نظام الصيام المتقطع يوم الاثنين 13 أبريل 2020

أفضل حاجة تبدأ بيها يومك، هي ملعقة من العسل الأبيض مذاب في كوب من الماء الدافئ ومعصور عليه نصف ليمونة، مشروب صباحي ممتاز، لرفع المناعة وتنشيط الحرق، وتحسين أداء الجهاز الهضمي، وإمدادك بالطاقة، وممكن تبدل معلقة العسل الأبيض “عسل النحل الطبيعي” بـ 3 تمرات.

زي ما اتفقنا هنقسم الوجبات المكتوبة في نظام اليوم على الـ 8 ساعات المسموح لينا فيهم بتناول الأكل، وباقي ساعات اليوم، هتكون صيام، بحيث نعطي لجسمنا فرصة إنه يحرق الدهون المتراكمة بفعالية.

ركزي على كمية النشويات “الأرز – العيش – المكرونة” في كل وجبة وموجودة فين بالظبط

“الفطار أو الغداء أو العشاء”

 

لو وزنك قليل ومش قادرة تطبقي الصيام المتقطع، إلتزمي بالمكتوب في الوجبات بدون ساعات صيام.

 

 

الفطار

يمكنك الإختيار من بين:-

  • بيضة مسلوقة + حبة بطاطس مسلوقة
  • 6 قطع بسكوت سادة + كوب شاي باللبن
  • 5 معالق فول + ربع رغيف عيش
  • ربع رغيف عيش بلدي + علبة زبادي + بيضة مسلوقة + ثمرة خيار
  • 2 علبة زبادي + 1 توست بني أو ربع رغيف عيش + ثمرة خيار
  • 2 قطعة جبنة قريش بوزن لا يتعدى 250 جرام + ربع رغيف عيش بلدي + ثمرة خيار
  • جبنة بيضاء لايت بوزن لا يتعدى 150 جرام + ربع رغيف عيش بلدي + ثمرة خيار
  • كوب حليب + 2 معلقة كبيرة شوفان
  • كوب حليب + 2 معلقة كبيرة كورن فلكس

 

سناك 1 “وجبة خفيفة بين الفطار والغداء”

 

ثمرة فاكهة

 

الغداء 

يمكنك الإختيار من بين:-

  • 6 معالق لوبيا
  • ربع فرخة مشوية من الصدر أو مسلوقة بدون جلد
  • ربع أرنب مشوي أو مسلوق
  • علبة تونة بدون زيت
  • علبة سردين بدون زيت
  • ربع كيلو لحمة مشوية أو مسلوقة
  • 2 بيضة مسلوقة
  • ربع كيلو سمك مشوي

+ 3 معالق أرز

أو 4 معالق مكرونة

أو ربع رغيف عيش بلدي

 

+ طبق سلطة “أساسي” هام جداً من أنواع الخضار الموجودة عندك

( طماطم + خيار + جزر + خس + فلفل .. )

 

+ طبق خضار محضر بطريقة صحية من الخيارات الآتية:-

  • سبانخ
  • فاصوليا خضراء
  • ملوخية

 

 

سناك 2 وجبة خفيفة بين الغداء والعشاء

 

لا يوجد

 

العشاء

يمكنك الإختيار من بين:-

  • علبة زبادي
  • كوب حليب خالي الدسم
  • نصف كوب حليب كامل الدسم
  • كوب لبن رائب