ثبات الوزن أثناء الرجيم

السلام عليكم ورحمة الله وبركاته، معاكم دكتور أحمد منصور، هتكلم النهاردة معاكم عن ثبات الوزن أكتر سؤال إتطلب مني الفترة اللي فاتت، نهدى كده ونركز علشان الموضوع مهم وعايزكم تفهموا كل شئ فيه، علشان تبطلوا قلق بقى وتكونوا مطمنين حتى لو لقيتوا الوزن ثابت.

الموضوع كبير ومستحيل إني أقدر أخلصه في موضوع واحد لكن هحاول قدر الإمكان أبسط لكم الأمر، بس لازم في البداية تكونوا فاهمين كويس جداً إن أنا بتكلم عن ثبات الوزن اللي بيواجهكم لو أنتوا متابعين رجيم معايا على دايت كلينيك

إفترضنا إنك ماشية معايا بقالك شهر أو اتنين أو تلاته أو حتى أسبوع، وبعد ما إنتهى لقيتي نفسك، ثابته، يا ترى إيه السبب ؟
هل الرجيم مش كويس؟

مستحيل طبعاً الرجيم فعال 100% وساعدت بفضل الله ناس كتير جداً إنهم يوصلوا الوزن المثالي ..

طيب ليه بتقابلك مشكلة ثبات الوزن؟

كده كده المشكلة دي بتقابل أي حد بيعمل دايت، وأنا عن نفسي مش بعتبرها مشكلة هي حالة لازم تعيشيها فترة من الوقت طالما قررتي تعملي دايت، لكن الفكرة في حسن التعامل مع المشكلة دي.

طبعاً في أسباب كتير جداً منها ..

  • إنك قربتي توصلي للوزن المثالي أو بالفعل وصلتي ليه وأنتي مش عارفه بالتالي جسمك بيكون ثابت ورافض إن ينزل جرام واحد زيادة.
  • أنك روحتي توزني في وقت قبل الدورة الشهرية أو أثناء الدورة الشهرية، ومعروف إن الدورة الشهرية بتزيد الوزن حوالي 2 كيلو، فهتلاقي نفسك في النهاية ثابتة وممكن تكوني زايدة كمان.
  • القلق بيسبب إن وزنك يثبت، يعني طول ما أنتي بتتعاملي مع الرجيم، على إنك داخلة حرب وطول الوقت قلقانه ومتوترة ومكبرة الموضوع هيفضل وزنك ثابت، خدوا الأمر ببساطة وثقوا في الله ثم فيا وإن شاء الله هتوصلوا للوزن المثالي، لكن بالصبر والسعي إن شاء الله.

طبعاً لسه في أسباب كتير جداً لكن السبب الجاي ده هو اللي أنا عامل الموضوع علشانه ركزوا بقى ..

 

طيب يا دكتور دلوقتي أنا مش قلقانه، ومعنديش أي مشاكل نفسية وكمان أتوزنت في يوم بعيد عن الدورة الشهرية، وأنا وزني مش مثالي ،  ليه بقى أتوزنت لقيتي نفسي ثابتة؟

هقولك ليه، دلوقتي الرجيم اللي أنا بقولك عليه، هو في الأساس هدفه حرق الدهون، يعني مش بينزل عضلات ولا مياه، بالتالي فهو رجيم صحي جداً، بمعنى إنك طول الأسبوع بتاكلي بروتينات، البروتينات بتزود عضلاتك في الوزن وأنتي في المقابل بتحرقي دهون.

يعني بحسبة بسيطة ممكن في نهاية كل أسبوع تلاقي نفسك نزلتي 2 كيلو دهون وزدتي 1 كيلو عضلات مثلاً، فالمحصلة بتكون إنك على الميزان بتلاقي نفسك نازلة كيلو واحد فقط.

ممكن في وقت من أوقات الرجيم، وهو الوقت اللي بتعانوا فيه من ثبات الوزن، بيكون جسمك طول الأسبوع فقد كيلو دهون وفي المقابل، زاد كيلو عضلات فالمحصلة إنك بتتوزني تلاقي نفسك ثابتة على الميزان، لكن في الواقع شكل جسمك متغير والمقاسات بالفعل نزلت لكن وزنك زي ما هو.

علشان كده بأكد دايماً على ضرورة إنك تبقي بتقيسي مقاساتك، متعتمديش على الوزن بس، علشان المشكلة الحقيقة والخطر جداً هي ثبات المقاس مش الميزان.

طب أنا ليه مقاسي بينزل ووزني ثابت؟

علشان حجم الدهون كبير جداً عن حجم العضلات، بمعنى أنك لو نزلتي كيلو دهون هتلاقي مقاس كبير نزل وفي المقابل هتكوني زدتي كيلو عضلات لكنه مش هيزود في المقاس ولا خاجة .. فالمحصلة إنك في الحالة بتلاقي نفسك حجمك ومقاسك نازل بسبب فقدك للدهون لكن وزنك ثابت بسبب ان وزن الدهون اللي اتفقد زاد قصاده عضلات.

الخلاصة ثبات الوزن عادي جداً ومش مشكلة طالما المقاس بينزل وأنتي بالفعل ملاحظة تغيير في شكل جسمك.

 

طيب تعملي لو جسمك رافض إنه ينزل في الوزن وكمان حاسة إن مقاسك ثابت، تضغطي على الرابط القادم هيوصلك لرجيم كسر ثبات الوزن تمشي عليه لمدة أسبوع بعد كده ترجعي تاني، تكملي معانا في التحديات ..

رابط دايت تنشيط الحرق:- (هنا)

 

عن د/ أحمد منصور

28 تعليق

  1. شكرا يادكتور علي المعلومات

  2. ايه عبدالله

    السلام عليكم… يا دكتور انا بدأت الريجيم بتاع الاسبوع دا ووزنت نفسي… وبصراحة النهاردة لما لقيت تغير قلت لازم اوزن تاني لقيتني خسيت 3 كيلو الحمد لله يعني في وقت قليل اوي… وانا مبسوطة اوي والله ومتشجعة جدا اني اكمل.. ربنا يخليك لينا يا دكتور

  3. غير معروف

    بارك الله فيكم

  4. السلام عليكم كيفك دكتور
    طيب انا ثبات الوزن مستمر عندي حدود الشهرين ووزني بعيد عن المثالي ما السبب؟؟

  5. والله العظيم يادكتور انا مش عارفه اقولك ايه ولاه ايه اشكرك ولاه ادعيلك ربنا يوفقك ويجعله في ميزان حسانتك ياااااااارب انت جوبتني علي كل اللي عايزه اعرفه من غير ما اسأل والله كنت بروح للدكتور وبدفع فلوس كمان ومكنتش بستيفيد اى حاجه ربنا يخليك لينا ومعاك في كل تحدي جاي ان شاء الله

  6. يادكتور..ممكن اذا سمحت تقول لنا عن مثال لوجبة الغدا في نظام كسر ثبات الوزن
    مافهمت شو الوجبة يلي ممكن اكلها

  7. الحمد لله و شكرا جزيلا لك على هدا الموضوع فعلا طمنتني لاني لما وزنت و لقيت نغسي ١.٥ كغ زعلت ولكن الان فرحت

  8. السلام عليكم
    السؤال محيرني دائما هل الدايت الذي نمارسه هو مسموح لكل الفئات العمرية اي معروف لدى المراة بعد سن الاربعين يحصل خربطة في الهرمونات فبالتالي تقع الوحد فينا في سمنة هل هذا صحيح وهل هو ينفع مع كل الاعمار شكرا

  9. يادكتور انا لسه ماوزنتش بس حسه بتغير شويه صغيره في المقاس ابدا رجيم كسر الثابت ولا إكمال التحدي مع العلم اني حاسه بفرق بسيط في المقاس يعني مثلا حاجه كانت ديقه عليه مش بقت ديقه اوي لو سمحت تفدني يادكتور وشكر لتعب حضرتك معنا

  10. ابي أسأل إذا أكلت خبز مع سمن بلدي هل يسمن

  11. اشكرك دكتور ع اهتمامك انا كنت خايفه الاسبوع دا من الثبات او الزياده لان علي الدوره ولاكن الحمدلله كنت ١٠٦.٤وصار١٠٥.٨يعني كم نزلت دكتور

  12. غير معروف

    انا عمري ١٦ سنة و وزني ٩٤ كيلو و طولي ١.٦٧ عندي الأرداف سمينة كتير شو اعمل لاتخلص من دهون الأرداف و لانزل وزني ل ٦٥ .

  13. السلام عليكم ورحمة اللة وبركاته
    لو سمحت يا دكتور انا مريضه خمول غده د رقيه وزني لا يستجيب لأي رجيم نزول ضعيف برجع بسرعه رهيبه الصراحه بدأت ازهق ومش عارفه اعمل ايه هل انا هقدر انزل وزني الي بدأياثر علي صحتي هل فعلا خمول الغده سبب في عدم النزول ارجو مساعده من حضرتك انا باخد الدواء ١٢٥ يوميا
    وزني ١١٧وطولي ١٦٢

  14. ولدينا محمود

    دكتور انا عندي مشكله كبيره وهيا ترهلات وسلوليت بشكل مش مقبول خالص في الأرداف ودا مش وانا مليانه خالص دا كمان وانا كان وزني مثالي ومش عارفه اعمل ايه عشان المشكله دي تنتهي لأنها مضايقاني جدا جدا وانا عندي ٢٦سنه والمشكله دي ملحوظه عندي من سن المراهقة وزادت معايا بعد الحمل والولادة وزياده الوزن وهل الرياضه احسن ولا اعمل جلسات كافيتيشن وكرايو عايزه حل يكون نتيجه ملحوظه ارجو الرد علي السؤال دا بتوضيح لأني بجد نفسي اخلص من المشكله الكبيره دي اكتر من اني اخس انا حاليا ماشيه مع حضرتك علي الرجيم وباقي ١٥ كيلو وأوصل المثالي

  15. د/ أحمد منصور

    طالما المشكلة وصلت للحد ده يبقى لابد من جلسات الكرايو
    هتكون افضل واكثر فعالية من الرياضة

    لكن عموما متزعليش نفسك
    الأمر مش مستاهل تضايقي للدرجة دي

    كل مشكلة وليها حل إن شاء الله

  16. رودينا محمود

    2018-11-27 في 7:54 ص
    دكتور انا عندي مشكله كبيره وهيا ترهلات وسلوليت بشكل مش مقبول خالص في الأرداف ودا مش وانا مليانه خالص دا كمان وانا كان وزني مثالي ومش عارفه اعمل ايه عشان المشكله دي تنتهي لأنها مضايقاني جدا جدا وانا عندي ٢٦سنه والمشكله دي ملحوظه عندي من سن المراهقة وزادت معايا بعد الحمل والولادة وزياده الوزن وهل الرياضه احسن ولا اعمل جلسات كافيتيشن وكرايو عايزه حل يكون نتيجه ملحوظه ارجو الرد علي السؤال دا بتوضيح لأني بجد نفسي اخلص من المشكله الكبيره دي اكتر من اني اخس انا حاليا ماشيه مع حضرتك علي الرجيم وباقي ١٥ كيلو وأوصل المثالي

    رد

  17. رودينا محمود

    ايوه يعني لو حضرتك الكرايو افضل ولا الكافيتيشن وهل بجد ليه نتيجه كويسه انا عملت جلستين وحاسه ان رجلي بقت اصعب من الاول وهل ممكن ينفع اني اعمل شفط دهون للمنطقه دي حضرتك تنصحني بايه وشكرا جداجدا لاهتمام حضرتك وردك

  18. ربنا يكرمك يادكتور حجرب الريجيم بالرغم مابحب الشوفان ولا حاجه من الي ذكرتها بس بجرب االبيض والعيش. وزني 61وطولي150 كم لازم يكون وزني، ولك الف شكر

  19. رٶي ابراهیم

    السلام علیکم انا نفسی اخس ممکن اتباع معکم

  20. انا بالنسبة لموضوع ثبات الوزن بحب اضيف شغلة انه نقص فيتامين دال اله علاقه بثبات الوزن .. بس سؤالي كيف طريقة العلاج لحتى يزيد هاد الفيتامين بجسمي .. بس بليز ما تحكولي تين مجفف وزيت زيتون لاني كرهتهم

  21. د/ أحمد منصور

    لازم استشارة طبيب يكتب لحضرتك دواء بناء على نسبته في جسمك

  22. حافضة القران

    طولي 170وزني 130وثابت الوزن عندي وياست من المحاولات الفاشلةوعندي نقص د هل هذا سبب وكيف اقدر اخس من منطقة البطن

  23. غير معروف

    لو سمحت يا دكتور اولا شكرا ع مجهودك وجزاك الله خير
    بعد اذن حضرتك عاوز اثبت الوزن انا وصلت للوزن المثالى
    عاوز نظام عشان اقدر اثبت وزنى

  24. سهام حامد

    السلام عليكم أنا لسه محمله البرنامج وارغب في التخسيس لاني اعاني من الغضروف وبدات اقلل من اكلي من25/11ونزل وزني من85الي80ك واعاني من إمساك فماذا افعل

  25. أم السعد

    شكرآ دكتورة ،بارك الله فيك علي الشرح،فعلا هذه المشكلة كانت موترتني،،مقاسي ينزل بس الميزان لا،
    بس الآن فهمت ،شكرا

  26. لو لو محمد

    تسلم يا دكتور وشكرا ع تعب حضرتك معانا

  27. غير معروف

    انا وزني ٣١ وطولي ١٥٠ وعمري ١٩ كم أحتاج سعره حراريه في اليوم

  28. مرحبا دكتور أحمد منصور انت انسان راقي جدا فهمت من خلال اجابتك لكل المشتركين ربي يوفقك ممكن تفهمني انا اعمل دابت من شهر مع رياضه خفيفه وزني 78 ومحتاجه اوصل لوزن 60 خلال شهرين ع الاكثر تنصحني من فضلك دكتور اكون شاكره لك كثيير

اترك تعليقاً

لن يتم نشر عنوان بريدك الإلكتروني.