك لآلاف سبقوكي معانا قريب بإذن الله.

السكر المسموح به يومياً ” ملعقة واحدة ” ومن السكر الدايت مسموح بما يعادل في التحلية أربع معالق سكر.

 

زي ما اتفقنا اللي هتشوفوه مكتوب في جدول اليوم، مسموح تأكلوه خلال 8 ساعات فقط في اليوم.

معدل النزول لو كان أكبر من اللازم، أنتي أكثر واحدة هتعاني ..

هتعاني مع النزول السريع الغير صحي بسبب الترهلات ..

هتعاني لما توقفي رجيم، ويضيع تعب شهور، لما وزنك يزيد من جديد وكأنك معملتيش أي حاجة ..

 

لذلك أرجو عدم الانسياق وراء الرجيمات التي يتم الترويج لها بأنها تنسف الدهون في أسبوع وإثنين، هي في الأساس رجيمات كيميائية، تدمر الجسم، ولا تحقق هدفك أصلاً، والهدف منها مخاطبة رغبتك في الحصول على الجسم الرشيق في وقت سريع جداً.

 

قيمي نزولك شهرياً .. ده أفضل شئ ..

ممكن توزني كل يوم أو كل أسبوع .. براحتك

لكن عايزة تشوفي تأثير الرجيم على جسمك

تابعي التغيرات الطارئة على شكل جسمك  أسبوع بأسبوع ” متابعة المقاسات ”

أما بالنسبة للميزان، فزي ما قولنا علشان نقيم بيه صح ” الأفضل يكون مرة في الشهر ”

 

لتفادي الإحباط اللي ممكن يصيبك لما توزني أكثر من اللازم، وتركزي بشكل مبالغ فيه مع الميزان، وتظلمي الرجيم ونفسك بتركك للرجيم.

 

الفطار

 

يمكنك الإختيار من بين:-

  • كوب حليب + بيضة مسلوقة
  • 2 بيضة مسلوقة + 2 ثمرة خيار أو خس
  • 2 قطعة جبنة قريش + ثمرة طماطم + خس مع البقدونس
  • قطعة جبنة قريش + بيضة مسلوقة + 2 ثمرة خيار أو خس
  • 2 علبة زبادي + خس أو خيار

 

سناك 1

والمقصود بسناك 1 هو الوجبة الخفيفة بين وجبة الفطار والغداء

 

يمكنك الإختيار من بين:-

  • ثمرة فاكهة
  • 6 حبات لوز
  • 15 حبة لب سوري

 

 

الغداء

 

يمكنك الإختيار من بين:-

  • ربع فرخة مشوية أو مسلوقة من الصدر بدون جلد
  • 2 بيضة مسلوقة
  • 6 معالق لوبيا
  • 6 معالق فاصوليا بيضاء
  • كوب بسلة
  • ربع أرنب مشوي أو مسلوق
  • ربع كيلو سمك مشوي
  • 2 قطعة لحمة مشوية أو مسلوقة بوزن لا يتعدى 250 جرام
  • علبة تونة بدون زيت

 

+ 3 معالق أرز أو 4 معالق مكرونة أو ربع رغيف عيش

+ طبق سلطة “هام جداً” .. ( طماطم + جزر + خيار + خس + فلفل … )

+ طبق خضار يتم تحضيره بطريقة مناسبة للرجيم من الخيارات الآتية:-

  • سبانخ
  • كوسة
  • بامية

 

 

سناك 2

والمقصود بسناك 2

هو الوجبة الخفيفة بين الغداء والعشاء

 

  • كوب حليب خالي الدسم + نصف معلقة قرفة
  • أو نصف كوب حليب كامل الدسم + نصف معلقة قرفة

 

العشاء

يمكنك الإختيار من بين:-

  • علبة تونة ” بدون زيت “+ خيار أو خس
  • 2 علبة زبادي + خيار أو خس
  • علبة زبادي + بيضة مسلوقة