نظام يوم الأحد صيام متقطع 12 أبريل 2020

أفضل حاجة زي ما اتفقنا تبدأ بيها يومك، هي ملعقة من العسل الأبيض “عسل النحل الطبيعي” ولازم نتأكد أنه أصلي مش مغشوش، مذاب في كوب من الماء الدافئ ومعصور عليه نصف ليمونة، أو مياه من الحنفية عادي، مشروب صباحي ممتاز، لرفع المناعة وتنشيط الحرق، وتحسين أداء الجهاز الهضمي، وإمدادك بالطاقة، وممكن تبدل معلقةعسل النحل بـ 3 تمرات.

زي ما اتفقنا هنقسم الوجبات المكتوبة في نظام اليوم على الـ 8 ساعات المسموح لينا فيهم بتناول الأكل، وباقي ساعات اليوم، هتكون صيام، بحيث نعطي لجسمنا فرصة إنه يحرق الدهون المتراكمة بفعالية.

ركزي على كمية النشويات “الأرز – العيش – المكرونة” في كل وجبة وموجودة فين بالظبط

“الفطار أو الغداء أو العشاء”

 

لو وزنك قليل ومش قادرة تطبقي الصيام المتقطع، إلتزمي بالمكتوب في الوجبات بدون ساعات صيام.

 

 

الفطار

يمكنك الإختيار من بين:-

  • كوب حليب خالي الدسم أو نصف كوب حليب كامل الدسم + بيضة مسلوقة
  • علبة زبادي + بيضة مسلوقة + ثمرة خيار
  • 2 علبة زبادي + 2 ثمرة خيار
  • 2 بيضة مسلوقة + خس أو خيار
  • قطعتين جبنة قريش + خس أو خيار

 

سناك 1 “وجبة خفيفة بين الفطار والغداء”

  • كوب حليب خالي الدسم
  • أو نصف كوب حليب كامل الدسم

 

الغداء 

يمكنك الإختيار من بين:-

  • ربع فرخة مشوية من الصدر أو مسلوقة بدون جلد
  • ربع كيلو كفتة مشوية بدون دهون
  • ربع أرنب مشوي أو مسلوق
  • 2 قطعة جبنة قريش
  • علبة تونة بدون زيت
  • علبة سردين بدون زيت
  • 2 بيضة مسلوقة
  • ربع كيلو سمك مشوي

 

+ طبق سلطة “أساسي” هام جداً من أنواع الخضار الموجودة عندك

( طماطم + خيار + جزر + خس + فلفل .. )

 

+ طبق خضار محضر بطريقة صحية من الخيارات الآتية:-

  • سبانخ
  • كوسة
  • بروكلي
  • ملوخية

أو ثمرة باذنجان مشوية بدلاً من طبق الخضار

 

سناك 2 وجبة خفيفة بين الغداء والعشاء

ثمرة فاكهة

 

 

العشاء

يمكنك الإختيار من بين:-

  • ربع رغيف عيش بلدي + علبة زبادي
  • ربع رغيف عيش + بيضة مسلوقة
  • نصف رغيف عيش سن + علبة زبادي
  • 1 توست بني + علبة زبادي
  • 1 توست بني + جبنة بيضاء لايت 70 جرام على الأكثر
  • ربع رغيف عيش بلدي + قطعة جبنة قريش