نظام الصيام المتقطع يوم الاثنين 9 مارس 2020

كل يوم بمثابة فرصة جديدة، وتحدي جديد، لازم تثبتي فيه إنك أقوى، يرجى الإلتزام بكمية النشويات وتوزيعها على الوجبات خلال اليوم الواحد وخلال الأسبوع، كل ما قدرتي تلتزمي بالمكتوب في جدول اليوم، كل ما هيكون معدل نزولك الأسبوعي أكثر من مرضي بالنسبة ليكي.

الرجيم مينفعش يكون فيه بحب ومش بحب، بما إن الأكل المكتوب كله صحي، فياريت منتجاهلش أي صنف من المكتوب، ظننا مننا إن ده شئ هيساعدنا على النزول بشكل أسرع.

حاولي تيجي على نفسك وتلتزمي، علشان تضيفي قصة نجاحك لآلاف سبقوكي معانا قريب بإذن الله.

السكر المسموح به يومياً ” ملعقة واحدة ” ومن السكر الدايت مسموح بما يعادل في التحلية أربع معالق سكر.

 

زي ما اتفقنا اللي هتشوفوه مكتوب في جدول اليوم، مسموح تأكلوه خلال 8 ساعات فقط في اليوم.

معدل النزول لو كان أكبر من اللازم، أنتي أكثر واحدة هتعاني ..

هتعاني مع النزول السريع الغير صحي بسبب الترهلات ..

هتعاني لما توقفي رجيم، ويضيع تعب شهور، لما وزنك يزيد من جديد وكأنك معملتيش أي حاجة ..

 

لذلك أرجو عدم الانسياق وراء الرجيمات التي يتم الترويج لها بأنها تنسف الدهون في أسبوع وإثنين، هي في الأساس رجيمات كيميائية، تدمر الجسم، ولا تحقق هدفك أصلاً، والهدف منها مخاطبة رغبتك في الحصول على الجسم الرشيق في وقت سريع جداً.

 

قيمي نزولك شهرياً .. ده أفضل شئ ..

ممكن توزني كل يوم أو كل أسبوع .. براحتك

لكن عايزة تشوفي تأثير الرجيم على جسمك

تابعي التغيرات الطارئة على شكل جسمك  أسبوع بأسبوع ” متابعة المقاسات ”

أما بالنسبة للميزان، فزي ما قولنا علشان نقيم بيه صح ” الأفضل يكون مرة في الشهر ”

 

لتفادي الإحباط اللي ممكن يصيبك لما توزني أكثر من اللازم، وتركزي بشكل مبالغ فيه مع الميزان، وتظلمي الرجيم ونفسك بتركك للرجيم.

 

الفطار

 

يمكنك الإختيار من بين:-

  • طبق عجة دايت المقادير ( 2 بيضة، بصل، فلفل ألوان، 2 حبة طماطم، نصف معلقة زيت زيتون )
  • طبق فول بالبيض ( بيضة واحدة + 3 معالق فول )
  • جبنة بيضاء لايت ( تمن كيلو ) ( 125 جرام )
  • قطعة جبنة قريش + بيضة مسلوقة + طماطم + نصف معلقة زيت زيتون
  • 2 بيضة مسلوقة + خس أو خيار
  • 2 علبة زبادي + 2 ثمرة خيار

 

 

سناك 1

والمقصود بسناك 1 هو الوجبة الخفيفة بين وجبة الفطار والغداء

 

 

ثمرة فاكهة

  • برتقال ( ثمرة واحدة )
  • موز ( ثمرة واحدة )
  • تفاح ( ثمرة واحدة )
  • فراولة ( 5 ثمرات )

 

 

الغداء

 

يمكنك الإختيار من بين:-

  • ربع فرخة مشوية أو مسلوقة من الصدر بدون جلد
  • 2 بيضة مسلوقة
  • ربع كيلو كبدة مشوية أو محضرة بأي طريقة دايت
  • ربع أرنب مشوي أو مسلوق
  • ربع كيلو سمك مشوي
  • 2 قطعة لحمة مشوية أو مسلوقة بوزن لا يتعدى 250 جرام
  • علبة تونة بدون زيت

 

ممكن بنفس الكمية والصنف المسموح نحضر بطرق مختلفة، على سبيل المثال، اللحمة ممكن بنفس الكمية نعملها شاورما أو كباب حلة وهكذا

 

+ طبق سلطة “هام جداً” .. ( طماطم + جزر + خيار + خس + فلفل … )

+ طبق خضار يتم تحضيره بطريقة مناسبة للرجيم من الخيارات الآتية:-

  • سبانخ
  • كوسة
  • ملوخية

 

 

سناك 2

والمقصود بسناك 2

هو الوجبة الخفيفة بين الغداء والعشاء

 

ثمرة فاكهة

 

 

العشاء

علبة زبادي + ثمرة خيار