نظام الصيام المتقطع يوم الاثنين 30 مارس 2020

تعليمات اليوم، زي ما اتفقنا هناكل خلال 8 ساعات في اليوم وباقي اليوم صيام عن الأكل ولكن مسموح بشرب الماء والشاي والقهوة والأعشاب بدون سكر، ومسموح خلال الـ 8 ساعات بمعلقة سكر واحدة فقط، ومن السكر الدايت، مسموح بما يعادل في التحلية أربع معالق سكر.

شرب الماء أمر ضروري جداً لنجاحك في الرجيم، في اليوم أقل حاجة تشربيها 2 لتر ماء، أي ما يعادل 8 أكواب، شرب الماء، يسد الشهية، ويرفع معدل حرق الدهون.

مهم جداً جداً شرب كوب من الماء قبل كل وجبة وكوب بعد الوجبة بنصف ساعة.

ممارسة الرياضة أمر ضروري خاصة في الوقت الحالي، لرفع الحرق، وتعزيز المناعة، مطلوب يومياً تمشي ولو نصف ساعة في المكان ” داخل بيتك ” وياريت لو تبقة ساعة إلا ربع كمان، هتفرق معاكي جداً.

الحليب المكتوب في النظام

حليب خالي الدسم

ولا مانع من شرب الحليب كامل الدسم ولكن هنشرب منه نصف كوب فقط.

علبة الزبادي مش مهم لايت أو عادي، المهم يكون وزنها في حدود الـ 100 جرام، مش أكثر من كده.

يرجى الإلتزام بكمية النشويات مثل ( الأرز – العيش – المكرونة ) في الوجبات اليومية.

من أفضل الأعشاب على الإطلاق لرفع معدل الحرق:-

  • الشاي الأخضر
  • القرفة

مسموح خلال اليوم بمعلقة كبيرة من زيت الزيتون.

منزودش في اليوم في الملح عن معلقة ممسوحة ” مش مليانه للآخر “.

لو هنصوم صيام مسلمين مع الصيام المتقطع

نتسحر الساعة 2 قبل الفجر ونوقف أكل.

 

حاجتين كمان ياريت تهتمي بيهم على أد ما تقدر، وهما:-

  • مضغ الأكل كويس جداً
  • النوم يكون منتظم قدر الإمكان ” 8 ساعات ” يومياً.

 

النظام الأسبوع الحالي صعب شوية، لكنه مش قاسي أبداً ومش هيضر صحتنا، لو إلتزمنا ومأهملناش أي شئ من المكتوب، وفي المقابل النتيجة اللي هتلاقيها منه هتعجبك جداً

 

ممكن نبدأ يومنا “قبل وجبة الفطار” بنصف ساعة

بكوب من الماء الدافئ مذاب فيه ملعقة من العسل الأبيض ومعصور عليه نصف ليمونة

أو

كوب من الماء وتناول 3 تمرات.

 

الفطار

يمكنك الإختيار من بين:-

  • 2 بيضة مسلوقة + 2 ثمرة خيار
  • 2 علبة زبادي + 2 ثمرة خيار
  • كوب حليب + بيضة مسلوقة
  • 2 قطعة جبنة قريش بوزن تقريباً 250 جرام + 2 ثمرة خيار

 

سناك 1 وهو الوجبة الخفيفة بين وجبتي الفطار والغداء

 

ثمرة فاكهة

 

الغداء

يمكنك الإختيار من بين:-

  • 2 بيضة مسلوقة
  • 2 قطعة جبنة قريش
  • بيضة مسلوقة + قطعة جبنة قريش
  • ربع فرخة مشوية أو مسلوقة من الصدر بدون جلد
  • ربع كيلو لحمة مشوية أو مسلوقة
  • ربع كيلو سمك مشوي
  • علبة تونة بدون زيت

+ 3 معالق أرز أو 4 معالق مكرونة أو ربع رغيف عيش بلدي

+ طبق سلطة ” هام جداً جداً ” يحتوي على أنواع مختلفة من الخضار مثل ( الطماطم والخس والجزر والخيار .. )

 

+ طبق خضار يتم تحضيره بطريقة صحية، من أحد الخيارات الآتية:-

  • سبانخ
  • فاصوليا خضراء
  • ملوخية

 

سناك 2 وهو الوجبة الخفيفة بين وجبتي الغداء والعشاء

لا يوجد

 

العشاء

 

يمكنك الإختيار من بين:-

  • علبة زبادي + ثمرة خيار
  • بيضة مسلوقة + ثمرة خيار
  • كوب لبن رائب