نظام يوم السبت صيام متقطع 11 أبريل 2020

أفضل حاجة تبدأ بيها يومك، هي ملعقة من العسل الأبيض مذاب في كوب من الماء الدافئ ومعصور عليه نصف ليمونة، مشروب صباحي ممتاز، لرفع المناعة وتنشيط الحرق، وتحسين أداء الجهاز الهضمي، وإمدادك بالطاقة، وممكن تبدل معلقة العسل الأبيض “عسل النحل الطبيعي” بـ 3 تمرات.

زي ما اتفقنا هنقسم الوجبات المكتوبة في نظام اليوم على الـ 8 ساعات المسموح لينا فيهم بتناول الأكل، وباقي ساعات اليوم، هتكون صيام، بحيث نعطي لجسمنا فرصة إنه يحرق الدهون المتراكمة بفعالية.

ركزي على كمية النشويات “الأرز – العيش – المكرونة” في كل وجبة وموجودة فين بالظبط

“الفطار أو الغداء أو العشاء”

 

لو وزنك قليل ومش قادرة تطبقي الصيام المتقطع، إلتزمي بالمكتوب في الوجبات بدون ساعات صيام.

 

 

الفطار

يمكنك الإختيار من بين:-

  • بيضة مسلوقة مع نصف قطعة جبنة قريش ” مش قطعة كاملة ” + كوب حليب خالي الدسم أو نصف كوب حليب كامل الدسم.
  • علبة زبادي + بيضة مسلوقة + ثمرة خيار
  • 2 علبة زبادي + ثمرة خيار
  • 2 قطعة جبنة قريش بوزن لا يتعدى 250 جرام.
  • جبنة بيضاء لايت بوزن لا يتعدى 150 جرام.

 

سناك 1 “وجبة خفيفة بين الفطار والغداء”

  • كوب حليب خالي الدسم + ثمرة فاكهة
  • أو نصف كوب حليب كامل الدسم + ثمرة فاكهة

 

الغداء 

يمكنك الإختيار من بين:-

  • ربع فرخة مشوية من الصدر أو مسلوقة بدون جلد
  • ربع أرنب مشوي أو مسلوق
  • علبة تونة بدون زيت
  • علبة سردين بدون زيت
  • 2 بيضة مسلوقة
  • ربع كيلو سمك مشوي ( 2 : 3 سمكات بلطي )

 

+ طبق سلطة “أساسي” هام جداً من أنواع الخضار الموجودة عندك

( طماطم + خيار + جزر + خس + فلفل .. )

 

+ طبق خضار محضر بطريقة صحية من الخيارات الآتية:-

  • سبانخ
  • كوسة
  • بامية
  • ملوخية

 

 

سناك 2 وجبة خفيفة بين الغداء والعشاء

 

لا يوجد

 

العشاء

يمكنك الإختيار من بين:-

  • ربع رغيف عيش بلدي + علبة زبادي
  • نصف رغيف عيش سن + علبة زبادي
  • 1 توست بني + علبة زبادي