رجيم يوم الأحد 23 يونيو – رسالة هامة

توفير الأكل قبل الرجيم أهم خطوة علشان تنجحي وتحققي هدفك في الدايت، والأهم من كده متسيبيش جسمك يعطش وبعد كده تشربي، لأ خلي دايماً جمبك إزازة مياه ساقعة، تشربي منها كل شوية، بحيث زي ما بنقول دايماً اليوم يعدي أقل شئ وأنتي شاربه 2 لتر مياه.

في حاجة كمان مهمة نفسي تعملوها .. هي صعبة بس حاولوا ..

تمضغوا الأكل كويس جداً، حاولي بالذات وجبة الغداء تاكليها في 20 دقيقة، الأكل ينزل عصير في بطنك، اللي بيتمضغ كويس، بيتهضم كويس، والجسم بيستفيد بيه بشكل أفضل.

 

رجيم يوم الأحد

 

الفطار الأسبوع ده في إختلافات ودي الهدف منها التنوع لسببين أولاً علشان يكون رجيمنا قولاً وفعلاً مش حرمان، بالتالي تخلصي رجيمك وجسمك يبقى مش شره وحابب ياكل الأكل اللي كان محروم منه، فتزيدي تاني في الوزن.

والهدف التاني متزهقيش من الرجيم.

 

الفطار  ..

إختاري حاجة من دول

ثمرة بطاطس مقلية في البيت بشرط تكون مسلوقة الأول قبل القلي + ربع رغيف عيش + ثمرة طماطم

أو

2 بيضة مسلوقة أو مقلية بنقطة زيت + ربع رغيف عيش + خس

أو

125 جرام جبنة قريش + معلقة زيت زيتون صغيرة ” معلقة شاي ” + ربع رغيف عيش + ثمرة خيار

أو

3 طعميات مقلية في البيت + ربع رغيف عيش + ثمرة طماطم

 

 

الطعمية تتقلى في البيت براحتكم .. والبطاطس برضو بس تكون الثمرة إتسلقت الأول قبل القلي.

 

ولو الفطار كان بيض يبقى الغداء والعشاء أي إختيار غير البيض .. نحاول يكون في وجبة واحدة في اليوم.

 

 

 

سناك 1 

 

كوب حليب .. خـــــــــــــــــــالي الدســـــــــــــــــــــــــم.

 

 

الغداء 

الغداء الأسبوع ده حبينا يكون في تنوع أول يومين ..

فممكن ناخد حاجة من دول بدون لحمة أو فراخ أو سمك وممكن مع طبق سلطة صغير ..

 

مع أياً من الآتـــــــــــــي:- 

 

  • 3 معالق أرز + طبق عدس ( كوب ونصف )
  • أو
  • 3 معالق أرز + طبق لوبيا ( كوب ونصف )
  • أو
  • 3 معالق أرز + 2 كوب بسلة
  • أو
  • 3 معالق أرز + كوب ونصف فاصوليا بيضاء

 

وعندنا يوم الأحد إختياراتنا المعتادة اللي قولنا نطبخها بأي طريقة نحبها 

 

  • ربع كيلو كفتة مشوية
  • ربع كيلو كبدة مشوية أو دايت
  • ربع أرنب مشوي أو مسلوق
  • علبة تونة بدون زيت
  • علبة سردين بدون زيت
  • نصف كيلو سمك مشوي
  • ربع فرخة مشوية أو مسلوقة ( يفضل من الصدر ) ويفضل بدون جلد 
  • ربع كيلو لحمة مشوية أو مسلوقة
  • ربع كيلو جبنة قريش
  • 2 بيضة مسلوقة

 

+ 3معالق أرز أو 4 معالق مكرونة أو ربع رغيف عيش

 

+ طبق سلطة ( طماطم – بصل – جزر – بصل – خس – ليمــــون لمن يستطع مادياً ).

 

+ طبق خضار من الأنواع الآتية ( سبانخ – ملوخية – فاصوليا خضراء – كوسة – بامية ).

 

 

سناك 2

ثمرة فاكهة

 

 

3 حبات مشمش 

نصف موزة 

كيوي  ثمرة 

برتقال ثمرة 

تفاح ثمرة 

عنب ( قرب الـ 100 جرام )

خوخ ( ثمرة لو كبيرة ) ( ثمرتين لو حجمهم كبيرة )

برقوق ( ثمرة لو كبيرة ) ( ثمرتين لو حجمهم كبيرة )

كنتالوب ( إثنين كوب )

بطيخ ( ربع كيلو ) صافي  ومش من ضمن الوزن القشر 

 

العشاء

 

2 بيضة مسلوقة

أو

2 كوب زبادي

 

 

متزودش في اليوم عن كوب شاي بحليب ( خالي الدسم ) أو قهوة بحليب ( خالي الدسم ).

 

ورجاءً ليك معلقة سكر واحدة فقط الأسبوع ده يومياً .. وبحد أقصى معلقتين.

 

 

صباحاً .. 

كوب ماء دافئ مع معلقة عسل أبيض صغيرة مشروب كويس جداً لصحتك تبدأي بيه يومك.

 

علشان ناس كتير بتطلب مني أنظمة للمرضى .. صدقوني مينفعش خالص إلا متابعة مع كل واحد على حدة، ونظام المتابعة الخاصة ده لغيته من زمان ومش لاقي وقت ليه في الفترة الحالية خالص .. أعذروني.

 

الكميات المذكورة .. 

كوب ونصف أو كوب .. أقصد مطبوخ مش قبل الطبخ.

كوب الحليب خالي الدسم يمكن إستبداله بنصف كوب كامل الدسم.

 

ربع رغيف عيش بلدي = واحد توست بني = نصف رغيف عيش سن.

 

 

لو وزنك فوق الـ 100 كيلو .. تقدر تاكل خضار ( خس – خيار ) في أي وقت تجوع فيه.

 

 

يفضل يكون في مدة على الأقل بين آخر وجبة والنوم .. ساعتين أو ثلاثة.

 

نزول كيلو واحد أسبوعياً معدل مثالي وهكتب لكم السبب في الجروب في بوست .. ” دايت كلينيك مع دكتور أحمد منصور

 

 

 

شكراً على كلامكم الجميل، وتعليقاتكم ودعمكم وترشيحكم للتطبيق لأصدقائكم ودعواتكم ليا، والله مش عارف أقولكم إيه !

 

يارب أكون دايماً عند حسن ظنكم

.

 

عن د/ أحمد منصور

61 تعليق

  1. عبير الشام

    انت بجد رائع ربنا يوفئك ولايحرمنا منك

  2. عبير الشام

    مشكلتي يادكتور بعد سناك الغدا بتفتح شهيتي
    رغم اني بشرب مي كتير

  3. بارك الله فيك وجزاك الله خيرا كلام جميل ورائع ويرفع المعنويات

  4. اسماء طاهر

    ماشاء الله يادكتور انت رديت علي كل الاسئله اللي كنت هسئلها ربنا يبارك فيك يارب لوسمحت بي افضل وقت للمشي علي المشايه والمده قد ايه وجزاك الله عنا كل خير

  5. انت دكتور هايل انت رديت ع كل حاجه

  6. هاجر حسن

    انا هبدا من بكرة يا دكتور ومتحمسه جدا انا هاجر حسن وزني ٦٥ وهوصل لل٥٠ انشاءالله وي ف اسرع وقت ممكن وهمشي مع حضرتك جدا

  7. تسلم ايديك ويباركلك🤲❤

  8. انا ماشيه زى ما حضرتك بتقول لكن وزنى ثابت بس انا عندى تكيسات على المبيض ايه الحل لو سمحت

  9. غير معروف

    رائع بجد ريجيم جميل ومش بيجوع وأنا مبسوطه بيه جدا ..ربنا يكرمك يا دكتور يارب

  10. غير معروف

    انا همشى على النظام ده بس عندى غده درقيه
    هل هيجيب نتيجه

  11. احسنت يا دكتور كل مدي بنفهم حاجات مهمه 👍👍

  12. نوره الشعواطى

    ربنا يجازيك خير والله انت شخص رائع

  13. غير معروف

    شكرا علي تعبك بس مشكلتي في ال أنه

    اعمل نفس الرجيم

  14. غير معروف

    وأنا كمان مش بعرف اسيطر على شهيتى والحرق ضعيف

  15. غير معروف

    ربنا يجازيك عن هذا العمل كل الخير ويجعله سبب لدخولك الجنة باذن الله

  16. غير معروف

    غدا ان شاء الله ابداء رجيم معاكم

  17. الله يقووووويك كمان وكمان ويجاااازيك الف الف مليوووون خييييير يااااااارب

  18. لو سمحتي ابي أسألك سؤال وليت تردي كم مفروض ساعه نمشي في اليوم

  19. الضوء الساطع الساطع

    تسلم يادكتور
    والله دعواتنا ليك شي قليل انت تستاهل كل خير وأكثر من كدة لانك تتعب عشانا رب يعطيك ما في بالك يارب

  20. النظام جميل جدا وحضرتك دكتور محترم جدا بارك الله فيك بترد على كل الناس انا في الأول كنت متابعه مع دكتور كنت ٩٢ ونزلت معاه ٧٨ بدأت مع حضرتك من اول رمضان ونزلت ٧٠ وبعد رمضان كملت معاك ووصلت ٦٨ ومكمله مع حضرتك المشكله ان الكل عمال يقولي ثبتي كفايه كده بس انا لسه حاسه اني عايزه اكمل انا١٥٨ الطول انا مش عايزه المثالي بس المعقول ايه رأي حضرتك اكمل لحد كام ولا اثبت كده وشكرا لحضرتك

  21. سلآم عليكم ممكن اسألك سؤال ولو سمحتي ممكن تجاوبين ؟الحين كم ساعه مفروض نمشي في اليوم

  22. انا نفذت يوم السبت بالحرف الواحد وان شاء الله هكمل الحد وربنا يسهل فباقي الايام

  23. لو سمحت يا دكتور انا مرضعة مش قادرة تعود على ريجيم في ريجيم خاص للمرضعات

  24. غير معروف

    الله يباركلك يارب

  25. دكتور انا وزني ٧٤ … بدات في تنظيم أكلي وبديت أعمل رياضة لكن مش بينقص وزني بتاتا .. وقررت اتبع الرجيم بتاعك … هل سيساعدني في انقاص وزني … اتمنى تجاوبني

  26. احلي حاجة مراعاة حضرتك يا دكتور للحالة النفسية

  27. يارا حميد سليمان

    دكتور انا بدي حرق دهون سريع اساسا باكل بل يوم وجبه فقط الاكل ده كلو ما باكلو وبدي الجوبه ع اسالتي بليزز

  28. غير معروف

    الله يجازيك كل خير مممتااااز ومستمره معاك أن شاءالله 👌👌💪💪💪💪💪

  29. عمني بتاكلي وجبه وحده مابتضعفي لازم تاكلي ٣وجبات اساسيه والسناك بين الوجبات مشان تحرقي دهون

  30. يا جماعه حدا يساعدني أنا مابعرف اعمل العدس مشان الريجيم يلي الدكتور كاتبو بنظام الغذائي عدس أحمر الا البني وشلون بدي اطبخو ياريت حدا يرد علي

  31. اللي مش بيحب اللبن ياخد بداله ايه
    وابدا اليوم من الساعه كام

  32. جزاك الله خير من جد تغيرت حياتي بفضل الله ثم بفضلك كأن ربي وفقني فيك وفي التطبيق نظام حياة ومرتحة فية يعني لو اوصف الي انا فية ما قدر اجزيك يادكتور مشكووور 😊😌

  33. غير معروف

    لو سمحت مفيش نظام مع الصيام

  34. بجد ربنا يبارك فيك

  35. دكتور بعد ازنك انا وزنى 66 وطولى 162 ولسه هبدأ دايت ممكن حضرتك تقولى ع الدايت المناسب وشكرا

  36. الله يبارك فيك يا دكتور
    والله يوفقنا بهالنظام وينزل وزنا المتنح 😂

  37. غير معروف

    ساعه الصبح وساعه بليل

  38. غير معروف

    لو سمحت انا برضه طبيعى بنتى ليلة شهرين وزنى 70 وطولى 155 عبوات دايت أثناء رضاعة محتجاة ضرورى وبحيث لا يؤثر علي نزول اللبن ارجو الر

  39. غير معروف

    انا كنت باكل كتير والله من التشجيع منك انتظمت وكمان بنام وانسى اتعشا شكرا ليك خالص ويارب اكمل وانزل

  40. غير معروف

    انا مش عارفه ابداء منين

  41. غير معروف

    ربنا يبارك فيك يا دكتور انا ماشية على الرجيم بس جسمى ثابت اعمل ايه

  42. ولاء حسن مصطفى

    ربنا يجازيك كل الخير يا دكتور

  43. غير معروف

    ربنا يبارك فيك يارب ويجازيك خير

  44. غير معروف

    السلام عليكم ورحمة الله وبركاته اختي الغدة الدرقية هي سبب في تلخبط الهرمونات لابد من علاجها حتى تكون نشيطة في حل اعرف وحدة استخدمتة تشافت ماشاء الله

  45. أم محمد الأمين

    جزاك الله خير الجزاء دكتور جعله الله في ميزان حسناتك يارب حفظك وحفظ لك كل غالي يارب

  46. انا جديده معاكم واستفدت جدا من بوستاتك ي دكتور شكرا ع المجهود
    وأنا إن شاء الله هبدأ معاكم دايت من النهارده
    ربنا يسعدكم ادعولي ولكم ب المثل 💜

  47. احتاج دعوه ب تفريج الهم وفك الكرب ادعيلي ولكي ب المثل إن شاء الله حبيبتي 💜😔
    الله يسعدك ويفرح قلبك ي رب

  48. غير معروف

    بجد الدايت مختلف ومميز
    وفيه خيارات كتيرة
    شكرا لحضرتك

  49. غير معروف

    بجد جوزيت رضي الرحمن ربنا يبارك فيك

  50. غير معروف

    زودي رياضه بس رياضه حرق زي الرقص او نط الحبل
    لو جسمك ثابت ده معناه الي بتكليه بتحرقيه و بس كدا عشان تقلي وزن ي تقللي اكلك ياتزودي رياضه

  51. انا ابي ازيد وزني فيه تجمعات لذا الشي ولا كله دايت

  52. طيب يا دكتور الرچيم تحفة بس اناا بشتغل ومش عاارفة اني انظم علشان الشغل وكده واكل بره اكتريته وجبات سريعة اعمل ايه بعد اذن حضرتك يا دكتور شوفلي حل لهذا الموضوع

  53. يمنى عبد الحق

    يا دوكتور انا من وقت اما اتولت وانا عندي مشكلة في الكبد انة مبيفرسج العسارة الي بتهدم الدهون اعمل اية والرجيم مبيجبش نتيجة اعمل اية ارجوك رود يادكتور

  54. لينا كيلو

    انا انضميت جديد للقروب يعطيك العافيه دكتور

  55. سلام علیکم شکرااا دکتور علی مجهود ارید انظم للکروب اني وزني ٧٨ و طولي ١٦٨ أريد اوصل الوزن ٦٨ ان شاء اللة اضعف 10 كيلو

  56. ايمان عبد النبي

    وانا كمان

  57. يا دكتور العشا مش هو اللى فى النظام المجمع ناخد انه

  58. دكتور انا وزني ١١٩ و طولى ١٧٥ وسني ١٧ و لسه بدئه بقالي ٧ ايام اول خمسة أيام خسيت ٢ كيلو و مكمله و لسه عارفه دايت كلينك وقررت اتبع النظام ده هو انا لما اتبع النظام حخس كيلو في الاسبوع ولا حسب كل جسم

  59. انا اول يوم ليه انهارده وانا حملت التطبيق
    وبحد تحفه وجميل

  60. غير معروف

    المشي 10000خطوة باليوم وافضل وقت الصبح قبل الفطور

  61. غير معروف

    ساعتين مشي#10000خطوة كفايه

اترك تعليقاً

لن يتم نشر عنوان بريدك الإلكتروني.