صيام متقطع يوم بيوم.. نظام يوم الأربعاء 25 مارس 2020

سعيد جداً بالإنجازات اللي كتبتوها في تقييم تطبيق دايت كلينيك على متجر جوجل بلاي، وبطمنك لو لسه محققتيش إنجاز معانا، هييجي الوقت وتفرحي فرحة كبيرة بمشيئة الله.

لازم كمان تفرحي لو حاسة بتغيرات في مقاسات جسمك، ووزنك ثابت على الميزان، ده مؤشر لإنك ماشية على الطريق الصحيح، وإن جسمك بيحرق دهون، ومحافظ أو بيزيد عضلات، وثباتك على الميزان بيكون مرحلة مؤقتة وهتعدي، إطمئني.

النظام بيوصلك لحد عندك في إشعار، المهم تلتزمي بالمكتوب في وجبات اليوم وخصوصاً كمية النشويات ( الأرز – العيش – المكرونة )، ووعد ليكي أسبوع ورا التاني هتحسي بتغير مبهر، وعلى قدر إلتزامك بالمكتوب، في المقابل هتلاقي معدل النزول.

الصيام لمدة 16 ساعة

ومسموح بتناول الوجبات التالية خلال 8 ساعات فقط في اليوم.

طبق السلطة أساسي جداً في وجبة الغداء، وطبق الخضار المطبوخ بطريقة صحية.

مسموح بمعلقة سكر في اليوم.

نظام يوم الأربعاء

 

الفطار

يمكنك الاختيار من بين:-

  • 2 قطعة جبنة قريش بوزن لا يتعدى 200 جرام + ثمرة طماطم + ثمرة خيار أو فلفل أخضر
  • 2 علبة زبادي + 2 ثمرة خيار
  • كوب حليب + بيضة مسلوقة
  • جبنة بيضاء لايت بوزن لا يتعدى 150 جرام + 2 ثمرة خيار
  • 2 بيضة مسلوقة + 2 ثمرة خيار
  • علبة زبادي + بيضة مسلوقة

 

سناك 1

والمقصود بسناك 1

هو الوجبة الخفيفة بين الفطار والغداء

يمكنك الإختيار من بين:-

 

  • كوب حليب خالي الدسم

 

الغداء يمكنك الإختيار من بين:-

  • صدر فرخة مشوي أو مسلوق
  • ربع كيلو لحمة مشوية أو مسلوقة
  • ربع كيلو سمك مشوي
  • علبة تونة بدون زيت
  • 2 بيضة مسلوقة
  • ربع كيلو جمبري مشوي أو مسلوق
  • طبق مشروم دايت

 

+ طبق سلطة ( طماطم، خيار، جزر، فلفل، خس .. )

+ طبق خضار، يتم تحضيره بطريقة صحية من أحد الخيارات الآتية:-

 

  • كوسة
  • ملوخية
  • بامية
  • سبانخ

 

سناك 2

والمقصود بسناك 2

هو الوجبة الخفيفة بين الغداء والعشاء

 

يمكنك الإختيار من بين:-

  • علبة زبادي
  • كوب حليب خالي الدسم
  • نصف كوب حليب كامل الدسم

 

العشاء

يمكنك الإختيار من بين:-

  • ربع رغيف عيش + بيضة مسلوقة + ثمرة خيار
  • ربع رغيف عيش + قطعة جبنة قريش + ثمرة خيار
  • ربع رغيف عيش + علبة زبادي + ثمرة خيار
  • 1 توست بني + علبة زبادي + ثمرة خيار
  • نصف رغيف عيش سن + بيضة مسلوقة + ثمرة خيار
  • كوب حليب + 2 معلقة شوفان
  • علبة زبادي + 2 معلقة شوفان
  • نصف رغيف عيش سن + قطعة جبنة قريش + ثمرة خيار