الصيام المتقطع
نظام الصيام المتقطع يوم الأحد

صيام متقطع يوم بيوم.. نظام يوم الأحد الموافق 22 مارس 2020

أوعي تقلقي من إتباع الرجيم بالتزامن مع انتشار فيروس كورونا، بالعكس المفروض تطمئني، لأن الأكل الصحي ورفع المناعة هما السلاح الفعال، وهو اللي نقدر نعمله في الوقت الحالي بجانب الطرق الوقائية الأخرى لتجب الإصابة بالمرض.

النظام يبدأ بعد المقدمة

كل يوم معانا فرصة جديدة وبمثابة تحدي جديد لازم تثبت فيه إنك أقوى، يرجى الإلتزام بالكميات والأصناف المكتوبة في كل وجبة، وبالتحديد ترتيب النشويات من وجبة لأخرى ويوم بيوم خلال الأسبوع، للحصول على أفضل نتيجة ممكنة.

كل ما قدرت تلتزم بالمكتوب كل ما هتشوف معدلات نزول مرضية جداً، والعكس صحيح، أوعدك لو طبقت المكتوب مش هتعاني من أي آثار سلبية للرجيم، وهتشوف بنفسك إن كمية الأكل كبيرة جداً ومناسبة وصحية، وأسبوع ورا التاني هتبهرك النتائج.

حاولي على أد ما تقدري تنوعي في طرق التحضير، يعني صدر الفرخة مثلاً مش شرط دايماً يكون مسلوق، ممكن نعمل بيه فاهيتا أو شاورما فراخ وهكذا، بحيث منملش من الرجيم، ويكون سهل علينا نطبقه خلال رحلة التخلص من السمنة.

شرب الماء ضروري جداً ومن أساسيات نجاحك في رجيم دايت كلينيك، سواء خلال ساعات الصيام أو خلال الوقت المسموح فيه بتناول الأكل ( الـ 8 ساعات ).

شرب الماء بيرفع معدل التمثيل الغذائي (الأيض) وحرق الدهون، بالإضافة إلى فعاليته في سد الشهية، علشان كده مهم جداً جداً قبل كل وجبة، شرب كوب من الماء يكون قبل الوجبة بربع ساعة، وبعد الأكل بنصف ساعة مهم كمان نشرب كوب ماء.

موضوع المياه ده مهم جداً وهيفرق معاكم في الرجيم مجرد ما تبدأوا تلتزموا بيه، مش بس في التحكم في الشهية ورفع الحرق، لأ كمان في التأثيرات الصحية الجميلة لشرب الماء، زي نضارة الوجه.

فوائد أخرى لشرب الماء

  • يقي من الإصابة بالصداع
  • يحسن عمل الجهاز الهضمي
  • يحسن المزاج

نقطة كمان هامة يجب الإشارة لها، وبمجرد ما نبدأ نلتزم بيها هنحس بفرق كبير، وهي كمية السكر اللي بنستهلكها في اليوم، مسموح في اليوم بمعلقة واحدة فقط من السكر الأبيض.

ولو سكر دايت

فمسموح منه بما يعادل في التحلية أربع معالق سكر.

 

تنويه هام

مش دائماً بيكون النظام في دايت كلينيك سهل ومش دائماً بيكون صعب، بننوع من وقت للتاني بحيث نحافظ على معدل مستقر ومرضي لحرق الدهون، والمطلوب منك للحصول على أفضل نتيجة ممكنة هو الإلتزام بالمكتوب، وأنت مطمئن أن لا بديل عن وصولك للوزن المثالي بمشيئة الله تعالى.

إنسى أي تجربة سابقة ليكي مع أي رجيم، وطبقي رجيمنا فقط لمدة أسبوع وأوعدك تكملي معانا بكل سهولة، زي الآلاف قبلك بإذن الله.

متنسيش

هنصوم 16 ساعة في اليوم وهيكون مسموح لينا بتناول الطعام خلال 8 ساعات فقط في اليوم، مسموح خلال الـ 16 ساعة صيام بشرب الماء والشاي والقهوة والأعشاب بدون سكر.

على سبيل المثال 

لو هتصحي الساعة 8 وهتكون أول وجبة ليكي الساعة 11 الصبح بالتالي المفروض توقفي أكل الساعة 7 مساءاً.

بعد 8 ساعات من تناول أول وجبة.

الفطار مثلاً الساعة 11

الوجبة الخفيفة الأولى 1 الظهر

الغداء 4 العصر

الوجبة الخفيفة الثانية 6 مساءاً

الوجبة الأخيرة وبعدها نوقف أكل 7 مساءاً.

 

ممارسة الرياضة هتفرق معاكي خلال إتباعك للرجيم، يكفيكي ممارسة رياضة المشي يومياً ولو بالمنزل لمدة نصف ساعة.

مسموح خلال اليوم بملعقة كبيرة من زيت الزيتون تستخدم في تحضير الأكل أو نضعها على طبق السلطة أو الجبنة.

مسموح بمعلقة واحدة صغيرة من الملح على طوال اليوم.

الملح بكمية أكبر من المطلوب، يتسبب في إحتباس السوائل بالجسم وبالتالي ثبات الوزن.

 

صيام المسلمين مع الصيام المتقطع

 

لو هتصومي صيام مسلمين أثناء إتباعك لنظام الصيام المتقطع، فالمفروض تتسحري الساعة 2 قبل الفجر وتوقفي أكل، بحيث تكون ساعات الصيام حتى أذان الفجر 16 ساعة صيام “لا تنسونا من صالح دعائكم”.

 

الفطار

يمكنك الاختيار من بين:-

  • كوب حليب + بيضة مسلوقة + ثمرة خيار أو خس
  • قطعة جبنة قريش + بيضة مسلوقة + ثمرة خيار أو خس
  • 2 بيضة مسلوقة + خيار أو خس
  • 5 معالق فول + ثمرة طماطم + خيار أو خس

 

سناك 1

والمقصود بسناك 1

هو الوجبة الخفيفة بين الفطار والغداء

يمكنك الإختيار من بين:-

 

  • كوب حليب خالي الدسم
  • نصف كوب حليب كامل الدسم

 

 

الغداء يمكنك الإختيار من بين:-

  • صدر فرخة مشوي أو مسلوق
  • 2 بيضة مسلوقة
  • ربع كيلو كفتة مشوية بدون دهون
  • ربع كيلو لحمة مشوية أو مسلوقة
  • ربع كيلو سمك مشوي
  • ربع كيلو كفتة مشوية بدون دهون
  • علبة تونة بدون زيت
  • طبق عدس دايت

 

+ طبق سلطة ( طماطم، خيار، فلفل، جزر، خس .. )

+ طبق خضار، يتم تحضيره بطريقة صحية من أحد الخيارات الآتية:-

 

  • كوسة
  • ملوخية
  • سبانخ
  • بامية

أو ثمرة باذنجان مشوية بدلاً من طبق الخضار

 

سناك 2

والمقصود بسناك 2

هو الوجبة الخفيفة بين الغداء والعشاء

 

يمكنك الإختيار من بين:-

  • ثمرة فاكهة

 

على سبيل المثال:-

  • ثمرة برتقال
  • 5 ثمرات فراولة
  • ثمرة موز
  • ثمرة كيوي
  • ثمرة تفاح
  • ثمرة يوسفي

العشاء

يمكنك الإختيار من بين:-

  • علبة زبادي + ربع رغيف عيش بلدي أو 1 توست بني
  • قطعة جبنة قريش + ربع رغيف عيش بلدي
  • كوب حليب + 2 معلقة شوفان
  • بيضة مسلوقة + ربع رغيف عيش