الصيام المتقطع

نظام الصيام المتقطع يوم الاثنين 23 مارس 2020

كل يوم فرصة جديدة وبمثابة تحدي جديد لازم تثبت فيه إنك أقوى، يرجى الإلتزام بالكميات والأصناف المكتوبة في كل وجبة، وخصوصاً ترتيب النشويات من وجبة لأخرى ويوم بيوم خلال الأسبوع.

كل ما قدرت تلتزم بالمكتوب كل ما هتشوف معدلات نزول مرضية جداً، والعكس صحيح، أوعدك لو طبقت المكتوب مش هتعاني من أي آثار سلبية للرجيم، وهتشوف بنفسك إن كمية الأكل كبيرة جداً ومناسبة وصحية، وأسبوع ورا التاني هتبهرك النتائج.

حاولي على أد ما تقدري تنوعي في طرق التحضير، يعني صدر الفرخة مثلاً مش شرط دايماً يكون مسلوق، ممكن نعمل بيه فاهيتا أو شاورما فراخ وهكذا، بحيث منملش من الرجيم، ويكون سهل علينا نطبقه خلال رحلة التخلص من السمنة.

شرب الماء ضروري جداً ومن أساسيات نجاحك في رجيم دايت كلينيك، سواء خلال ساعات الصيام أو خلال الوقت المسموح فيه بتناول الأكل ( الـ 8 ساعات ).

شرب الماء بيرفع معدل التمثيل الغذائي (الأيض) وحرق الدهون، بالإضافة إلى فعاليته في سد الشهية، علشان كده مهم جداً جداً قبل كل وجبة، شرب كوب من الماء يكون قبل الوجبة بربع ساعة، وبعد الأكل بنصف ساعة مهم كمان نشرب كوب ماء.

موضوع المياه ده مهم جداً وهيفرق معاكم في الرجيم مجرد ما تبدأوا تلتزموا بيه، مش بس في التحكم في الشهية ورفع الحرق، لأ كمان في التأثيرات الصحية الجميلة لشرب الماء، زي نضارة الوجه وتحسين الهضم.

نقطة كمان مجرد ما نبدأ نلتزم بيها هنحس بفرق كبير، وهي كمية السكر اللي بنستهلكها في اليوم، مسموح في اليوم بمعلقة واحدة فقط من السكر الأبيض، ومن السكر الدايت مسموح بما يعادل في التحلية أربع معالق سكر.

تنويه هام

مش دائماً بيكون الرجيم سهل ومش دائماً بيكون صعب، بننوع من وقت للتاني بحيث نحافظ على معدل مستقر ومرضي لحرق الدهون، والمطلوب منك للحصول على أفضل نتيجة ممكنة هو الإلتزام بالمكتوب، وأنت مطمئن أن لا بديل عن وصولك للوزن المثالي بمشيئة الله تعالى.

إنسى أي تجربة سابقة ليكي مع أي رجيم، وطبقي رجيمنا فقط لمدة أسبوع وأوعدك تكملي معانا بكل سهولة، زي الآلاف قبلك بإذن الله.

متنسيش

هنصوم 16 ساعة في اليوم وهيكون مسموح لينا بتناول الطعام خلال 8 ساعات فقط في اليوم، مسموح خلال الـ 16 ساعة صيام بشرب الماء والشاي والقهوة والأعشاب بدون سكر.

ممارسة الرياضة هتفرق معاكي خلال إتباعك للرجيم، يكفيكي ممارسة رياضة المشي يومياً ولو بالمنزل لمدة نصف ساعة.

مسموح خلال اليوم بملعقة كبيرة من زيت الزيتون تستخدم في تحضير الأكل أو نضعها على طبق السلطة أو الجبنة.

مسموح بمعلقة واحدة صغيرة من الملح على طوال اليوم.

 

صيام المسلمين مع الصيام المتقطع

 

لو هتصومي صيام مسلمين أثناء إتباعك لنظام الصيام المتقطع، فالمفروض تتسحري الساعة 2 قبل الفجر وتوقفي أكل، بحيث تكون ساعات الصيام حتى أذان الفجر 16 ساعة صيام “لا تنسونا من صالح دعائكم”.

 

الفطار

يمكنك الاختيار من بين:-

  • 5 معالق فول + ربع رغيف عيش + خيار أو خس
  • كوب حليب + 4 معالق شوفان
  • ربع رغيف عيش بلدي + 2 بيضة مسلوقة + ثمرة خيار أو خس
  • ربع رغيف عيش + قطعة جبنة قريش + بيضة مسلوقة + ثمرة خيار أو خس
  • 4 معالق بليلة + كوب حليب
  • علبة زبادي + ربع رغيف عيش + ثمرة خيار

 

سناك 1

والمقصود بسناك 1

هو الوجبة الخفيفة بين الفطار والغداء

يمكنك الإختيار من بين:-

 

ثمرة فاكهة

 

 

الغداء

يمكنك الإختيار من بين:-

  • صدر فرخة مشوي أو مسلوق
  • صدر أرنب مشوي أو مسلوق
  • ربع كيلو جمبري مشوي أو مسلوق
  • ربع كيلو لحمة مشوية أو مسلوقة
  • ربع كيلو سمك مشوي
  • علبة تونة بدون زيت
  • 2 بيضة مسلوقة

+ 3 معالق أرز

أو 4 معالق مكرونة

أو ربع رغيف عيش بلدي

+ طبق سلطة ( طماطم، خيار، جزر، فلفل، خس .. )

+ طبق خضار، يتم تحضيره بطريقة صحية من أحد الخيارات الآتية:-

 

  • كوسة
  • ملوخية
  • بامية
  • بروكلي
  • سبانخ
  • قرنبيط
  • فاصوليا خضراء

 

سناك 2

والمقصود بسناك 2

هو الوجبة الخفيفة بين الغداء والعشاء

 

لا يوجد

 

العشاء

يمكنك الإختيار من بين:-

  • ربع رغيف عيش + بيضة مسلوقة + ثمرة خيار
  • ربع رغيف عيش + قطعة جبنة قريش + ثمرة خيار
  • ربع رغيف عيش + علبة زبادي + ثمرة خيار
  • 1 توست بني + علبة زبادي + ثمرة خيار
  • نصف رغيف عيش سن + بيضة مسلوقة + ثمرة خيار
  • نصف رغيف عيش سن + قطعة جبنة قريش + ثمرة خيار