رجيم دكتور أحمد منصور يبدأ السبت 27 يوليو وينتهي الجمعة 3 أغسطس

السلام عليكم ورحمة الله وبركاته، معاكم دكتور أحمد منصور، بصراحة مبسوط جداً جداً من ردود الأفعال على النظام اللي فات، وده شئ بيزيدني حماس إني أتفانى وأقدم لكم الأفضل دائماً، جزاء ثقتكم الغالية في دايت كلينيك، علشان إنجازاتكم دي أكتر حاجة بتفرحني، وإحساس إني بالفعل فرقت معاكم، ده أعظم إحساس حقيقي.

علشان الناس الجديدة اللي مش فاهمة النظام، إحنا في دايت كلينيك، بنقدم نظام رجيم كل أسبوع، تحديداً مساء يوم الجمعة، النظام سهل جداً، لكن لو أنتي مبتدئة هيكون الأمر فيه شئ من المعاناة، وبعد كده هتتعودي، ويبقى الموضوع متعة كبيرة، وهتحسي بالمتعة دي فعلاً لما يكون الأكل قدامك في وقت من الأوقات وأنا هنا بتكلم عن الأكل الضار أو الغير صحي ومش هتلاقي نفسك رايحة ليه.

متستعجليش النزول، نزول الوزن بشكل كبير، شئ مش بيفرحني إطلاقاُ وواجب عليكي متفرحيش بيه، هو فرحة في البداية بس لكن بيتبعها مشاكل كتير جداً وعلى رأسها إنك بتكتسبي الوزن ده في وقت سريع، غير مشاكل تانية صحية بنناقشها معاكم على التطبيق من وقت للتاني.

باقي التفاصيل في الصفحة التالية، ويمكنك التنقل بين الصفحات من خلال الضغط على الأرقام بالأسفل

عن د/ أحمد منصور

اترك تعليقاً

لن يتم نشر عنوان بريدك الإلكتروني.