نظام الصيام المتقطع يوم الخميس 2 أبريل 2020

تعليمات اليوم، زي ما اتفقنا هناكل خلال 8 ساعات في اليوم وباقي اليوم صيام عن الأكل ولكن مسموح بشرب الماء والشاي والقهوة والأعشاب بدون سكر، ومسموح خلال الـ 8 ساعات بمعلقة سكر واحدة فقط، ومن السكر الدايت، مسموح بما يعادل في التحلية أربع معالق سكر.

شرب الماء أمر ضروري جداً لنجاحك في الرجيم، في اليوم أقل حاجة تشربيها 2 لتر ماء، أي ما يعادل 8 أكواب، شرب الماء، يسد الشهية، ويرفع معدل حرق الدهون.

مهم جداً جداً شرب كوب من الماء قبل كل وجبة وكوب بعد الوجبة بنصف ساعة.

ممارسة الرياضة أمر ضروري خاصة في الوقت الحالي، لرفع الحرق، وتعزيز المناعة، مطلوب يومياً تمشي ولو نصف ساعة في المكان ” داخل بيتك ” وياريت لو تبقة ساعة إلا ربع كمان، هتفرق معاكي جداً.

الحليب المكتوب في النظام

حليب خالي الدسم

ولا مانع من شرب الحليب كامل الدسم ولكن هنشرب منه نصف كوب فقط.

علبة الزبادي مش مهم لايت أو عادي، المهم يكون وزنها في حدود الـ 100 جرام، مش أكثر من كده.

يرجى الإلتزام بكمية النشويات مثل ( الأرز – العيش – المكرونة ) في الوجبات اليومية.

من أفضل الأعشاب على الإطلاق لرفع معدل الحرق:-

  • الشاي الأخضر
  • القرفة

مسموح خلال اليوم بمعلقة كبيرة من زيت الزيتون.

منزودش في اليوم في الملح عن معلقة ممسوحة ” مش مليانه للآخر “.

لو هنصوم صيام مسلمين مع الصيام المتقطع

نتسحر الساعة 2 قبل الفجر ونوقف أكل.

 

حاجتين كمان ياريت تهتمي بيهم على أد ما تقدر، وهما:-

  • مضغ الأكل كويس جداً
  • النوم يكون منتظم قدر الإمكان ” 8 ساعات ” يومياً.

 

النظام الأسبوع الحالي صعب شوية، لكنه مش قاسي أبداً ومش هيضر صحتنا، لو إلتزمنا ومأهملناش أي شئ من المكتوب، وفي المقابل النتيجة اللي هتلاقيها منه هتعجبك جداً

 

ممكن نبدأ يومنا “قبل وجبة الفطار” بنصف ساعة

بكوب من الماء الدافئ مذاب فيه ملعقة من العسل الأبيض ومعصور عليه نصف ليمونة

أو

كوب من الماء وتناول 3 تمرات.

 

الفطار

تقدري تبدلي ربع رغيف عيش بلدي بواحد توست بني أو نصف رغيف عيش سن

 

يمكنك الإختيار من بين:-

  • ربع رغيف عيش + 2 بيضة مسلوقة
  • ربع رغيف عيش + 2 علبة زبادي
  • ربع رغيف عيش + قطعة جبنة قريش + بيضة مسلوقة
  • كوب حليب + 4 معالق شوفان
  • كوب حليب + 4 معالق كورن فلكس
  • كوب حليب + 4 معالق قمح بليلة

 

سناك 1 وهو الوجبة الخفيفة بين وجبتي الفطار والغداء

 

ثمرة فاكهة

 

الغداء

يمكنك الإختيار من بين:-

  • طبق مشروم دايت
  • 2 بيضة مسلوقة
  • 2 قطعة جبنة قريش
  • ربع فرخة مشوية أو مسلوقة
  • ربع كيلو كفتة مشوية بدون دهون
  • ربع كيلو لحمة مشوية أو مسلوقة
  • ربع كيلو سمك مشوي
  • علبة تونة بدون زيت
  • علبة سردين بدون زيت

 

+ طبق سلطة ” هام جداً جداً ” يحتوي على أنواع مختلفة من الخضار مثل ( الطماطم والخس والجزر والخيار .. )

 

+ طبق خضار يتم تحضيره بطريقة صحية، من أحد الخيارات الآتية:-

  • كوسة
  • سبانخ
  • بامية
  • بروكلي
  • فاصوليا خضراء
  • ملوخية

 

سناك 2 وهو الوجبة الخفيفة بين وجبتي الغداء والعشاء

 

2 ثمرة خيار

 

العشاء

 

كوب حليب + بيضة مسلوقة

أو

علبة زبادي + بيضة مسلوقة

أو

2 علبة زبادي

أو

2 بيضة مسلوقة